بلاي ي جابر بعناد روس الرجال

البارت السادس

(لايك وكومنت يحفزني 🤍)

صباح يوم جديد بالمزرعه الساعه 6:20
وعد : قومو يلا جدي يبي الفطورر
سلمى : رغدوووه اذلفي بنام
وعد : كبت المي عليها قومييي يلا روابي اكب عليك ؟
روابي : فيك خير كبي وجربي حضكك
وعد كبت المي وانحاشت : كبيته
روابي قامت بعصيه وهي تتحلف ب وعد
وبدا الكل يقوم
باجلسه الي فيها الرجال
خالد لمح وعد تمشي وقال : مدري هو عما العيون او انا صباحي توه يبدا ؟
جابر مسك جبهت خالد : وش فيك مسخن !
خلف : اي يمكن مسخن او احد ضاربه على راسه
خالد بضحك : ضاربني على عيني معنيني عن الكل الا هو
جابر : لا بك شي اكيدد
خالد : ايي
اما وعد ركضت وشافت صقر تخبت وراه : بوجهك ي خوي
صقر ضحك : وش مسويه
وعد: ماسويت شي خالتي قالت قعديهم وكبيت عليهن مريا بس
صقر : بس لا ماسويتي شي على روابي وسلمى صح
وعد ضحكت : اي ...... روابي جت تركض : اوريك والله لتطلعين
صقر : بوجهي هالمرا
روابي تخصرت : لا والله وكل مرا بوجهك يعني محد يجيها اذا كذا وتكسف فينا ؟
صقر حضن وعد : لا لا ماتعيدها صدقيني
روابي : افف طيب بس ترها ماتستاهل اني اخليها
وعد : المرات الجايه اكثر انشاءالله
روابي : وعدووووههه
صقر ضحك : وش فيك انتي عليهم من الصبح
وعد : شوف شوف الجو وهن منخمدات
صقر : اي قولي من الاول اعرفك زين ماتسوين هالجه علشان بس الجو مشتهيه نفحط صح
وعد : فاهمني ايي تكفىىى
صقر : بعد الفطور ابشري
حضنته وراحت وهي تضحك
صقر رجع ووعد راحت تساعد بلفطور
وبعد الفطور عند الرجال
صقر : الجميع ابي اذنكم بشي
الجد : تكلم يولدي
صقر : باخذ البنات ورا الجبال مشتهيات يلعبن هناك ؟.
تركي : وعد طالبتك صح
صقر ضحك : اي يبه
تركي : ودهم بس شف عمامك وجدك اول
صقر : ها وش قلتو
ابو جابر : خذ روابي
ابو خالد : بناتي لا
صقر : ليه يعم
ابو خالد : معادهم الورعان الي قبل يلعبن الحين كبار وش لهن بلعب بتربان ؟
صقر : يعم الكل بيروح بتبقي بناتك لحالهم على سبب راجع لهم !
ابو خالد : وش الي راجع لهم انا ابوهن وخلاص قلت لا
صقر : اي راجع لهم هن الي بيبن يلعبن ومايبن يكبرن على الاشياء ذي كيفهن
الجد صقع عصاه بلرض : خلصتو ؟؟؟ صقر
صقر : سم
الجد : خذ البنات كلهن ولا عليك انا قلت ودهم يتونسن
ابو خالد.: يبه
الجد : بس مر باقي الا ان تكسر كلامي بعد
صقر : وانت ي خللف خواتك ؟
خلف : نادهن لي وبعدين خذهن مع البنات عادي
بسياره ..
جود : يلا حرك
صقر : باقي نوف وترف
جود : ايي صحح
وعد : يالله ضيققق
رغد : انتي طلبتي تحملي
بجيهه اخرى
خلف : تروف وش فيك هاديه مو من عوايدك
ترف : ولا شي
خلف رفع راسها : تكذبين علي ! نوف انتي شفيك طيب ؟
نوف : الصراحهه توقعت انك تقولي كل شي ماتوقعت بتخبي شي يخص ابوي بذات
ترف بدموع تحاول انها ماتنزل : ليه تخلينا نسمع الكلام ذا من شخص منعرفهه وبطريقه كذا خلف انا ونوف خواتك ويحق لنا نعرف صح ؟
خلف ضحك بضيق : اي يحق لكن بس اتوقع المكان غلط والناس تنتضركم روحن تونسن وليرجعتن تعالن هنا على المغرب وانا اقول لكن
نوف : وعد
خلف : وعد يلا يلا اسرعن ليمشون
راحن وركبو السياره وراحو ورا الجبال وخلف توجه للعيال
نايف : ايي وش جديدك ي خالد
خالد : يا شقيق الروح ي عذب اللّمنىٰ
يا عزيزاً حل في القلب كريم
حل في القلب سنيناً يحتسي
من حمياه ودادي والنعيم
يا شقيق الروح لا تبرح دمي
فعروقي تشتهي فيها تقيم
انت تحيا في كياني والهوى
فيه احيا كيف اسلو او الوم
وماعاني الشعر في الرؤيا تهيم ...
الكل بصوت واحد : اوه اوه حلووووو
خلف : منت بهين ي خالد والله
خالد : اعجبك
سالم : اقول نايف
نايف : قل
سالم : قم معي ابيك بشي
نايف : يلا
جابر : وش عندكم ؟
سالم : وش دخلك
الكل ضحك
خالد : لتتلقف انا اقول مرا ثانيه احسن
جابر : قليلين ادببب
نايف بضحك : طالعين عليك ي بعدي
جابر : اشك بذا الشي يلا تقلعو
سالم : اوريك.. يلا نايف
راحو
نايف : وش عندك مقلب صح !
سالم ضحك : ايي
نايف : تعجبنييي. وشو
سالم :.............................
نايف :الله احس بموتتتت ضحكككك
سالم : يلا بسرعه قبل يجي ابوي او احد
عند خلف وخالد وجابر
جابر : وراهم بلا صدقوني
خلف : متأكدين
خالد : لتسوون فيها ترا كنا اكثر منهم بكثيررررررر
خلف : ولا نزال بس بدون لحد يدري
خالد: شفت يعني قومو
جابر : وين
خالد: نركب الخيل
الكل : تمم
راحو ولما دخلو انكب عليهم مي
خالد : لايبن الذينا مننن ؟؟
خلف مات ضحك : طاحت براسكم انا زين مادخلت بسرعه
جابر مسك نايف وسالم وهم ميتين ضحك : خفيفين دم بسم الله عليكم
سالم : اخخ اشكالكممم تموت
نايف : شف خالد للحين بصدمته جالس
خالد : والله ودي اعصب بس اشكالنا تضحك غصب
خلف : تستاهل حبه راس على هالمقلب
سالم : شفت كيف
نايف : جابر يرجف هههههههه
جابر اضحكو اضحكو وانا متجمد ( ولدي بردان 😭)
راحو خالد وجابر يبدلون وسالم ونايف راحو يتمشون وبقى خلف الي تنهد بقوه يحاول يخفف ضيقته وقال بنفسه : احاول اضحك وطلع من الهم لو شوي بس الهم قدر علي هالمرا شلون شلون اقول لهم كل ذا شقول وش اخلي اقول ابوي مات مغبون من اقرب الناس له
ولا اقول ابوي دخل السجن مرتين ضلم مرا سنتين ومرا ثلاث
ولا اقول اخوانه ورا كل ذا ورا الضلم الي عاشنا فيه
ولا انهم خلو ابوي يموت وهو حامل القاب ماتنقال ضلم
ولا وش ولا وش اخ يارب خلني اقدر اكون قد هالحمل يارب
ورا الجبل
روابي : بنات نتسابق لفوق الجبل
كلهم : تم
المها : انا لا مقدر
جود : لا تكفينن نبي نتونسس كلنا
المها : والله مالي خلق
جود : كيفك
مهره بخبث: وين تقعدين هنا لحالك ؟
وعد : مو لحالها
مهره : ليه انتي ماتبين تلعبين
وعد : لا بلعب بس صقر هنا
مهره : عيب عند الرجال لحالهم ولا ماتعرفون العيب
صقر بعصبيه وصراخ : مهررررههه
مهره تحاول ماتضهر الخوف : ماقلت شي غلط وانا صادقه
المها بضيق : روحي ماعليك انا اصلاً ابي اتمشا
صقر سحب مهره بطولة بال : وبعديننن يعني
مهره : فك يدي ولا انت راضي تقعدون لحالكم !
صقر : ومن قال بنقعد لحالنا انتم فوق الجبل تشوفونا وثاني شي انا قلت لك قبل كذا انا وياهم ربينا سوا يعني شيلي هالفكار
مهره : لا يعيني حتى ولو ربيتو سوا تقطع علاقتك معهم قليلات الادب عديـ
صقر قاطعها : احترمي حالك ي مهره ترا بالي طويل لاكنك تتمادين والله والله لو شفتك سولفتي كذا مو بحسن لك حنا مالنا ثلاث اسابيع وكذا اضاهر مانكمل سوا لو محترمتي حالك .. مشا وراحت مع البنات
بدا السباق وراحو كلهن يركضن بقى المها ( المها تخاف ) وقررت تبعد تتمشى وحتى ولو تخاف بنسبه لها اشوا من ما تسبب مشاكل
صقر : المها
المها : هلا
صقر : انا بحط لك فرشه على جنب السياره وببعد خليك
المها انحرجت : لا شدعوه انا بتمشى اصلاً
صقر : لتكابرين عاذي الفرشه وحطيتها اقعدي
المها : مشكور
صقر : العفو وراح
وقعدت تتفرج عليهم وهي ودها تلعب معهم بس الخوف يتغلب عليها
بعد نص ساعه جو كلهم
صقر : المفروض انشكر يعني ونستكم
سلمى : يوه يمسكها الحين سنه
صقر : لا يم لسان بس الواحد يشكر يعني قدرو اني تارك الشعار والاغاني والوناسه عشانكم بس ماش انتي مايفيد بك
سلمى : كان كتبت مقال مرا وحده خلاص شكراً
صقر : ادب
وعد : صقر البس فروتك
صقر : ماني بردان
وعد فزت : اجل بلبسها
صقر : اي قولي كذا من الاول
وعد ضحكت
حلا : مدري وش سرك مع الفروه
رغد : تحب ريحة الحطب فيها
نوف : مشكور صقر ماقصرت
روابي : اي والله كنا محتاجين طلعه ووناسه بعد الاكشن الي امس
صقر : بلخدمه افا عليكم وبعدين انا مابي احد يشكرني ماحب انا قلت كذا بناحي هالعوبا بس
سلمى : نينيني اسكت بس
رغد : وين المها ؟
حلا : تو كانت هنا بس مدري وين راحت هي وجود
وعد : ي روحي هي هاديه تو نركز انها مو موجوده
رغد : اي والله بس جد وينها
صقر عرف ان مهره بتزعل اذا قام دور عليهم بس هن امانه عنده : انا بقوم اشوف وينهن وانتن شيلو الاغراض على ماجي
مهره : ماله داعي تدورهن ماهن بوغدان ؟!
صقر : امانه عندي !
مهره : بروح معاك اجل
صقر : شيلو الاغراض مابطول اناديهن واجي
حلا انقهرت من مهره : صقر ماله داعي تدورها انا بروح اشوفهن ... وخزت مهره
صقر : خلاص قلت انا وانتهى وراح
عند المها
جود : شفيك
المها : سمعت مهره وهي تكلم صقر تخيلي تقول اننا قليلات ادب وبغت تقول عديمات التربيه بعدد !!
جود بصدمه : نعمم وصقر سكت لها معقوله ؟
المها بسرعه : لا لا حرام ماسكت اصلاً هو وقفها قبل تكمل وهاوشها قال مابنكمل سوا اذا بدايتها كذا واذا ماتحسنت بينفصلون
جود : صدق انها قليلت ادب هي خلصنا من جواهر جت هاذي قهرتني والله يوم طولت صوتها على خالتي ام جابر وقالت لها وع بس شتهيت اذبحها بس عشان صقر ووعد رغد سكت
المها : ماعليك منها بس خلينا نبعد عنها لتفرق بينا وبين عيال عمي تركي
قطع كلامها صقر الي سمع كل شي : ماحد يفرق بينا وبينكم لو من ماكان وانا ماكنت ادري ماعليكن وانا اخوكن ان سوت شي علمني بس ويلا مشينا نبي نرجع
المها : ماصار شي وراحت هي وجود اما صقر كان منقهر من مهره وبذات على كلامها لم جابر وهو مايرضى عليها
..................... عند العيال
خلف : بسرعه بسرعه بطيئين حيل
خالد مر بسرعه من قدام خلف : بحررر اسرع اكثر
خلف : احح مسرع
خالد : اذكر ربك
بعد موصلو جلسو بمكان
ماحس خالد الا على يدين تغطي عيونه
يحاول يفكها ماقدر : خلف جابر خلو هالخبال
خلف وجابر بصدمه : سيااااااففف

ــــــــــــــــــــــــــــــــــــــــــــــــــــــــــــــــــــــــ
للمعلوميه سعاد وساره بقو بالخيمه يتصنعون النوم طول اليوم ومحد حب يضايقهن ويخلونهن براحتهن لو يوم واحد
( اعذروني البارت قصير ذا الي قدرت عليه )