فصليتي محامية

البارت الرابع

الباب جان يندك كلش قوي لدرجه فزيت ورحت اركض لغرفه امي لان غرفتهه مطله على الشارع وبيهه جام وبلكونه فرحت لغرفتهه وباوعت من لجام لكيت زلم واكفين بلباب طبعا جانو لابسين دشاديش وعدهم لحيه ولابسين عكال شويه استغربت لان مامتعلمه اشوف هيج ناس تلبس بمنطقتنه وانتبهت كان اكو احد منهم شايل رشاشه اني ماحجيلكم الخوف شصار بيه رحت اركضض نزلت جوة لكيت امي بلمطبخ وحاطه شال على راسهه ودتسمع شديحجي ابويه وياهم ملامح القلق كلش بارزات بعيونهه بس بنفس الوقت حسيت عدهه قوه انو تواجهم وكفت يمهه حضنتني وكفنه يم باب لمطبخ نسمع شديصير برة لان جان صوت صياح ولصوت جان واضح

ابو حسين : اني كلت هسه تروحون لا والله اخابر على الشرطه وممنوع احد يتقرب من بيتنه بعد

ناصر  : اذا ماتطلع بنتكم ناخذهه فصليه نجي نطلع ابنك من جوة لكاع ونكتله حتى تعرفون شلون تتعاملون ويا لشيوخ وبيت عشيرة ـــــــ

طبعا امي هنا ماتحملت راسن طلعت الهم على الرغم هواي حاولت امنعهه اني ضليت واكفه بمكاني وهيه طلعت

وفاء  : والله العضييييم اذا ماتروحون هسه اخليكم كلكم بسجن وبكلمه مني بس مو عبالكم احنه ناس جبناء اني مديرة بوزارة الداخليه رتبه رائد واي شخص يتقرب من اولادي اخلي يبات بسجن واني حذرتكم

هنا حجه صهيب اخو ناصر

صهيب  : اي واحنه عدنه عشيرة كامله وشيوخ تهز الكاع ونطلع حك ابنه منكم غصب

هنا ابويه لزم التلفون ديخابر على الشرطه لان بابه ايضا يشتغل موضف بدوله راسن حجه ابو ناصر

ابو ناصر  : لحضه لا تتصل خلي نشوف حل ثاني

ناصر.: لا يابه ماكو داعي امشي خلي نروح ويصير خير اني اعرف شلون حخليهم يندمون واخليهم يتمنون انو ارحمهم

ابو حسين  : اي وشرح تسوي قابل على اساس احنه خايفين يلااا روحوو مامشرف بيكم هنا

صهيب  : احترم نفسك ابويه هنا ودير بالك هيج تتعامل بعدك متعرفنه زين

وفاء  : اي ولا نريد نعرفكمممم

ناصر  :  عوفهم صهيب امشي امشي اني اعرف شرح اسوي وراحو

دخلو اهلي جوة واني كلشش خايفه لان كلمه هذاك لرجال ضلت بالي يعني شرح يسوي مثلا وابوي يكول لا مارح يسون شي بس يهددون وامي تكول خلي حسين يبقى بلنجف لا يجي يعني امي مهما صارت قويه بنهايه ام وتخاف علينه وابويه ضل يخابر على معارفه وحجالهم شصار يعني البيت ضل بحاله توتر وخوف رحت فوك وسولفت كلشي لنوران لان هيه تضل ساكته مهما حجيت لذلك اخذ راحتي بلحجي وياهه طبعا احسهه مهتمه بلحجي بس ماتبين هذا لشي......  مر اليوم بقلق واحنه مهمومين كلنه وخايفين على حسين وعلينه 😥
صار ثاني يوم الاحد سبحت وبدلت وحطيت شويه مكياج لان جان يوم عيد ميلادي نزلت لكيت امي طالعه للوزارة وبابه هستوه ديطلع فوصيت نوران تقفل باب البيت ورة متطلع  لجامعه لان جنت خايفه اهل ادم يسون شي بلبيت لمهم طلعت لكيت امير دينتضر بلباب ركبت السيارة ونطلقنه

تبارك.: السلام عليكم

امير  : وعليكم السلام عيني اليوم طالعه حلوة شنو لسبب

تبارك  : لان عيد ميلادي منحقي بعدين اني كتلك لاتحجي هذا لحجي بعدنه مامخطوبين😒

امير  :  اوكي اسف...

تبارك.: لعد ليش ماجه ابو عمار

امير  : والله خطيه بعده مريض مايكدر يجي

اثناء الكلام جانن اكو سيارتين كبار لطريق كله يمشن ورة سياره امير لحد ما وكفن لسيارتين كبال سيارتنه اني هنا جمدت من لخوف يعني حسيتهه كانو عصابه او سلابه يريدون فلوس امير صار عصبي ونزل من السيارة

امير.: خيير ليش وكفتو بطريقنه وخر سيارتك خلي نروح لبنيه رح تتأخر

باوعت نزل شكم رجال لابسين لبس دشاديش وعكال ماركزت زين بملامحم ضربو امير موتوو ضرب اني تخبللتتت كمتت اصيححح

تبارك  : ولكمممم عوفووووو وخرو عنه متخافوننننن اللللله

لحد مااجه واحد كلش ضخم جرني من لسيارة واني اصيح ماكدرت اقاومه جان كلش قوي شالني وخلاني بسيارة مالته

امير  : ولكمممم عوفوههه وخ وخرو عن عنهه

يحجي وهوة بلكوة يطلع الكلمه وجهه كله دم واكع بلكاع مكدرت اسوي شي ولا هوة يكدر يسوي شي اني ضليتت اصيح لحد ماشغلو السيارة وطلعو واحد منهم ضل حاط ايده على حلكي ضليت اصرخ لحد ما رتفع ضغطي حسيت عيني غوشت ونمت
كعدت لكيت نفسي بغرفه جبيرة بس اني موجوده بيهه حسيت نفسي حتخبل وهواي اسئله براسي اني دحلم؟ ليش هنا ومنو جابني؟ وين اني حاليا؟

يبع......