بلاي ي جابر بعناد روس الرجال

بارت 30

صباح اخر يوم بالمزرعه
نايف بضيق : ياخي ماودي نرجع
سالم : وانت صادز المزرعه جوها وفعالياتها احلا بكثيررررر
نايف : المشكله مانقدر نقنعهم عشان حنا دوامات والبنات اختبارات
سلطان : والله ذي البلشه صدز
صقر : عاد سلطان لتقطع تعال لنا بديره
سلطان بضحك : ابشرو والله تلقوني كل يوم مسنتر على باب بيتكم لين تطردوني
الكل ضحك
خلف : عندي فكره بس لحد يعلق لصكه خماسي والله انها حلوه ههههههه
خالد : اشك بفكارك صدقني
خلف : ادري والله بس دامها اخر يوم وكلها كم ساعه نبي نفلها خلو الهيبه على جنب
سياف : انا معك على الي تبي
خلف : كفو والله
جابر : اتظق وش فكرتك
خلف ضحك وهو عارف بينصدمون : نغني
صقر : الحين نغني تطيح الهيبه غبي ولا تستغبي ؟
خلف : ءء ء لا نفني بابار فيل
الكل بصدمه : نعمممم
سياف : الله يقلع بليس زين وانا الفبي عبالي اشياء عاديه اخر شي نغني اغنية وغدان يوغد انت
خلف بضحك : خير عادي وبعدين تذكرت لما كنا نغنيها قبل لما نفصل بالمزرعه قلت نغنيها مرا ثانيه
سالم : معاك انا
نايف : وانا
سلطان : وانا
سياف بقلة حيله : الشكوى لله عطيتك كلمه معكم يلا
بقو صقر وجابر وخالد
خلف : ها انت وياه يلا خلو الخبال يخي نبي نتونس
خالد بضحك : معك
جابر : تم يلا
صقر : طيب معكم معكم
وبدو يغنون وحددو لقطه الي كانو يغنونها لما يفصلون قبل
" بلاخلاق الفاضله بالمحبة والعمل
نسمو ننتصل على المصاعب بالعمل
لادرو بوماً الى الاعتذار عن الزلل
لاترفضو خجلا ضحكنا قلنا اجل "
جو البنات اول مسمعو اصواتهم وكل وحده معها جوالها تصورهم والعيال الي مانتبهو للبنات وكانو بغنون ويصفقون ونايف وسلطان يرقصون ويستهبلون
ولفو على صوت البنات الي جو وكملو يغنون معهم واعتلت اصواتهم المزرعه اول مابدو وقالو
" بابر فيل ذكي نبيل
بابر فيل ذكي نبيل
وعالم الاطفال عالم جميل
وعالم الاطفال عالم جميل "
كانو يغنون ويضحكون
الجد و ابو خالد وابو جابر وابو صقر وام خالد وام جابر وام ساره كانو بالخيمه يشوفونهم ويضحكون على هبالهم ويدعون ان الله يدين المحبه على قلوبهم ولا يفترقون بيوم من الايام
سُلاف وهي توريهم الفيديو الي صورته لهم وهم يغنون والكل قعد يضحك على اصواتهم ورقص نايف وسلطان الي حاله خاصه الاغنيه بجيهه وهم بجيهه
عند البنات كانو يجهزون اغراضهم
شهد اتصلت على سلطان
سلطان : ها
شهد : وجعا
سلطان : يوجعتس اخلصي وش تبين
شهد : اخووويي حبيبي وعيوني وسندي وكل شي حلو بالدنيا
سلطان بصدمه : نعم نعم وينن الي توها تهاوش بس ورا المصلحه يتحسن السلوب
شهد : صحح عليك قلت اقولك من الحين تعمل حسابك لرجعنا تمر الكفي بطريق تجيب لختك حبيبتك قهوه
سلطان : معصي والله
شهد : خييررر سلطااانن
سلطان مارد وقفل بوجهها
شهد عصبت : اورررريه
روابي ضحكت : روحي هاوشيه وتعالي
شهد ضحكت : ابشررررييي بعزتس
وطلعت تدوره لقته معطيها ضهره ولاف الشماغ زي العمامه
شهد اول ماشافته انفلتت تهاوش : وجعاااا ان شاءالله يعني اطلبك وتردني ي حيوان ولا فوق ذا تسكر بوجهي ؟ خييييررر ترا عندك اخت وحده وماتسوي لها الي تبيه ليه ؟؟؟ وليتني طالبتك شي كبير كلها قهوه انت ليه ماتقدر النعمه الي عندكك اخخ بس لو تعرف اني نعمه كان ماترفض الي اطلبه وتجيب لي
كانت تتكلم وماتدري ان الي تسولف معه مو اخوها استغربت انه مايرد
شهد : عمممى رد علي مو تسفهمني كني خبله
جابر ابتسم على حلطمتها وعرفها من صوتها قال وهو للحين صاد : عمى كلمتي مو كنتس صرقتيها
شهد شهقت اول ماعرفت انه مو اخوها ورجعت ركض عند البنات وهي متوتره وماتعرف منو ذا بما انها ماتفرق بينهم بالصوت
وبعد ساعه جهزو اغراضهم وحطوها بسيارات وتوجهو لـ نجد العذيه
= تقديم للاحداث بعد الاختبارات النهائية اول ايام العطله =
تخرجت سلمى ووعد من القنوي بنسب عاليه ورغد من الجامعه واخذت الشهاده الي رفعت راس ابوها واهلها بها
ساره الي دخلت الشهر الاخير وصارت باليالله تتحرك انسدحت بثقل
ام ساره : معليه تهون ي قرة عيني انتي
ساره ابتسمت : ان شاءالله
ام ساره : اسمعيني يعيوني انتي من تحسين بـ الم يشتد عليتس ناديني على طول
ساره خافت : يمه خايفه
ام ساره بحنيه : لا يقرة عيني انتي وش له الخوف الم فتره ويروح من تشوفين ضناتس بين يدينتس تنسين الدنيا والي بها
ساره : ان شاءالله
عند الرجال كانو قاعدين يتقهوون سوالف وضحك
خالد لف لـ ابوه وابو خالد هز راسه بـ اي
خالد تنحنح : ء عمي تركي
ابو صقر لف له : لبيه
خالد : لبية حاج بكلمك بموضوع دام الكل موجود
ابو صقر : اسمعك ي ولدي قل
خالد بهدوء عكس التوتر الي هو به : عمي لما خطبت وعد من ثلاث اسابيع قلت لي بعد ماتتخرج و الحين تخرجت
ابو خالد : يبي نحدد الملكه والعرس وبيكونون بيوم واحد اذا موافق
ابو صقر ابتسم : ابد ذي الساعه المباركه حددو اليوم
خالد : بعد اسبوعين
الكل لف له بصدمه بعد سبوعين متى يمدي العروس تتجهز ومتى يمدي يخلصون
الجد : احس الوقت مناسب وش قلتو انتم ؟
ابو خالد : ماعندي مشكله انا
ابو صقر : خلاص دام وافقتو تم بعد سبوعين بعد سبوعين ماهي مشكله
الجد : على بركة الله
جابر بهمس : مبروك ي عريس مبغيت
خالد بهمس : يبارك فيك عاد اقدم انت يلا
جابر : ابشر بي الحين . وعلا صوته . يجماعة الخير انا بعد بخطب
لفو كلهم عليه
ابو جابر : اقدم يولدي والي تبيه يصير اخلي امك تدور لك بنت الحلال
جابر : مايحتاج ببه امي تدور انا شايف لي عايله نسبهم ينشرا بذهب والله
ابو جابر استغرب : من !
جابر لف على خلف وقال : عايلة ال ** وبتحديد من بيت ابو عبدالله
الجد : والله ونعمم
خلف ابتسم : ماعليك زود يـ جد
ابو جابر : تم اجل بعد عرس خالد نروح نخطب لك
وبعد كذا جلسو يناقشون وش يسوون لعرس خالد وايش يجهزون بما انه المهر محدد بالعايله عندهم ومعروف طلعو العيال
خالد : انت ممدا قلت لك اقدم قدمت
جابر : ايي هههههههههههه
سياف : خيرر انت وياه كلكم تزوجتو اول شي سالم وبعدين خلف وصقر والحين خالد وجابر مابقى الا انا ونايف
خالد : اخطب حد ماسكك
سياف بنفسه : اخ خل بس تعدي فتره من تخرجها والحقكم
خالد : تراجع الاخ هههههه
الكل ضحك
سياف : لا ان شاءالله قريب الحقكم
نايف بنفسه : انا ان اذا تزوجتها جنناهم بهبالنا
نايف : وانا بعد انتضرو علي بعد العيد
خلف : مقرر الوقت بعد
نايف ضحك : طبعاً
المغرب بعد الصلاه
ابو صقر من ورا الباب : وعدد رغددد
طلعو وعد ورغد
ابو صقر : يبنتي خالد كلمني وحدد موعد الملكه والعرس وخلاهم بيوم واحد بعد اسبوعين
وعد بصدمه : بعد سبوعين
ابو صقر : اي ووافقت انتي وش قلتي
وعد سكتت ولا قدرة ترد
رغد ضحكت : موافقه يبه بس ماتقدر ترد عليك خجوله الاخت
ابو صقر ضحك : ههههههههههههه على بركة الله اجل
راح
وعد قرصت رغد : وجعااااا يحيوانه احرجتيني
رغد ضحكت وانحاشت ووعد تتحلف بها
وبكذا مرت اسبوعين والكل محتاس البنات يجهزون للعرس ويجهزن لـ وعد ويدورون ارتست تمكيج وعد وديجيه ومقهوبات وضيافه واشياء كثير والرجال محتاسين يعزمون ويحطون النشره على البيت وحطوها قبل العرس بسبوع ويختارون الضيافه للرجال ويدورون قاعه بما ان خالد رفض الا يكون عرسه بقاعه للحريم وقاعه للرجال علشان الي بيحضرون عرسه كثيرررر اخوياه وزملاء شغل وناس كثير يعرفهم وغير الاقارب والناس الي تعرف ابوه وعمامه وعيال عمه واخوه