لگيت بداخل الكنتور مجموعه من السلاسل والسكاكين حسيتهن يتستعملهن لادوات تعذيب معقوله هذا لبيت ينفذ الجرائم بي واحتمال عدهم اكثر من مقر لتنفيذ مهماتهم مثل لمصنع بلبصرة وبغداد هذا لبيت اعتقد عدهم سلسله عمليات بشكم محافضة ومنطقه بلعراق من اجل ان يفرضون قوتهم وسيطرتهم...
رجعت باوعت علخانه لثانيه بيهه ملابس قديمه بعضهه لنساء واخرى لرجال انتبهت كان اكو سوار وياهن لونه ابيض وارزك ويحتوي على حرف R لزمته وضليت اتأمل بي هذا المن لسوار؟..
باوعت على حياطين الغرفه صايرة عبارة عن خدوش وحفر بلحايط وشخابيط وكتابات محفورة بادوات حاده مجانت واضحه بس حاولت افتهم منهه لبعض مثل ( نموت ويحيى الوطن) (واخيرا حنلتقي بجنة ) ( الموت اهون علينا من السكوت) ( عذاب) وانتبهت اسماء مكتوبه علحياطين بس مجان واضح ضليت افكر ولدموع تارسه عيني خفت لا ناصر يسوي بيه مثلهم لحد ماسمعت صوت ناصر يصيح
ناصر: ماخلصتيييي
تبارك: اجيتتت
على السريع لبست القميص لناطنياه ناصر صح كان بي دم بس تعدمت البسه حتى بعد ما اتحرر منهم اخذ القميص واروح للمستشفى حتة يسوله تحليل ونعرف هذا الدم المن تابع لذلك ضغطت على نفسي ولبسته وحطيت فوكاه العبايه واخذت لسوار هم ضميته وطلعت شافني ناصر
ناصر: بنت ل ـــــــــ ليش هلگد تأخرتي امشيي بسررعه يلاا
مجاوبتة لان جنت صافنه على تفاصيل البيت احسهه لحياطين تريد تنطق ولارض تريد تصرخ كانت الكأبه ولريحه القذرة تارسه البيت لدرجه خفت انو ابقى بهذا البيت بعد ولا لحضه...
ـــــــــــــــــــــــــ
بعد هاي المسافه واخيرا وصلنه للبصرة دخلنه للبيت مجان اكو احد...
رحت على السريع دخلت للحمام سبحت لعبت نفسي من لصار ومن لمكان من كلشي شفتة فتحت لدوش عليه واشهك من لبچي اتذكر كل الصار بيه وبكلشي شفته صح جانت توصلني جرائم واكون محاميه على لمجنى عليه بس اول مرة اعيش الجريمه بواقعهه نصدمت بتفاصيلهه شلون تأذي..
وتفاجأت شلون ناصر بلبدايه جذب علية وسوة نفسه متضامين ويا لمتضاهرين وهسه شلون طلع ضد التغير..
لمن طلعت من الحمام رحت ضميت السوار حتى مايشوفه... ضليت انتضر عبدالله شوكت يجي هواي اشياء لازم احچيلة حتى يساعدني....
نزلت جوة كلت انضف لبيت باوعت لكيت ناصر نايم باستقبال هنا راسن اجتني فكرة اروح لغرفة ابو ناصر حتى اشوف ملفات الفساد والجرائم لرتكبوهه
كلت اكيد بعدهم ماواصلين للبصرة حاخذ راحتي بلتفتيش.. دخلت الغرفه كلشش جبيرة وغراضهه غاليه كلش حتى ساعه ذهب لكيت عنده...
دورت الغرفه كلهه ملكيت وثائق او شي يثبت التهمه ضده الاشياء الكيتهن عنده بس اسلحه وبعض الطلق وهذني مو تهمه عليه لان حيعتبر انه سلاح عشائري وليس اجرامي... ضليت ادعي ان الكي شي يفيدنه لحد مالكيت بمكان بنص مزهريه الورد بعض الثبوت الي تثبت سرقته تجاه اراضي وبعض امور الغش طبعا بسبب الخبرة لكتسبتهه من لمحاماه كمت اعرف عقليه المجرمين وين يخفون ادلتهم خليتهم جوة لدشداشه هنا راسن نفتحت الباب
ВИ ЧИТАЄТЕ
فصليتي محامية
Детективи / Трилерمحاميه تذهب فصليه الى احد شيوخ الاعراف العشائريه..لتكتشف قضايا غامضه لم تكن تتوقعها..
