بلاي ي جابر بعناد روس الرجال

البارت الخامس

شجعوني بتعليق ولايك علشان اكمل 😔
وعطوني رايكم وافكاركم

بالجهه الثانيه
سعاد : يويلي يويلي وش اسوي
ساره : يمه وش فيك ؟
سعاد ببكي : ابوك جاي ابوك جاي
ساره : ليه غريبه مايحب خوالي هو !
سعاد : معصب اني جيت انا قلت له امس ووافق وتركت له رساله بطاوله اذا جاء من الشغل
ساره حضنتها : ماعليك ماعليك خوالي هنا محد بيسوي لك شي خلاص لتبكين
سعد فزت : بفك الباب قبل يطق قوه ويتهاوش مع احد من اخواني او  عيالهم
ساره : بروح معك لحضه
اول مافكو الباب لقوه مدرعم ( داخل لاحم ولادستور )
ابو جواهر مسكها مع شعرها : انااا وشششش هااا ليه تروحين وماتقولين لي وش شايفتني ورع ولا طالوله مالي كلمه ببيتي
سعاد بكت : ااا انا قلت لك والله امس قلت روحي
ابو جواهر : قلتتتتيي لي متىى اكذب يعنييي
ساره وهي تفكه : يبه تكفى يبه فكها قالت لك قدامنا كلنا امس وجواهر اقنعتك بعد
ابو جواهر فك سعاد ولف على ساره وهو يصفقها كف : تكذبيني بعد
خالد بعده قوه وهو يعطيه بقس ( لكمه على الوجه ) : ياكلبب تمد ايدك عليهم وبيننا بعد
نايف مسكه من ياقة ثوبه : تفف عليك من رجال
خالد : مو رجال ذااااا
ابو جواهر : ورعان امس ويبون يعلموني شلون اصير رجال واتعامل مع اهلي فكني انت وياه
نايف : الورعان يسوونك ويسوون عشره منك بعد
ابو جواهر : تخسون انا من شفتكم مستقبلين ولد عبد الرحمن الكلب عرفت رجولتكم
خلف الي طلع معهم وشافهم يتضاربون وسمع كل شي مسك ابوجواهر ودفه على الجدار وضربه وقال بعصبيه : كررررر وش قلتتت
ابو جواهر : اها انت ولد بايع المخـ..
ممداه يكمل الا طاح فيه خلف ضرب وكان الكل يحاول يفكه بس محد قدر
جابر : خلاص يخلف بيموت فكه
خلف بعصبيه : خلهه يموتتت خلههه
جابر : مليسوى تدخل السجن علشانه خلاص
خلف : انا بدخل انا بدخل السجن
الجد : قوم قوم ي خلف شوف خواتك يبكن وامك توك طالع من المسشفى لتخوفهم اكثر
خلف قام وابعد عنهم وجلس وعيونه حمرا ومليانه دموع : اخخ ييبه اخخ رحت مضلوم ييبه وللحين يحاولون يضلمونك
خالد جا وحلس جنبه : ترحم عليه ترحم عيله مايجوز كذا
خلف حضنه : والله ماكان يضر احد ليه ليه صار كل ذا ليه
خالد : ربك قادر على كل شي يخوك وابوك عند الي ارحم منك ومني يلا رح لخواتك ترهم سمعو الي قاله وهن مايعرفن عن السالفه روح فهمهن
خلف مسح دموعه : نادهم لي
خالد : ابشر
اما عند ابو جواهر كان الكل معصب منه ويهاوشون
الجد : قم اذلف برا لاشوفك مرا ثانيه اذلف لبارك الله فيك
ابو جواهر بحده : ناد سعاد وبناتي ي جابرر
جابر : تعقب ماتاخذهم
ابو خالد : وطلاق تطلقها الحين
ابو جواهر : محد له شغلل بيني وبين زوجتي ي فيصل
ابو صقر : لنا شغل ونص وكلامنا بتنفذه فاهم
خالد دخل : شوف اتوقع انه ضرب جاك ماكفاك فا والله والله والله هاذا حلفت ثلاث مرات بروح انادي عمتي تطلقها وطرق عن خشمك لتشوف شي مايرضيك فاهم
ابو جواهر : وان ماطلقتها وش بتسوي
سالم قام بتهاوش معه وجلسه ابوه
ابو خالد : ماتوقع انك ناسي وش سوو فيك العيال قبل كذا ولا
ابو جابر ضحك بستهزا : شلون ينسا اسبوع وهو بلعنايه
خلف دخل : لحضه خالد قبل لتنادي عمتك عندي له سوال
خالد عرف وش عنده : خذ راحتك فيه.
خلف جلس حنبه : شوف سوال ورد غطاه لك شغل بلي صار لبوي ولا لا !!!!!
ابو جواهر : مالكك دخل
خلف عصبب : انطقق لخلي اليوم جنازتك اخلصص
ابو جواهر خاف ان خلف يعرف : اا اي
خلف : وش لك يد فيهه
ابو جواهر بتردد : اا قبل ليصير الي صار لبوك وقبل ليتوفى وقبل كل شي بسبوع واحد بس اتصل علي عمك ابو مقبل وقال لي انه يبي رقم واحد يبيع مخدرات سألته ليه قال انه بيورط ابوك بسالفه ذي المهم ان عمك محمد دفع للي ورطو ابوك بسالفه علشان يطلعونه وهو مايدري ان اخوانه سبب كل ذا واخذ الفلوس الي ورط ابوك وطلع ابوك بريئ وبعدها بفتره دخلو ابوك بتهمة قتل كذب منهم والباقي انت تعرفه ان مخمد حط له محاميين بسس حكمو عليه قصاص
نايف: يخسيسس انت وياهم ياردي ليهه وش سوا لكمم
الجد بعصبيه : وانت وش لك شغل بلمخدرات والبلاوي ذي
سكت الكل وفجأه ضحك خلف ضحكة انكسار وتعب : انا اقول لكم هاردي ذااا صاحب بلاوي
وقامت الدنيا ولا قعدت بالمزرعه واخر شي نادو سعاد وطلقها ابو جواهر
الجد لساره وجواهر : يبناتي ابوكم طلق خلاص وش لكم بروحه معه هنا احسن لكم واريح بعد
ساره : انا مابي اروح معاه ابد يجدي
ابو جواهر : هين هين يسوير انا اربيك ماردك لي
جابر : سددد حلقكك
جواهر بعصبيه : محد له شغل بيي وانا بروح مع ابوي فاهمين
سعاد بصدمه مسكت يدها  : ليه ييمه انا امك بتتركيني !
جواهر : لاتكذبيننن انتي مو امي انا مو الصغيره الي قبل ينكذب عليها ادري انك مو امي ادرري امي توفت بعد ماجيت على الدنيا بسنه وانا ماعندي ام او اخت
بعد الي قالته صارت صمت وصدمهه للكل ( سعاد تزوجت ابو جواهر بعد وفات زوجته الي هي ام جواهر بسنه وربت جواهر مع ساره ) وكان مافي صوت الا صوت بكا سعاد خلف لما شاف الوضع كذا طلع وراح يشوف خواته
ساره بعصبيه وهي تشوف امها تبكي بنكسار : اذلفي بس لصار شي ومد يده عليك لتجين عندنا تبكين وتتندمين فاهمه وتذكري انك قلتيها مالك ام ولا اخت عندنا
ابو جواهر قام ومسك ساره مع كتفها وجا بيضربها بس مسك يده سالم : يدك ماتمدها ويلا لاشوف وجهك يلااا
الجد : اطلع اطلع برا المزرعه ولاعاد نشوفك ولا لك بنت او زوجها عندنا
ابو جواهر ضحك بستهزا : غلطان يشايب مو انت الي تمشي كلامك علي
ابو خالد ضربه قوه : احترم نفسك يقليل الخاتمه وتذكر اني ماخاف من اكبر راس اشوفك ثاني مرا جاي هنا او مطول صوتك على ابوي اخلي جنازتك بعدها فاهمم
راح ابو جواهر وهو يتحلف بهم
اما الحريم
دخلو وهم كل وحده تفكر وش صار وليه كل ذا والف سوال براسها
وعد : يروحي عمتي تلقونها بحاله الحين بعد الي صار
حلا : انا كل مرا انصدم بجواهر اكثر واكثر
وعد : الله ياخذها قهرتني بالي قالته لعمتي
ام جابر : وانتم وشلون سمعتو وانتم هنا
حلا  : ااا سمعناهم اصواتهم عاليه
سلمى : انا احس اني مو من العايله
ام خالد ضربتها بخفه : لا بنت الجيران
سلمى ضحكت : يعني كل فتره يصير شي مانعرفه كاننا مو من العايله
المها : سلمووه انتي حتى بالوقت ذا تضحكين
سلمى : جد يعني صايره اكشن كثير وناسه
روابي : وعددد امشييي يلا
وعد : يلا
رغد : وين
وعد : شوي نجي نتمشع
رغد : ماشفتي صقر اليوم ؟
وعد : لا يمكن راح لزوجته
رغد : مو بالعاده يروح مايقول لنا
ام خالد : يمه هو الحين متزوج خلوه براحته
رغد : تمام
بعيد عن ذا كله نروح لرياض ببيت ماقد جيناه
بيت اهل مهره
صقر : وليه رحتي ماقلتي لي ولا ناسه انك متزوجه ؟
مهره بعصبيه : لا مو ناسيه انت موديني عند اهلك وانا بروح لهلي بعد
صقر ينرفزه : وانااا وش انا اوديك وش تبين يقول عني اخوك ماكملت اسبوع واخليهم يودونك ويجيبونك هاذي اخر مرا تروحين وماتقولين لي
مهره : لاوالله وش يعني بتحبسني اروح واجي متى مابي كيفي
صقر : اسمعي يبنت الناس لاتخليني اسوي شي مابي اسويه لان اذا كذا بدايتها ينعاف تاليها
مهره تخصرت : وش بتسوي انشاء الله عندك شي هاذا اخواني هنا واعلى مابخليك اركبه
صقر مسكها مع يدها وتكلم بعصبيه : والله والله والله لو ماتسكتين مو بحسلك .. ودفها
دخل اخوها : عسى ماشر فيكم شي !
صقر : لا
مهره : الا مايبيني اجيكم ويبيني اتركم
اخوها : نعم صقر وش هالكلامم !؟
صقر جلس : اجلس وانا بقولك وقال له كل شي .. يرضيك هالكلام
اخوها بحرج طالع لخته : تعوذو من الشيطان وانتم توكم تتعودون على طبع بعض مع الايام
صقر : اعوذ بالله منك يبليس ويلا خوذي اغراضك بنرجع للمزرعه
وقام سلمو على بعض ومشو
................... بالمزرعه
دخل صقر : السلام عليكم
الكل : وعليكم السلام
خالد اشر جنبه : تعال
صقر : بروح اشوف خواتي واجي
ابو صقر : رح ترا رغد خايفه عليك دورتك مالقتك
صقر : نسيت اقول لها اني بطلع
جابر بعفويه : رح لمك تدورك ههههههههه
نايف : الله يرحمهاا
صقر : الاخت الكبيره نفس الام
جابر استوعب انه جاب العيد : اسف ماقصدت قلتها بعفويه والله
صقر : لا عادي نعرف انه مو قصدك شي
راح عندهم : رغد وعد
وعد حضنته : وينك ماشفناك اليوم
صقر : رحت اجيب مهره عرافه الطريق بين المزرعه والرياض طويل شوي
رغد : خوفتنا عليك مو بالعاده ترح وماتقول لي
صقر ابتسم : ي بعد صقر انتي
مهره طلعت لهم وقالت بسلوب استهزا : ترا مو صغير تخافين عليه
صقر : مهره ادخلي عندهم قاعد مع خواتي
وعد : واذا مو صغير اخونا وخفنا عليه
صقر لف فروته عليهن وترك مهره ورا : تعالن بوريكم شي
رغد ضحكت : اتوقع اني عرفت
صقر مد لهم قهوه : ايي اعرفكن تحبن القهوه وجبت لكم
ورغد : يعطيك العافيه
وعد : كفو حبيب اخته
صقر : وعد خوذي وعطي البنات داخل وترا حتى خوات خلف جبت لهم
وعد : ابشر  وراحن انا مهره كانت بقمة العصبيه انه مطنشها وجاب للكل الا هي
روابي : والله انه كفو صقر جا بوقته مع النار قهوه يالله
ام جابر : ذبحتكم هالقهوه
ام خلف: اي والله عندي ترف وخلف حتى دمهم صار قهوه
المها : وانتي نوف ماتحبين القهوه
نوف : الا بس يعني مو مرا قليل اشربها
المها : زين في اخد زيي انا ورغد
نوف : شكل صدقت روابي انا وانتم نختلف عنهم بشياء كثير
حلا : وانا واختي محايدات مع الاثنين
جود : نرضي جميع الاطراف
ام خالد : مهره ماتحبين القهوه
مهره بكذب : الا بس شربتها بسياره
ام خالد : زين
وعد : بنات تبون نطلع بكرا نفس قبل ؟
روابي صفقت : ايي
رغد : بس انتبهو على نفسكم
ترف : وين ؟
روابي وسلمى : انا اقولك
سلمى : خير قالت قبلك
روابي : لا والله انا
ترف ضحكت : وانتم بس تتهاوشن
المها : مايعيشن اذا ماتهاوشو
ترف : طيب قولو لي جاني فضول
سلمى : حنا كلما نجي للمزرعه ياخذنا صقر فوق الجبل الي هناك .. اشرت بيدها
روابي : ونفلهاا ويفحط بنا ونكون مكشفات يعني احلا وناسه
نوف : ليه انتم تكشفون عند صقر !
رغد : لا مايكشفن بس يكونن بحوض السيارت ( الي بددسن او الشاص ورا ) فا يكشفن
ترف بحماس : الله وناااسه
مهره : وليش صقر الي وديكم
وعد : اخوي ويودينا وش بهاا ؟!
مهره : اخوك انتي مو هذول كلهم وبعدين حتى ولو هو مو سواق لكم
وعد بعصبيه : والله ي روحي كيفي اخليه سواق لي او لا مالك شغل وهذول الي مو عاجبينك حسبة خواته
مهره : نشوف اذا وداكم وتذكري كلامي ماراح يودي احدد
رغد : مهره احترمي حالك وماله داعي المشاكل
ام جابر : والبنات كلهن خواته ي بنتي
مهره : وعع بسس .. ماحست الا على يد طابعه بوجها
روابي بعصبيه : لما تتكلمين تكلمي بدب لانا ناس محترمه مو ناقص الا انتي تشوهين سمعتنا ولا شوفك معليه صوتك على اميي
بعد ذا الكل بدا يقوم ويروح بنام
........................... اما الشباب تو الجلسه زانت
خلف ماسك العود : تبون اعزف لكم ؟
نايف : اي ي رجال نابغو الشيبان يقومون علشان ناخذ راحتنا
سالم : ولا بنغني بعد كلنا
خالد.: اعزف لنا ابي اغني اغنية ذكرى عزيزه
خلف : ماخذه عقلك هالغنيه بس ابشر
صقر : حنا نسحب يدنا ابدا انت خالد صوتك حلو
نايف : ماش ماخذ مواهب حلوه شاعر وصوته حلو
خالد : اعجبك
جابر : لتشوف نفسك بس
خالد ؛ ابشر يلا خلف
خلف بدا يعزف وخالد بدا بغني :
لحضه قبل لاتقولين لي تحبينه ودي اسولف معاك وطالعي عيني
من بعدها سوي الي تبي تسوينه حتى لونك بعدها راح تنسيني
الحب ماكان يستاهل تخونينه لكن انا كنت استاهل تحبيني
حبيبك ان غاب عنك لا توصينه مافي داعي على نفسي توصيني
ولا تحاتين غيره يابعد عينه لاكن انا بعد عينك من يحاتيني
تذكري قلبي الي ضاعت سنينه حتى ولو كانت الذكرى تبكيني
العام شاعرك كنتي من محبينه واليوم مكسور من صدمة محبينه
قولي لي منهو بعد حبي تحبينه اني احبك لونك ماتحبيني

سالم انسدح على رجل خالد: اخخ احس الاغنيه فيها مشاعر تخليك تحس لونك ماعندك ماعند جدي
خلف ضحك : انت وضعك ماش صدقني
جابر : تحسه طايح على وجهه
سالم : حرام عليكم واسألو نايف ماعندي شي بس كذا استهبل
صقر : نايف لونك تكذب كمل معك حتى وهو مايدري عن شي
نايف : خويي وش تبون
خلف : سلامتك بس عطونا قصيده
حابر : هالمرا علي
خالد : يلا بدع زي قبل
جابر : طيب .... يقولك الشاعر الواحد الي مايروح افواشه الحين بيقوم عمي ويخلي العصاء تلعب بضهره
الكل : هههههههههههههههههههههههههههههههههههههههههههههههههههه
خالد : الله يقلع بليسك توقعت رجعت زي قبل تحب القصايد اخر شي كذا
خلف بضحك : بس مو كنه صادق ؟
صقر : صادق بلحيل
نايف : والله ماقوم لين اسمع قصيده
خالد : ابشر بها ..
لي وليف بقلبي احب طاريه
واعشق حروفه الثلاث واغنيها على شانه
هو ضي عيني عطيته قلبي كله وخليته بمحبتي منفرد ووحداني
وتراني ليا لمحته فكري يسج واسرح
واناظر القمر واحكي عندي قمر ثاني
نايف صفر : صح لسانك
سالم : اي كذا خلنا نسمع شي مو نقوم لا سمعنا شي ولا هم يحزنون
جابر : تبي اقولك قصيده ؟
سالم بسرعه : لا لا يعطيك العافيه قم قم نم
الكل : هههههههههههههههههههههههههههههههههههههههههههههههههههه
خلف : تستاهل عشان مرا ثانيه قل قصايد سنعه

تأخر البارت يومين معليش