الكاتبه: ايه الركابي✍🏻
اليوم كلش بارده المفروض البس قمصلتي السوده ياريت سمعت كلام امي ولبستهه هاي اني دائما هيج كلما اعاند امي اتندم 😔 بغداد ازدحام كلعاده اي واخيرا وصلت للبيت لان اليوم هواي تعبت بلمحكمه
تبارك: شكرا عمو تعبتك
ابو عمار: لا بنتي هذا واجبي
تبارك: يلا مع السلامه عمو
ابو عمار: الله وياج سلميلي على اهلج
تبارك: انشالله
دخلت للبيت لكيت امي بلدوام وبابه بشغل لكيت اخويه حسين هستوه راجع من الجامعه هوة طالب بكليه الهندسه مرحله رابعه
حسين: ها يا لمحاميه شو ليوم متأخره
تبارك: هواي شغل جان عندي بلمحكمه وين نوران لعد
حسين: فوك بغرفتهه دتدرس
صعدت فوك لكيت نوران دتدرس هيه طالبه بكليه الصيدله مرحله ثالثه
تبارك: هلو نوران شلونج اليوم بجامعه
نوران: ......
تبارك: شبيج ساكته؟
اوف المفروض مااستغرب هيه هيج تعاملهه ويايه كلعاده
صارت العصر رجعت مامه من لدوام سلمت عليهه وكعدنه تغدينه
وفاء: بنتي اليوم شلون جان دوامج
تبارك: الحمدالله بخير اي مشكله تصير انتي موجوده مارح تقصرين
وفاء: اي حبيبتي طبعا بس اني اريدج تعتمدين على نفسج احنه مادايمن اريدج تصيرين سند لنفسج انتي بنتي لجبيرة وسند لاخوتج وابوج هم تعبان ماله حيل مشاكل
تبارك: الله كريم يمه
صعدت الغرفتي لكيت نوران اليوم كله بلغرفه ماتطلع ولا تحجي ويا احد واذا سألناهه شي تكتفي بسكوت
تبارك: نوران حبيبتي الى متى انتي على هاي الحاله ليش تصرفين هيج ترة اني اختج الجبيرة والله تعبت منج ليش متقبلين تحجين ويايه وتعتبريني وماموجوده واذا حاولت اتقرب منج تأذيني كافي صارلج سنين على هاي الحاله يمتى اشوفج طبيعيه
نوران: .......
تبارك: مودحجي وياج؟ 😒
نوران: وخري من يمي ماحجي وياج
كمت وعفتهه لان مليت واني اسمع هاي لجمله منهه
لمن صارت اليل رحت ساعدت امي بلبيت وسوينه عشه ورحت نمت لان كلش تعبانه....
كعدت الصبح متأخرة على السريع بدلت وطلعت لكيت بابه بلاستقبال
ابو حسين: هاا وين رايحه هيج مستعجله
تبارك: تاخرت على لمحكمه
على السريع طلعت لكيت ابو عمار بلباب واكف صارله هواي دينتضر صعدت بسيارة ونطلقنه
وصلت للمحكمه بعد ماتشكرت من ابو عمار ودخلت للمحكمه طبعا رحت لمكتبي لكيت صديقتي نور
تبارك: هلو نور خما احد حجه عليه بسبب تأخري
نور: لا بس ليش تأخرتي
تبارك: محسيت بلمنبه
اثناء ماكنت بلمحكمه اجاني اتصال من حسين اخويه طبعا تفاجأت لان هوة بلعاده مايتصل
تبارك: الو حسين
حسين: تعاي تبارك وكعت بمشكله
تبارك: خيرر شكوووو؟
حسين: تعاي للبيت بسررعه
طلعت من لمحكمه الساعه تقريبا ب1 الضهر بعد ماخابرت على ابو لخط ابو عمار اجه وصلني للبيت نزلت على السريع ودخلت للبيت ولكيت الصدمه
أنت تقرأ
فصليتي محامية
Mystery / Thrillerمحاميه تذهب فصليه الى احد شيوخ الاعراف العشائريه..لتكتشف قضايا غامضه لم تكن تتوقعها..
