المخلص "باللهجة العراقية "

البارت الخامس والثلاثون

المخلص..
البارت الخامس والثلاثون..
بقلمي رسل..
rasolaa7

انستا Rasolaa7

‏یا ملجأً آتيه مُتعبًا
وأغادره معافی..

-صليت صلاة العشاء واسمع الباب تندك خاله نايمه
والولد مو بالبيت وجعفر جان بالاسواق طلعت متردده
بس صحت منو واجاني صوته بحيث صنمت بمكاني
اريد افتح الباب ما مصدكه..

-اني علي افتحي هو حجه لو احس جان مكطوع الهوا عني واتنفست..

-فتحت الباب اله وما مصدكه اشوف وجهه كبالي واحس مو هو كلبي يدك وعبالك مفاركته دهر..

-حضنته وابجي بصوت وهو يمسح بدموعي ويضحك.. لج خبله وين احنا بتلفات الدنيا شو بويه ارفعي راسج كافي لارا باس راسي ويمسح بدموعي واني ارجف بحضنه ما مفاركتهم هيج روحي لايبه عليهم..

-منو بالبيت؟!..

-بس اني وخاله حجيتها وهو اشرلي على الحديقه تعالي هنا نكعد لعد لما يجون كعدت و يا  وما مصدكه فرحانه
بشوفته..

-حجيت ملهوفه على اخبارهم.. امي شلونها جود ليلى
نورا والله كلبي طاك عليكم؟!..

-زينين شعليهم بس انتي ليش هيج ضعفانه خرب بغيرتك جعفر..

-ابتسمت جعفر شعليه هاي ابن اختك مدري بنت شخلي بمعدتي ياكلونه..

-يا بويه والله وكبرت بنيتنا وراح تصير ام الوكت يركض ركض ذاك اليوم تفترين عالجهال وتشمرين
عليهم حصو..

-ضحكت.. لا تذكرني لليوم الرجفه بيه من ضربت بنت عم لؤي الله يرحمه وطبعت الحجارة براسها اني شفت
الدم واني تخبلت عبالي راح تموت واهلها يسجنوني..

-ايباه شذكرج بيها الف رحمه على روحك يالغالي من راح بعدما شفنا واحد منهم..

-تنهدت اي والله دومهم على بالي صدك كرار شلونه ولا تجذب عليه بروح ابويه؟!..

-زين الله ستره ولطف بحاله بس بعدله عمليه للفقرة
والطبيب طمني على حالته..

-بعد روحي عساه مكسوره ايده الي هيج سوه بي ليلى شحالها حبيبتي سوده عليه..

-ما عليهم شيء انتي شلونج والله طك كلبي عليج واجيت ما يدرون بيه بس انقهرت من سمعتج تبجين
وتردين تجينا وما انطاني كلبي ما اجيج واشوفج.

-نزلت دمعتي وين ابويه وينه خلي يجي يشوف بعينه
شلون يصيرون الاهل خلي يشوف بعينه شلون الله ما يكطع بالبني ادم وشلون يعوضه تعويض يفوق حجم
الخسارة بشكل لا يصدق..