بلاي ي جابر بعناد روس الرجال

البارت 16

صباح ثاني يوم حزين على الجميع
صقر ونايف مع خواتهم بالمستشفى
ببيت الجد قايد
خالد جالس لحاله جا له جابر : خالد هاذا قضاء الله وقدره لا اعتراض بما شاءالله
خالد كان محتاج جابر يقول له الي بقلبه : ونعم بالله ماني معترض بقضاء الله بس انا زعلان عليها قطعت قلبي بدموعها امس ابوها طاح بين يديني والدم حوله اخخ بس لو اعرف الي سوا كذا والله والله ليموت على يدي
جابر : ماراح نخليه كلنا لو عرفنا قم يلا نروح لمركز الشرطه نخلص شغلنا ونرسل عسكر لمكان الخادث يشددون الرقابه عليه يمكن يطلع  الي سوا بعمي كذا ونعرفه
خالد قام : يلا
طق الباب وطلع سالم يفتح الباب شاف العسكر عند الباب
سالم : هلا
العسكري : هاذا بيت قايد ال..
سالم : اي نعم بغيت شي
العسكري : نبي المدعي خالد فيصل القايد
سالم انصدم : ليه
العسكري : تعرفون بلمركز
الجد جا : سالم وش فيه
سالم:  ذولا جاين ويبون خالد
الجد: وليه ؟؟؟
سالم: مدري والله يقول تعرفون في المركز
الجد :يمكن بيحققون متى كان الحادث او الناس الي يكرهون عمك او شغل
سالم بقلق : ماني متطمن وبعدين ليه مو حد من عمامي ابوي حنا كلنا خالد بذات ؟
الجد : هو كان موجود وقتها
سالم : مدري بنادي خالد
راح ناداه وجا خالد طلع لهم : نعم !
الشرطي : سيد خالد طالبينك القسم تحقيق ( قال سيد لان خالد ضابط والي يبونه به مو مثبت عليه )
خالد : علشان عمي ؟
الشرطي : اعذرنا مانقدر نقول شي ومجبورين نقيدك وناخذك للقسم وانت عارف القانون
سالم بعصبيه : شلون تقيده اعرف مرتبتك واعرف مرتبت الي تسولف معااه
خالد بهدوء غريب عليه : سالم هاذا القانون بروح اشوف وش فيه وليه طالبيني
سالم : بس
خالد : لا بس ولا شي لحد يدري الي بهم كافيهم  .. راح مع العسكر بس ماخلاهم يقيدونه ومن خوفهم من عصبية خالد ماقيدوه ...
سالم دخل عندهم
الجد : ها وش فيه ليه يبونه
سالم بكذب : في شخص طالبينه القسم ورافض يعترف الا اذا كان خالد موجود
الجد : الله يقويه
جابر : سالم امك تبيك
سالم قام : تمام    وطلع وراه جابر وسحبه مع كتفه بخفه
جابر بخوف : شفيه خالد ؟
سالم : قلت لكم مافي شي
جابر بقل صبر : اعرفك اذا كنت تكذب اخلصصصص
سالم لف وجهه عن جابر : واخذوه ماقالو ليه يقولون تعرفون بالقسم
جابر ترك سالم مسرع ركب سيارته وقلبه مليان خوف ان الي بباله صدق ولحقه سالم راح معه
اما سياف وخلف كانو حاسين ان فيه شي بس سكتو وضلو بلمجلس مع الرجال علشان محد يشك
بقسم الشرطه
الضابط : ي ضابط خالد خلك متعاون معنا وجاوب بصدق
خالد عقد حواجبه وبحده : اسأل
الضابط بتردد وخوف : لك يد بالي صار لتركي قايد ؟
خالد وقف بعصبيه وحده خوفت الضابط : تتهموني احاول اقتل عمييي
الضابط : هاذي مهمتي ي خالد خلك متعاون معنا
خالد تكتف بنرفزه : راحت حتى كلمة ضابط خالد بعد
الضابط خاف : لا ماراحت وقدرك عالي بس جاوب على اسألتنا
طق الباب
الضابط : ادخل
دخل العسكري: سيدي الضابط جابر يبي يدخل الحين
الضابط. دخله
جابر دخل : السلام
الكل وعليكم السلام
جابر بحده : بعرف ليه طالبينه تحقيق
الضابط قال لهم ان فيه رجال مقدمين بلاغ على خالد شايفينه يطلق النار على تركي قايد
خالد جلس وقال بسخريه :  اسمع بالله مالقو تهمه خلوني قاتل عمي
جابر عقد حواجبه بعصبيه : خير من هالاشخاص ان شاءالله!
الضابط : طارق ال.   وزياد ال.   
خالد ضحك بسخريه : اهااا قول من الاول
جابر : تمام دام ذول الي قدمو البلاغ انا بمسك التحقيق
الضابط : اعذرنا ممنوع انت الي تمسكه علشان ماندخل واسطه بلموضوع
جابر : ومن قال بـ..
خالد قاطعه وهو واصل حده من السالفه ذي : طيب يلا ي حضرت الضابط اسأل بسرعه
الضابط ابتسم برتياح وبدا يسأل وخالد يجيب ويعيد الاسأله ويحاول ياخذ الحقيقه من غير لف ودوران وطلع بنتيجه ان خالد ماله يد بالموضوع بس خلوه على ذمة التحقيق جابر طلع مثل المجنون يتحلف بطارق وزياد هو وسالم بس مالهم اثر بديره
بعد يومين انتشر الخبر بديره كلها وطبعاً صدقو
نايف وصقر كانو مصدومين مستحيللل مستحيل يكون خالد الي سوا كذا وكانو معصبين والف سوال ببالهم
نايف بعصبيه وصراخ : ليه ليه يسوي كذا ليه جزات ابوي الي يعامله مثلنا كنه ولده هااا ؟؟ هاذا اخرتها والله يدفع الثمن غااالللييي وانا الي بوريه شلون يسوي بتركي قايد كذااا
سالم تنرفز وهو مايرضى على خالد قال بحده : خالد ميسويهاااا والي سوا كذا كلنا بنخليه يدفع الثمن غالي واول الي بينتقم لعمي هو خالد الي مو عاجبك
سياف : ي جماعه اهدو كلنا عارفين خالد وطبعه وتربيته مايسوي بعمه كذا ونايف لحضة غضب توك عارف وندري انك من داخلك منت مقتنع بلكلام مثلنا
خلف : وانتم اخوان وخويا لتخسرون بعض بلحظة غضب
سالم ونايف سكتو مايبون يخسرون بعض وهم كلهم معصبين من السالفه
صقر بضيق : ندري انه مايسويها بس ليه هو بذات الي حطوه بسالفه ليه مو اي واحد ثاني خالد بذات
سالم : الزفت طارق وزياد هم الي قطو التهمه على خالد بدالهم الكلاب
نايف : طارق وزياد هم اليييي
سالم : اي هم
نايف طلع معصب يدورهم وكذالك عند الكل رجعو يدورونهم
اما نايف وصقر كانو يدورون بغايه غير الباقي مايبون يشكون ان خالد هو الي سوا كذا بيعرفون الصدق من راس البلا ( طارق - زياد )
بلمركز راح ابو خالد وطلب يقابل خالد ودخلوه
ابو خالد ضربه كف بعصبيه : يخساااره انك ولدي يخساره تربيتي بك
خالد كان مصدوم ان ابوه صدق به وكان صعب انه ابوه الي المفروض يكون معه مو ضده ابد : صدقت الغريب على ولدك .. ابستم بضيق .. ماعليه ي يبه تمون على العموم بينكشف كل شي وبطلع ببراتي
ابو خالد بعصبيه : حتى لو طلعت ي خالد ماابيي اشوفكك ولاني راضي عليك ماتوقعت من اكبر عيالي هالسواه ابد كسرت ابوك وكسرت عيال عمكك وجدك ارتفع ضغطه وتدهورت حالته من وراك انسى انسى ان عندك ابو بعد اليوم .. وطلع ..
جابر دخل بخوف لما شاف عصبية عمه : خالد
خالد لف وجهه : يقول لعاد اشوفك وغاضب عليك ليوم الدين
جابر ضاق صدره على خالد : لحضت غضب وبيعرف الصدق
خالد : بعد وش ي جابر بعد ماكذبني ولا صدقني بعد ماقال لي اني كسرت ضهره بعد ماقال اني رفعة ضغط جدي وتدهورت حالته بعد ايش ولا ايش
جابر : تهون ي خوك وهاذا ابوك ولازم انك ماترد عليه وتطاوعه لكان معصب
خالد بتعب من الضغط الي صار له الفتره ( خالد يفضفض لجابر بس غيره لا حتى سياف وهلف الي اخوياه من عمر مايقول لهم لان طبعه كتوم ) : طاوعته طاوعته بكل شي من وانا ورع لين يومك تعبتتت قال لي لتصادق هالشخص ماصادقته لتطلع بلوقت ماطلعت وكبرت قال لتداوم بلمكان قلت ابوي ولازم اطاوعه بكل شي حتى ساره كان يبيني اتزوجها ويعلم الله انها كانت المرا الوحيده الي ماكنت بسوي الي يبيه لو وش والحين صدق بولده ؟ اخخ بس لو القا طارق وزياد والله لدفنهم واعلمهم ان الله حق
جابر : ابوك ي خالد لازم تصبر حتى لو كان يشوف انه المسأول عن قرراتك للحين وحتى لو صدق بك اما هالزفت وخويه انا اوريك بهم عمى يعميهم ان شاءلله
خالد : اعجبتني عمى يعميهم . ضحك بضيق .
جابر : اي اضحك ي رجال جعل ميضحك غيرك
خالد : اجل ياليت دايم اطيح بمشكله علشان اشوف انك تركت هبالك
جابر بطرف عين : اهجد ترانا بلقسم .. والحين عاد انا بروح ادور الي مايتسمون واجيك سالم وسياف وخلف برا ترا خلف وسياف لهم يومين من دخلت هنا قلقانين عليك ويدورون الكلاب الضايعه معي بس انا قلت لهم ان الزياره ممنوعه قلت لين تهداء انت والحين هم بطريق جايين بدخل عليك سالم احمد ربك على نعمت الاخو من السالفه مارجع  للبيت يدورهم وشفته ذاك اليوم لما مالقيناهم نزلت دموعه من الحزن مايبي يشوفك بلمكان على انك . وسكت .
خالد عرف وش كان بيقول  : تمام خله يدخل
دخل سالم وركض يحضن خالد وقال بغصه : اسف والله اني ماجيت اشوفك علشانن ..
خالد : عادي ماصار شي لتعتذر
سالم : اخبارك انت
خالد : زي متشوف
سالم بضيق : اه لو اشوفهم بس .. وبعد ماتطمن عليه وعلى حاله .. امي والبنات يبن يكلمنك وترا ابوي رافض وانا قلت اتصل عليهم يكلمونك من جوالي جابر خلاني ادخله هنا
خالد : اتصل عليهم والله اني مشتاق لهم
اتصل سالم وعطا خالد الجوال
ام خالد بكت يوم سمعت صوته
خالد : ليه ليه الدموع يلغاليه مستاهل والله دموعك
ام خالد : انت بخير يمه
خالد : بخير والله
ام خالد : ادري ان ابوك جا لك اليوم ماعليك منه والله اني مصدقه ان ولدي ميسويها بس ابوك معصب من الخبر ونضرات الناس له اليومين
خالد : اهم شي انك انتي مصدقتني ماهمني احد غيره
ام خالد : هاك يمه خواتك
سلمى بدموع : خلود اشتقت لك
جود : البيت مو حلو بدونك
المها : متى تطلع وحشتنا
حلا : ترا انا وامي وخواتي مصدقينك ماعليك من احد
وقعد يكلمهم لين تطمنو عليه قفل منهم وجاء سياف وخلف
سياف حضن خالد يضيق : الله ليوفق الي كان السبب والله ان مكانك فاضي اشتقنا لك ولقصايدك ولكل شي بك
خالد : الهم امين .. والله انتم اكثر بس انتضرني اطلع لوريك بهم الي فرقونا
خلف بغصه يبي يخفيها : لك فقده يابو فيصل بجيب قشي واجي عندك
خالد بضحكه : حتى هنا ناشب لي ابي ارتاح منكم شوي
خلف : ههههههه مو بس جابر يجي عندك من يقول الله اكبر الفجر لين الساعه 12 بليل مايترك الا العصر حنا ماصدقنا على الله يسمحون الزياره
سياف بضحك : بروح اذبح زياد وخلف طارق ونجي عندك هنا معاك معاك
الكل : هههههههههههههههههههههههههههههه
وبعد نص ساعه طلع سالم وسياف وخلف
بلبيت عن البنات
سلمى تبكي بعد ماشافت اخوها وواضح من وجهه التعبان والمرهق والضيق والحزن
جود : سلمى ي عمري انتي كفايه
سلمى : واضح انه تعبان ومتضايق
المها : طبيعي متهمينه بشي كبير ي سلمى
حلا : انتي عارفه ان الله ليقوله ومتوفى عمي يكون الحكم اعدام وذا ماصار له شي بعد بيكون سنين طويله خليك قويه وحنا واثقين بخالد وبيطلع اكيد اذا لقو طارق وزياد واعترفو بكذبهم
سلمى . واذا مالقوهم هاا ؟؟ يصير وحده من الثنتين . قامت . بروح لمي
وراحو يواسون ام خالد
اما ساره وروابي راحن يشوفن رغد ووعد بعد ماجن من المستشفى
وعد كان قلبها يوجعها من الفكره ان خالد هو الي قتل ابوها بس ابعدت مشاعرها كلها وحولتها لكره كبيررر
ساره بحزن : رغد وعد يعني انتم مصدقين ؟ مستحيل خالد يسويها انتم تعرفونه صح يعصب مرات بس مايسوي كذا هو ماسواها بزيد يسويها بعمه
رغد : وكيف نتأكد انه كذب هاا هو الي مان مع ابوي وقتها من غيره ابوي ماله اعدا من بيسوي كذا به
روابي : كل ذا من ورا الحيوانين طارق وزياد وانتضرو فتره وتطلع الحقيقه ويطلع خالد وتعرفن ان كلامنا صح
وعد بعصبيه ودموع غرقت عيونها قالت بصراخ : يطلع اي اذا طلع يطلع واسطه من جابر والضباط الثانين علىىى حساابنااا على حساب حياة ابوي على حساب فقدنا لبوي الله ياخذه انا مستحيل ارتاح الا لما اشوفه محكوم اعدااامم .. وبكت بحرقه بكت ابوها بكت كسر قلبها بكت حب خالد وحزن وفراق ..
روابي حضنتها وغمزت لساره تسكت لان الي بوعد كافيها ساره طلعت بحزن على حالهم وراحت لسلمى وخواتها تشوفهم
ثاني يوم
صقر كان بيطلع
المها : صقر
صقر : هلا
المها : ترا خالد مايسوي كذا وانتم عارفينه و . ..
صقر قاطعها ببتسامه : ندري انه مايسويها وان شاءالله يطلع
المها بكت : اشتقنا له اول مرا يتركنا كذا بدون مايودعنا
صقر رفع راسها بضيق مايحب يشوفها تبكي : ماعاش الي ينزل دموعك والله وخالد ماراح تودعونه بيطلع حتى لو مالقينا الي سوا ببوي كذا بنتنازل عنه
المها بغصه من كلمته ( نتنازل عنه ) : بس هو ماسوا كذا
صقر : ادري والله ماكنت قاصد الكلمه بس قصدي انه يطلع وامسحي دموعك ماحب اشوفك تبكين
المها بضيق : تمام .. دخلت يدها من تحت النقاب تمسح دموعها وايدها ترجف وهاذا الشي لحاله كان كفيل انه يحزن صقر ..
عند جابر وسالم وصلهم خبر ان طارق وزياد بمزرعة ابو زيد وراحو هناك
لما دخل وشاف طارق راح يمه ( راح له ) بعصبيه يضربه
جابر بصراخ : انتم كفو تدخلون خالد السجن انتم يعيال ال^^^
سالم ابعد جابر عن زياد : اهدا ي جابر
طارق وزياد خافو من عصبية جابر وهدوء سالم الي مايبشر بخير ابد
جابر قام عنه وبحده : الحين تروح معي وتعترف بالصدق ولا والله انا الي ارتكب بكم جريمه فااااهم
سالم : لحضه لحضه شتسوون بمزرعة الشيخ وهو مو موجود
ماردو
سالم : تكلموووو
طارق قال لهم ان زيد طلب منهم يتقربون من خالد وياخذون الي ييون وذا الي صار وضفهم خالد وسدد ديونهم وبعدها قال لهم زيد يطلقون على ابو صقر ويشتكون على خالد على انه هو : والله هو الي قال
جابر تفل عليه : كلاب مو رجال انتم
واخذهم معه للقسم
دخل على الضابط : هذول الكلاب عندهم اعترافات
الضابط : تفضلو
جابر دفهم : بسرعه انطقو
الضابط : جابر ليكون هم تحت التهديد منك
جابر بنرفزه : تهت التهديد من الكلب زيد
الضابط : اعذرني ي جابر لو ضليت كذا بطلعك برا ترا
جابر سكت بعصبيه واضحه
طارق استقوا يوم عرف ان جابر ميقدر يسوي اه شي الحين : حنا قلنا الي شفناه لكم من اول مرا
قبل ليتكلمون دخل العسكري يقول ان سالم بيدخل يقول شي يفيد القضيه ودخلوه
سالم عطا الضابط جواله على تسجيل فيديو ل اعتراف طارق وزياد كله
زياد: هم اجبرونا نقول كذا
طارق : لا تصدق الفديو ممكن يكون مفبرك
جابر بعصبيه : وشلون مفبرك؟ لو انها صوره صدقنا بس فيد مفبرك الاصوات اصواتكم
طارق : وليش لا انتم تسؤونها وترمون بلا خالد على ناس بس عشان تنقذونه
جابر بعصبيه: الزم حدك واعرف وش تقول خالد اخلاقه الكل يشهد لها بس وش اقول عن اخلاقكم انت وياه وزيد الكلب معكم
زياد: واضح الخلاق دامه ذبح عمه ولو انعدم قليل بحقه
جابر تنرفز وحاول يهجم على زياد وطارق بعصبيه
الضابط حاول يبعد جابر عنهم : هدي يا جابر قلت لك لو ضليت كذا بطلعك
جابر بلع ريقه بعصبيه وجالس يناظر في طارق وزياد
سالم : يا حضره الضابط لو تسمع لتسجيل عدل بتلاحظ ان صوتهم مافيه خوف ولا حد مهددهم زي مايقولون
الضابط : طارق وزياد قولو الصدق حتى لو طلع الكلام صدق ترا لو اعترفتو يكون الحكم اخف عليكم بس لو لا ( قال الضابط بكذب علشان يخوفهم ) راح نروح لمزرعة الشيخ ابو زيد ونشوف الكميرات
زياد من الخوف صدق ان في كمرات بمزرعة الشيخ واعترف بكل شي
الضابط عصب منهم : عسكريي
دخل العسكري
الضابط : خذ ذولا وودهم للسجن ودورو على زيد ال ... وجيبوه هنا بسرعه
راحو العسكر يدورون زيد بس ماله اثر طلع خالد من السجن براءه وباقي يلقون زيد ويحولونهم للمحكه
عند البنات
سلمى دخلت والفرحه مو سايعتها حضنت ساره وهي تضحك سحبت ساره تدور معها وساره بصدمه
ساره : هي شفينس
سلمى حضنتها مرا ثانيه ونزلت دموع فرح : خالد طلع براءه اخوي طلع ي ساره
ساره شدت على حضن سلمى وكل ذا صار قدام وعد رغد رغد كانت فرحانه لفرحة سلمى وان خالد ماله ذنب اما وعد كان في شعور داخلها ارغمها تبتسم لما سمعت الخبر وكانت بتفز من مكانها من الفرحه بس لما تذكرت ان خالد هو سبب موت ابوها وان اكيد طلعوه من السالفه علشان مايدخل بها كشرت والقهر على ابوها كبر وزادت كرهها لخالد
قالت بستهزاء : طلع براءه
جود الي دخلت على كلمتها وهي تضحك من الفرحه : ايي الحمدالله
وعد سكتت وهي تحب بنات عمها وماحبت تكسر بفرحتهم بس هي كانت مكسوره من الخبر صعب عليها تدري ان الشخص الي تحبه هو سبب بشي خلاها تعيسه وهو سبب انها ماراح تشوف ابوها ( بتفكيرها انها ماراح تشوف زي امها فتره يضل بغيبوبه ويموت )

ــــــــــــــــــــــــــــــــــــــــــــــــــــــــــــــــــــــــ
نزلت لكم اليوم بارت تقرونه قبل اختباراتكم والبارت الي بعده بيكون يوم الخميس 🤍
بالتوفيق للجميع