بلاي ي جابر بعناد روس الرجال

بارت 27

ابو خالد بصدمه : وعدد ؟؟
خالد : اي
ابو خالد : ماتوقعت وعد
خالد يستغراب : ليه ؟
ابو خالد : كذا ماتوقعت بس ابشر وانا ابوك اليوم اكلم عمك واشوف
خالد ابتسم بفرحه وباس راس ابوه : الله يخليك لنا ذخر يـ الغالي
ابو خالد : امين
خالد : عاد الحين دام الموضوع كذا واتفقنا انا بروح اجيب لخواتي جوالات
ابو خالد : الحين ؟
خالد : اي الحين ادري وش كثر ودهن به بس يبه لتقول لهن
ابو خالد : تمام يلا اجل رح
خالد راح لسياره واتصل على سالم بعد ثواني وصله صوت سالم
سالم : هلا
خالد : تعال سريع لسيارتي
سالم : ليه في شي ؟
خالد : تعال وتعرف
سالم : طيب  وقفل
نايف : وش ؟
سالم : مدري يبيني اجيه
نايف : يلا اجل رح
واح سالم لـ خالد وركب السياره : وش فيك ؟
خالد : خلني احرك واقول لك كل شي
وراحو متوجهين لـ سوق وبطرق قال خالد لـ سالم السالفه
سالم بفرحه : صددقق زين اشوا ومبروك مقدماً يخوي
خالد : الله يبارك فيك
سالم : رح لمحل ** محل خويي نشتري من عنده نفيده
خالد : تم
وصلو المحل وسلمو على الرجال
سالم : جايينك نبي جوالين
سند ( صاحب المحل وصديق سالم بالشغل ) : ابشر
طلع لهم مجموعة جوالات واختارو ثنين منهم لـ سلمى وحلا
سالم : آبي لابتوب وكميرا
خالد : لمنو الابتوب ولمنو الكميرا
سالم : لابتوب لـ سلمى وكميرا لـ حلا
خالد : اها
سند : شوفو في النوع ذا من الكمرات بس ترا تصويره مو دقيق يعني عليه تغبيش وفي النوع ذا انصحكم به الكميرا تصويره واضح ومعها قاعده
خالد : تمام عطنا ذي
سند حط الجوالات والكميرا والابتوب بكياس ومدها لـ خالد : سم
خالد اخذه : سم الله عدوك
سالم : عطني عنك اشيله
خالد : لا انـ
سالم قاطعه وهو ياخذه : هات انا اخذه
ركبو السياره وتوجهو لمحل الهدايه يغلفون الهدايه ويكتبون عليها كلام
خالد كتب على الجوالات " فرحة الكون كلها تجتمع بين جفوني إن رأيت أنك سعيدة        عضيدك خالد  "
سالم كتب على الابتوب والكميرا " لو استطعت لجلبت لك كل ما في هذه الدنيا         اخوك سالم "
( مُلاحضه ان كل جوال  مغلف لحال بس العباره على الاثنين مثل بعض وكذالك الابتوب والكميرا  )
بطريقهم للمزرعه مرو كوفي وخذو لوهم هوت شوكلت يشربونه بـ الطريق
بالمزرعه بعد ماجو شهد وسلطان بـ ساعتين
الشياب كانو قاعدين داخل والبنات والعيال قاعدين برا يتقهوون وحاطين لهم قعده قريب من بعض بس فيه نسافه شوي
روابي : الحين لما تكونون لحالكم يجيكم القصايد وتغنون ولما نكون معكم لا ياخي حتى حنا نبي نسمعكم تغنون وتقولون قصايد
نايف : خالد وخلف اصواتهم حلوه بس حنا حدنا قصايد
خلف : كذاب صوتك حلو بس ماتحب تغني
نايف : لا مو حلو
روابي : سمعنا وحنا نحكم
نايف بتفكير : حم حم
" تاخذني لك كل الدروب
من قال انا عنك بتوب
لو نار حبك تشتعل
تبقى على راسه علم
تااخذني لك كل الدروب "
البنات بدو يصفقن وهن يضحكن
وعد : وين صوتك خايس ماشاءالله يجنن
سلمى : تدرون انكم محضوضين بأصواتكم ماشاءالله لو طفشتو تغنون لو حزنو تغنون لو فرحتو تغنون
سياف : وانتي صوتك حلو بالاغاني او لا
سلمى : لوء مو حلو
روابي : نايف كمل الاغنيه
نايف : ماني حافظ الكماله
روابي : طيب حافظ غيرها ؟
نايف بتفكير : اي
روابي : سمعنا اجل
نايف تنحنح :
" بنتنا اجمل من سنه صبح جديد
من رذاذ الغيم هي انعم وارق
الخيال عيونها وضحكتها عيد
والي قال تسكت القمرا صدق
مدري فطره ولا مع دم الوريد
ذوقها الي فاح من لينه عبق
ان حكت ودك سوالفها تزيد
بنتن اعذب واهدا من لون الشفق "
سُلاف : يلا بنستلمكم اليوم من بيغني بعد !
خلف طلع العود : انا بسمعكم العود مو صوتي حلقي يوجعني
الكل تم
وبدا يعزف لهم والكل يسمع
ماهي الا دقايق ووصلو خالد وسالم وهم شايلين الهدايا
جابر يصوت عالي : تعاااللو هنا حنا
خالد وسالم توجهو عندهم
سياف : من له الهديه الي معكم ؟
خالد اشر لحلا وسلمى الي قاعدات جنب بعض : خواتي
حلا وسلمى كانو يطالعن بـ خالد وسالم بصدمه
سالم : تعالن شوشو وش جبنا لكن
حلا وسلمى توجهن عندهم وخذت كل وحده هديتها
سلمى : مشكوووررر
خالد وسالم : العفو
حلا : يعطيكم العافيه
خالد وسالم : الله يعافيك
سالم : تعالن نجلس وافتحو الهدايه
العيال قامو وابعدو  عنهم عشان البنات يقعدن جنب اخوانهم وياخذن راحتهم
جلسو وفتحن اول هديه والي هي الجوال
سلمى شهقت : ليي !
خالد ابتسم : اي
حلا امتلت عيونها دموع فرح حضنت خالد وقالت : وابوي ؟
خالد  : ماعليتس موافق
سالم : يلا افتحو هديتي بس وحده وحده عاد انا جايب لكن غير بعض
سلمى : انا بفتح الهدهين اول
سالم : يلا افتحيها
سلمى فتحتها واول ماشافت الابتوب ضحكت بفرحه وانربط لسانها ماقدرت تقول شي  كانت تشوف الجوال والابتوب مستحيلات وصارو بيوم واحد حضنت سالم ودموع متحجره بعيونها وبعد ثواني بعدت وفتحت حلا هديتها وكذالك حضنت سالم ؛ مشكووورر
سالم : العفو
جود : وانا
خالد بحضك : خلي رجالتس يهديتس
خلف وصقر والباقي جو وسمعو كلام خالد
خلف : تبشر بالي تبيه
خالد ضحك وغمز لـ صقر : تعلم ههههههه
صقر بغرور : انا اعطيكم دروس اصلاً مو اتعلم منه وبعدين تبشر بالي تبيه زوجتي
نايف : يووه مشكله المتزوجين
سلطان : لازم نبعد عنهم ذول
جابر : هو حل من الاثنين نصف معهم ولا نبعد عنهم
سياف : يزين العزوبيه بس
الكل ضحك
خالد : تعالو خلونا نتسابق واكسر راسكم بس
سياف : شرايكم هالمرا نغير عن الخيل نتسابق حنا ؟
الكل : تم
سُلاف : اسمعو حنا البنات ناقف هناك . اشرت بيدها لمكان بعيد . وانتم تتسابقون لهناك والي ياصل اول يفوز
الكل وافق وراحو البنات بعيد واول مارصلو وستعدو بدا السباق وكل واحد يركض يحاول يسبق الثاني وكانت اشكالهم تموت ضحك
وعد وهي ميته ضحك : شوفو نايف يموتت ضحك
شهد : شوفي سلطان انتي هو وشماغه الي متمسك به ههههههههههه
سلمى بصراخ : خالدد اسرررععع
روابي جلست على الارض تضحك : شوفوو نايف شلون تدربا ( طاح ) ههههههههههههه
سياف وهو يلتفت وراه يشوف نايف ويضحك مانتبه الا وهو يطيح ونايف قعد يضحك عليه
سالم ركض يبي يسبقهم منتبه الا نايف سحب رجله وطيحه معهم وقعدو الثلاثه يضحكون والكل يضحك عليهم
سُلاف وهي تضحك : سياف ذي اخرت الي يضحك على غيره
وماهي الا ثواني ووصل خالد وبعده جابر وبعدهم صقر وبعده خلف وبعده سلطان الي وصل بس شماغه ماوصل معه وثوبه كله تراب
جابر وهو يضحك : سلطان وين راحت الكشخه
سلطان قط نفسه على الارض بتعب وهو يطالع ثوبه شلون صار : ي رجال اي كشخه انتم خليتو بها كشخه يقلع بليسكم
الكل ضحك على استسلامه وقعدته
شهد : احسن عشان تتعلم تخلص بسرعه ولا لك ساعه بالبيت تفر تتكشخ كنك رايح عرس
سلطان طالعها بطرف عين وصد
جابر فجأه رجع يضحك وهو يطالع نايف وسياف وسالم
خلف بضحك : سالم بالله وش وضع بنتك مدري ولدك لو شافوك طايح بذي الحاله
صقر : يتبرون منه
سالم : اضحك اضحك انت وياه ولا ترا كنت بفرز عليكم لو ما الحيوان نايف سحب رجلي وبعدين صقيرر لتنسى انت ابو بعد وقاعد تروكض معنا
صقر بغرور : احم احم تراني فايز عليك اسكت بس
نايف : فايز وانت ماخذ المركز الثالث
صقر : نايف ي حيوان تراني اخوك
نايف : معليش الا سلوم
سالم بضحك : فداك يشيخ طيحني كل يوم
قطع كلامهم خلف الي بدا يغني والكلمات من تاليف خياله : فدااك فداك فداك واروح كلي فداك . وبدا يقلد الموسيقى .
سياف : تسلم رجلك على التأليف الماقس
نوف : سيافوه اهجد الا اخوي
خلف ضحك : كفو خيتي
وسكتو كلهم اول مابدت تمطر
عند الشياب
الجد : اي بالله ذا الجو شوفو ولا قعدتنا بالبيت
ابو خالد : اي والله صدقت يبه مطر واجواء حلوه والمزرعه لحالها تفتح النفس
ابو جابر دخل : قطعت الذبيحه تبون نشويها الحين ؟
ابو صقر : من رايي لا الشوي حلاته برا مو داخل وبرا الحين مطر خلوها ليوقف المطر ولا ؟
الجد : اي ومامن جوع الحين الحمدالله
سعاد قامت وهي تقهويهم وام جابر دخلت وبيدها صينيت الحلا وبدت تقطع لهم حلا وكملو سوالف
نروح لمكان من فتره ماجيناه
ابو جواهر وهو ياخذ ادويته : جواهههررر
جواهر من غرفتها : هااا
ابو جواهر : تعالي ي بنت بس بهالغرفه اقعدي معي
جواهر قامت بتأفف : ها يبه
ابر جواهر : وجعا وش ها استحي تسولفين مع ابوتس هالون !
حواهر بنرفزه : شلون يعني اسولف مثلاً ؟!!
وراحت غرفتها
ابو جواهر تنهد وسكت لحقها دخل عندها بالغرفه شافها قاعده على الجوال
ابو جواهر : وش عندها بنيتي زعلانه من شي مضايقتس شي
جواهر : اي
ابو جواهر بستغراب : وش مضايقك
جواهر : اولاً ماعطيتني فلوس اليوم وماطلعت اتونس وثانياً صارخت علي واذا قلت ها قامت القيامه مثلاً
ابو جواهر : على الفلوس ابشري الحين اعطيتس واطلعي تونسي واني صارخت عليتس انا ماصارخت بالعكس عادي بس كلمة ها قلتيها بصراخ يبنتي وانا ابوتس مايصير كذا
جواهر : اووه عادي ترا كبرت السالفه ؟!
ابو حواهر طلع صرافته وعطاها اياه : عاتس يبنتي روحي تونسي
جواهر اخذت الصرافه بفرحه وركضت لتسريحه تحط مسكرا وايلاينر وخذت عباتها ونقابها ولبست وطلعت وتركت ابوها بالغرفه حتى شكراً ماقالت له
نرجع للبنات والعيال
كانو فرحانين بالمطر ويركضون ويدورون وهم يضحكون الا ساره الي ضلت تناضر فيهم ببتسامه بحكم انها ماتقدر تركض معهم
خالد وهو يشم ريحة المطر : عسى السحابه من ورها سحابه
غيم و مطر واخبار خير وتباشير
جابر : مطرً اتا فهُلت الأرواح حُباً . مثل المطر ياصافي الروح شوفتك يغسل هموم النفس ويروّي ضماها
سياف ضحك : دامكم بديتو اسمعو
أمطرت ديرتي وتحلَت بـ الجمال ..
ريحة مطر و غيُم جمّل سماها.
صقر ضحك : اي بالله تحلت بالجمال ي زين ديرتنا ويزين مطرها
روابي بهمس : بنات
البنات لفو عليهم : هلا
روابي : امشو خلونا نبعد عنهم ونتسابق زين مو كذا احس ودي اركض من قلب
الكل : تم
جو بيروحون وقفهم صوت سياف
سياف : لحضه
لفو عليه
سياف سحب سُلاف ونزل فروته حطها عليها : امشي داخل ولا نسيتي انتس تعبانه ؟ ووقت علاجتس الحين يلا
سُلاف بترضي: سيااافيي تكفى بروح مع البنات
سياف : لا
سُلاف : لييه
سياف : وش ليه ناسيه انتس تعبانه ؟!
سُلاف : عادي
سياف وهو للحين ماسك يدها لف للعيال : صدو مناك
العيال لفو
سياف شال سُلاف وهو يضحك : ماينفع معتس الا كذا
سُلاف بصراخ : سياااففف نزلنييييي
سياف مارد لين دخلها داخل وجلسها ورجع لف الفروه عليها الي طاحت لما شالها : لاتقومين بجيب علاجاتتس ومويا لتس واجي
جابهم وعطاها : خوذي يلا ماني رايح لين اشوفتس اكلتيه قدامي
سُلاف بزعل : مابي
سياف ابتسم : يعني زعلتي ؟
سُلاف : اي ياخي كنت بتونس معهم
سياف : والله يعيوني اخاف عليتس تتعبين اكثر تدرين بي لو منتي تعبانه كان خليتتس تروحين مع البنات تتوتسين بس خايف عليتس
سُلاف ابتسمت : خلاص رضيت
سياف : يلا خوذي علاجتس ونزلي عباتتس امتلت من المطر البسي فروتي بدالها وامش معاي اخذتس نتمشى بالسياره
سُلاف : صددقق
سياف : اي يلا
نرجع للبنات
ساره كانت واقفه بعيد عنهم : يلا بعد للثلاثه وتبدون السباق
البنات استعدو
ساره : 1 2 3
وبدو البنات يركضن وكان اشكالهم تضحك وهن رافعات عباياتهن ويركضن
ساره بصراخ : شهددد ارفعي عباتتس زين واركضي بتطيحين
شهد وقفت وهي تتنفس بصعوبه : خلاص اهه تعبتتت انكسرت رجلي
روابي بصراخ : حلااا ي حيوانهه كلما الف تلفين للجيهه الي انا بها عشان ما اسبقتس وانتي تركضين شلون رافعه عباتتس كنتس بتمان
حلا جلست اذلفي كملي تعبتت
وعد ضحكت : عجايز سبقتكم   زاد ضحكها على اشكال البنات حلا وشهد كيف قاعدات نوف الي لفت رجلها بالعبايه وطاحت ترف وسلمى يركضن وعباياتهم طايره كنهن باتمان وروابي الي كل شوي تصارخ على وحده عشان تسبقهم
عند سعاد دخلت المطبخ تجهز القهوه حست بألم بقلبها وحست انها تختنق مو قادره تتنفس اخذت علبت مويا وشربتها وبعد دقايق خف الم قلبها وخذت القهوه توديها لهم وهي كل شوي يرجع لها الام ويخف شوي ويقوى شوي
سياف وقف عند الكوفي ونزل : خليتس بسياره بجيب لتس هوت شوكلت
سُلاف : تمام
نزل جاب لها الهوت شوكلت ورجع : انتبهي حار
سُلاف : ابشر
تمشو شوي ورجعو
ابو جابر : يعيال تعالو اشوو بدالي تعبت
خالد وقف : ابشر
خلف : وانا اقوم اساعدك
وضلو الباقي
صقر وهو يمشي بنته : يبه شف بالله شلون تخطي ( تمشي )
ابو صقر ابتسم بحُب : لفها لي خلها تجيني
صقر لف غاده ووجهها قدام ابو صقر
وابو صقر يناديها مشت له وقبل توصل جت بتطيح ومسكها نايف بسرعه : صقر ي حيوان بغت تطيح مفروض تمشي وراها
صقر ضحك بورطه واخذ له هواش من ابو صقر والجد
وبعد نص ساعه حطو العشاء وقامو الرجال يتعشون وبعدهم الحريم
شهد قامت هي وسُلاف يسوون شاهي وجابوه عندهم وقعدو يسولفون
وقام الكل نام وانتهى يومهم بفرح

ننهي البارت هنا واعذروني على التأخير حبايبي 🫶🏻