حب محكوم بالأعدام

part41

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

قبل عرس هاجر وملاك بيومين ذياب بدوام
طلعت من يم البنات بعد ما اتفقنا العصر نروح
لسوك حتئ نشتري بدلات للعرس ، اتفقت وياهن
واني بعدني مكايلة لذياب وهو ميحجي وياي

دخلت لغرفتي اخذت موبايلي من ؏ شحن
وطلعت رقم ذياب وضليت حايرة ادك لو ما ادك
اذا طلعت بدون ما اكلة اكيد راح يصخم عيشي
قررت اخابرة واكلة احسن من ما يطلع الطلعة من ؏ـيـُونـʊ̤ ..

اتصلت عليـة وايدي ؏ ڪلبـي خاف يفشلني ويكلي لا ترحين .. يرن الموبايل ومايرد تقريب راح ينسد الخط
و رد

... الو

ـ الو ها ذياب شلونك

... هَــلا

ـ شسمة ذياب ﭑريد آروحـح ويه البنات العصر لسوك

ذياب ... وهسه انا شفتهم هذا طلب لو امر

غمضت ؏ـيـُونـʊ̤ اصبࢪ بنفسي ؏ سوالفه
ـ لا طلب

ذياب ... تمـام روحِـ‏ʊ̤ الفلوس تندليها وواحد من الولد ياخذچن وامي لو وحدة من نسوان عمي وياجن

ـ اي هو هيج

ذياب ... زين مع السلامة

ـ الله وياك

سديته منه واني انفخ بضوجة حجية كله اوامر
سوي هيج وسوي هيج مايعرف يحجي بأسلوب

للعصر ورحنا اني والبنات كلهن ومرت عمي ام الاكبر
اخذنا الاكبر ، حجزن هاجر وملاك بدلات للحنه والعرس
والبنات هم اشترن واني اشتريت فستان لون جويتي
بدون اكمام طويل بيه نفشة خفيفة ڪـلش حلو وبسيط
واشتريت كم شغلـة هم ورجعنا للبيت ..

ثاني يوم صادف يوم الحنه حنة البنات العصر وحنة الزلم بليل ، كعدت من الصبح غسلت ونزلت لان عدنا هواي شغل اليوم ، لكيت بس نسوان موجودات محد
من الزلم موجود ..

ـ صباح الخيࢪ

ردن ... صباح نور

ماما ... تعاي تريكي يمة

ـ لا ماما ما اشتهي

بيبي ... الفاهية ليشۂ ماتشتهين عاجبج هذا جسمج
راح تنكطمين من الضعف

ـ يااا بيبي اني ضعيفة

بيبي ... اي ولله ضعيفه منيلج لحمة انا اهم بحفيدي شيلزم منج ما تكليلي

غرير ... اي ولله مكرود اخيّ

خزرتها الادبسز صفت ويه بيبي

ام ذياب ... يمه ما خابرتي رجلج ليمتة يوصل