بلاي ي جابر بعناد روس الرجال

البارت العاشر

( لا اله الا الله )
(كومنت لايك يحمسني اكتب ورايكم )

ابو خالد بصدمه : نعم !!!
خالد : يبي يتزوج ساره وش فيها ؟
ابو خالد بحده : ساره لك انت !
سالم بحده : يبه خالد مايبي ومحد جابره وانا احبها ؟
ابوه : تحبها
سالم : اي
ابو خالد بهدوء عكس الاعصار الي قبل ثواني : خلاص اقول لبوي واخواني ونخطبها
سالم حب راس ابوه : يخليكم ذخر ان شاء الله
خالد ابتسم وحضن اخوه : مبروك مقدماً
سالم بادله الحضن : يبارك فيك
عند البنات بلعزيمه
سلمى : يمه من بنته ذي
ام خالد : بنت الشيخ
سلمى بصدمه : معقوله مو واضح عليها
ام خالد : هم ماشاءالله عليهم متواضعين مرا بس وسكتت
وعد : بس وش خاله
ام خالد بهمس : ابوهم واخوهم شايفين نفسهم مرا وياخذون كل شي يبونه غصب عن كل اهل الديره بحكم انه الشيخ وولده
جود : معقوله !
سلمى بحماس : ليكون هاذا الي ميدانيه خالد وش كان اسمه اا اي صح زيد
المها ضحكت : اي هو الي مرا صارت مذبحه بينه وبين خالد
وعد : صح اذكرها بس كيف ماسوا الشيخ شي لخالد
جود : خالد يهابونه كلهم حتى الشيخ ماسوى له شي
رغد : ترا سمعت انهم يبون ينتقمون من خالد
حلا بخوف : ماتوقع يسوون شي له
سلمى : بنات خلونا نتعرف عليها اذا هي مو زيهم
روابي : يلا امشي
راحو البنات كلهم وبقى المها ورغد وحلا
المها : يمه
ام خالد : هلا يمه
المها : تعبانه برجع البيت
ام خالد : مافي احد يرجعك ؟
المها : بشوف من الورعان يقول للعيال واخد يرجعني
ام خالد : طيب انتبهي على حالك
المها ببتسامة : ابشري وراحت
المها : تعال
الطفل : هلا
المها : شسمك يحلو
الطفل : يوسف
المها عطته حلاوه : هاذي لك
يوسف : مشكوره انتي المها صح !
المها ضحكت : اي كيف عرفت اسمي
يوسف : سمعتهم ينادونك
المها : طيب عادي تروح لخواني وعيال عمامي تقول اني ابي واحد منهم يوصلوني البيت تعبانه
يوسف : حاضر  وراح وضلت المها واقفه عند الباب تنتضر
عند العيال
جا يوسف : تعبت وانا ادوركم
سياف ضحك : وليه تدورنا انت منو اصلاً
يوسف تخصر : جاي من المريخ يعني نفسي نفسكم
سالم ونايف صفرو : جبهتك وين راحت ( يعني قصفه )
سياف تنرفز : سالموه ونايفون اسكتو وانت ورع عمرك 5 سنين لسانك وش طوله
يوسف : عدل حساباتك عمري 6
خالد ضحك : تعال عندي ليه تدورنا تبي شي !
يوسف : لا بس اختك المها تقول تعبانه تبي حد يرجعها للبيت
خالد بحده : ولد لتقول اسمها ( عيال الديره كلهم موجودين)
يوسف : اسم مو كنز المهم انهز تعبانه وتنتضر واحد فيكم يحس على دمه ويقوم يرجعها للبيت
(صقر مايدري ليه حس بخوف وقلق عليها كبير ) انا بروح ارجعها
خالد : لا اجلس انت اكبرنا سالم رجعها
سالم : نجوم السماء اقرب لكم
خالد : سالم اخلص مالي خلق
سالم : لا
صقر : اجلس انت وياه انا رايح ومشا
نايف : من ولده انت
يوسف : ولد رجال
نايف ضحك : ونعم بس من الرجال
يوسف : اهجد مالك دخل
خلف بضحك : يقصف ولا يبالي ههههههههههههههه
سياف الي كان غاثه نزل نعله اكرمكم الله وجا بيرميها عليه : اذلف
يوسف انحاش عنهم
عند صقر
كان رايح ولما وصل شاف الباب مردود ( مو مسكر كله )
وتذكر يوسف لما قال انها تنتضر عند الباب توقع انها لابسه عباتها ونقابها طق الباب محد رد ودخل وصادف المها توها جايه من عند الحريم ( شافتهم طولو دخلت ورجعت توها ) كانت جميله جميله وملامحها ناعمه وفستانها طالع عليهم يهبلل المهت مم شافته راحت ورا الباب بسرعه وهو لف وطلع لبست عبايتها ونقابها وطلعت
صقر : عسى ماشر يقولون تعبانه
المها : الشر ميجيك مصدعه شوي
صقر : اوديك للمستشفى!
المها : لا بروح البيت انام ويخف ان شاء الله
صقر براحه : اجل تمام بس اذا اوجعك اكثر قولي لي اوديك
المها : زين
وصلها ورجع للعيال
.........................................
بعد اسبوعين خطب سالم ساره
وساره ماكانت موافقه عبالها انه مغصوب عليها بس وافقت علشان ابوها ماياخذها وابوها وافق يبي الفكه منها
قبل الزواج بيوم بخيمة الزوجات
صقر : خلف لفها من هنا
جابر : لا لا من هنا
خالد : قدمها شوي
نايف : حطوها بلجهه الثانيه احلا
خلف عصب ورما الفرش ( بساط او سجاده حقت زواجات الي في الخيام الزواجات ) سووه انتم ولا اذلفو عني كل واحد يقول كلمه
سياف جا وهو رافع المراكي ( تكايه ) فوق كتفه وطيحهن على جابر بلغلط
جابر بالم : وعمى تعميك كسرت راسي
سياف والعيال ماتو ضحك
جابر انجلط : ضحك بليا ضروس
خلف : ويلوو الزعلانن شوفو شوفو ضحك ها شوفو
جابر ماقدر يمسك حاله وابتسم : لتعيدونها
سياف : ابشر طال عمرك
نايف : مسيطر
الكل ههههههههههههههههههههههههههههههههههه
دخل الجد والعمام : خير خير وش ذا الصراخ والضحك اخلصو   ورجعو يشتغلون بهدوء
............................
يوم الزواج
جت ساره من المشغل ودخلت الغرفه من الباب الخلفي وكانت حزينه وشكلها مايوحي ابداً انها سعيده او منحرجه دخلت وعد بفرح وحزن خفيف : سروونه بتخلينا خلاص
ساره ببتسامه مزيفه : لا مابخليكم بقعد بطابق الي فوق بيت جدي وبعيش معكم
وعد : بس ماراح نسهر سوا ولا راح ننام سوا ولا نمقلبهم بليل
ساره : لتبكيني تكفين
وعد بسرعه: لا لا امزح ابي الفكه وعقبال الباقيات وارتاح منكم
ساره ضحكت وبعدين تجمعت الدموع بعينها وكانت تحاول ماتبكي
وعد بصدمه : ساره حبيبتي شفيك ليه ليه الدموع
ساره وهي تحاول ماتوضح وتخليهم يحزنون عليها بليوم ذا او تحزن امها : بشتاق لكم
وعد ماصدقتها بس كانت بتمشي معها ومتضايقها اكثر : وحنا بعد الحين بروح اناديهم ونجي تصورنا رغد بلكميرا ونرقص ونفرح وننبسط وراحت تناديهم ماهي الا دقايق وهاجموها
ترف : يلا يعروسه نبيك ترقصين دام مافي حريم كبار
روابي : وهه جا اليوم تتزوجين فيه وتفكينا من المناحا مع العوبا
سلمى ضربتها : العوبا انتي
وعد : خلو الهواش ويلا. وشغلت اغاني وبدو يرقصون
وعد مسكت يد ساره وبدت ترقص معها والبنات يضحكن ويصورن وبعد ساعه بدو يجون الحريم ونزلو تحت وبقت ساره بتوتر وحزن وخوف
عند الحريم جت الطقاقه
وبدت تغني لم خالد بصوت عالي وتشجيع البنات والموجودين يرددون
( يم خالد تهنيتي بلغتي ماتمنيتي وبيوت العز بنيتي
وسالم ثار باروده كسرهم مانكسر عوده
ياخوان سالم ياصقور والمدح فيهم مايبور )
ام خالد كانت ترقص هي وبناتها بفرحه من الفرحه دمعت عينها
سلمى مسكت يد امها وهي ترقص وكانها تقول اليوم فرح افرحي يمه لتنزل دموعك ام خالد ابتسمت وكملو رقص ودخلو معهم حريم الديره وام جابر وام خلف وسعاد الفرحه كانت مو شايلتها
وبعد الرقص بدور ام خالد
جا دور ام ساره سعاد بقصيده لبنتها
( اكتمل زين الوصايف على مربى يدينك مبروك يم ساره في قرة عيونك اكتب لك اعذب التباريك واسابق الفرحه واهنيك ) والكل يردد بصوت عالي
وبعدها قالة الطقاقه
(  صلو على محمد فوح العطر والعود
وفي ليله بين العين وهدبها هذي اليله انور نورها زود والسماء نجومها اضوة في لهبها كيف ماتضوي
وكل حاضر موجود شوق المحبه يلتقي في طربها
العروسه ياكل الحسن فيها موجود يغار والله البدر من طلة هدبها
العريس ياكل الشهامه بلازود والد الرجال والمكارم واهلها  ) والكل يرقص وفرحان وكذا استمرت ليلة العرس عند الحريم
اما عند الرجال
كانو العيال قاعدين يعرضون العرضه النجديه وكل الانضار عليهم وهم يدقنونها بشكل كبير والكل يذكر الله عليهم وبلاخص خلف وخالد الي اكثر شي ضابطينها وجابر كان مكانه بكل العروس ماسك الرايه
الجد والعمام كانو يناضرون فيهم بفخر
على طرف كان في انضار عليهم
.......: شفته سو الي قلته الحين
...... : لا لا ماقدر لو درو يذبحوني
...... لو ماسويتها انا بذبحك
..... : زيد والله اخاف كلف غيري
زيد : خلاص انا اسويها ي جبان وحسابك بعدين

ــــــــــــــــــــــــــــــــــــــــــــــــــــــــــــــــــ

عطوني رايكم بلبارت 🤍