•𝙼𝚊𝚏𝚒𝚊 𝙶𝚊𝚖𝚎• | 𝙹𝚒𝚔𝚘𝚘𝚔 ✔️

01

"ඔයා මාෆියා නම්,
හිස ඔසවන්න."

හිස බිමට හරවන් හිටපු අයගෙන් එක් තරුණයෙක් හිමින් හිස ඔසවලා නිවේදනය කරන කෙනා දිහා බැලුවේ මූණටම වැටිලා තිබුණ කොණ්ඩෙත් අත් දෙකෙන්ම දෙපැත්තට කරන ගමන්.

"ඔයාට පුළුවන් සාමාන්‍ය මිනිස්සුන්ගෙන් එක් කෙනෙක් මරන්න.
කාවද තෝරගන්නේ ?"

මුලින් අකමැත්තකින් ආවත් මේ වෙද්දි මාෆියා තරුණයාගේ මූණෙ තිබුණෙ කපටි හිනාවක්. තමන්ට පුටු හතරක් එහා පැත්තෙන් හිටපු කෙනෙක් පෙන්නපු තරුණයා ඇස් දෙක හීනි කරලා හිනා වුණේ එයාගේ ඉස්සරහ දත් සෙට් එකම අනිත් අයට පෙනෙද්දි. මාෆියා තරුණයාගේ කාලය අවසන් වෙද්දි හිස පහත් කරගෙන එයත් නින්දට වැටුණා.

"ඔයා ඩොක්ටර් නම්,
හිස ඔසවන්න."

නිවේදනය කරපු කෙනා ආයෙත් කියද්දි තවත් කෙනෙක් ඔලුව ඉස්සුවා. එයාට තිබ්බේ ලස්සන හිනාවක්.

"සාමාන්‍ය මිනිස්සුන්ගෙන් කෙනෙක් බේරගන්න ඔයාට පුළුවන්."

නිවේදකයා එහෙම කියද්දි ඒ හිනාවෙන්ම එයා සාමාන්‍ය මිනිස්සුන්ගෙන් කෙනෙක් තෝරගත්තා. ඩොක්ටර්ට හම්බුණ වෙලාවත් ඉවර වෙද්දි එයත් හිස පහත් කරා. ආහ්.. එයා හිටියේ මාෆියාට පුටු දෙකකට පස්සෙ.

"ඔයා පොලිස් නිලධාරියා නම්,
හිස ඔසවන්න."

ඇත්තටම නින්දට වැටුණ කෙනෙක් වගේ තරුණයෙක් නිදිමතෙන්ම හිස ඔසවලා බැලුවේ නිවේදකයා දිහා. ඒ බැල්ම නිකන් 'මොන කරදරයක්ද' වගේ එකක්.

"මාෆියාව පරීක්ෂා කරන්න ඔයාට පුලුවන්."

නිදිමතේම තමන්ට එහා පැත්තෙ කෙනාව පෙන්නපු පොලිස් නිලදාරියා නිවේදකයා දිහා බැලුවා.

"එයා සාමාන්‍ය පුරවැසියෙක්."

නිවේදකයා රහසින් නිදිමතේ හිටපු කෙනාට කිව්වේ. ඒත් එක්කම ඇහුණ 'බීප්' සද්දයත් එක්කම හැම එක්කෙනාම ඔලුව උස්සලා බැලුවේ ඇත්තටම එක රාත්‍රියක් පහු කරා කියන්න ඇක්ට් එකකුත් කරලා.

"ඕහ්.. අවාසනාවන්ත විදිහට සාමාන්‍ය පුරවැසියෙක් වුණ මින් යුන්ගිව මාෆියා මැරුවා."