حب محكوم بالأعدام

part21

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

طلعت ملابس ؏ سريع بدون ما انتبه الهن ولو ادري هيج حيصير مجان لبستهن ﭑصلاً

بدلت ونزلت ؏ سريع لكيتهم كاعدين يتريكون
ـ صباح الخير

بس رُسـل ردت عليـه وقحطان ﭑصلاً مارفع راسه وباوعلي ، كالتلي رُسـل
... تعالي تريكي وتونه

ـ ما شتهي

تريكوا هُما وقحطان راح يغسل واجه اخذ سويجه وجنطته وطلع حتى مَ كلف نفسه ينتظرنه نطلع وياه
قفلنا الباب اني ورُســل وطلعنه لكيناه صاعد بسيارة
وايدة مطلعها من الجامه بيها جگارة

صعدت ورا ورُسـل يمي
شغل وحرك وكف يم جامعتي مو مثل ڪُل يوم
نوصل رُسـل بلبدايـة ، حلو معناها مايريد يدخل وياي
لجامعـة

نزلت ؏ سريع وهوَ لحد الان ممباوع بخلقتي
رحت متوجهه لقسمي دخلت للقاعـة كم مجموعـة
من الطلاب اكو اول مادخلت صارت القاعـة هدوء ،
وكلها تباوعلي كعدت بمكاني اسمع صوت البنات وراي يبسبسن سويت روحِـ‏ʊ̤ ما مهتمه ..

ولسوء حظي جانت كوثر ما مداومه بس اني
احس روحِـ‏ʊ̤ غريبـة ورسـل قسمها بعيد عني
متوتره حيل وبس شخص يكلي بز ابچـي ..

شوي شوي تجمعوا الطلاب دخلن مجموعـة بنات
اعرفهن فد شايلات خشومهن واهم شي عدهن
لبسهن وبلدراسه كلشي ماكو ومنتبهتلهن من يدخل
قحطان ياكلنه اكل بعيونهن

من شافني كاعده عبرن من يمي وحجت وحدة
منهن بصوت عالي أسـَمها نرجس 

... ولله اكو ناس مايعرفون المستحى البارحۃ ترزلوا وبكل عين صلفة مداومين اليوم وكاعدين بينه ولا چنهم

ردت عليهه وحده من مجموعتها
... اي حُـبـʊ̤ هذا شغل الواسطات

يقصدن ؏ قحطان لان اني بت عمه مافصلوني عود 
احس نار شبت بيه بس ماحجيت دنكت راسي
وضليت ساكته

رد عليهن شاب من طلاب اعرفة ولد محترم وشاطر
... عيب هلحجي هاي انتن بنات مثلها وتحجن عليها
چَا شخليتن للولد البنيه مثل اختجن المفروض تسون نفسجن نسيتن السالفه وترا اغلبنا نغش فلا سوان نفسجن ڪـلش المعصومات اذكرجن شلون ذاك اليوم تعبرن القصصات بيناتجن لو تذكرن

اباوعلهن الصمن لصم وجوهن انكلبن صفر من الفشله كدام الطلاب ولو هنه من المكياج مايبين لون وجهن الحقيقي

باوعت لطالب بنظرات شكر هوَ ابتسملي
خلصت اول محاظرة وطلعوا الطلاب اني هم
طلعت ادور ؏ طالب الدافعلي لازم اشكره عيب اغلس