Patient 033

016

D E P R E S S I O N

Matamlay na naupo ako sa bench na nasa garden matapos umalis sa opisina ni Dr. Yna. Habang naglalakad papunta dito ay paulit ulit ang mga salitang sinambit niya sa isipan ko na nagpabigat sa damdamin ko.

"You will be re-assign to Patient 050. Zacharias Zhay Henderson."

Zacharias Zhay Henderson... Hindi pamilyar at hindi na akong interesadong malaman kung sino siya. Sa dinami daming ibang nurse dito bakit ako nanaman ang kailangan i-assign sa ibang pasyente? Hindi ba natutuwa ang mga nakakataas sa performance ko sa trabaho kay Blade? Paano na si Blade pag hindi na ako ang mag-aasikaso sa kanya... Kaya kaya siyang intindihin ng susunod niyang magiging nurse? Paano kung mas lumala lang si Blade pag wala na ako bilang nurse niya?

Madaming katanungan sa isip ko at ko dahil sa pag-aalala ko sa magiging sitwasyon ni Blade dahil sa bagong utos ng mga nakatataas. Binalot ng lungkot ang isipan ko dahil ngayon palang ay nami-miss ko na si Blade.

"Lavender?" agad akong lumingon sa pinanggalingan ng boses at nakita na si Tracy pala ito. Ngumiti ako at tumabi siya sa akin habang may seryosong ekspresyon.

"I heard you will be assigned to a new patient huh?" mahina niyang tanong at tumango ako at tumingin sa mga bulaklak na nasa harapan namin. Madami at namumukadkad ngunit sa isang partikular na bulaklak lamang ako nakatitig. Sa marigold na kapareho ng binigay sa akin ni Blade.

"That's great news. You won't have to interact with a Leones anymore." may konting tuwa ang boses niya at bumuntong hininga.

"Lavender I know your sad. But this is for the better and it is for your own good." saad ni Tracy pero umiling ako at binaling ang tingin sa kanya.

"But Tracy I'm worried about him. Nag-aalala ako sa magiging kalagayan niya kapag hindi na ako ang nag-asikaso sa kanya—"

"Don't be. You have nothing to worry about the new nurse will handle Blade as well as Dr. Yna."

"Pero–"

"Shhhh Lavender. Trust me it's for your own safety to not cross paths with a Leones again. Forget your feelings for him it will lead to nothing but pain."

Matapos sabihin ni Tracy ang katagang iyon ay umalis na siya ng walang lingon o iba pang salita. Humugot ako ng malalim na hininga at malungkot na tumingin muli sa mga bulaklak. Dumagdag sa mga iniisip ko ang pagka-disgusto ni Tracy sa mga Leones. Hindi ko na alam kung ano uunahing isipin kung paano gagawin tungkol sa utos ng nakatataas o aalamin kung ano ba talaga ang nakaraan ni Tracy sa mga Leones?

"HERE IS HIS ROOM." magalang na saad ni Ms. Santos matapos niya akong ihatid sa kwarto ni Zacharias o Mr. Henderson. Nagpasalamat ako sa kanya at humarap sa puting pinto na may silver plate na may nakaukit na 'Room 50'

Hinanda ko ang aking masaya na ngiti kahit kabaliktaran ang nararamdaman. Hindi man lang ako nakapagpaalam kay Blade paano kung hanapin niya ako?

Umiling ako at pilit munang kinalimutan ang mga mga bagay at katanungan na iyon dahil sa ngayon ay kailangang kong mag-focus kay Patient 050 dahil ayon sa Data Profile niya ay mayroon siyang depression.

Dahan-Dahan ay binuksan ko ang pinto at sumilip sa loob. Medyo madilim pero kita ko ang anino niya kaya naman ay pumasok ako ng tuluyan at sinara ang pinto at mas niliwanagan ang ilaw. Lahat ng kwarto ay may adjustable light switch na slide motion lang sa tabi ng mga pinto. Dahil maliwanag na ang buong kwarto mas kita ko na ang bago kong pasyente na nakaupo sa kama at nakatulala sa kawalan.

Tumikhim ako kaya't nakuha ko ang atensyon niya. Tila nagulat siya sa pagdating ko kaya hindi muna ako tuluyang lumapit dahil baka mabigla siya masyado. Mas tinitingnan ko siya mabuti at kitang kita ko sa mga mata niya ang lungkot na pilit nagtatago. Kulay light brown ang mata niya at itim ang buhok na medyo humahaba na marahil ay matagal na ang huling pagupit niya. Matangos ang ilong, manipis na mapupulang labi at ang dating ng mga mata ay malamlam at malungkot.