تعليق - لايك
ساره انصدمت وانقهرت وراحت وهي نيران داخلها وسالم راح وهو مبتسم لغيرتها
ساره دخلت وهي منجلطهه منهم وجلست بعصبية
سلمى : سكنهم مساكنهم وش فيك
ساره : سلمى مالي خلقك اسكتي
سلمى بضحك : وانتي مالك خلق لسانك شطوله وشلون لو لك خلق ؟
روابي : خير انتي وياها تتساسرون
ساره : خوذيها عني والله مالي خلقها ابد
روابي وسلمى حسو فيها شي وراحن يبونها ترتاح من هواشهم شوي
رغد جلست : شفيك تعبانه
ساره : لا طفشانه
رغد : تبين اخلي لك الجو هنا يضحك
ساره : كني عرفت
رغد ضحكت : روابي جونا وش حلو !
روابي :يع جوكم يجيب الهم
سلمى بضحك : قومي ارقصي
روابي : والله لرقص اسوي جو بدال جوكم ذا
قامت شغلت اغنيه
"صح صح وقف كل الحاضرين
وارقص ارقص واختار ترقص مع مين "
وكملو الاغنيه على هبال روابي وسلمى الي شاركتها
ساره ماتت ضحك عليهن
وعد : خلو طاقه لبكرا العيد
روابي وهي ترقص : ماعليك عندي طاقه تكفي سنه كامله
سلمى : وانا بعد خلونا نتونس
رزان ( اخت نوره وزيد بس عكسهم ) ضحكت وقامت تشارك برقص وشوي شوي دخلو كل البنات ماعاد جود الي ماكانت موجوده معهم
بجهة الرجال انقسمو الكبار بجهه والعيال بجهه
خالد كان مو يم سوالفهم تفكيره مع جود وكذالك خلف
خلف قام
خالد : وين !
خلف بكذب : بشوف امي
خالد : طيب
خلف جلس تحت شجره وتفكيره كله عند جود ماكان عارف شعوره تجاه جود بس يحس بشي غريب داخله مو عارف ياصفه لف على يد فوق كتفه وشاف سياف
سياف : شفيك من اليوم منت على بعضك ابد
خلف كان محتاج يتكلم يمكن يلقى مساعده قال له كل شي
سياف ببتسامه فيها خوف شوي : شوف على معتقد انك تحبها والغيره الي تحس فيها من حبك لها
خلف : مدري شي غريب
سياف : اذا تحبها اخطبها ليصير معاك زي ماصار مع جابر
خلف : بس البنت انخطبت
سياف : قل لها شعورك وانك تبي تخطبها وذا تحبك بترفض الي تقدم لها
خلف : شورك وهداية الله
سياف : شوف المهبل الي يراكضون هناك من
خلف ضحك : سالم ونايف
سياف وخلف راحو لاعيال الي واقفين يناضرون : وش بهم يراكضون
خالد : ابوي وعمامي يبون واحد منهم يروح يساعدهم وانا قلت الي يسبق الثاني يقعد والثاني يروح يساعد الشياب
خلف : هههههههههههههههههههه خبول وسالم فاتح بيت ومتزوج وهاذا خباله شلون
صقر بضحك : قضاء وقدر هههه
الكل : ههههههههههههههههههههههههههههههههههه
فاز سالم وراح نايف يساعدهم
نايف يشب النار: ها كذا
ابو جابر : لا بعد زدها
نايف : ها
ابو جابر : اي خلاص رح جب كراتين الماء الي هناك
نايف يتحلطم : انا عندي سوال الحين العامل هنا وش وضيفته اذا انا شبيت النار وانا اجيب والماء وانا فارش لكم برا وحنا نقهويكم !
ابو خالد : شرايك تشتغل وانت ساكت
نايف : ابشر
ابو صقر : اخلص يولد جب كراتين الماء
نايف راح يجيبهن وهو يتحلطم
الساعه 1:00
وعد : رغدد اطلعي ماصارت
رغد : وعدوه اذلفي حمام ثاني ( اكرمكم الله )
وعد : كل واحد عليه 4 عير الي تتروش وين اذلف يعني
رغد : طسي لي مكان
وعد طلعت وهي تتحلطم
نايف : اوف كل ذا تحلطم وش فيك
وعد لفت بخوف : خوفتني وجع
نايف ضحك : وش بك
وعد : في غير المهبل كل وحده تموت وهي تتروش وانا بخلص مخليني اخر شي يبرد الماء وهن ماخلصن
نايف : المزرعه وش كبرها ومليانه غرف وحمامات وقف على الثنين اي متزاحمين عليه
وعد بسخريه : احلف يعني ناسي ان اهل الديره كلهم هنا وبناتهم وش كثر والحريم الكبار بعد
نايف : يعني انتي ماتستاهلين بس الشكوى لله اختي ىلازم اساعدك قلبي يوجعني اشوفك كذا فا بوديك للبيت ومنها تتمشين من زمان ماطلعتك وتمشينا شرايك بالله مو انا كفو
وعد وهي تحاول ماتتهاوش معاه عشان يوديها : اعرفك قلبك طيب وتحب تساعد ماشاءالله عليك دقايق اخذ فستاني واجيك
سُلاف من بعيد : تتحلطم
نايف : اليوم العالمي للتحلطم وانتي وش فيتس بعد
سُلاف : نايفوه اهجد مابي اتهاوش معاك
وعد : وش بك
سُلاف : في غير روابي ذي خلصت وجيت بدخل قبل سلمى ودخلت سلمى تقول قايله لها وانا الي قايله
وعد : انا بروح للبيت اخلص هناك تجين معاي
سُلاف بفرحه : بروح استأذن من سياف واجي
سُلاف : سياااافف
سياف : وجع اسمع وش بتس
سُلاف : بروح مع نايف ووعد لبيتهم اخلص هناك
سياف : ليه
سُلاف بستعجال : هنا البنات طابور على كل شي وهن باردات يعني تطلع الشمس وانا ماخلصت منهن ( قالت وهي تعطيه الوجه الطيب ) يالله قلل ايي بسرعه ليروحون
سياف ضحك على هبالها : روحي
بالمزرعه بدو البنات طابور على الحمام ( اكرمكم الله ) وعلى المكياج وكل شي
والرجال خلصو وبدو يرتبون جهة الرجال ويخلصون شغلهم
ونايف ودا وعد وسُلاف للبيت
بطريق رجعة للمزرعة
نايف وقف عند كوفي: وش تبن اجيب
وعد : هوت شوكلت
نايف : وانتي سُلاف
سُلاف : مثلها
نايف : تبون حلا !
وعد وسُلاف : لا
نزل جاب لهن ورجع بسياره وشغل على اغنية عبد المجيد :
"جانا العيد وغنينا وارسلنا تهانينا
حمدنا الله على الفرحه
تجدد كل امانينا "
والصوت عالي ويرقصون وهم فرحانين بلعيد
وصلو بلمزرعه
سُلاف : هههههههه حنا رحنا وخلصنا ومرينا كوفي وانتم للحين
سلمى : مطولات جود تتروش والبنات الي تسوي شعرها والي تتمكيج
نوره بدلع : بنات كيف شكلي حلو صح
رغد بطرف عين : حلو بس مايصلح الفستان
نوره : ليه شوفي كيف .. دارت .. يهبل والله
رزان انحرجت من اختها وتحاول تسحبها تجلس لان لبسها مرا قصير
ساره بسخريه وهمس : مو ماشاءالله عليها تترزز قدام العيال كل شوي طالعه بوجه واحد فيهم وهي ولبسها
سلمى ضحكت : انا ويلي من نار الغيره ههههه
ساره قرصتها
وعد : دام العيال راحو لصلاة العيد انا بطلع اتمشى وارقص واتونس طلعت
وعد وهي تتمشى بلمزرعه وتضحك وكان عبالها مافي احد من العيال فا اخذت راحتها تغني وترقص وشغلت اغاني وتغني معها وتستهبل مو منتبهه للعيون الي تشوفها بهيمان ( فستانها ابيض ناعم وحلو مرا مسويه شعرها ويفي وروج احمر وايلاينر محلي عيونها الكبار )
وعد : الله احس ودي ارقص اكثر واكثر
خالد بطيف ابتسامه : ارقصي جعل مايرقص غيرك
وعد لفت بخوف واحراج وهي تدور شي تتغطاء به بس وهي تمشي طاحت وكان شكلها يضحك وهي طايحه ووجهها احمر من الاحراج
خالد ضحك ومد يده لها يساعدها توقف : ههههههههه شفيك خفتي
وعد مسكت يده علشان توقف وهي ودها الارض تنشق وتبلعها وقفت بسرعه ودخلت داخل
صقعت بروابي
روابي : بسم الله شفيتس !
وعد قالت لها وهي وجهها احمر
روابي : ههههههههههههههههههههههه خبله انتي ترقصين وتغنين لحالك وفوق ذا طايحه قدامه هههههههههه
وعد دفتها بقهر : رواابيوووه انا قايله لك تواسيني على الموقف مو تضحكين علي !!!
روابي : والله يضحككك ههههههه
وعد مشت وتركتها
اما خالد ضل واقف يناضرها لين اختفت عنه ومبتسم على تصرفاتها واسرت قلبه بشكلها وطلتها
جابر من وراه : زين لك الحين خلصو كلهم وراحو لصلاة وحنا لا وسبه انت
خالد ببتسامه مافارقته : صار الي صار امش
نرجع شوي ورا والعيال يخلصون شغلهم
خالد فصل عليهم وهو اذا فصل محد يقدر يهجده كان ماسك خرطوم الماء ويرش عليهم وكان الرش الكثير من نصيب جابر الي انجلط من خالد
خالد: عيديتي حلوه صح ؟
جابر : الله ياخذك ابعد عننييي
والعيال واقفين بعيد ميتين ضحك على جابر وهو ينحاش وثوبه امتلا ماء
الجد : خاالد
خالد وقف رش الماء : هلا
الجد : انهبلت نبي نروح نصلي صلاة العيد وانت ممليه ماء
خالد ضحك : جدي والله هو نفسيه ههههههههه
الجد ابتسم بحب لحفاده : ماعليه الحين روح بدلو ثيابكم وحنا ماشين لصلاه
. . . .
جابر : ويقول صار الي صار ببرود امش انت المرا ذي لفصل عليك صدق
خالد ضحك وراح يسوي قهوه ويبخر لاخر مرا قبل يجون الرجال
جو وبدت اجواء العيد بضحكهم وسالفهم
وكذالك عند البنات وطبعاً وزعو الهدايا على بعض والجد صفهم طابور مثل ماكان يسوي لما كانو صغار ووزع عليهم العيديه
وانتها اول يوم عيد عيلهم بضحك ووناسه
بعد مرور اسبوع رجع الكل لبيته
ورجعت حباتهم مثل اول
ببيت ابو جواهر
جواهر تكلم بلجوال
جواهر : اي وبس ذا الي صار معكم
مهره : اي بس
جواهر بدلع خبيث : وكيفه هو مزيون للحين صح
مهره ضحكت : اي حييللل بعدد
جواهر بحده : مهره
مهره : لا انتي خوذي خالد وانا اخوه
جواهر : هههههههه الي تزوج الخبله ساره
مهره : اي ولا بعد تخيلي تغار عليه
جواهر : تنطق هي وياه انا علي من وعد وخالد كيف افرقهم الحين !
مهره : اسمعي روحي عندهم كنك مشتاقه لمك
جواهر قاطعتها : مااهي اميي
مهره : من ماتكون المهم روحي وفرقي بينهم عاد انتي وشطارتك
جواهر : قكره يلا عاد اكلمك بعدين
مهره : تمام
قفلت منها وراحت لبوها
جواهر بدلع : بابا
ابو حواهر : هلا
جواهر : بابا بروح لبيت خالتي ام ساره
ابو جواهر تضايق انها قالت خاله وهو عارف ان سعاد طيبه وربتها زي بنتها وجواهر ماتدري انها مو امها الا من كم شهر بس وقال : ليه
جواهر : بس اشتقت لها
ابو حواهر ابتسم وتفأل خير وان ممكن سعاد ترجع : طيب البسي عباتك ووديك
جواهر فرحت وراخت لبست ووصلها لهم
عند بيت الجد
روابي : جااااااببررر وجعع يوصصصخخ ابعددد
جابر وهو حاط حشره بعلبه ويبي يكبها عليها : هههههههههههههههههههه خلييني اكبها عليك واترك
روابي تخبت ورا ابوها : يبهه خذه عنييي الوصخخ
ابو جابر ضحك : ههههههههههههههههه جابر وش مسوي بلبنت
جابر رفع العلبه : بكبها عليها
ابو جابر طير عيونه : خبل انت
جابر: ليه
ابوه : اذلف اذلف عن بنيتي
جابر : مشكله والله الدلع البايخ عندها
نايف : شفتي اني اخو زين ومنتي مقدره النعمه
وعد وطت رجله وانحاشت : كلكم زي بعض هههههههه
نايف مسك رجله بالم : وعدووووهه
خالد مسك نايف وجابر : مشكله الورعان والله
جود : والله انا الي احمد ربي على اخواني مو مثلكم وعطت البنات نضره بضحك
سلمى : اي والله اخواني وش حلاتهم بس
خالد صفق : اخيراً سلمى قالت كلمة حق
سلمى : خالد تدري انك حيوان
خالد : تدرين اني بصفقك !
سلمى : لا
جود : ماعليك منها انا دايم امدحك
حلا : اجحدي وانا بعد
ترف : خلف اشوا منهم بعد يحلوه اخوي
جود ناضرت خلف وصدت بحراج لما شافها
سُلاف : ودي اقول ان اخوي بعد بس ماينمدح هو ووجهه
سياف : سُلافوه شوفي الخوات يمدحون اخوانهم وانتي ماش
الكل : هههههههههههههههههههههههههههههههه
خلف : ههههههههه طلع انا وخالد وسالم زينين بس
رغد : صقور احسنكم
صقر ضحك : كفو وخيتي
طق الباب وراح خالد يفتح
خالد فتح وانصدم من الي قدامه وقال وهو ماسك حاله ليصفقه ويبرد حرته : خيرر
ابو حواهر : ماني جاي اشوف خشتك بنتي بتسلم على سعاد وبجي بليل اخذها
خالد بهمس مغتث : بالي مايحفضك يلبوميل ( سمين وقصير ههههههه )
جواهر بدلع : كيفك خالد
خالد : هلا .. لف للعيال .. انسدت نفسي من القعده امشو مابي ارتكب به جريمه اليوم
ابو جواهر : تسويها يولد قايد
خالد بحده خوفت ابو جواهر : تااااج راسك
ابو جواهر من الذله هز راسه ب ( اي )
ــــــــــــــــــــــــــــــــــــــــــــــــــــــــــــــــــــــــ
أنت تقرأ
بلاي ي جابر بعناد روس الرجال
Fantasyروايه تتحدث عن حب نما من الطفوله ولاكن هل الضروف تساعد ام لا ؟ 🤍 مكتمله 💜💜
