နွေးထွေးမှု သဲ့သဲ့

အပိုင်း(၉)

Burmese translation of Let The Villain Go

Translator - ဂွေ့

အပိုင်း(၉)
_____________________________

သူမ ကြက်ဉနဲ့သကြားထည့်ထားတဲ့ ကွေကာကို  သတိလစ်နေတဲ့သူ့နှုတ်ခမ်းဝဆီကို တစ်ဇွန်းတိုက်လိုက်တယ်။

ယဲ့ဖေ့ထျန်းရဲ့မျက်တောင်ရှည်ကြီးတွေ နည်းနည်းလှုပ်လာပြီး ချက်ချင်းဆိုသလို မျက်စိပွင့်လာတော့တယ်။

သူ့ရဲ့မျက်လုံးတွေက နှစ်ထောင်နဲ့ချီအောင် အေးခဲနေခဲ့ပုံပါပဲ။  အသက်ငင်နေတဲ့ သွေးဆာဆာ တောရိုင်းကောင်တစ်ကောင်လို့ သူ့မျက်လုံးမှာ သတ်လိုဖြတ်လိုစိတ်တွေပြည့်လို့။

ဘာလို့ိဆို သူမျက်လုံးဖွင့်ဖွင့်ချင်းမှာ မြင်လိုက်ရတဲ့ အမျိုးသမီးကြောင့်ပေါ့။

အမျိုးသမီးက ပြန်လာပြီး သူ့ကို အစာကျွေးနေတယ်တဲ့ဆလ။

ယဲ့ဖေ့ထျန်း အစာကို လိုအပ်တယ်။ ဒဏ်ရာကြီးလေလေ သူဗိုက်ပိုဆာလေလေပဲ။ ဆာလောင်မှုက သူ့အစာအိမ်တစ်ခုလုံးနဲ့ သွေးကြောတွေကို ကျွမ်းလောင်လုမတတ်ဖြစ်စေပြီး နာကျင်ခံစားရစေတယ်။ ဒါပေမယ့် သူ့ဒဏ်ရာတွေကလည်း ပြင်းနေပြန်ရော။ ဆိုတော့ကား သူ့မှာ စွမ်းအင်ကိုပြန်လည်ဖြည့်တင်းစရာမရှိဘူး။ သူ့ဒဏ်ရာတွေသက်သာလာတဲ့အထိ သူဗိုက်ဆာတာကို သည်းခံရတာ ကျင့်သားရနေပါပြီ။

သူကတော့ ဒါကို ရယ်ရတယ်လို့ထင်တယ်။ ဘဝကိုခက်ခက်ခဲခဲအသက်ရှင်ရမယ်ဆိုရင်တောင် သူရဲ့ လက်ကျန်မာနနည်းနည်းလေးကို ဆုပ်ကိုင်ထားချင်သေးတာလေ။

အဲ့ဒီအမျိုးသမီးထွက်သွားတော့ သူ့အတွက်စားစရာတွေကို သူမ ချန်ထားပေးခဲ့တယ်။  ဒါပေမယ့် သူများချန်ထားခဲ့တာတွေကို ခွေးတစ်ကောင်လိုစားပြီးတော့တော့ အသက်ရှင်ဖို့စိတ်ကူးမရှိဘူး။

အဲ့ဒါကြောင့် သူ မုန့်တွေနဲ့ဝေးဝေးမှာနေပြီး ထောင့်သွား ခွေနေခဲ့တာ။

သူ့ပါးစပ်ရှေ့ ဇွန်းရောက်လာပေမယ့် ယဲ့ဖေ့ထျန်း ပါးစပ်ကိုမဖွင့်မိဘူး။

စားစရာရဲ့ရနံ့က သူ့ကိုယ်ထဲကိုဖောက်ဝင်နေသလိုပဲ။ ပြီးတော့ စားစရာရဲ့ အရသာက သူ့လျှာဖျားပေါ်မှာ အရမ်းကိုအရသာရှိနေတော့ သူစားပြီးရင်းစားချင်နေတော့တယ်။