المخلص "باللهجة العراقية "

البارت الثامن

المخلص..
البارت الثامن..
بقلمي رسل..
rasolaa7

انستا  Rasolaa7

في الحروب ليس الذين
يموتون هم التعساء دائماً
ان الاتعس هم اولئك
الذين يتركونهم خلفهم
الذين يموتون وهم احياء
يغرقون في حزن دائم لن يستيقظوا  منه ابداً..

-نص الطريق وحول على طريق ترابي شوي ونزلنا مشينا شوي وهو انطلق بعده كبال عينا وبعد ما احس بشيء اذاني اخترقها صوت من قوته احسها نقلعت من مكانها احس نرفعت وانضربت
بقوه بالكاع ضربه على اثرها غمضت عيني واخر
شيء شفته هو المخلص الي جان مشمور بمسافه عني
ومليان دم..

-عيوني تنفتح وتنسد اصوات غريبه واجا صوت باذني رجعني لنقطة الصفر وهو يهتف.. اولاد الز****
روافض ويكمل بكلام مليان حقد ابتسمت بالم وراسي
ما احس بي حيل بيكم واضح انو السيارة الي نضربت
استهدفوها سباعنا حيل بيكم بعد وبعد..

-راسي اخ راسي رفعت ايدي كوه واحسها متكسره
هاي وين اني كانيولا بيدي هاي مستشفى شجابني هنا
فزيت على حيلي من اتذكرت الي صار المخلص وين
كمت ورجعتني الي واكفه على راسي ممرضه مدري
دكتوره وحجيها بالانكليزي بنت القندره سطرت راسي
دفعت ايدها وهي صاحت.. no please..

-والله محد ابليس غيركم دولي شتلغين فوك راسي
جلبه وخري صحت بيها وهاي رجعت ليوره ودخلت
وحده تحجي بلهجتنا اي هاي لهجة اهل الموصل لهجتنا العراقيه من طيح الله حضج حجيتها وهي اجتني بغضب
دفعتها واضرب بيها ضربتني راجدي ومدري شنو
رادت تحقني واني انتفضت تخبلت ادفر بيها..

-صاحت.. شتردين لج والله اخليهم يكسرونج كح****..

-محد كح**** غيرج المخلص وين؟!..

-ركزت بنضرها منو؟!..

-المخلص جان وياي بس شوفي وين؟!..

-هزت ايدها وتضحك بعد اوديج لبيتكم ضل مخلص
ضلت عالم كومي وياي كومي..

-سحلتني سحل واني ادفر بيها جسمي مكسر وبطني
توجعني واصيح باسمه ما عندي غيره مجرد وجوده
وياي جان يحسسني بالامان معقوله عافني زين ووعده
معقوله مات يمكن اي اني شفته متمدد وبي دم شلون
بيه شلون..

-اجوي جنود وسحلوني وياها كل كفخه وشتيمه احصل
منهم عبالك حيوان مو بشر وجاي ياخذوني للمصلخ..

-كل صرخة اصرخها باسمه ما احتاجيت شيء بكد وجوده بهاللحظه اتمنى يسمع صوتي اتمنى يجي ويلاويهم ويهدي من خوفي..

-حتى على حلكي ضربتني وهي تصيح.. الكح**** عاجبها الوضع وحتى طفل منه شايلته ببطنها يمثلن علينا بدموعهن ومن يصيرين جواهم يذوبن..