شنو قصده؟ يا الله باوعت عليه باستغراب وكلت
تبارك : عفوا ؟ شرح تسوي مثلا ؟
عبدالله : بعدين تشوفين وابتسم
عفته ورحت للغرفه هواي اسئله براسي عبدالله شنو نيته تجاهي ؟ منو رهام وين اختفت اهلهه وين ليش ناصر يجذب عليه ؟ يالله لازم اكتشف ....
رحت علكت التلفزيون دشوف اخبار سياسيه ناس طالعه مضاهرات واكو شهداء وجرحى يا الله خطيه هذوله يطلعون على حقهم وينقتلون ليش هذا لضلم يالله شباب بعمر الورد يتكتلون علمود رادو وطن راسن كمت ابجي اجه ناصر للغرفه وشافني وكال
ناصر : شبيج تبجين هم كولي انته ضربتني ؟ وبعدين ليش دتباعين اخبار هوة انتي بنيه
تبارك : ليش لاخبار بس لزلم ؟ مدشوف هذوله لشباب خطيه يموتون علمود احنه نعيش بوطن كريم اخخ يا الله
ناصر : قابل اول مرة همه دائما يطلعون ثورات ينقتلون وراهه يرجعون عادي ماتسوة لبجي
تبارك : لك شنو ماتسوه احننه لازم نحط حد لحكومه الله اكبر نريد كرامه صارت وتشتره بدم كافي يعني بلد كله ثروات صار بس ثورات حسبييي اللله ونعم الوكيييل بس اتمنى اطلع وياهم والله
ناصر : لج نجبي احسن شعدج هناك لمضاهرات بس لزلم
وتبارك : ليش لبنيه مالهه حق بوطنهه ؟ كافي جهل اصحو احنه لبنات هم بشر وهم من حقنه نعيش
ناصر : شبيج بنتي غير نخاف عليجن
تبارك : لعد ماتطلع حضرتك ؟ بعدين اذا انتو تخافون علينه احنه هم نخاف عليكم لرجال هم ارواح مثلنه
ناصر : تخافين عليه ؟
تبارك : دقصد على لشباب لعراقين
ناصر : واني متخافين عليه مثل لشباب لباقين ؟
بده يتقرب عليه اني كمت اتلعثم ماعرف شرد عليه وهوة لزك نفسه بيه ويرجع يعيد بسؤال ويباوع على عيوني اني جاوبته بارتباك وتوتر
تبارك : اا انته مو متضاهر بس لمن تطلع تضاهر اخاف عليك
ناصر : صار من عيني
ضحك وراح اني ورة ماطلع ابتسمت هذا شبي كل شويه يتغير مو طبيعي هههه قطعت ضحكتي صوت ابو ناصر يصيح عليه بعصبيه من جوة رحت اركض جوة ولكيته بلصاله
تبارك : ها عمو
ابو ناصر : اولشي صيحيلي شيخ ابو ناصر ثانيا لج شنو هذا لبيت وصخ احنه شكو جايبج هنا غير تخدمين فد شويه ام ناصر سميرة رح تجي صهيب يجيبهه رح تلكي لبيت على وصخه بسرعه نضفي واذا لكيت ايشي وصخ حتى اكل بعد ممنوع تاكلين
سناء : والله ياشيخ اني تدري بيه حامل وفوكاهه اشتغل وهاي لفصليه كلشي مابيهه كاعده اربعه وعشرين ساعه لمفروض ناصر يأدبهه
سمعت صوت ناصر من لاستقبال يكول بصوت عالي
ناصر : سناء ليش مو صهيب يأدبج احسن
صح جنت كلش ضايجه من كلامهم بس ضحكت لا اراديا على كلام ناصر هههه همه مايدرون اني لمن جنت بيتنه اعرف انضف لماعين وامسح لكاع وهاهيه لمهم رحت نضفت لمطبخ كله ولصاله ولطارمه او لحوش وراهه رحت للاستقبال جانو بي ابو ناصر وعبدالله وناصر دخلت حتى انضفه خزرني ناصر بمعنى اطلعي منا اني طلعت دصعد صاحتني سناء
سناء : لفصليه يلا تعاي خبزي
تبارك : حبيبتي اني ماعرف اخبز ولا شايفه تنور بحياتي
سناء : اوي هجم بيتج هسه غصبا عليج تتعلمين تعاي يلا
اجه ناصر على صوت سناء لعالي
ناصر : تبارك روحي صعدي عوفيهه لو مامرت اخوي جان اعرف شلون احجي وياج يا سناء
تفاجات من ناصر هيج ديتغير ويصير زين ويايه رحت فوك اول مادخلت للغرفه سمعت صوت تلفون ديدك باوعت على اسم لمتصل مكتوب ( 2R) تفاجات هاي ليش اسم رمزي منو هذا وشنو يقصد بهذا لرمز ؟ شلت لتلفون وفتحت لخط وضليت ساكته اسمع فسمعت صوت رجال خشن يكول ( سيدي نفذت لمهمه خليت بمكان يم لمصنع لقديم مثل ماكلت ) ( تأمر شي بعد ؟ انشالله باجر نلتقي ب 10 نكمل لشغله ) ( ليش ساكت ؟ الو الو ) راسن سديت لخط بوجهه وايدي ترجف يممه هاي شنو قصده يا مهمه ؟ اكو بحر من الاسرار اني ماعرفه نايمه ورجلي بشمس بس اهمشي ماخلي يشك انو اني اعرف بشي مارح اخلي يحس وحركاتي لازم تصير مدروسه قطعت سلسله افكاري صوت خاله سميرة وصلت فرحت لان سمعت صوتهه لان هاي احسن وحده هنا رحت اركض جوة شفتهه وسلمت عليهه ...
صارت دنيه ليل صاحتني خاله سميرة
سميرة : تبارك جيبيلي ماي خاله
رحت جبتلهه مي باوعت عليهه طلعن حب اخذت حبايه وشربت فوكاهه مي
سميرة : تبارك ولو تعبتج بس اريدج تفركين راسي كلش ديوجعني
تبارك : تدللين خاله
طبعا هيه دائما لابسه شال اسود على راسهه فابد ماشايفه شعرهه فوخرت الشال مالتهه حتى افرك راسهه نصدمتتتتت لكيت راسهه مابي ولا شعرة يعني ( كرعه ) شهكت خاله سميرة حست بيه فابتسمت وكالت
سميرة : شبيج تفاجأتي
تبارك : خاله ووين شعرج ليش هيج ماكو ولا شعرة
سميرة : شنو محد كلج ؟ اني يا خاله مريضه بمرض لسرطان وقبل شويه رجعت من لمستشفى
نصدمتت وعيوني دمعن وكلت ولساني يرجف
تبارك : صدككك خاااله ؟ زين انتي مو جنتي بيت سوسن ؟
سميرة : لا ماجنت بيت سوسن رحت بس ساعه بيتهه ولباقي جنت نايمه بلمستشفى اخذ جرعات كيمياوي
تبارك : بس فاطمه كالت انتي بيت سوسن
سميرة :فاطمه متدري لان عبالهه طبت من لمرض فجذبت عليهه حتى لا تنقهر واني يا خاله احس ايامي صارت قليله وعندي هواي حجي الج
اباوع عليهه وعيني كلهن دموع وكلت بصوت هادئ
تبارك : ياحجي قصدج ؟
YOU ARE READING
فصليتي محامية
Mystery / Thrillerمحاميه تذهب فصليه الى احد شيوخ الاعراف العشائريه..لتكتشف قضايا غامضه لم تكن تتوقعها..
