فصليتي محامية

البارت الخامس

كعدت لكيت نفسي بغرفه ضلت هاي الاسئله تراودني شلون اجيت ومنو جابني وشلون؟ لحد ما اجتي مرأة يطلع عمرهه بلاربعينات فتحت لباب ودخلت شكلهه حبابه دخلت وسدت الباب اني متت خوف منهه اولشي سألتهه

تبارك : اني وييين؟ ومنو جابنييييي هنااا

سماح : لاتخافين اني اسمي سماح اصير مرت عم ناصر

تبارك.: منو نااااصر؟ وشجابني هناا

سماح : حبيبتي ناصر لي حيتزوجج باجر وتروحين فصليه الة همه جابوج هنا لان بيتنه بغداد بمنطقه ـــــــ قريبه على منطقتكم العصر حياخذوج للبصرة ويعقدون الج انتي وناصر يم السيد وتعيشين بلبصرة

نشليت من الصدمه راسن طخ بالي انو اهل ادم لولد لدعمه حسين اكيد همه لخطفوني وجابوني هنا

تبارك : انتييي صددددك تحجيين؟ الله يخليج الله يوفقج طلعيني منا والله اهلي يكلبون الدنيا عليه واني ماريد اروح وياهم

سماح : حبيبتي والله مو بيدي حتلو طلعتج ماكدر لان كاعدين جوة

تبارك.: زين اليوم لمن ينامون بليل طلعيني

سماح : همه العصر رح يروحون للبصرة يعني بعد3 ساعات

تبارك : خاله فدوة ساعدينيييي اطلع هسه اني مامسويتلهم شي والله بس ان...

راسن سمعت صوت رجال اجه للغرفه

ناصر : انيييي مو كللت محد يصعد يمههه عوفوفهه تبقى هنا محبوسه اي احد يصعد مايلوم الاه نفسسه

راسن كامت خاله سماح من خوفهه طلعت واجه هوة وكف يم باب الغرفه وكام يحجي باوعت عليه لكيته طويل وضخممم وشويه عنده عضلات يطلع عمرة 30 او 28 وملامحه عربيه يعني اسمر وحواجبه ثخان وعيونه حادات وعنده لحيه ولابس ملابس عكال دشداشه

تبارك : طلعنييي منااا ليش خطفتني ياا ضالممم الله ينتقم منكم ياربييي

ناصر: لج صوتج ماسمعه لو عاقدين جان عرفت شسوي بيج فدشويه اسحلج للبصرة ولصوتج ماريد اسمعه

طلع وسد الباب وراه واني ضليت ابجيي وحاولت ادور بلغرفه على شباك اطلع منه بس للاسف ماكدرت الغرفه مقفله والشبابيك صغار ماكدر اطلع منهن ضليت اصيح كل قوتي وادك بلباب وغلط عليهم لحد ما سمعت احد ديصعد لدرج باوعت لكيته ناصر

ناصر : اني موكتلج ماريد اسمع صوتج ليش تصيحين هاااا شكلتتتت انييي

تبارك.: اصيحح وغصبن على راسك اطلععع منااا مابيك خير كدرتكم بس على النسوان

ماحس الاه اجاني راچدي باوعت مصدومه اول مرة احد هيج يضربني ضليت، ساكته من لصدمه ناصر ماكتفه بضربي حتى كام يسبني ويسب اهلي لحد ما اجه سحلني ونزلني جوة واني اصيحح عليه واريد احد يساعدني قاومته هواي شالني وحطني بسيارة هوة واخوه اني بس ادعي عليهم

ابو ناصر.: ابني مو هيج على كيفك لبنيه بعدهه مو بذمتنه ليروح يصير، بيهه شي

صهيب اخو ناصر حجه

صهيب.: طبهه مرض ماعدنه هيج نسوان يعيطن

صعد صهيب وناصر وابو ناصر وسليم عم ناصر و اني هم خلاني ناصر بسيارة واني اضرب بي بس اني تعجبت من خاله سماح مافتحت حلكهه شنو هلكد المرأه عدهم ضعيفه ومالهه رأي؟ وعمو جلال هم ماحجه زوج خاله سماح على الرغم حسيته هوة جان معارض انو ياخذوني مبين من عيونه بس ماحجه اني بصفتي محاميه ماكدر اسكت عن الحق زين همه شلون سكتو ! طبعا ماعرف شلون حروح لمحافضه ثانيه وبعيده علينه واهلي مايعرفون واني كل ما اصيح بسيارة تجيني ضربه من ناصر لحد ما حسيت راسي حينفجر وكمت ماصيح لان يأست محد حيساعدني والطريق بعيددد مادري شلون حتحمل وبنص هلوحوش الطريق كله اني ابجي و وحتى لعبت نفسي من لطريق وكفنه يم سيطره امنيه حاولت اصرخ راسن شاورني ناصر

ناصر : اذا صيحتي لو حجيتي اي كلمه راسن نقتل اهلج فتهمتي لو لا

اني ضليت ساكته خفت لا يسويهه صدك واني خايفه على اهلي وماريد احد يسويلهم شي لذلك سكتت ولحد ماوصلنه للبصرة وكفنه يم بيت شكله قديم وكلش جبير ومبين بي هواي زرع حاولو ينزلوني من السياره بس اني ماقبلت

ناصر : اذا ماتنزلين اكسر راسسسج

سليم: ناصر مو هيج لبنيه بعدهه خايفه على كيفك كومي كومي نزلي مارح نأذيج

تبارك : مارييييد انزل ولا اريد اتزوجج وخرو عني

اجه ناصر شالني اني ضربته

ناصر.: اني اعرف شلون حنتقم منج بس خلي نوصل للبيت