بلاي ي جابر بعناد روس الرجال

البارت الرابع

لايك وتعليق يحمسني اكتب 🤍🤍.
يوم زواج صقر
كان بيت الجد قايد به زواج الحريم بما انه الجد وكان الكل بحالة استنفار جماعي وجو البنات يساعدون بتجهيز ويجهزون ببيت جدهم والجد قايد يشرف على تحضيرات الزواج مع الرجال ( زواجهم كان زواج الناس قبل وبحكم انهم من نجد المكان الصغير والناس متمسكو بالعاده زواجاتهم الحريم بالحوش بالبيت ورجال بساحه بنص المدينه والعروس ماتتشرع )
عند العيال بالحلاق
كان المسجل شغال والرقص والوناسه
سالم : يالله لو كل يوم عندنا عرس
نايف : ايي يطلع كل يوم وناسه
جابر : تم نزوج صقر اربعه وانت وياه اربعه وانا وخالد وخلف بعد اربع حريم
خالد : لا لا ابعد عني انا رجال اتزوج وحده وبس
نايف وسالم بصوت واحد : وحناا بعد
خلف : ضيفني عليهم انا مالي خلق مهاوش الحريم
صقر : اي ي حياتي مانبي الصداع ولجه والهواش خليناه لك انت
جابر وهو ميت ضحك منهم : نمزح نمزح اكلتني انت وياه
خالد : لا تمزح مرا ثانيه بطاري ذا
جابر : خالد طالبك
خالد : تم قبل لتقول
جابر : نبي نسمع منك قصيده
خلف : اي يخوك نبي نسمع شي غير الاغاني
خالد : ابشرو ويبشر باحسن القصايد العريس
صقر : كفو والفال لك
دق قلب خالد : انشاء الله . وبعد سكوت شوي قال
" اسمع كلامي وانا ماحب كثر الكلام
ابي حياتي لحالي مابي لي شريك
مابي اعرض حياتي للـمحبه
مادام ضيعت عمري معك وانا احبك وابيك"
صقر حب راس خالد بضحك : كفو خليتنى نبدا اليوم زين
خالد : احم احم
جابر بضحك : لاتشوف نفسك ترا احلا مابك قصايدك بس
الكل : هههههههههههههههههههههههههههههههههههههههههههههههههههه
خالد : اي هين . ورجعو لجو الاغاني والضحك وبعدها رجعو لبيت جدهم
.........................
عند الحريم
وعد : ي ربييي تعبت خلصنا اخيراً يلا يلا خلصو لبس ومكياج مابقى وقت
ساره : انا خلصت
رغد : وانا بعد
روابي : وانا
سلمى وحلا والمها : وحنا بعد
وعد بضحك : مابقى الا البارده ( البطيئة )
الكل : هههههههههههههههههههههههههههههههههههههههههههههههههههه
جود : اي اضحكو اضحكو خلصت ترا
رغد : يلا اجل امشو
قبل يطلعون قالت جواهر بصراخ : لا والله وانا وشو ليه محد ينتظرني !
سلمى : بنات تسمعون احد يتكلم !
روابي : لا مانسمع
جواهر سحبت يد سلمى قوه وجت بتضربها بس وقفتها المها الي مسكت يدها وقالت : لا لا ايدك تنكسر ماتطول عندنا فاهمه
جواهر بستهزاء : ومن بيكسر ايدي انشاء الله انتي ولا ابوك المعقد ولا العصابه الي معك او اخوانك مثلاً
من خلصت كلامها جاها كف قوي من وعد وقالت : لا لا حدك لاتحسبين تسبينا وتسبين عمي ونسكت تراك غلطانه والي بتكسر ايدك انا فاهمه
المها : وبتشوفين ان كلمتك ماراح انساها لك واعلمك التخلف على اصوله ي قليلة الادب
جواهر : وانا بعلمك انتي ووعد ان اليد الي تنمد علي تنكسر وروني وش بتسون ... وطلعت 
وعد وهي تضحك : ماعليكم منها وخلونا نتوزع ساره روحي عند عماتي وساعديهم وانا ورغد نجهز اغراض ابوي واخواني ونوديها لهم وروابي عمي وجابر والمها وحلا وجود وسلمى عمي فيصل وخالد وسالم
وراحو كل وحده تخلص اخر المهام ومنها تسلم على اخوانها وابوها
بالحوش الي ورا كان تركي وعياله وجت وعد ورغد
وعد وهي تدور : وش رايكم
صقر : والله مدري العروس زوجتي ولا انتن الضاهر انكن غطيتن عليها
نايف بضحك : الضاهر بعد عرسك المعاريس صف عند باب بيتنا يخطبونكن وارتاح انا منكم مرا وحده
وعد : ي روحي ي صقر وانت قاعده على قلبك ماني رايحه
رغد : وانا الضاهر بحول عليك واخطب لك وحده اليوم
نايف : لا لا بسم الله علي ابعدي عني تكفين
ابو صقر : اي تستاهل وش دخلك ببناتي هاه
نايف : صقر قلبو علي اوقف معي
صقر : لا ي حياتي اليوم انا ماني واقف مع احد ابي انبسط وافرح
وعد : اهم شي انك ساكن عندنا مو ببيت لحالك وتخلينا 
صقر : افا وانا اخوك انا اخليكم معصي
وعد : كفو
رغد : اليوم فرح بتقلبونها حزن
نايف : محد يقلبها حزن ابد وشغلو المسجل خلونا نرقص
ركضت وعد ورجعت معها المسجل وشغلته وبدو يرقصون ويضحكون وحتى ابو صقر معهم وهو فرحان ان اليوم زواج اول عياله واكبرهم 
اما بالطرف الثاني كان فيصل وعياله
ابو خالد اخذ اغراضه وسلم على بناته ومشى للرجال
سلمى : وش رايكم باشكالنا ؟
سالم : يزين خواتي لا بالله غطيتو على الكل
خالد : اي والله يعجز السان بوصفكن 
المها : كافي الي تقولونه هاذا يعطينا ثقه لسنه قدام
جود : والله اننا محظوظين فيكم
خالد بضحك : سلموه لاوصيك طلعي حرتك بجواهر
سلمى وهي تضحك : لا توصي حريص
حلا : فاتك نص عمرك
المها : حلااا
حلا : عادي ابوي مو هنا
سالم : خواتي واعرفكم وش عندكن وش صاير
حلا بدت تقول لهم كل شي سالم بغضب : والله انها قليلة ادب ومو متربيه ولا تقول عن خالها كذا هالي ماتستحي
جود : وعد بردت قلبي بالكف الي عطتها اياه والمها بالكلام الي قالته احس انه صدق برد وجه جواهر
خالد الي انبسط بالي سوته وعد : ولا اوصيكم ادبوها مع اني ماتي متوقع من بنت الردي ذا تتادب ابد
سلمى : ماعليك وانا اختكم 
حلا : تدرون عاد جواهر طالعه على ابوها اما ساره على عمتي وهي ي حرام تنحرج من فعايل اختها
خالد : الله يعينها على مابتلاها
سالم بضحك : والله يعين ابوي على برودك يلا
الكل : هههههههههههههههههههههههههههههههههههههههههههههههههههه
وراحو ورجعو البنات داخل
وبطرف ثاني كان هناك خالد ابو جابر وعياله
روابي وهي تبخر ابوها وجابر : وش رايكم فيني بالله سنعه ابخركم
جابر بضحك : اي مو حنا مانشوف امي من اليوم تغمز لك  ابو جابر : وانت وش عليك فيها خلها تدلل بنيتي
جابر : وحنا لنا الله انا وامي صح ولا
ابو جابر بضحك وهو سحب ام جابر يمه وتكى على كتفها : انت اي امك لا عاد هاذي تغطي عليك انت واختك
جابر وروابي بدو يصفرون ويضحكون : طلع الحب الي فيك يبه
روابي : وه يزين الي تستحي
ام جابر الي صار وجها احمر من الخجل : بس انت وايها احرجتوني
ابو جابر وهو يضحك : يلا يلا جابر تأخرنا
وراح هو وجابر بعد ماسلمو على روابي وامها الي هنا زاد الحرج عندها وبعد ماراحو قالت روابي وهي تمسك خدود امها : وهه يزينتس وانتي مستحيه ... وانحاشت قبل تهاوشها امها 
......................
ببيت خلف
ام خلف : يلا ي بنات خلصو
ترف : انا خالصه
نوف : انا بس ألبس اكسسواراتي وخلاص
خلف الي توه جاي من الحلاق : اوه اوه وش ذا الزين
ترف : طالعين عليك
خلف بضحك: رفوف وش عندك اليوم مافي هواش مع نوف والكلام ادب وش صاير
نوف : انتضر دقايق وتسمعها تهاوش
ترف تخصرت : قلبتو عليي اشوف
خلف : ماعاش الي يقلب عليك نمزح
ام خلف كانت تتأمل عيالها وتدعي الله لايفرق عليهم وراحو للعرس ..
............... عند الرجال
الي بدا عندهم جو العرس والسامري والعرضة والناس تردد مع بعض العرضه : لابكت نجد العذيه تهل دموعنا بالهنادي قاصرين الشوارب قومها
حن هل العادات ومخضبين سيوفها
والطيور الحايمه جادعين لحومها
والكل فرحان ويضحك واخيراً جا الوقت الي انتضره صقر وقت الزفه وكانت سيارات كثير تزفه والكل حاط اغنية : "اعدلو الصف معرسنا حضر
اعدلو الصف معرسنا حضر
باركو له عسى عمره طويل
وافرحوا له خذى غاية مُناه"
والكل يردد وفرحان لصقر
نايف بضحك : صقور وش فيك التوتر بيذبحك ماتوقعتك طقوع
صقر : نايفوه ابعد عن وجهي
سالم : افا ي صقر وانا اقول صقر وصقر اخر شي كذا
صقر : وانا اقول لو ماسكت ياويلك
خالد وهو يضحك : خلاص خلاص ابعدوا عنه انت وياه
جابر بضحك : صقر هاذا ابو البنت واخوانها ليكون غيرو رايهم ولا انت مسوي شي اعترف
صقر الي لف بقوه وصدمه : هاااا
خلف وهو ميت ضحك : يمزح معاك طلعت خواف
الكل بدا يضحك ضحك هستيري وشمغهم طاحت لين وصلو وهم يضحكون وصقر بعد ولما نزلو
نايف : خلاص ي صقر اضحك والله نمزح معك
صقر يمثل الزعل : وش هالمزح الخبل مثلك انت وياه
خالد : ماعليك منه هاوشه بعدين تعال اعدل لك شماغك ونعطرك
عدلو شماغه واغراضه وهم يطقطقون عليه
خلف بضحك : انتبه ي رجال لتطيح من التوتر
صقر وهو يضحك : خليف نشوفك ليتزوجت وش تسوي    ودخل صقر وابوه واهل البنت داخل واول مادخل جمد بمكانه من التوتر وبعد توصيات طلع الكل وبقى صقر و مهره زوجته وبعد دقايق طلعو للفندق
..........................
عند الحريم
كان الجو حلو ورقص ووناسه وضحك
جت ام خالد : يبنات من فيكم تروح تجيب فناجيل من المطبخ الخارجي ؟
سلمى : انا يمه
وعد بضحك : لا ي حبيبتي انا اخت المعرس وانا اجيب
روابي : هاويه شقى ( شغل ) روحي الله معك
ام خالد : بس يمكن العيال يروحون هناك البسي عباتك وطرحتك
وعد : ابشري   . وراحت بس قبل لتروح قالت لها سلمى بروح معاك ابعد عن الشغل هنا وراحو مع بعض وكانو لابسات عبايه وطرحه
وعد : مادري ليه لازم يجون هنا كل شوي
سلمى : والله مدري بس الي اعرفه انهم يتطمنون علينا هنا واذا بغو شي جو للمطبخ ياخذونه ويروحون
ولما وصلو وقفو بخوف بعيد عن باب المطبخ شوي لما سمعو صوت بالمطبخ
سلمى بخوف وهمس :و  وش الصوت ذا
وعد بتوتر : مدري مدري ليكون حرامي
سلمى الي زاد خوفها : خلينا نقرب شوي يمكن بسه
وعد مسكت يد سلمى بخوف : طيب
وصارخن مع بعض اول ماصقعن بشخص كان الشخص ذا خالد جاي ياخذ كرتون ورافع الكرتون لوجهه وهاذا الي خلاه مايشوفهن وهن قدامه ولما نزله من التوتر ماعرف هن منو وقال : وجعع الله ياخذكم خرعتني من انـ سكت اول ماشاف وعد قدامه هي وسلمى
وعد صدت بسرعه وحطت الشيله على وجها : ماشفناك
سلمى : انت جاي هنا بعد ومنت مولع المبه ولا شي قلنا اكيد حرامي ولا جن
خالد بغيره : ماصار شي بس ثاني مرا تغطو اذا جيتو هنا لو احد ثاني جاي غيري ها
سلمى : طيب
اما وعد كانت ساكته وهي منحرجه انها طلعت بوجهه
خالد : وعد تعورتي
وعد بتوتر : لا
خالد : طيب   . وطلع وخذو البنات الفناجيل ورجعو بسرعه
ترف : وش فيكم
روابي : الي يشوفكم يقول لاحقكم جني
رغد عطتهم مي : اشربو المي وقولو وش صاير
وقالو الي صار والبنات ماتو ضحك
حلا : يوه طلعتن خوافات
جود : ولا مسويات انهم مايخافن واخر شي كذا
المها : شرايكم نجيب لكم قهوه وكملو سوالف
البنات : ايي تكفين
المها : اقول يلا انتي وياها كل وحده تقوم يلا
رغد : يلا
وراحو يكملون العرس وهم مبسوطين ووعد كانت مستحيه من الموقف بس دقايق ورجعت تعيش جو عرس اخوها عاديي
...............................
وبكذا خلص العرس .. ثاني يوم ببيت فيصل
المها : يبنات شفتو جيرانا بناتهم يهبلونن
حلا : ايي وبذات الصغيره ي بنات تجنن
جود : يالله احس ودي نقول لخالد يتزوجها تهبل طبع وشكل
سلمى : اي حتى كلامها كيوت
المها : دام ذا رايكم كلكلم نقول لمي ونقول لخالد وهم جيرانا من عمر بعد نعرفهم
جت ام خالد : ها بديتو حش بالناس ارحمو حالكم شوي
حلا : لا يما وزين انك جيتي
ام خالد : خير
المها : خير خير انشاء الله وحنا نبيك بسالفه
سلمى : نبي نخطب لخالد
ام خالد : وشوو
المها : يمه ماعليك من سلمى ملقوفه شفتي هيا بنت جارتنا ام عبد الكريم هي الي بنخطبها له وش رايك البنت تجنن طبع واخلاق وشكل
ام خالد بصدمه : اي بس خالد الراي رايه
جود : اكيد اكيد بس حنا قلنا لك اول وبعدين نقول له
دخل خالد : صبحهم بالخير
الكل : صباح النور.. ياهلا
سلمى : تعال تعال بغيناك بسالفه ... جلس خالد : هلا
حلا : خالد ماودك نخطب لك
خالد بضحك : وشو قررتو تخلصون مني
جود : لا ي خوي بس كذا وبعدين شفنا وحده وودنا نخطبها لك
خالد بصدمه : هااا
سلمى : البنت تهبل جمـ قبل لتكم سكتتها المها
المها : خبله انتي توصفين البنت
سلمى : نسيت
ام خالد : ماعليك منهن يما انا اقول لك حنا ودنا نخطب لك هيا بنت ابو عبدالكريم جارنا وش قلت
خالد بسرعه : لا لا لا انا مابي والله يرزق البنت النصيب الي احسن مني وقفلو الموضوع خلاص .. وراح
سلمى : بنات ليكون زعل
حلا بندم : اي اتوقع مدري ليه جت الفكره ببالي
جود : ماعليه حنى نروح الحين ونعرف اذا زعل او لا
المها : يلا يلا امشو
......................
ببيت تركي   كان الجد قايد نايم عندهم
ابو صقر : صباح الخير يبا
الجد : هلا صبحك بنور
ابو صقر : اخبارك بعد تعب امس
الجد : الحمدالله اهم شي صقور فرحان
ابو صقر : الحمدالله
جا نايف ورغد ووعد معهم القهوه والشاهي وحبو راس ابوهم وجدهم : صبحكم بالخير
الكل : صباح النور
وعد : اخباركم اليوم
الجد : الحمدالله
ابو صقر : بخير يبنيتي
رغد : صقر بيجي على شوي
نايف بضحك : يوه مايمدي اكسف فيكن
ابو صقر ضربه بالعصا قوه : تعقب وانا موجود تكسف بخواتك
نايف بألم : اححح يبا عورتني امزح معهم
الجد : تستاهل
وعد ورغد : كفو جدي كفو يبا       وقعدو يضحكن وراحو يسون الفطور
بالمطبخ
وعد : يالله احس للحين بي طاقه
رغد : اي والله حتى انا مع انه المفروض نكون تعبانات
وعد : رغد تكفين طلبتك
رغد : ابشري وانا اختك
وعد : نبي نروح للمزرعه الي بالبر حقت جدي
رغد : ودي بس صقر بيجي عيب ناخذ البنت من اول يوم للبر
وعد : تكفين اقنعيهم وبعدين عادي وذا خليها تعرفنا من اول يوم صدق
رغد ضحكت : مافيه منتس فايده لبغيتي الشي خليتيه سهل والمشكله اني مارفض لك طلب
وعد حضنتها : كفووو وربي انك كفو
رغد : بشرط
وعد : ابشري
رغد تخلصين الفطور بسرعه وتتركين السوالف 
وعد : تم ..... خلصو الفطور وحطوه وقعدو يفطرون
رغد : يبه جدي يصير نطلع لمزرعة جدي طلعه حنا وعمامي مشتهين نطلع لها
وعد : اي تكفونن من زمان عن المزرعه بالله
نايف : هالمره انني اوافقكن الراي اخواتي ومشتاق للمزرعه بالحيل
ابو صقر : وش قلت يبه 
الجد قايد : يبشرون احفادي بالي يبون
ركضت وعد تحضن جدها : كفوو والله افضل جد
نايف : انا بتصل عليهم اخبرهم وانتي يارغد اتصلي على صقر وعلميه ...... وبعد 5 دقايق انتشر الخبر والكل مبسوط ويتجهز
.............................
بالفندق عند صقر
صقر : مهره وينك تعالي
جت مهره وجلست : سم
صقر ببتسامه : اتصلت رغد تقول بنروح للمزرعه تجهزي
مهره بصدمه : مزرعه ؟؟
صقر بضحك على صدمتها : اي مزرعة جدي ومنها تتعرفين على الكل هناك
مهره : ابشر. وراحت تتجهز
......................
ببيت خالد
جابر : روابيوه وينك
روابي : هنا هنا وش فيك تصارخ
جابر : خلاص الضاهر انك ماتبين تروحين
نقزت روابي وتمسكت بيده : الا الا وين
فطس جابر ضحك : ايي ادب وبعدين تقولين بتروحين وماتدرين وين غبيه انتي الناس تسأل وين اول
روابي : عادي اي مكان اروح المهم الحين وين ؟
جت ام جابر : وش فيكم
جابر : يمه تجهزو بنروح بعد صلاة الضهر للمزرعه
روابي وهي تنقز : ايي هاذي الاخبار الحلوه
جابر : شوي شوي على نفسك لتجيك صدمه قلبيه
ام جابر : خلاص اجل حنا نتجهز ونجهز الغدا بدري
جابر : لا يمه نتغدى هناك خالد يقول بيروح بدري ويضبط لنا غدا
ام جابر : قواه الله
..........................
ببيت فيصل
كانو البنات قاعدات يتقهون
دخل خالد : ي بنات وينكم
المها : هنا هنا
سلمى بضحك : سكنهم مساكنهم وش صاير
جلس خالد ودفها : ماش الشرهه على الي بيونسك
تربعت سلمى ولفت عليه : امزح معاك اخوي الغالي
خالد : ابد زعلت
سلمى صبت له قهوه : اي اعرف وش يروق بك ووش الي يونسني قل تحمست
جود : عز الله لمصلحتها تصير احسن وحده
حلا : ماعليكم منها وش الي بتقول تحمسنا
سكت خالد يبي يلعب بعصابهن شوي
المها : خاااالد تكلم
خالد : نبي نروح للمزرعه تجهزو
فزو البنات كلهم : اي ذي الاخبار
خالد : بس خمس دقايق القاكم خالصين بنروح بدري ولاتاخذن شي غير القهوه بناخذ بطريقنا بسرعه
ممدا خلص كلامه الا سلمى قاعده قدامه تلبس عباتها
خالد : يهب مسرع جبتيها ولبستي
سلمى وهي تربط نقابها : انتم ناس بارده وانا ماعندي صبر
جود: الله يعطيني سرعتك يبنت
حلا : لاا ترا لمصلحتها بس
سلمى : طبعاً
وركبو السياره بنص الطريق
المها : خالد شغل لنا شي نسمعه
سلمى : اييي تكفى نبي ذكرى عزيزه وبداها من النص
خالد : ابشرو ي عيون خالد انتم .. وشغلها واعتلى صوت البنات يكررون معها
" العام شاعرك كنتي من محبينه
واليوم مكسور من صدمت محبيني
قولي لي منهو بعد حبي تحبينه
اني احبك لو انك ماتحبيني
قولي له ان المحبه في شرايينه
قولي له ان الخيانه في شراييني "
سلمى : يالله يزينها الشيله احسه يغني من احساس كبير
جود : ايي تهبل
حلا : خالد سالم مو جاي
خالد : الا جاي شلون مايجي وحبيب قلبه نايف هناك 
المها :ههههههههههههههههه الله يديمهم لبعض يارب
خالد : امين
وبعد شوي وصلو للمزرعه ونزلو الفرشه وفرشوها وقعدن البنات يسون شبة النار ينتظرن خالد يجي معه بحر ( خالد وجابر وخلف عندهم خيل وحاطينه بمزرعة الجد قايد وبحر خيل خالد ) وبعد دقايق جا خالد مسرع واكب الحصان وقرب عند جود وابعد الي صارخت باعلى صوتها خايفه من الخيل خالد : وش فيتس انتِ احد يخاف من بحر
جود ببكي : ايي انا اخاف   نزل خالد وحضنها وهو يشوفها تبكي : اسف يخوك توقعت انك تغلبتي على خوفك
جود وهي تمسح دموعها : خلاص ماصار شي
حلا بضحك: دلوعه
جود وهي تبكي : انقلعي
سلمى : خااالدد ابي اركب طالبتك تكفى ياخوي
خالد ضحك : ماش تدرين انك لاقلتي تكفى ياخوي ماقول شي ابد الشري تعالي .. ركضت له سلمى وركبها معه
سلمى : الله وناااسه يجنن
خالد بضحك : دام وناسه تحملي ... واسرع بالحصان حيلل سلمى رفعت يدينها لسما وهي تضحك : اسرع اكثرر .. وبعد لعب بلخيل وتصويره وضحكهم اذن الضهر جاء جابر ونايف  وسالم معه ابوه وامه ودخلو البنات داخل والعيال فرشو لهم برا
جابر : يالله جوااعان متى يجي اخوك
نايف بضحك : أظاهر نسانا
سالم : والي جمبك نسانا من شم ريحت الاكل
الكل :هههههههههههههههههههههههههههههههههههههههههههههههههههه 
جابر : هين هين ي سالم اوريك  يبه يضحكون على ولدك
ابو جابر : ولدي شاف الاكل انصرع كنه وغد
خالد وهو يصفق : اااحح قويه جت بنص جبهتك
جابر يمثل الزعل : انقلع انقلع انت وياه مردكم لي
جاء صقر : السلام عليكم
الكل : وعليكم السلام
صقر : اووه هاذا كم مرا باليوم يقول مردكم لي وماشفنا شي
نايف : عدد كبير باليوم
سالم بعده بسرعه : مستحيل تعد بعد
جابر دف خالد: شفف مالت عليك الاخوياء تحالفو ضدي
خالد مسك العصاء وضربهم على رجلهم :  حدكم عاااد وانا بروح اقول للبنات يحطن الغدا
فزو نايف وسالم وهم يصارخون من الوجع : الله يتخذك ي خالد عما مو مزح ذا
جابر الي انسدح ميت ضحك : احسنن كفوو وربي ولد العم
ضحك خالد من بعيد : اعجبك . ونايف وسالم يتحلفون فيهم
عند البنات كانو قاعدين سوالف وضحك وهواش
سلمى : اخخخ يزين القعده من غير تس تس
وعد ضحكت : اصدق شي قلتيه
جود : بس وربي ساره لها فقدي يعيني هي
روابي : وعمتي بعد والله
حلا : كلهم زينين بس لو الله يفكنا من تس تس حنا بخير
المها : بنات شوفو امي وخالتي يتساسرون عندهم سالفه
رغد : اي اتوقع
سلمى بلقافه : يمه خالتي وش عندكم ؟؟
ام خالد بضحك : ورا ماتذلفين وتخلين هالقافه !
سلمى ضحكت : ابشري طال عمرك
وعد وهي تصفق : اايي كفو خالتي حيلك فيها
ام خالد وهي تغمز لوعد : تبين احول عليك ولا تسـ..
وعد قاطعتها وهي عارفه ان اذا ماسكتت ام خالد بترفض تخليهم يروحون يتمشون ( ام خالد تعاملهم زي بناتها ): لا لا اسكت اسفه
ضحكو البنات كلهم على تفشيلة ام خالد لسلمى ووعد الي ضحكو مع الباقي
وطلعن يلعبن قبل تروح الشمس   وعد : بنات وش رايكم نتسابق ؟
الكل : تمم  لفو البنات على صوت العيال
جود تخصرت : خيرر وش تبون
جابر بضحك : ابد طال عمرك جايين نحارش ونروح
جود تبي تستفزه : تعقب تحارشنا نسكت لك يعني
جابر صقع رجله بلارض يخوفها بضحك : من يعقب يورع
جود اندست ورا خالد : اسفه اسفه
خالد : ماتعتذرين منه وانتي اخت خالد اوريك فيه . . وركض ورا جابر وسالم ونايف وصقر خاصرو جابر ومسكه خالد . جابر : اوريكم تعاونتم علي هين
خالد : جوده تعالي
جت جود  خالد : وش تبين نسوي فيه اختاري وابشري
لف خالد على الحصاء الي تصقعه ولف : اوريك مسويه فزعه انتي ووجهك
روابي وهي تقط حصاء وتضحك : خل اخوي ولا بذي على راسك يبو راس
جابر : كفو كفو اخت جابر . ولف بسرعه يد نايف ومسك نايف وضحك : ابعدو لطيحه بسرعه
وعد مسكت عصاء جت ورا جابر بهدوء وضربته على رجله : ابعد عن اخوي احسن لك انت ورجلينك وش طولهن
نايف : اييي مو بس انت عندك فزعه هاا
وبدو يلحقون بعض على الحال ذا وطاحت السالفه على العيال الي مايقدرون يضربون البنات اما المها وحلا وسلمى ورغد انضمو للفزعه كل وحده مع اخوانها بعد نص ساعه
خالد جلس بتعب : خلاص انهد حيلي
جلسو كلهم وهم تعبانين من الركض والعب فجأه فزت وعد وهي تجلس بين اخوانها وتلف تناضر واحد واحد تعطيه نضره بريئه : طلبتكم تكفون
نايف فز : ابشري
صقر حط يده على كتفها : امري
وعد : بركب الخيل
نايف : ها خالد او جابر يعطينا خيله
خالد بسرعه : انا
سلمى وروابي بنفس الوقت : وحناا نبي نركب الحيل بعد   وناضرو بعض وضحكو   وقامو كلهم للخيل
رغد ووعد بخيل خالد بحر وروابي بخيل اخوها برق وخوات خالد بخيل خلف الي عندهم بلمزرعه لان خالد اصر ان وعد ورغد يركبون حصانه
وبدو اول الي ركبو وعد ومعاها نايف وروابي ومعها جابر وسلمى ومعاها خالد لانهن مايعرفن وكل وحده طبعاً كانت لابسه عباتها ونقابها ولابسات بنطلون واسع حيل لونه اسود علشان انهم راكبين خيل بعد ربع ساعه نزلن
وركبو رغد معها صقر والمها معها سالم وحلا معها خالد اما جود رفضت لانها تخاف ولما جاء وقت غروب الشمس نزلو ورجعو كلهم لمكانها الرجال بلخيمه والحريم بخيمه ثانيه
عند الرجال ..
جابر : اخخ والله تعبت
نايف : ايي وانا بعد
خلف الي جاهم قبل دقايق وعلموه : تستاهلون تراكضون مع الحريم وش عندكم
خالد بتعب : لا والله الي يسمعك ماتضحك وتلعب مع خواتك ؟
خلف ضحك وهمس لهم : اسكت خلنا نسوي شوي قدام ابوك وعمامك
جابر ضحك بخبث : ايي هين اوريك اعلمهم
نايف عطا خلف عصا : حيلك به
خلف صقع حابر برجله خفيف : هاا وش بتقول
جابر بألم : احح عمى تو وعدوه صاقعتني على رجلي
نايف : حيي عينها احت نايف
صقر ضحك : اي لتجي اخوانها ترا تكسر رجلك المره الجايه
خالد اخذ العصاء وضرب جابر وهمس : لاتغلط يورع
جابر مات ضحك ومحد فهم ليه ضحك الا خلف وخالد
خلف همس وهو ميت ضحك : اثقل لتصير خفيف
ابو خالد : اقول انت وياه وش عندكم بلمساسر تبون تقولون شي قولوه مثل الرجال قدامنا
خالد بصدمه : افا وحنا وش يبه
ابو خالد ناضره بطرف عين وصد وضحكو العيال
الجد : اقول فيصل ترا كل شي الا خالد ها
خالد فز وراح حب راس جده : ايي جدي شفت شلون 
الجد همس : ترا لقام محد يفكك اهجد   خالد ضحك بخفيف 
سالم : خالدوه عطنا قصيده
خالد ناضره : كنك حسران ولا
سالم : لا لا اخوي الغالي
نايف : ههههههههههههههههههههههههههه خله يتأدب
صقر : لتأدب خويه
نايف حط يده على راسه : ماهقيتها منك
الكل : هههههههههههههههههههههههههههههههههههههههههههههههههههه
سالم : بتعطينا ولا شلون الحين
خالد تنحنح :
مالي بناس دامك لعيوني نظر
ايي ماعشقت اسمي الا على صوته
عودتني مانام الا على ذكراك
اي انا هاايم في عيونك
عيونك خذت حسن القمر ولمعة النجوم
وانتِ بين الناس محبوبتي
سالم صفر ولف على ابوه : يبه بعد القصيد زوجني
نايف ضربه : ممدا ي خفيف سمعة قصيدة حًب تبي تتزوج ؟؟
ابو صقر ضحك : ولدي ثقيل
ابو خالد ناضر سالم وخالد بطرف عين : وعيالي ماش
الجد ضحك : تركي ولده نايف عكسه وفيصل كل عياله عكسه
ابو جابر ضحك : وانا يبه ولدي عكسي ولا لا ؟
الجد بتفكير : لا لا واضح عليه خفيف مثل ابوه
الكل : هههههههههههههههههههههههههههههههههههههههههههههههههههه
اما الجيهه الثانيه عند الحريم
وعد بهمس : جودوه اسألي امك عمتي وبنتها هالعله ليه ماجو اليوم 
جود بهمس : خالد يقول زوجها عيا قال بكرا يمكن تجي
روابي : اشوا نرتاح اليوم منها
حلا : بس تبون الصدق ودي بس عمتي وساره يجون اما الحيه لا
وعد : اييي بس ماش وجها ممسوح بالرض نقول لها وتجي ماتستحي ابداً
سلمى جلست بتعب : اهه بسس
المها : وش فيك
سلمى بعصبيه : مخليني اروح يستبموني الكبار وانتم متكين هنا ؟؟؟؟
وعد ضحكت : اكيد ينصحونك
سلمى انسدحت على رجل المها : اي يقولون الوحده لازم تصير سنعه ومن هالخرابيط
المها وهي تمسح على شعرها : ماعليه لمصلحتك يقولون
وعد انسدحت على رجل رغد : الا صح رغد مهره ليه مشت بسرعه سلمت وراحت
رغد : والله مادري تقول ان اخوها جا يوديها عند اهلها ماجتهم من بعد العرس
صقر من بعيد : يااولد
ركضت له وعد وهي تدخل معه ببشته من البرد : هلا
لف يده يسكر البشت عليها علشان ماتبرد : وين مهره !
وعد بسغراب : جا اخوها اخذها تقول انها ماشافت اهلها ليه ماتدري !
صقر انصدم وحاول يتصنع انه تذكر : اي صح نسيت يلا ادخلي عن البرد
وعد : ناد نايف غريبه ماحراشني اليوم
ضحك بخفه : القطو مايحب الا خناقه
ضحكت : شسوي قلتها
راح ودخل على العيال شافهم شابين النار ومجتمعين حولها والكبار نايمين : نايف
نايف لف : هلا
صقر : فيه احد ماحرشته اليوم وفقدك
نايف ضحك : وعود صح اليوم مفزع لبعض بس ماحارشتها
وراح يمها : اوه طلعتي تفقديني
وعد بكذب : لا بس طفشت قلت ادور عليك اتهاوش معك
نايف : حاصل لك اصلاً اخو مثلي ؟
تخصرت : وحاصلك اخت مثلي ؟
ضحكو نايف : اي وحسن بعد
وعد : روح روح انت ولعمامه الي براسك
نايف لف : غيرانه ماش الغيره ذابحتك
وركض قبل لتلحقه
...........................
وانتهى اليوم المتعب على ابطالنا
ثاني يوم بالمطبخ الساعه 1:30
كان البنات يسون الفطور والحريم الكبار بلخيمه يتقهون وطبعاً جت العمه سعاد وبناتها وام خلف وبناتها
سلمى : بنات احس ودي نركب الخيل نقس امس
رغد ضربتها بخفه : لا امس انحرجنا من خالد مانبي نزودها
المها : وش دعوه عادي
ساره : اسرار من وراي اجل
سلمى : لا مو اسرار امس رحنا برا نتمشى وصادفنا العيال و... وبس ورغد انحرجت انه عطاهم الخيل
جواهر بخبث : مو لسواد عينك ترا علشان اخوانك طلبو منه مايستحون على وجهم
وعد : الي مايستحي هو الي ينقل الكلام ويسوي فتن ويدخل نفسه بكل شي مايخصه مو اخواني الي مايستحون
روابي : وخالد علشان وعود طلبت تركب وهو مايرفض لها طلب واخواننها بعد مايرقض لهم طلب
حلا جت : جواهر عمتي تبيتس وانتم بسرعه ابوي عصب المفروض من بعد الفجر وحنا مسوين الفطور مو الحين
روابي مسكت يد وعد وسلمى وانحاشت بهم علشان ميشتغلون ويقعدن مع ترف ونوف
حلا ضحكت : شافوني جيت اساعدكم انحاشو
........................
عند الرجال كانو قاعدين يسولفون ويضحكون
جابر بهمس : شلون جبت عمتي نايف
نايف : اتصلت على زوجها مارد وقلت لها تركب معي وتترك له رساله.
جابر : يالله اني مادانيه هو ووجهه بس مكشر مالت علا الوجه
خالد : الله يعين عمتي عليه اخ بس لو بيدي صفقته
خلف : بس بس انت وياه لتعكرون اليوم الا وين صقر
جابر : صادفته يقول بيروح داخل الديره ويجي
سالم تربع وقعد يتساسر مع نايف ويضحكون ( عندهم خطه عيالي ) وراحو ورجعو هادين
فجأه فز جابر : حييه ابعدو .... والك فز ويناضرون بلحيه ماتتحرك
ابو خالد صقع الارض : لعبهه ي خبوللل من حطها
نايف وسالم انسدحو من الضحك وهم بليالله يسولفون : يحراممم طلعتو ماش
ابو خالد قام عليهم بلعصا وخلاهم ياقفون قدام الخيمه رافعين رجل وحده ويدينهم فوق
وبعد 10 دقايق طق الباب بشكل غريب ويخوف
الجد : خير الهم اجعله خير
طلعو وشافو ......

البارت بيكون الخميس