البارت السابع

11.8K 308 39

بواسطة Rema_i7

بقلم Rema_i7

( الهم صل وسلم على نبينا محمد 🤍)
( لايك وكومنت اذا عجبكم البارت )
.
.
.
خلف وجابر بصدمه : سيااااااففف
ارتخت يدين سياف وفز خالد ووقفو كلهم يناضرون بعض بصدمه 5 دقايق وبانت الابتسامه على وجيهم خالد ارتمى بحضن سياف : اشتقت يخوك والله
سياف : مو كثررري والله حياتي مالها طعم من دونكم
خلف حضن سياف : وش هالغيبه لك فقدهه
جابر حضنه : لعاد تروح مكان رجلي برجلك
سياف ضحك : ابشرو والله لو بيدي ماتركتكم بس الي صار صار
خالد : اهم شي رجعت تعاال احضنك هههههه
سياف حضنه : الفرحه مو سايعتني بشوفتكم
خالد : وحنااا اكثرر يخوي
جابر بضحك : من طول الغيبات جاب الغنايم
سياف : معي لكم غنايم وهموم وسوالف توسع الصدر منوع لكم اختارو من وين ابدا
خلف : شف غنايم شوفتك اكبر غنيمه وهموم خلوها بعدين الحين نبي توسعة صدر وضحك من زمان عن لمتنا
سياف : الله نبي قصايد واغاني حول النار
خالد : تمم
( سياف صديقهم من عمر لاكن من سنه وشهرين توفو امه وابوه واخوه بحادث سياره بجده وسوو العزا بديره وبعدين صارت له مشاكل واضطر يروح جده مع اخته وتوه رجع )
............................
عند خلف وخواته بعيد عن الكل
خلف قالهن السالفه كلها عن ابوهن : وذي كل السالفه انا ماقلت لكن من خوفي عليكم وانتن كنتن صغار الحين كبرتو وخلاص عرفتو كل شي وعرفتو ليه عمامي مايبونا وليه حنا مانبيهم
ترف بدموع محبوسه : وليه ليه سوو كذا طيب
خلف حضنها : ناس متخاف الله
ترف بكت
نوف وخانقتها العبره : طيب ماعندنا خوال ؟
خلف حضنها بعد : لا امي وحيدت اهلها وجدي وجدتي متوفين
قعدو يبكن وخلف يواسيهن وهو يبي احد يواسيه ولما هدو رجعهم خلف لخيمة الحريم
............................
الساعه 11 بليل كانو البنات بجيه بعده عن العيال حطب ونار والعيال بجيهه والشياب نامو
خالد : حاس بصدمه يعني للحين مو مستوعب انك رجعت لديرتك وبين اخوانك واهلك
سياف : انا للحين مو مصدق اخخ يزين نجد العذيه والله انها بعد كل الديارر
جابر : اصدق شي نجد مابعدها
خلف : ولا قبلها
ضحكو
صقر : يعني خلاص ي سياف معاد بترجع لجده ابد ؟؟
سياف : ابددد ماعاد بها رجعه
نايف : تصدق عاد كلهم كانو يتصنعون الضحك من اليوم بس الحين شف ابتسامتهم شاقه حلقهم
سالم : عاد نبي نسمع شي
نايف : سالم كلما زانت الجلسه
الكل : ههههههههههههههههههههههههههههههه
خالد : ابشرو اليوم وش ماتبون تم
سالم : عطنا اغنيه
خالد : تم خلف عزف بلعود وخالد يغني
" صديقي الي قبل اشوفه ذكراه الطيب يبين
ومن يوم شفته كأن نفسي صافحته اشواقها
وصديقي الي يضحك إحجاجه بوجه الغانمين
كأن مد كفه غيمةٍ شاق النظر براقها
وصديقي الي كلما ضاقت علي لازم يبين
في ثقالها وخفافها واجلالها ودقاقها "
بعدها الكل مبتسم ويناضر لثاني خلف خالد جابر سياف .. سالم نايف .. اما صقر اكتفى ببتسامة حزن لما تذكر سطام ( اخو سياف وصديق صقر )
صقر : الا سياف اعذرني على السوال بس ماقصدي شي والله
سياف : عادي قل انت مثل اخوي
صقر : ليش ماجبت اختك مع خواتنا ؟
سياف : ماتوقعت انكم كلكم مجتمعين توقعت اصلاً القا بس انتم ي شباب مو الشيبان بعد خليتها عند خالتي الفجر انا راجع للبيت
جابر : ليع متنام عندنا
سياف : لا ي رجال الجايات
جابر : لا لا بتنام حلوه ماخذين اهل جده مننا اخونا والحين برتجع لبيتكم مافي
-عند البنات
قعدو شوي نص ساعت ونامو
.................................
ثاني يوم
خالد : يولد
سلمى طلعت له : هلا
خالد : اول شي صباح الخير
سلمى ابتسمت : صباح النور
خالد : وين عمتي ؟
سلمى : ابد من السالفه ماطلعت نن الخيمه ساره تو اخذت لها فطور
خالد : طيب انا بروح لها وبنادي لكم ساره غيرو لها جو بهبالكن
سلمى تخصرت : مقدم على مهرجين حظرتك !
خالد : اي هههههههههههههههه
سلمى دفته : اقول
خالد حضنها : انزح معاك وراح
خالد من ورا الخيمه الي فيها عمته : ياولد
ساره تغطت وطلعت له : ادخل تراها ضايقه حيل
دخل خالد جلس جنب عمته : وين الحلو اليوم ماشفته
سعاد ابتسمت بضيق : ابد الحلو ماسافر وتوه رجع
خالد : اوه على وين كنتي مسافره
سعاد بضحك : تركيا
خالد ضحك ؛ لو سمعنا ابوي كان قال اي مو مخربكم غير هلكفار هههههههههههههههههههههههههههههههه
سعاد : اي وانت وش جابك هنا
خالد : طرده صح
سعاد بتفكير : يمكن
خالد : مقبوله منك بس ابد جاي ابيك تطلعين معنا او اقعد على قلبك ترا
سعاد ا: اعرفك نشبه
خالد : اجل يلا قومي
سعاد : ابي انام
خالد : نوم من امس وانتي نايمه قومي
بعد اقناع قامت عند الحريم
................................ العصر
عند الحريم
روابي : بنات
البنات : هلا
روابي : قومو معاي
سلمى : وين
روابي : نبي نضحك على الرجال الحين ابوي وجدي وعمامي يتقهوون والشباب يشربون شاهي وسالم ونايف يتمقلبون
وعد : تم
ترف: بس مايشوفونا
روابي : لا حنى ورا الخيمه وهم قدام معطينا ضهرهم
ترف : يلا
رواحن لهم
سالم : يعيال
الكل : هلا
سالم : نبي نمقلب خالد
خلف : اعقب اخوك الكبير
سياف : الا الا عادي وش المقلب
صقر : خبول لقو اخبل منهم
سياف : هههههههههههههه ي رجال من زمان عنكم ابي اهبالهم شوي
سالم : اسمعو ..........
الكل : تمم
الجيهه الثانيه
روابي : وش قال تتوقعون
جود : اخوي واعرفه يبي يسوي مقلب
حلا : اكيد
سلمى : بس بمنو كلهم هنا
روابي ضحكت : لا باقي خالد
ساره : خالد يويلهم
وعد بنفعال : احسن خليه يأدبهم علشان ميسوون به مرا ثانيه
المها : شوفو احس سياف هو الي ايد سالم ونايف لان جابر وخلف يعرفون ان خالد بيعصب وصقر بعد بس علشان سياف وافق
مهره : وش عرفك ان صقر وافق علشان خالد
المها : واضح شوفي كيف يضحكون
مهره : وانتي وش فيك تناضرين من يضحك ومن لا ولاا.
وعد قاطعتها ومسكت مهره مع يدها : لو ماتسكتين بتشوفين شي ماشفتيه عاد سكتنا لتس كثير ومافي فايده
مهره بعصبيه: انا اعلم صقر وتشوفين ي العوبا
وعد : اعلى مابخيلك اركبيه .. ودفتها
مهره راحت
رغد : ليه سويتي كذا انتي بعد
المها : وعد الحين هي تسوي لك مشاكل مع صقر
وعد : ماعلي منها واخوي انا اعرفه ماعليكم
روابي : بنات بنات شوفو
لفو يشوفون العيال وشافو خالد جا يم العيال وجلس
خالد : وين الباقي
العيال بكذب : ماندري
جابر : خالد سمعنا شي
خالد : اعداك سالم
نايف : شكله
جابر : هين زعلت
خالد ؛ جابر جبور ي حلو
جابر يحاول يهفي ابتسامته : لتحاول زعلان
خالد : ي حلوو عطنا وجه اشوف اشوف شف يضحك ها ضحك ضحك
جابر مات ضحك : اورين ماعندك الواحد يزعل
سياف : الحمدالله على نعمة العقل
خلف : شايف شايف
جابر حضن خالد : وش عليكم خويي
سياف : وحنا اخويا الجدار
خلف : شكله تعال تعال لنا الله
نايف جا يركض : خالد خالد بحر انحاش وماقدرنا نلحقه الحقق
خالد فز وراح يركض وفجأة العيال كلهم يضحكون
لف عليهم وحس السالفه فيها انْ
العيال بوقت واحد : سالمم مو حنا
سالم انصدم : والله نايف وسياف معي
وقب المكان ركض سالم ونايف وخالد يلحقهم اخر شي مسكهم : وبعدين على الخبال ذا بزران انتم بزران
سالم وهو يضحك : وخويك معنا
سياف : كذابين ي خالد
نايف : عينك بعيني من الكذاب ؟؟؟
سياف ضحك ونحاش ولحقه خالد
بعد نص ساعه من الركض مسكهم خالد وصفهم بجدار
جابر : ي حرااااممم شف شف وش كبره واقف معاقب
سياف : خاالد لو ماخليته يوقف معنا بزعله
جابر بصدمه: تعقبون منبه الا ان احد شاله وصفه معهم
جابر : خالد فكك
خالد : ترا بربطك لو تحركت
جابر : عذه اوريك
( خالد طويل وعريض مرا واقواهم حيل )
ابو خالد : اي ذا ولدي مو الخبل ذاك
سالم : انااا يبه ؟
ابو خالد : لا ابوي
الجد : انا شدخلني
ابو خالد بورطه : محشوم يبه ماقصدتك
ابو صقر : خلهم خلهم ي خالد
خالد : عشانك يعم ولا هم ماش
............................
تسريع احداث بعد شهر اول ايام رمضان
ببيت الجد
بلمطبخ
سلمى : بنات قليت السمبوسة اوديها
روابي : وانا خلصت العصاير
جود : وانا خلصت الشوربه
وعد : وانا وحلا خلصنا الفطاير
ساره : وانا والمها رتبنا البيت وبخرناه
رغد : وانا فصمت التمر ( يعني شالت النواه الي داخله او الفصم بلعاميه ) من سوت جلي ومحلبيه ؟
سلمى : المها خلصته من بدري والحين تقرا قران
رغد : والحلا ؟
حلا : انا حلا يكفي
رغد : ههههههه ماشاءالله واضح صدق محد سوا حلا
جود : الا المها سوته بثلاجه وترف ونوف بعد قالن بيجيبن وسوو بعد اكل نع الفطور وسُلاف سوت حلا وقيمات وفطاير ( سُلاف اخت سياف )
وعد : وست الحسن والدلال ليه ماجت تساعد
رغد : وعد وش فيك عليها خليها
روابي : معها حق وعد حنا نسوي وهي جالسه
جود : اول مرا اتفق معهن
سلمى : اخخ احس ودي اذبحهاا
وعد : تم نروح
ررابي : وانا معكم
رغد : اقول اهجدن ( اعقلن )
صقر : ياولد
طلعت وعد تركض : هلا
صقر : اكرفوك ( خلوها تشتغل كثير )
وعد : ايي حيل
صقر ضحك : ليه الخدامة ماسوت عنكن
رغد : جدي وعمامي مايحبون اكل الخدم وغير كذا لو هي بتسوي بتتعب ي حرام حنا امة محمد
صقر : قرلي ماشاءالله
رغد : ماشاءالله
صقر : وين مهره
وعد : عند الحريم
صقر : ماسوت معكم شي !
وعد : لا
رغد بسرعه : الا الا سوت وراحت
صقر : رغد لاتكذبين قولي الصدق ترا والله لو كذبتي مو بحسن لك
رغد سكتت
صقر : وعد ساعدتكم او لا
وعد : لا قلت لها
صقر : طيب وراح
رغد : وبعدين يعني معاك
وعد : وانا وش قلت وبعدين شفتيها من تزوجها وهي كل يوم تكذب اننا سابينها او ضاربينها او مخلينها خدامه لو واحد ثاني غير صقر صدقها بس اخوي عارف خواته .. وراحت
رغد : استغفر الله
عند الرجال
خالد : يالله متى يذن احس بموتت جوعع
جابر : انا مت وخلاص
صقر : استغفرو واقرو قران لين يذن
جابر وخالد : سوينا كل شي
الكل : هههههههههههههههههههههه
نايف : حتى كلامهم نفس الشي
الجد : جابر
جابر : سم
الجد : وين سياف وخلف
جابر : جليين بطريق
ابو خالد من برا : وليه محد حط ضبط الجلسه برا !
العيال تفرقو كل مكان من الذله يضبطون الجلسه
بعد المغرب
الكل ملتم حول النار
الجد : اسمعوني كلكم
الكل سم
الجد : ابيكم مكلكم تعيشون عندي ومابي عذر ولا اخد يقول لا فاهمين تركتكم على راحتكم لما طلعتو قبل اما الحين ترجعون للبيت الي عشتو وربيتو عيالكم به
ابو جابر : انا ماعندي مانع وكنت بقولك
ابو صقر : وانا بعد
ابو خالد : انا ييبه مقدر ماشاءالله عيالي كثار والبيت مايكفي
الجد بصرامه : ماتكذب علي بهلكلام بيتي اكبر بيت موجود بنجد كلها على كبر بيوتها انا قاعد اقول هلكلام ماشاور احد اعطيكم امر وكلكم تسوونه
ابو خالد : ابشر
الجد : وانتم ي خلف وسياف
خلف وسياف ناضرو بعض بصدمه : حنا ايش
الجد : نفس كلامي لعيالي لكم بعد البيت الي جنب بيتي مبني وخالص ومقسوم ثنين وبينباع اذا تبون تسكنون فيه او معنا .. سكت شوي وكمل ترا مافي رفض وانا قلت على البيت الي قدام علشان اذا ماتاخذون راحتكم معنا تكونون بينا كذا وتاخذون راحتكم ؟؟
خلف بصدمه : لا يجد حنا نضل ببيوتنا ونجيكم حنا واهلنا كل كم يوم
الجد : اسمع الكلام ي خلف ابوك كان نفس ولدي وانت وخواتك احفادي لتكثر هرج
خلف بتردد : باخذ راي امي وخواتي ويصير خير
جابر بحماس : ها سياف وش قلت
سياف كان سكوته عباره عن صدمه ولما فكر فيها اخته ماعندها احد لجا يطلع او شي اما اذا سكن بلبيت الي جنب الجد بيكون جنبها الجد وهله وتقدر تروح لهم
ويجونها كل شوي : انا ماعندي مانع اكلم صاحب البيت بكرا وسجله بسمي انا وخلف بس قبلها بكلم سُلاف
الجد : اجل انا بروح اقيل ولقعدت بسألهم بنفسي اتأكد من رايهم. وراح ولحقوه ابو خالد وابو جابر اما ابو صقر راح لدوامه بالمستشفى
خالد : ايي ذي الاخبار السنعه
جابر : اي يالله وش الرضاء ذا كله اجتمع اشياء كثيره حلوه رمضان وبتسكنون جنبنا وانا شبعان ( يعني اكل كثير ومو جوعان )
سالم : ركزو لي على النقطه الاخيره ههههههههههههههه
فجأه الكل قعد يضحك بصوت عالي
ابو خالد بصراخ : لو قمت عليكم والله لتلعب العصا بضهوركم
تحول الضحك لهدوء ثواني ومات نايف ضحك مرا ثانيه
سياف : لحول الله البقره الضاحكه وش يسكتها الحين ؟
الكل : هههههههههههههههههههههههههههه
نايف ظربه بلمركه ( التكايه ) : اسكت بس
...............................
عند البنات
ام خلف : جود خلصت دراسه صح ؟
ام خالد ابتسمت : اي
ام خلف : الله يوفقها يارب وتشوفينها عروس ( مدري اذا كذا يقولن الحريم الكبار لتوضيح انها بتخطبها او لا 😭)
ام خالد : امين يارب
جود الي شوي وتموت من الخجل قامت داخل على طول ولحقوها البنات
سُلاف درعمت ( دخلت بقوه ) للغرفه بضحك : يعع ومسويه مستحيه بعد
جود : سُلافوه اسكتي عني احسن لك مو وقت خبالك
سُلاف تخصرت : عشتوو حاصل لتس اني قاعده اونستس
وعد : ماتقدر النعمه
سلمى بصراخ : ليكونننن الييي فهمته !
رغد : صباح الخير
سلمى تمثل الزعل : لااا اختي منزوجها بحبسها يعع اقعد عند حلا والمها ثقيلات مايمزحن
روابي : صيري مثلي تناحي مع اخوانك انا طلعت عين جابر
سلمى : انا وجود هنا طلعت عينهم شلون لو راحت يناحشون ي حرام
ساره : عارفه انهم بيناحشون الحمدالله
حلا ضحكت : اصلاً كلهم يقولون لو هي مو بلبيت البيت يصير كأيب مافي هواش وصراخ وضحك
سلمى : ومع ذالك خليف ماياخذ اختي اختي حقتنا هههههههه
ترف دفتها : اعقلي اسمه خلف وبعدين والله جود لو صدق امي بتخطبك له يحضك مو لنه اخوي بس خلف طيب وحبيب ومايحب احد يزعل واذا حب شخص يحبه من قلبه
نوف : اسألي مجربه ترف اكثر انسانه مدلعه
جود بحرج : بنات غيرو الموضوع خلاص
ساره : يويلو الي استحى
جود : ساااارهه
وعد : الا وين المها
رغد : تسوي شاهي
وعد بتكشير : والحيه وينها
سُلاف : الحيه مع الحريم الكبار
سعاد دخلت : خلن السوالف وتعالن قهونا وسلولفن معنا
وعد : عمه الحيه عندكم خلوها تتحرك شوي
سعاد بحده : وعدوه عن طوالة السان وقومي يلا
ساره بهمس : ترا الحين تهاوشنا وتخلينا نكرف مرا ثانيه قومن

بالمطبخ
المها تسوي شاهي
مهره : انتي هيه
المها ماردت
مهره : ماتسمعين اكلمك انا
المها لفت : ها وش تبين
مهره : وجعا انشاء الله جايه اقولك كم شغله وحطيهم براسك زين صقر لتسولفين معه مرا ثانيه فاهمه حتى سلام لتردينه ولتمونين مع وعد ورغد زياده لانك قاطه حالك عيهن ي لعانس
المها : اول شي صقر طبيعي لو سولف برد عيله واذا عندك شي قوليه له وثاني شي وعد ورغد بنات عمي واكثر من خواتي مو انتي تخربين بينا ومالي خلق مشاكل بأول ايام رمضان ابعدي عن وجهي
مهره انقهرت ودفت المها ونكب عليها الشاهي بيدها وخافت جت بتنحاش شافت صقر قدامها وعيونه تنقط شرار اول مرا تشوفه كذا من تزوجته خافت وبتوتر : صقر الحق المها طاحت ونكب عليها الشاهـ
قطع كلامها كف لف وجها وطبع على خدها دفها وشاف المها تبكي ومافي صوت بامطبخرالا شهقاتها ( المها كانت لابسه لبس تراث وفاكه شعرها وحاطه كحل خفيف وتحت عينها شامه تسحر ) ناضر فيها ثواني واستوعب سحب يدها يشوف الحرق ( صقر دكتور ) : المها قومي بوديك للمستشفى يلا
المها وقفت وهي ترجف من الخوف وعد دخلت : المها شفيك ليه تبكي ؟؟ صقرر رد علي
صقر بستعجال : بعدين اقولك روحي جيبي عباتها بسرعه
وعد راحت ركض ورجعت معها العبايه لبست المها واخذ صقر المها للمستشفى
ـــــــــــــــــــــــــــــــــــــــــــــــــــــــــ
نزلته من فتره بس مانزل تو انتبه لك معليش 🤍