من كالت اي طرت فرح شكد جنت اتمنى اساعدهم حتى اوصل لبنتهم
تبارك: خاله اني المحاميه تبارك اريدج تساعديني بكم شغلة بخصوص ريام
نتبهت على معاير وجهه صارت حزينه وعيونهه ذبلت وكانهه رجعت تذكرت شي تريد تنساه
ام ريام: ايي خاله تفضلو
دخلنه لبيتهم صغير وكانه فقير حاجاته بسيطه لكيت بنيه يطلع عمرهه 18 شعرهه طويل وملامحهه طفوليه كاعدة.. سلمت ودخلنه كعدنه على لفرشه (جودلية) بلكع..
تبارك: ريام صارلهه شكد مفقودة؟
أم ريام: ليش؟ انتي منين تعرفيهه لريام؟
تبارك: لان عشت ويا ناس اعتقد الهم ايد بأختفائهه
ام ريام: قصدج اهل ناصر! حسبيي الله ونعم الوكيل عليهم
عبدالله: خاله هذا لسوار يذكرج بشي؟
عبدالله طلع السوار ونطاه لام ريام لزمته وضلت تباوع عليه بتمعن وتبچي
ام ريام: هذااا مال بنيتيييي ريوومه يييمه هذا اخرر مرة شفته بأيدهه وهيه لابسته قبل لا تختفي
تبارك: الحمدلله هااي اول خطوة حتى نككدر نلكيهه
عبدالله طلع لقميص ونطاهيا... شافته ام ريام ضلت تدك وتلطم
عبدالله: اعتقد هذا يخص ريام وسوينه فحوصات لدم لموجود عليه اعتقد يخصهه
ام ريام: ييييممة بنيتييي وينننهه لججج رفلل اختجج يمممكن كتلوهه
رفل: ييمة لاتكولين هيجج عايشه عايشه اني متأكده الله يخليييج لاتكولين هيج
تبارك: الله يساعدكم بس هسه احتاجكم تساعدوني شوكت شفتوهه اخر مرة؟
رفل: العام بشهر اكتوبر كانت رايحة لجامعه وبعد مارجعت
عبدالله: تمام احتاج رقم تلفونكم حتى نتواصل اذا احتاجينه شي
رفل: سجل يمك ـــــــــ0763 هذا رقمي امي ماعدهه تلفون
عبدالله: تمام شكرا
تبارك: اسفين اذا ازعجناكم+اي شي جديد نخابركم خليكم على تواصل
أم ريام: انشالله ييمة😢💔
YOU ARE READING
فصليتي محامية
Mystery / Thrillerمحاميه تذهب فصليه الى احد شيوخ الاعراف العشائريه..لتكتشف قضايا غامضه لم تكن تتوقعها..
