كمت اسمعه يصيح لجج رهاااام شسويتي بيييه اللله اخخخ... كمت اسمعه يشمر الغراض بلكع كسر العطور والغراض اني من خوفي وخرت الغطه عن وجهي وبديت اباوع عليه بخوف شفته كام يعلي صوته اكثر ويصيحح( ليش هييييج سوييييييييت) شال الكزاز لموجود بلكاع وبده يجرح بايده اني ما تحملت ركضتت عليه سحبت قطعه الكزاز لموجوده بأيده هوة ضل يباوع عليه بلا وعي وعيونه مدمعات وجهه احمرر كام يحجي ولسانه ثكيل
ناصر: لجج ساعدينيي مجاي انسسسسه
تبارك: شبيك ناصر شتنسى؟ اباوع عليه بقلق
ناصر: مجاي انسى لماضي الاسود مو قصدي اسوي هيج والله اتمنى الله يسامحني ساعدينيي تبارك اسكر حتى انسى ومجاي انسى
تبارك: ليش انته شسويت كلي حتى اساعدك
ناصر: ساعديني انسى
حضني حيل وبده يبجي اني استغربت كلش هاي ليش هيج يسوي شخصيته كلش اختلفت مدصدك هذا ناصر لوحش باوعت عليه لكيته غافي بحضني حاولت ادفعه كلش ثكيل...
كعدت لصبح لگيت نايمين سوه هاي شنو حاولت اوخر ايده عني بس هوة راسن كعد شافني استغرب ضل يحدق بيه باستغراب وخر ايده عني اني كمت جرني من ايدي وكال بهدوء
ناصر: شصار البارحه؟
تبارك: ما صار شي
ناصر: احچي عدل
تبارك: انته اجيت سكران واجيت نمت كلشي ماكو
جريت ايدي منه وكمت رحت للحمام ورحت صليت ونزلت جوة لكيت الكل كاعد وسناء دتغسل مواعين بلمطبخ شافتني
سناء: بعد وكت كاعده والله رايحه تنطمر وعايفه لشغل عليه
تبارك: بكيفي شوكت ميعجبني اكعد مدخلچ
سناء: هم فصليه وهم لسانج شطوله
تجاهلتهه فتحت لثلاجه حتى اكل لكيت تفاح اخذت وحده باعت عليه سناء
سناء: رجعيهه لجج هذا صهيب جاب لتفاح من فلوسه يلا رجعي
رجعت لتفاحه وسديت لثلاجه بقوة وكلت
تبارك: اذا زوجج جابه حطي بغرفتج مو بثلاجه لبيت بعدين اني ماميته عليه
هنا اجه ناصر دخل للمطبخ
سناء: لجج لفصليه نسيتي انتي خدامه هنا مالج حق تحجين تسمعين وانته ساكته
ناصر: سناء رجاءا احترمي نفسج حتلو هيه فصليه بس بنهايه هاي مرتي صارت ممنوع هيج تحجين عليهه كدامي مرة ثانيه
سناء: شسوتلك يمكن مسويتلك سحر؟ نسيت هيه اخت قاتل ادم لو لا
ناصر: مدخلج انتي حيري بشغلج ممنوع هيج تحجي احسن ماروح اتفاهم ويا صهيب عليج
تبارك: ولكككم اخويه مو قاتل هوة حادث حسبي الله ونعم الوكيل
رحت اركض ابجي فوك تعلمت على هذا الذل ياربي شلون حخلص ضليت افكر رهام منو شسوة ناصر ليش لهاي لدرجه مقهور ومتعصب لازم اعرف اجتني فكره اروح لفاطمه استفسر منهه.. رحت على فاطمه بغرفتهه سلمت عليهه وحجيت
تبارك: فاطمه تعرفين وحده اسمهه رهام؟
فاطمه: اي هاي بنيه تصير بنت جيرانه بس شالو قبل سنتين ليش، دسألين؟
تبارك : ناصر چان يحبهه لو لا؟
فاطمه: هيه جانت بنيه كلش حبابه وطيبه وناصر جان يحبهه وراد يخطبهه بس همه شالو مادري وين وبعد ماسمعنى اخبارهم
تبارك: ليش شالو؟
فاطمه: بنتهم رهام اختفت.. سمعنى جانت دتروح لجامعه وبعد مارجعت واهلهه دورو عليهه ومالكوهه
تبارك: شلوووون؟ زين لحد هسه ما لاكيهه؟
فاطمه: ماعرف لان اهلهه شالو وبعد نقطعت اخبارهم واخبار رهام
تبارك: ناصر شسوة من رهام اختفت؟
فاطمه: ماعرف لان هوة ضل اسبوع مو بلبيت من يوم لانخطفت ورة سبع ايام رجع يگول اني رحت لمكان بعيد حتى انساهه لان منطقتنه تذكرني بيهه
تبارك: اهلهه شنو جانو يشتغلون تذكرين؟
فاطمه : جانو يشتغلون مثل شغل ناصر يعني هوة جان وياه ابوهه بنفس لشغل ليش هاي الاسئله كلهه؟
تبارك : بس هيج فضول بس لا تكولين لاحد اني سألتج هاي الاسئله خليهه بيناتنه
فاطمه: تمام
كمت رحت لغرفتي واني افكر بلكالته فاطمه زين اسأل ناصر عليهه حتى اشوفه يجذب لو لا؟ خلي انتضرة، يرجع لازم اعرف.. نتضرت بليل ومارجع صار، ثاني يوم وثالث يوم يلا رجع استغربت ليش هلگد يتأخر يضل ايام بشغله ومرات يروح ساعه وبرجع لشغل؟ كلش دخت لازم اعرف منه..
رجع ناصر دخل للغرفه وباوع عليه وكال
ناصر: ها اشتاقيتيلي مو
تبارك: الحمدلله جنت خلصانه منك بس من باب لفضول ليش تتاخر بشغلك هلكد تضل ايام
ناصر : حضرة لمحاميه هاي الاسئله سأليهه للمتهم مو اليه انتي بلبيت مو بلمحكمه يلا نزلي جوة سويلي اكل
تبارك: تجاوبني يلا انزل
ناصر: شغلي بغير محافضه مو هنا لذلك اطول
تبارك: لعد ليش مرات تتأخر ساعه لشغلك وترجع اذا تكول محافضات؟
ناصر : شعليج انتي بنت ل ــــــــ خلي اكول لسناء احسلي
طلع وسد لباب وراه بقوة كلت اني رح اكتشف بدون ما اسأله وره شويه اجى عبدالله رجع للبيت لان جان مطرود بسببي شفته لمن نزلت بصاله شافني وكال
عبدالله: شلونج تبارك انشالله زينه بلا زحمه ممكن تجيبين الغده لان مامتغدي
تبارك: تمام
رحت دصب لغدة واني مستغربه من كلامه ليش يحجي ويايه بطريقه حلوة معقوله نسى؟ صبيت لغدة ودنكت وحطيته يمه قرب راسه عليه اثناء ماكنت احط لغدة وكال بهمس
عبدالله: حسابچ بعدين
YOU ARE READING
فصليتي محامية
Mystery / Thrillerمحاميه تذهب فصليه الى احد شيوخ الاعراف العشائريه..لتكتشف قضايا غامضه لم تكن تتوقعها..
