اباوع عليهه ومترقبه الحجايه من حلكهه واخيرا حجت بصوت مبحوح وهادئ يصحبه الرجفه
سميرة: يمه رح احجي وياج بصفتج محاميه مو زوجه ناصر واريد اكلج قبل لا اموت ماريدهه تبقى بذمتي وكلت لازم احجي الحقيقه عسى ربي ان يغفر الية
وجهه صار احمر وبدت تبجي وتحجي برجفه
سميرة: يممة احنه هواي ضلمنه ناس هواي اذينه ناس بس والله جنت مجبوره مجان بيدي شي اذا حجيت انقتل وحاليا اني بلموت لذلك مخايفه من شي بعد
تبارك: مفهمت خاله فدووة وضحيي شلون يعني
سميرة: ابو ناصر جان يجيب رهائن وناس ثوار يحبسهم بلمخزن لموجود ىحديقتنه جنت اسمع صرخاتهم بس ماكدر اسوي شي ومرات اشوف جثث يطلعوهه منه او اجي انضف الدم مالتهم الي ارتكبه زوجي ولدي لمجرمين بحقهم
رجعت تبجي اكثر وتحجي
تبارك: زين ليش يقتلوهم بس فهميني
سميرة: لان ابو ناصر وصهيب وناصر وباقي لعشيرة كلهه داخله بلحزب ــــــــ هذوله يقتلون اي شخص يعارضهم او يسقطهم وجانو يغتصبون نساء وياخذون ملابسهم ويجيبهن ابو ناصر اليه حتى البسهن
اني هنا تذكرت لملابس لمستعمله لجانن عند سناء وراهه صهيب اخذهن عززة معقوله؟ هذني ملابس بنات مغتصبيهن شنوو هلگلب شلون كدرت تلبسهن يمكن حتى جنطه لملابس لجانت بلكنتور يمكن هم من نفس المصدر!
تبارك: وجنتيييي تلبسيهن؟
سميرة: لا ماقبل بس يجبرني البسهن او يبيعهن او مرات يدزون ملابسهن لاهلهن حتى يشوفوهم انهم اغتصبو بناتهم لاهل مجانو يكدرون يحجون لان يخافون من لفضيحه
تبارك: زيين وعبدالله وين جان ليش يسكتت
سميرة: عبدالله بلبدايه مجان يعرف لان مو ابنه وخفنه يحجي بس بعدين هوة عرف وابو ناصر هدده انه يسكت
تبارك: شنووو؟ مفهمت ليش مو ابنكم عبدالله؟
رجعت نصت صوتهه وعيونه صايرات دم وحجت
سميرة: لا يممه عبدالله مو ابني بس اني ربيته هوة يصير ابن اخويه الله يرحمه
تبارك: شلووون ماات ابووه
سميرة: لمن جان عبدالله عمرة سنه ابوه كان كلش معارض لحزب زوجي لمجرم لذلك حزبه قتل ابو عبدالله يييمه اخووي سوده علليه وزوجته وراهه انتحرت وبقى بس عبدالله بذمتي اني وخاله لثاني عايش بغداد
اخذت نفس عميق ورجعت تحجي بصوت مخنوك
سميرة: توسلت بابو ناصر حتى اربي عبدالله واخيرا وافق بس مرات جان يكره وجوده بلبيت لان يذكره بابو لذلك جان يطرده بيت خاله بغداد
تبارك: عززا زين عبدالله يدري انتو مو اهله؟
سميرة: محد يعرف بس اني وابو ناصر لذلك عبدالله مادخل لحزبهم ولا جانو يدخلوه بشغلهم لان مو ابن ابو ناصر ويخافون لا يروح يفضحهم فجانو يضمون عنه كلشي
تبارك: زين وسناء؟ هم وياهم لو لا
سميرة: بنيتي ديري بالج تتقربين منهه ماتعرفيهه هاي اخوهه يصير صديق صهيب بحزبه لذلك نطه اخته سناء هديه لصهيب يعني لا يغرج كلامهه هاي الهه ايد وكلشي تعرف بس ماتحجي
تبارك: صددك؟ هاي وين عايشه اني ومادري
سميره: بنيتي اريد اوصيج لان اعرف اجلي قرب بس اريد تاخذين حق الناس لنضلمت لان انتي بأيدج هلشي اني مجنت اكدر اسوي شي وهسه تندمت يارب كلتهه ودست على گلبي وحجيت على ولدي وزوجي بس حتى تبريلي الذمه وما اكون شاركت بجرائمهم
تبارك: وادعتج خاله ما ارتاح الاه انتقم منهم واخليهم عبرة للكل واحد ضالم
سميرة: ربي يحفضج يمه بس اريد اوصيج على فاطمه ديري بالج عليهه ادري بيهه رح تتأذه لمن اموت بس حاولي تهديهه وعوضيهه عني
راسن كمت ابجي واني اهز براسي بمعنى اي لحد ما سمعت لباب ندگت
ناصر: يلا لجج طلعي شلزكتي
تبارك: يلا خاله لازم اروح صدكيني اوعدج وعد رح احقق كلشي طلبتي مني ورح اخذ حق اخوج لنقتل من عدهم وحق كل مضلوم وعد
سميرة: اخخ ييييمممه اللله يحفضجج
بست راسهه عفتهه تبجي وطلعت لكيت كلهم بوجهي صايرين كانو جانو ينتضروني اطلع
ابو ناصر: شنووو متيي جووة شلزكتييي طايحه الحظ
تبارك: اسفه
دگ تلفون صهيب شاله وحجه
صهيب: الوو هاا شنوووو
ناصر: هاا شبيكك شكوو شصاير
صهيب: انتيي صدكك تحجيين؟
VOCÊ ESTÁ LENDO
فصليتي محامية
Mistério / Suspenseمحاميه تذهب فصليه الى احد شيوخ الاعراف العشائريه..لتكتشف قضايا غامضه لم تكن تتوقعها..
