فصليتي محامية

البارت الواحد و الثلاثون

شايل سلاحه ومشى باتجاه سناء وهيه واكعه بلكع تبجي وتتوسل عزة اني من يمي نقهرت عليهه ماتحملت اسكت ابد حتلو هيه جانت توضجني

تبارك: هايي شدسويي! خطيية مو بهاااي الطريقققه لا تقتلهه حراااام عليييك عدهه اطفاااال وين يروحوننن فدوة عوفهههه

ناصر: ششش لا تدافعيلهه مادخلج خلي يغسل عارة احسن انتي امشيي فووك

تبارك : ابو ناصر عليك الله امنعه خطيية حيقتلهه شوف ابنههه شلووون يبجيي على امه وبنتهه صغيرة منووو يداريهه بس اح..

قاطع كلامي صوت كلشش قوي كلبي راد يوكف من لخرعه سديت عيني.. صارت هدوء.. فتحتهه واني اباوع على المنضر لكدامي يالللله اول مرة جريمه قتل تصير كدامي.. الكاع بس دم وسناء دتصارع ويا حروحهه من اجل انفاسهه الاخيرة...
عيوني غرقت دموع وايدي كامت ترجف لا شعوريا لحد ماسمعت صوت يصدر بهدوء

ناصر: كفو منك خويه

ابو ناصر: عاشت ايدك وليدي صهيب

صهيب: اعرف واجبي هذا مصير لتفكر تخون

صوفي: ماااااااااااماااااااا

اباوع عليه لولد راد يموت من لخوف ولحزن امه تنقتل كدامه شنو هلبرود العدهم ماحطو اعتبار حتى لاطفالهه ولغريب اكثر حضرة صهيب يوميه مغتصبله بنيه محد يحاسبه واذا زوجته خانت تنقتل شنو هذا التخلفف لعدهم

تبارك: قسمااا بلللله انتووو مجرمين معقوووووله لهاااي لدرررجه سهله عدكم تقتلون وحدهه صارلهه سنيين عدكممم

ناصر: حبيبتي اخذي صوفي وصعدي لغرفتج

ماتحملت اخذت لطفل ورحت لغرفتي وسديت الباب ضليت ابجي اباوع على الطفل حالته مأساويه والشي الخايفه منه اكثر اخاف لمن يكبر يتعلم هذا الشي ويكوم يقتل اخته او زوجته اذا شافهه تحجي ويا واحد بحجه غسل للعار...
ضليت اهدأ بي وهوه ماقبل يسكت لحد ماغلبه التعب ونام... ورة فترة سمعت باب الغرفه ندكت

تبارك: منوو

عبدالله: اني عبدالله فتحيهه

كمت فتحتهه شكلة مجان يبشر بخير عيونه كانهه حاصره دموع بداخلهه وجهه احمر من العصبيه غير على طبيعته

عبدالله: حضري نفسج امشي خلي نطلع بسرعه جيبي الطفله وتعاي وصوفي عوفيه هنا نايم

تبارك: وين رايحين؟

عبدالله: انتي مو كلتي تريدين ترجعين لاهلج بغداد! ونشتكي على هذوله لمجرمين! اذا يلا امشي

تبارك: شلون نطلع وهذوله موجودين خاف يقتلونه

عبدالله : راحو يودون جثه سناء للمستشفى بثلاجه حتى باجر يدفنوهه