بلاي ي جابر بعناد روس الرجال

بارت 20

رجع للعيال الي كانو يقهوون الرجال ( للتذكير عندهم رجال عازمهم الجد )
عند البنات
سلمى : بنات وين وعد
روابي : بغرفتها مرتفعه حرارتها شوي
سلمى : احس وعد متغيره بشكل كبير
روابي : فاقده ابوها وتعبانه من يومين شفتي لما جينا غرفتها امس كانت نايمه اليوم تغدت معنا ورجعت غرفتها
سُلاف بتغير الموضوع : الا ساره انتي اي شهر
ساره : دخلت بشهر الثالث
نوف بضحك : نبي ورع نصفقه نلعب عليه غاده جدي مايخلينا صارت غاليه عنده اكثر منا
رغد : احس انا مو مستوعبه للحين اني صرت عمه
جود : ان شاءالله تجيب ساره بنت نصفقها ونذبحها
ترف بضحك : وانتي تحملين واصير عمه 
جود بتغير الموضوع : اا وين امي
البنات ضحكو
جود : ي حيوانه انتي وياها
ساره : تستاهلين
وعد :  زوجت اخوي وينها
سُلاف : راحت تسوي قهوه وحلا
وعد بضحك : سنعه
فجاة سلمى صارخت : بناااااتت
حلا ضربتها : غبيه وش بتس تصارخين
سلمى : تدروون وش صار اليوم
رغد : وش
سلمى : ابوي اعتذر من خالد وطلب منه يرجع وطبعاً خالد رفض بس اقنعته انا وسلطان بعد اقنعه يجي
نوف : سلطان ولد عمي
سلمى : اي وفوق ذا ترقبو اهل الديره كلهم وشلون بيخافون من خالد اذا جا وبيصير اكشن
جود دمعت عيونها : يعني ماراح يروح مرا ثانيه ؟
سلمى ضحكت بين دموعها بدموع ؛ قلت له انكم ماتدلعوني ومن يجي هو بيدلعني مثل قبل
ساره ضربتها : وسالم وين دايم يدلعتس بس انتي ماش
سلمى : كلهم اخواني بس محد مثل خالد يقلب الدنيا اذا زعلت
المها جت تزلت القهوه والحلا : الله يخلف على الكبيره بس
حلا : والي بنص
روابي ضحكت : شرايكم تعطوني خالد وتاخذون جابر
جود : تعقبين
روابي : وانتي سُلاف خلي جابر اخوتس وسياف اخوي
سُلاف : تعقبين يبعدي وبعدين جابر وش زينه لتس بس انتي تناحينه
روابي بضحك : شسوي ياخي احب اناحيه
رغد : انا بروح انادي عمتي سعاد
نوف : اي هي مثل جونا
سعاد جت وقالت سمعت اسمي
رغد : عمه في احد من الرجال هنا ؟
سعاد : لا كل واحد راح يخلص له شي علشان بعد ساعتين يجون رجال الديره كلهم هنا
رغد طلعت جوالها : اجل بشغل لكم اغنيه وش تبون احط ؟
ساره : ابي عراقي المرا ذي
سُلاف : حطي اغنية ابن قلبي
رغد قامت وشغلت الاغنيه وبدو يغنون ويتقهوون
عند سلطان وخالد
سلطان ضحك : ابوي يتصل هههه
خالد : ماقلت له ؟
سلطان : لا نسيت
خالد: خبل رد
سلطان رد : هلا بلقايد
محمد :القايد اجل وينك انت ؟ كلما سألت احد قال مايدري عن ارضك وين ؟
سلطان ضحك : والله يييه ولدك مامن عقل نسيت اقول لك انت ولا امي اني رايح للديره بوصل خالد
محمد بصدمه : بعد قلنا تختفي بالرياض المرا ذي رايح الديره وحنا اخر من يعلم !
سلطان: اخر مرا والله
محمد : لترفع ضغطي بها مرات جايه
سلطان : طيب انا انسى انتم ماتتصلون تشوفون ويني ليه ؟
محمد : وانا متصل الحين على ولد الحيران
سلطان : حقك علي يالغالي وقلت لك اخر مرا اطلع ماعطيكم خبر وبعدين وين عبدالله ؟
محمد : طس هو وشهد للمول
سلطان : اجل اتصل عليهم هاوشهم
محمد : اذلف اقول .. وقفل بوجهه..
سلطان : اح قفل بوجهي
خالد بضحك : ماينلام رفعت ضغطه
سلطان : الشكوى لله ولده يتحمل
خالد: اقول كمل طريقك وانت ساكت
سلطان : ابشر بس وش تبي اغنيه ؟
خالد بتفكير : حط لي يهب البرد لسلطان المرشد
سلطان : غناها سميي اكيد حلوه صح ؟
خالد عطاه نضره خلته يسكت وحط الاغنيه
عند باقي العيال كانو يحطون لمساتهم الاخيره والي هي يبخرون الخيمه ويشبون النار ( الجد حط خيمه بحوش بيته بوقت الشتاء ) وفاحت ريحة البخور مع ريحة القهوه
نايف : يحبيي لريحة البخور مع ريحة القهوه
سالم : اي بالله
الجد : سالم تعال
سالم راح له : سم
الجد بقلق : اتصل على اخوك شفه جاي او لا ؟
سالم : ابشر .. واتصل على خالد ..
خالد : هلا
سالم : ليكون منت جاي عاد؟
خالد ابتسم : جاي لكم بطريق
سالم : اييي كفوو اخو سالم
خالد : جاي عشان امي وانت وخواتي ترا ولا مو انا اقعد بمكان انطردت منه
سالم بضيق : لتقول كذا قدام ابوي تراه ضايق وندمان
خالد : معاد يفيد الندم الي انكسر مليتصلح
سالم : ذا ابوي وذا طبعه
خالد : معلينا يلا تبي شي ؟
سالم : سلامتك. .. وقفل ..
الجد : ها بشر
سالم : جاي بس جدي قل لبوي ليفتح معه اي موضوع عن عمي او شي ترا هو جاي عشان امي ولا مايبي يجي بعد منطرد
الجد : ماعليك يولدي هو عارف غلطته
صقر جا معه بنته
جابر بضحك : انت وين مارحت معاك غاده لو طاحت منك ؟
صقر : اطيحك معها
جابر : عمى
صقر : بالله شف شف الزين كله
جابر : القرد بعين ابوه غزال
صقر : لعاد تقول امثله حتى امثلتك مقلوبه مثل راسك
جابر : ابشر
سياف تكى على جابر : متى يجون الرجال
جابر مسك جبهته : مسخن انت
سياف : لا ليه
جابر : جدي عازمهم يجون يتعللون الحين الساعه 8 وش يجيبهم ؟ الناس بشتا يجون سهره على الساعه 9 ويروحون على 10 ونص الشياب ونبقى شباب نسهر للفجر
خلف : محاضرة مو تعلمه
جابر: خلييف
لوسي جت عند خلف وخلف حطها بحضنه يلعبها
نايف : تدرون وش ودي
صقر : وش
نايف : ودي اقط لوسي على ابو فليز هههههههه
العيال ضحكو
صقر بضحك : نعيد الماضي
سياف : انتضرو خالد يجي والله لعيد لكم الماضي زين
خلف ضحك : والبسه جت عندنا تم
جابر : تكفون ويجي عمي فيصل يوقفنا على الجدار 6 ساعات مانتحرك هههههههههههه
( فلاش باك قبل 13سنه )
كانو العيال جالسين بالمزرعه وجا ابو فايز وجلس مع الجد وعياله وناضر للعيال وقال : سمعت ان امس ضربتو المدرس على راسه ؟
خالد بصدمه : من قال
ابو فايز : والله دريت وترا يابو فيصل احفادك كل يوم ضاربين احد بالمرسه واخر شي توصلو له كلسرين قزاز سيارة المدير وموقعين تعهد امس
خلف : وانت جاي تنقل علوم وتمشي ؟
ابو خلف : خــلـف
خلف : وانا صادق .. ولف ..
ابو خالد : ماقصرت يبو فايز على انك علمتنا وحسابهم عندنا
ابو فايز وقف : عن اذنكم اجل انا ماشي
خالد وقف : اوصلك . وغمز للعيال ولحقوه .
ولما وصلو قريب الباب سياف كان ماسك بسه وقطها على ابو فايز ( ابو فايز يخاف من البسه ) وقعد يصارخ والعيال ميتين ضحك وحسو انهم بردو حرتهم وجا الجد وابو خالد وابو صقر وابو سياف وابو خلف وابو تركي على الصراخ وابعدو البسه عنه وبعد ماراح عاقب ابو فيصل العيال يضلون واقفين على الجدا ورافعين رجل وحده يوم كامل بس بعد ست ساعات توسط لهم الجد وخلص العقاب ومن يومها وهم مايدانون ابو فايز وكلما جا سوو به مقلب
( انتهى الفلاش باك )
بعد دقايق وصل خالد وقامو يسلمون عليه ويحضنونه وطلعو البنات والحريم الكبار على الصوت
سلمى ركضت لخالد وحضنته وهي تبكي وراحو العيال كلهن للخيمه علشان خوات خالد يسلمن عليه براحه
خالد شد عليها : ليه الدموع يعيوني انتي ؟
سلمى بشهقات : شتقت لك
خالد ابتسم : دان اشتقتي لي سلمي علي مو تبكين اشوف امسحي دموعتس
سلمى مسحت دموعها وابعدت عن خالد عشان يسلمون عليه خواتها
جود حضنته والدموع بعيونها
خالد : جوده حتى انتي بتبكين
جود هزت راسها بنفي : لا ماراح ابكي
وبعدها سلم على المها وحلا وامه الي استقبلوه بدموع مثل جود وسلمى وبعدين عمته وعمانه وسلم على ام حابر وام خالد وباقي البنات من بعيد
ابعد خالد عن سلمى الي كان ماسك يدها وراح عند امه الي واقفه والدمرع بعيونها للحين باس راسها ورجلها وحضنها
ام خالد شدت عليه بدموع
خالد : يابعد خالد لتبكين ان كاني سبب الدموع ارجع للرياض ترى امسحي دموعتس
ام خالد مسحت دموعها وبتهديد : لاعاد اسمعك تجيب طاري الروحه
خالد ضحك : ابشري . لف بينادي حلا الي مرت وقفته امه .
ام خالد: وش تبي يمه
خالد : ابيها تشوف لي الطريق
ام خالد انا اشوفه لك دقيقه
لف وجهه وشاف وعد عند الباب والدموع واضحه بعيونها وصوت شهقاتها حس قلبه انقبض من دموعها لف عنها لما سمع صوت صقر
صقر : وعد
وعد مسحت دموعها بسرعه و لفت عليه : هلا
صقر : بروح للبقاله قبل يجون الرجال تبين تروحين اذكر انتس امس ودتس تروحين ركانت مقفله ؟
وعد ابتسمت غصب لحنية اخوها وتفكيره بها وماقدرت ترده لانها تدري انه يبي يروح عشانها قالت : اي بروح وغدو تروح معنا
صقر : حبيبة ابوها اكيد الا تعالي ابي منتس طلب
وعد : ابشر وشو
صقر بتردد : ابيتس تقولين للمها تروح معنا
وعد ضحكت : ابشر بقول لها
صقر : يلا انا انتضرك برا
وعد راحت للمها وسحبتها
المها : وش بتس انتي ؟
وعد : بروح البقاله تروحين معاي ؟
المها : لا مابي مالي خلق
وعد سحبتها : بتررحين غصب يلاااا
المها : استخفيتي مرتفعه حرارتك صح ؟ وش معنا انا يابنتي خوذي اي وحده من البنات
وعد : ابيتس انتي لحالتس يلا . غمزت لها وقالت : صقر ينتضرنا
المها توترتت وحست بقلبها يدق بقوه وقالت : اا مابغى اروح
وعد : ليه ؟
المها : مابغى بس
وعد سحبتها : بتروحين غصب يلا اشوف قدامي . وسحبت المها وخلتها تلبس عباتها غصب
وطلعو لصقر الي ينتضر برا
صقر : مشتهيات تمشن ولا بسياره ؟
وعد : عادي نمشي وانتي المها تبين السياره او لا ؟
المها : كيفكم
صقر ابتسم لما حس بتوترها : يلا اجل نمشي
وعد : عطني غدو انا اشيلها قبل نمشي
صقر باس خد غاده : لا ابيها معاي
وعد بضحك : خرفنتك
صقر ضحك وراحو للبقاله واخذو شبسات وعصاير ومفرحات واشياء كثير للبنات اخذو حلا يتقهون عليه والباقي الي هو المفرحات يسهرون عليها ( حابه اذكركم ان بروايه بعد ثلاث اسابيع تبدا الدوامات طولت الاجازه مرا لهم اكثر من اربع شهور خليتها 😂 )
المها وقفت عند المحاسب تنتضر وعد تختار عصاير جا صقر وقف جنبها
صقر : اخبارتس
المها : تمام وانت
صقر : الحمدالله اخذتي كل الي تبين ؟
المها : اي مشكور
صقر قبل يتكلم حت وعد ودفع الحساب ورجعو
دخلو البنات وصقر راح للرجال وكان موجود كثير رجال من الديره سلم عليهم وجلس جنب العيال
خالد : وين بنتك ؟
صقر : اخذتها وعد معها
خالد : جبها لي شوي
نايف بهمس : خووويلد
خالد قرصه : ايش ؟
نايف : خالد
خالد : اخلص وش عندك وراك بلا صدقني
نايف ضحك : تقدر تقول قررنا انا وسياف وسالم وخلف وشركأنا صقر وجابر
خالد قاطعه : من بقى يعني انا بس ؟
نايف : تقدر تقول المهم بنسوي بابو فايز .........................
خالد مسك ضحكته عشان محد يشوفه وقال : موافق المرا ذي بنخبل معكم بس وين شركائك ؟
صقر : شفهم الي يقهوي والي يحوس بالشغل
خالد : ابرك منكم اي والله
صقر بضحك : انا واخوي شيوخ مانشتغل
خالد: امحق شيوخ اي والله
صقر : وليه ماتشتغل انت ؟
خالد : انا ضيف ويعقبون هلشياب اقهويهم
نايف : كفو ابو فيصل
الشيخ كان موجود ويناضر بخالد وصقر ونايف وهو خجلان من سواة ولده
خالد شافه وقال : انا رايح عند الشيخ
الجد : دام خالد خلص شغله برياض وكلكم هنا بقولكم ان بعد شهر زواج احفادي صقر و المها وخلف وجود ان شاءالله يكون بمزرعتي
الكل قعد يبارك ومن الكلام
بعد كم ساعه مشو الرجال وقبل يطلع ابو فايز كان خلف وسالم واقفين ورا الباب ومن شافوه طلع قطو لوسي عليه وانحاشو قبل يشوفهم احد
ابو فايز شاف البسه عليه قعد يصارخ وكأنه ورع
وطلعو الشيخ والجد وعياله واحفاده له ومن شافوه مسكو ضحكتهم
خالد همي بضحك : طلعت الانثى الي داخله
وابعدو لوسي ودخلوها
ابو فايز بعصبيه : مدري ليه تجيبون هالوصاخه لبيتكم
خلف بدقه : بلعكس بعض الحيوانات احسن من بعض البشر
ابو فايز قال للجد : ماتوقعتك ابو فيصل تدخلها بيتك ذي
الجد قال وهو قاصد ابو فايز الي دايم يحاول يفرق بين عائلة الجد غير الموقف الي كتبته لكم : دخل بيتي حيايه مافرقت على هالمسكينه
ابو فايز طلع بنرفزه
وانفجرو العال ضحك ماعادا خالد الي كان مبتسم بس
ابو فيصل وهو كابح ضحكته : عيب انت وياه
قبل الزواج بسبوعين وخالد ماعرف عن خطبة وعد الي يعرف فيها الجد والعمام ووعد ورغد واخوانهم بس وطول الاسبوع وعد ماقابلت خالد ابد
عند البنات
سُلاف : خلصتن جهاز ( ملابس ومكياج واشياء كذا للعروس اتوقع الكل يسميه نفس الاسم ) ولا للحين ؟
جود : خلصنا امس لما رحنا بس باقي اشياء بسيطه اليوم نروح
المها : ولتقولن منتن رايحات نفس المرا امس
رغد : المرا ذي كلنا بنروح معاكم ومنها نخلص بعد امس مارحنا كانت دراسه ( رغد جامعه ساره سلمى وعد ثنوي )
المها : اشوا بغيت اهاوش
رغد بضحك : زوجت اخوي تهاوشيني عيب مايصير ؟
المها انحرجت وسكتت
ساره ضحكت : ويلو المنحرج
جود سحبت نفسها بسرعه قبل يجيها الدور بطقطقه
وبعد كذا راحو للسوق مع سالم واخذو الاغراض ورجعو على المغرب وهم متفككين من فر السوق وكل وحده راحت تنام سُلاف وترف ونوف نامو عندهم بعد
عند العيال كذالك راحو وفصلو ثياب وصقر وخلف اشترو بشوت وحوسه
( تسريع للاحداث )
قبل الزواج بيوم كان الكل مشغول الي يركب المبات والي يحط الفرش الاحمر الي يركب خيمه كبيره والي واقف مع العمال يحطون طوايل وكراسي بجهة الحريم والكوشه وعند البنات كانو يتصلون على المحلات الي طلبو منهم حلا وحق والمقهويات ويجهزن ملابسهن والمكياج والاغراض الناقصه ومن الحوسه ذي
ثاني يوم الساعه 6:00 بعد ماصلو الفجر رجعو ينامون شوي لين اذن الضهر قامو يكملون شغلهم وطوابير يتروشون ويخلصون
عند البنات الساعه 2:00
سُلاف : بنات من تمكيجني ؟
ساره : اخلصي انتي
سُلاف : ماعرف اتمكيجج ماحط انا مكياج دايم ؟
روابي : تعالي انا امكيجك
حلا : المرا الجايه نصير مثل المدن نجيب ارتست هي تخلصنا مو كذا كلنا محتاسين
رغد : المفروض بس راح عن بالنا يلا اخلصو بسرعه
روابي بصرااخ : سُلافوو اثبتي خليني اخلصك بقوم ابدل يلاا
سُلاف : طيب طيب
سلمى بضحك : احسن شي انه اليوم اربعاء وغايبين بكرا ايجازه الله يالوناسه
حلا : كلن على همه سرا
نوف بضحك : وانا على همي سريت
البنات ضحكو
بعد صلاة المغرب بنص ساعه بدو الرجال يجون وبدت اجواء العرس
كان واقف بنص خلف وجنبه صقر ويمين صقر العمام ويسار خلف الجد اما صقرالي كان وده ابوه معاه وضح عليه الحزن شوي
نايف : وش بك
صقر : ولا شي

ننهي البارت هنا وبيكون التكمله البارت الجاي 🤍