2

2.5K 178 1

by nyonyocool

by nyonyocool

ညနေ ၅ နာရီထိုးတာနဲ့ ဝမ်ဥက္ကဋ္ဌက ရှောင်းကျန့်ကို ရုံးဆင်းစေပြီး သူ့ယာဉ်မောင်းကို ဝမ်အိမ်ကိုလိုက်ပို့စေတယ်။ မနေ့ညက သူအိမ်ပြန်ရောက်ချိန်မှာ သားဖြစ်သူအခန်းကို တံခါးကိုအသာလှပ်လို့ ချောင်းကြည့်လိုက်တယ်။ အရင်ဆိုရင် ဂိမ်းပဲဆော့နေတဲ့ကလေးက စာဖတ်နေတာတွေ့ရတော့ ကျေနပ်သွားတယ်။ ရှောင်းကျန့်က တစ်ကယ်ကို သူ့သားလေးကို ကိုင်တွယ်နိုင်တာပဲ။ သူက သားလေးအတွက် သင့်တော်တဲ့ Guide တစ်ယောက်ရှာတွေ့သွားတာတော်သေးတာပေါ့။

ယာဥ်ကြောပိတ်ဆို့နေတာရယ်ကြောင့် ဝမ်အိမ်ကိုရောက်တော့ ၆ နာရီထိုးတော့မယ်။ ရှောင်းကျန့်က ဝမ်ရိပေါ်အခန်းတံခါးခေါက်ပြီး ဝင်လိုက်တယ်။ အားရစရာပဲ ကိုယ်တော်လေးက ကုတင်ပေါ်မှာအပူအပင်ကင်းစွာနဲ့ ပိုးလိုးပတ်လက်အိပ်နေလေရဲ့။

ရှောင်းကျန့်က ဝမ်ရိပေါ်ကို တင်းမာတဲ့လေသံနဲ့ လှုပ်နှိုးလိုက်တယ်။
"ထတော့! စာသင်ချိန်ရောက်ပြီ။"

ရှောင်းကျန့်က ဝမ်ရိပေါ်မျက်လုံးပွင့်လာတာနဲ့ လက်မောင်းကိုကိုင်ဆွဲပြီး စာကြည့်စားပွဲဆီ ခေါ်လာလိုက်တယ်။ မျက်နှာမှာလည်း အရယ်အပြုံးမဲ့လျက်ပေါ့။ ပုံမှန်ဆိုရင် ရှောင်းကျန့်က မျက်နှာချိုပြီးဖော်ရွေတဲ့သူပါ။ အခုတော့ ဘာကိုမှအလေးအနက်မရှိတဲ့ သူဌေးသားလေးကို ထိန်းချုပ်နိုင်ဖို့ လူကြမ်းဇာတ်ခင်းနေရတယ်။

ဝမ်ရိပေါ်က အိပ်နေရာက မျက်လုံးကို မဖွင့်ချင်ဖွင့်ချင်နဲ့ ဖွင့်လိုက်တယ်ဆိုရင်ပဲ ရှောင်းကျန့်က သူ့ကို အတင်းဆွဲခေါ်လာတာကြောင့် စိတ်ဆိုးသွားပြီး ရွဲ့ပြောလိုက်တယ်။
"အဖေက Guide ရှာပေးတာလား? လူဆိုးရှာပေးထားတာလား?"

ချစ်ရည်းစားထားချင်တယ်(Complete)

2

Promoted stories

You'll also like