بلاي ي جابر بعناد روس الرجال

بارت 19

بعد ماغسلت وجها نزلت تحت تغدو ( طبعاً الغدا العيال لحال البنات لحال )
واخذها  نايف وصقر
صقر حوط يده على كتفها : وعود وش بتس يعين اخوتس لك فتره مو مثل قبل
وعد : مابي شي بس مشتاقه لـ ابوي
نايف : لتضيقين ولا شي حنا عندتس وابوي الله يقومه بسلامه ونشوفه بينا ان شاءالله
وعد : ان شاءالله
صقر : شوفي حنا ساحبينتس هنا علشان نشوف وش عندتس ونبي نكلمتس بموضوع
وعد : وش الموضوع !
نايف : ولد الشيخ متقدم لتس ونبي رايتس اذا موافقه او لا
وعد قامت بصدمه : زيييددد
نايف : لا لا حمد ولده الثاني
صقر : ماتعرفينه هو يروح لرياض ويجي هنا مايطول حتى حنا مانعرفه سألنا عنه ناس نعرفهم وانتي فكري واستخيري
وعد : رغد اكبر مني لا مابي
صقر : شوفي اذا قصدتس رغد فا هاذا نصيبتس محنا راديه لين يجي نصيب رغد واذا قصدتس ابوي خطبه رسميه لين يقوم بسلامه او يمر سنه سنتين الي يريحتس
نايف : اما اذا انتي رافضه والله محد يجبرتس وراسي يشم الهوا انتي استخيري وقولي لنا اذا اي او لا
وعد بهدوء : موافقه
نايف : خوذي وقتتس فكري واذا رافضه محد جابرتس
صقر : وعد هاذا مو لعبه فكري
وعد ببتسامه كسرت قلبها بها : موافقه دام سألتو عنه وشخص زين
صقر : دام موافقه ذي حياتتس وانتي حره بها
وقامو باسو جبينها وطلعو وقالو لحمد انها موافقه ووصل الكلام للشيخ ( ملاحضه الشيخ مايدري ان زيد هو الي كان بيذبح تركي )
وعد ارتمت على سريرها تبكي وتضرب المخده بيدها وهي ماندري ليه قالت موافقه ليه مارفضت وخالد ةيف تنساه بس الي تعرفه انها بتوافق علشان تبعد عن المكان الي الحديث به مختصر على خالد وبس نبغا تنسا وتبي تكسر خالد مثل ماكسرها مع انها مو واثقه انه يحبها دامه ماسأل عنها من قالت له الكلام ماتدري ان خالد عارف اخبارها كلها
العصر بمجلس العايله
الجد : ابشركم لقو زيد
ابو خالد عدل جلسته بخوف ان ولده له يد : صدق متى ؟ اعترف بشي ! خالد له دخل ؟
الجد بهدوء : اي اليوم لقوه واعترف بكل شي وطلع الموضوع غيره عمت قلبه وحط السالفه على خالد و
خلف : ووش جدي
الجد صد عنهم : ولا شي
صقر الي بحضنه بنته  : جدي اتلفت اعصابنا وشو
الجد بتردد : كان يبي يطلقون النار على جابر بدال تركي بس شافو تركي وحطو السالفه عليه
جابر بعصبيه : ايااا عيال الكلب سكت شوي وكمل ليته بي ولا بعمي كان الموضوع اخف
ابو جابر بحده : وش اخف انت بعد من اخوي لولدي !
سياف : استهدو بالله يجماعه الحمدالله لقوه وخلاص مشكله وخلصت
سالم قام بعصبيه قال وعو يطلع الي بقلبه : مشكله وخلصت واخوي سمعته وانتم من كبيركم لصغيركم صدقتوه ؟؟. الكل كذبه بس انا وجابر وسياف وخلف وصقر وامي وخواتي اما الباقي لا نايف صدق ان خالد يسويها وبعدين صدق خالد اذا حتى ابوي تبرا منه وانتم كذبتوه شرجي من الغريب لكن هيننن ماكون سالم لو ماذبحته واعرف ارجع حق اخوي
سكت الكل بعد كلامه وهم اصلاً الجمهم كلامه ماعندهم رد
ووعد كان كلام سالم قوي عليها قطع قلبها يعني خالد مو الي كان بيقتل ابوها عي خذلته كذبته كان المفروض تاقف معه لاكن هي ماوقفت معاه وتلوم نفسها وزاد بكاها لما تذكرت انها وافقت على غيره يعني خلاص خسرت خالد وضلت تبكي بحرقهه
عند سالم
سالم طلع لما وصل للباب الفاصل بين البيت والشارع مسكته جود وهي تبكي : سالم لا تكفى لتروح كافي كذا ملصدقنا يلقون زيد عشان يرجع خالد بتروح تذبحه وتروح انت بعد تكفى لا لاتروح
حلا : سالم لتسوي شي تندم عليه وتكسرنا به فكر بامي شوي
خلف قا يشوف جود لما طلعت شافها عند سالم تبكي وهو مايقدر يواسيها يمسح دموعها ضل مكانه ساكت كاقدر يروح ويخيلها لاكن صد مايبي يشوف نفسه عاجز حتى يواسيها و
سالم وقف ماطلع وهو يشوف خواته يترجونه
سحبهم له حضنهم لين هدو وقال : ماعاش الي نزل دموع خواتي ان ةنت بذبحه بذبحه على كل دمعه نزلت منكم
المها : مانبيك تذبحه مانبي شي غير انكم ترجعون مثل قبل
سالم : ابشري ينظر عيني ادخلو قبل تجي امي وتشوفنا هنا وتحس بشي مابيها تخاف علينا
وراحو خواته وبقت ساره
سالم : وش فيتس ي بعدي انتي
ساره كانت الدموع متحجره بعيونها وساكته
سالم لف يده حول كتفها : افا سارونه كنت معصب وقلت الي بقلبي بس
ساره ببراءة طفله : يعني مابتروح تذبحه وتنسجن ؟
سالم : لا ماني برايح اذبحه بروح اشوفه ينحكم او ينسجن وهنا ارتاح
ساره : اوعدني
سالم : وعد والله ماني بذابحه يلا روحي للبنات
ساره ابتسمت : تمام
سالم طلع وتوجه لقسم الشرطه وراح معه جابر
سالم : جابر بشوفه الخسيس
جابر : ابشر بس انت انتضر شوي بروح مكتبي وبعد دقايق ادخل
سالم تكتف : طيب
جابر راح مكتب خالد( طبعا قسم الشوطه برياض بحكم ان الديره صغيره ) . : ها شتسوي
خالد : شوفة عينك اخلص شغلي
جابر بتردد : دريت
خالد : بوش
جابر : لقو الكلب زيد وتلوه هنا
خالد وقف : صادققق ؟!
جابر : اي
خالد جا بيطلع وهو بكامل عصبيته وقفه صوت جابر : انتضر لتروح له بجيبه مكتبي تعال بعد عشر دقايق
خالد : شمعنا مكتبك
جابر: بطلبه تحقيق وخذ حقك منه عمى يعميه اما بمكتبي مكتبك مايصير لان القضيه متعلقه بك
خالد : عشر دقايق بس
جابر : اي
راح مكتبه وطلب زيد وجابوه له اول شي دخل سالم واول ماشاف زيد قدامه رجع له ذكرا اخوه لما ابو خالد مد يده عليه وعصب وضرب زيد ضربهه طبعت على وجهه : ايا خسيسسسسسس ايااا كلببب
وقف ضرب لما انفتح الباب ودخل خالد
خالد ضل واقف مكانه يناضر بزيد من فوق لتحت
زيد بستهزاء : اووه هاذا انت شرايك بالله وانا مخلي الضابط مسجون والدكتور يحتاج دكتور ههههههههههه ولا بعد الـ
ماكمل كلامه من الكمه الي جته وخالد طاح به ضرب
جابر ابعد خالد عنه : لا يخالد خله لتوسخ يدك به عمى تعميه
سالم الي ماسك خالد من الجهه الثانيه : اخذ الي يكفيه والباقي بياخذه القانون امش يخوي عنه
جابر بصرااخ : عسكررريي
العسكري دخل
جابر : خوذوه عن وجهي وحطوه بسجن مستقل مابي بني ادم يتكلم معاه فاهمين
العسكري هز راسه بالموافقه واخذ زيد الي يتلفظ بالفاظ قذره مثله على خالد وجابر وسالم
بعد خمس دقايق
سالم : انا رايح للبيت انتم خلصو شغلكم تبون شي
خالد وسالم: سلامتك
سالم : يسلمكم
طلع وبعد نص ساعه طق باب المكتب على خالد
خالد : تفضل
جابر : بروح اجيب لي هوت شكلت من الكوفي تبي
خالد : اي بالله مع الجو بارد
جابر : ابشر حضرت الظابط خالد
خالد ضحك : مهبول
جابر: من ذوقك
طق الباب قبل يطلع جابر
خالد : تفضل
العسكري قال لهم ان ابو زيد يبي يقابلهم
خالد : خمس دقايق ودخله
بعد ماطلع العسكري
جابر بقهر : اخخ بس ولا شيخ مثل الشيخ عبدالعزيز يجي هينا علشان الكلب زيد
خالد : سود الله وجهه هالزيد ماجاب غير سواد الوجه للشيخ وللقبيله كلها .. بس ماراح نتنازل ( لانه يبي ياخذ حق عمه ويبرد حرقة قلب وعد وعيال عمه تركي كلهم )
جابر : اكيد حتى نايف وصقر ماراح يتنازلون
دخل الشيخ الي وضح عليه الانكسار والحرج وخالد و جابر صدو مايبون يشوفونه كذا ويضعفون
خالد : اجلس يشيخ
الشيخ جلس
وضلو ساكتين كسر السكوت خالد
خالد : وش تبي تشرب يشيخ
الشيخ : ولا شي ياولدي
خالد: لا يعم لازم تشرب شي وشو تبي
الشيخ : صدقني مو مشتهي شي
خالد : الي يريحك
الشيخ بحرج : ا ا انا جاي بعرف ليه زيد هنا
جابر وخالد قالو له كل شي
الشيخ انصدم وانحرج اكثر : سود الله وجهه الي مايستحي ولا ينتخي اسـ .
ماكمل اعتذاره قاطعه خالد : لا يعمي لاتعتذر مو ذنبك الي صار
الشيخ : اذري بتتوقعون اني جاي اقول تنازلو لكن عنا جاي اقول لكم لتتنازلون ولتطلعونه من هنا خلوه يخيس سود وجهي
جابر : معليه ياعم زي ماقال خالد انت مالك دخل وهو الي سوا كذا ينحمل سواته ولو الموضوع متعلق بك انت او الموضوع بسيط كان قلنا ابشر لاكن الي صار كبير
خالد : وحنا اصلاً ماندري عمي بيقوم بسلامه او لا وزيد هارب من العداله غير انه ووا كل الي صار مابيدنا شي
الشيخ : انا للحين عند كلمتي مابيكم اصلاً تتنازلون عنه
وبعد كلام حول الموضوع ذا ذاع الشيخ وهو منكسر كسر ضهره ولده الي توقع انه بيكون له عون لكبر صار الشخص الي كسره
المغرب
ابو خالد اتصل على خالد
خالد كان منسدح على سريره يطقطق بجواله بملل ماعنده احد سلطان وعبدالله مشغولين وباقي العيال بديره عشان العزيمه
دق جواله وشاف رقم ابوه استغرب وترك الجوال بس ماقدر مايرد على ابوه ورد بهدوء : هلا
ابو خالد فز قلبه على صوت ولده مع تأنيب الضمير : خالد يبه اخبارك
خالد : بخير بغيت شي ؟!
ابو خالد : دوم ان شاءالله بخير يبه سامحني اني قلت الي قلته وسويت الي سويته يعلم الله ان من طلعت انت لا ليلي ليل ىلا نهاري حتى لو كنت اكابر
خالد سكت لان ماعنده رد على كلام ابوه مستحيل يقول ماسامحتك او سامحتك كل وحده صعبه ابوه كسره وخذله ومليقدر ما يسامحه بعد معتذر ولا حتى سامحه
ابو خالد : ادري شتفكر به خالد يبه تعال ارجع وانا اوعدك ارجع اعتبارك عند الكل
خالد : مشكور على اتصالك حتى لو كان متأخر يبه اما اني ارجع لا اعذرني مقدر ارجع لمكان انطردت منه
ابو خالد بندم: ادري اني غلطت بحقك كثيرر لاكن برد اعتبارك ولو تبي اعتذر منك بس ارجع يخالد
خالد : مابيك تعتذر الي انكسر عمره مايتصلح
ابو خالد : لو كان لي شان عندك ارجع اما اذا مالي قدر ولا شان لترجع
خالد قفل من ابوه ورما الجوال بعيد عنه وتنهد بقوه يحاول يطلع الي بقلبه دق جواله ومارد ودق مرا ومرتين الثالثه رد
سلطان : وينك
خالد : بالفندق
سلطان : تستقبل ضيف
خالد : حياك وقفل
ماخي الت دقايق ودخل سلطان
سلطان : ادري اني نورت ماله داعي ترحب
خالد ابتسم بضيق : الثقه في غير مكانها
سلطان : غيراااانن
خالد رجع انسدح
سلطان : شفيك
خالد : ولا شي
سلطان بصرار : الا بك وشو تكلم
خالد كان محتاج احد ينصحه المرا ذي مو هو ينصح وقال كل شي لسلطان ماعادت الاشياء الي تحص وعد طبعاً
سلطان : ماتوقعت بك كل ذا اشوفك دايم تسىولف وتمزح عادي ماكانك مهموم الصراحه ماتوقعت انك تحس بضيق لو شوي
خالد : كل البشر بأنواعها تملك احساس
ليغرك الي مابعد جاك يشكي
ترا الي يضحك دايم ويسعد الناس
او سولف وقال الحقيقه بتبكي
سلطان : ادري اني مانفع انصح وماعرف انصح اصلاً لاكن اسمع دام ابوك ندم ارجع مالك غنى عن اهلك وان كان مو عشانه ارجع عشان امك وخواتك مع اني ادري ان ابوك لو وش مايسوي ماتشيل عليه ارجع وقص لسان الي تكلم عليك
خالد : قصيت لسانهم قبل لجيك
سلطان بستغراب : شلون
( فلاش باك قبل يجي خالد الرياض )
طلع من وعد وهو بكامل الضيق شافه واحد من شياب الديره
الشايب بستهزاء : امحق تربيه اغتر بها ابوك
خالد بعصبيه وصراخ : انننطمم ولا كلمه ( بستهزاء) شايب وش كبرك تدور علوم مثل الحريم
تجمعو الناس حوله
الشايب : الحريم لك ولشكالك انت حتى الحريم غلط عليك مجرم قاتل عمه
خالد تنرفز ومسك الشايب من ثوبه وعيونه تقدح شرار : والله لو سمعت واحد منكم قايل كلمه كلمه وحده لقص لسانه من مكانه مثل ماسحبت واحد من كباريتكم اسحبكم كلكم فاااااهمممميينن
الشيخ ابعد خالد عن الشايب : خالد يولدي اتركه ماعليك منهم
واحد من الشياب : معشر( صاير معاه ) معاه ياشيخ ؟
الشيخ لف له : انتم ولا كلمه من اول موقف قعدتو تطلعون كلام عليه ؟ واذا على اننا متأكدين او لا هم مسكو الي سوو كذا وتركي بيقوم بسلامه ان شاءالله وتدرون ان كلامي صح
خالد : لولا الشيخ ذبحتكم هنا وعلمتكم المجرم وش يسوي يرخمه انت وياه
الجد قايد : الي اسمعه يقول كلمه وحده بس عن خالد مايجرا له طيب فاهمين
ومن بعد الكلمه افترق الكل وهم خايفين من عصبية خالد
خالد لف بيروح
الجد : خالد يبه وين بتروح هاذا بيتك واذا على ابوك هو الطالع وانت الداخل
خالد : مالي قعده يجدي بمكان انطردت منه
الشيخ : بيتي مفتوح لك يخالد
خالد : ماتقصر انا بروح للرياض
الجد والشيخ: الي يريحك
( انتهى الفلاش باك )
سلطان بضحك : يلعن ام الهيبه شيبان خوفتهم
خالد ابتسم : تعال اعطيك كورس عن الهيبه
سلطان بفجع : لا لا لا انا عطني كورس هبال كورس جنون كورس ضحك مو هيبه ويلا انت الرياض تتعذرك
خالد عقد حواجبه : لا بالله
سلطان : تتعذرك رح لهلك لتخلي امك بالها مشغول عليك اكثر من كذا
خالد ابتسم : ان كاني برجع برجع عشان امي وخواتي وعمتي سعاد الي كل يوم يتصلون علي يبكون
سلطان : اجل يلا قم جهز شنطتك بسرعه وانا بحجز لك تذكره على ماتخلص اغراضك
خالد : تمام
بعد دقايق
سلطان : خويلددد
خالد جا عندم تكتف وهو معقد حواجبه : ايش ؟
سلطان : خالد اسف والله امزح معاك
خالد : عبالي بعد
سلطان : المهم مافي تذكره بوصلك انا
خالد : لا لتعب حالك اتصل على سياف او خلف يجون يرجعني للرياض
سلطان: مثل ماهم اخوياك انا خويك يحيوان بوصلك وبعدين ودي اشوف نجد العذيه
خالد : اخخ ينجد العذيه يزينهااا زينااه
سلطان ضحك
اتصل جوال خالد ورد
سلمى : خالد
خالد: عيوني
سلمى : تكفى تعال دام ابوي وافق والله اشتقت لك
خالد : والله اني برجع عشانتس انتي وامي
سلمى ضحكت بفرحه : كففوو مافي احد مدلعني من رحت
خالد : ههههه ابشري من اجي ادلعتس مثل ماتبين
سلطان بمزح وبصوت عالي : عاشق الاخ ؟
خالد ضحك : اختي ياخبل
سلطان : خلها تشكرني انا اقنعتك ترجع
سلمى : يعقب انا اخت خالد ماعتذر لحد
خالد : تعقب اخت خالد ماتعتذر لحد وانا حي
سلمى : يابعدي يلا انا بقفل قبل يجون الرجال وانا بالحوش
خالد : مع السلامه سلمي لي على امي
سلمى : يوصل باي خلوودددييي وسكرت وهي تضحك تدري بيهاوشها
ولفت الا سياف قدامها كان مبهور بجمالها ولقافتها وعفويتها
سلمى انحاشت وهي متفشله انها كانت تناحي خالد وهو يسمعها
وسياف ضحك لما شافها متفشله وسمعها تتحلطم لما دخلت وراح للرجال
ننهي البارت هنا