المخلص "باللهجة العراقية "

البارت الاول

المخلص..
البارت الاول..
بقلمي رسل..
rasolaa7

تعليقاتكم بين الفقرات+ متابعه الحساب حبايب..

وكأن العراقيين خلقوا لأجل الحروب
فقد كانت تليق بهم الحرب اكثر من الحب..

العراق / الموصل..

-ظلام و طلق وقذائف اصواتها ترعب صوت ضحكاتهم وهتافاتهم من يرجعون من معركه لو من يذبحون واحد تهسرتنا وكانو دوي ولحن غريب واغلب الكلمات جانت دمويه
ذبح
قتل
نحر
روافض
واخرها تشجيع بانو يتغدون ويا الرسول عليه الصلاة والسلام وكانو الرسول حسب كلامهم يشجعهم حاشا
انو يكون هيج فعل اله صله بالرسول وتعاليمه..

-قلق نفسي حرفيا واحنا عايشين بهالغرفة الي اتعس من السجن و ويا كل هالاصوات صوت يكسر الكلب انين اخر الليل ما يسمعه غير بس رب العالمين لان الي احنا بيدهم مجردين من الرحمه ولا يهمهم نحيبنا لا خلوا براءه ما دنسوها ولا بنات قاصرات ما تاجروا بيهن
ما عدا هدايا جنودهم وكانو سلع رخيصه..

-بحيث احس بالغريبة واني بوسط كاعي واحس بالضياع بين هالوحوش وصل بيه الحال احسد الدمعة الي كدرت تهرب من عيوني وتتحرر من كل هالمشاهد الي نعيشها والخوف الي ماخذ من حيلنا واحنا بوسط هالجو الي باي لحضه تنتهي بي حياة وحده منا او تنتهك براءتها او يختفي بريقها للأبد..

-مشاهد واصوات بعمرنا ما راح نتجاوزها او تمحيها مخيلتنا سانده راسي على رجلي وعيني على الفراغ اشتاقيت لاهلي لشغلي بالمستشفى لصديقاتي لاخواني لكل شيء بحياتي البسيطة ياريت جان كل هذا حلم واصحى وما اشوف روحي بهذا المكان..

-كل ضربة على باب كل قفل ينفتح يفز كلبي من كد الرعب الي شفته هنا ورغم هذا اواسي روحي بكلمات هم يجي يوم واخلص من هذا العذاب ولشوكت ابقى محافظة على روحي من قذارتهم ربي اليك المشتكى فقد ضاق الحال..

-بعدت شعري عن وجهي والتفتت على مصدر صوتها..

-تعبت نورا حجتها وبجت من كل كلبها..

-شنو اسوي او شلون اوسيها واني اعرف كلش زين زمرد مستحيل راح تتجاوز الي صار الها ومستحيل راح تنسى المشاهد الي عاشتها وهم يغتصبون براءتها بحجه هديه للجنود او الامير..

-سحبت راسها وخليته على رجلي.. ابجي طلعي كل الي مكتوم بداخلج اصرخي خلي اهل السماء والارض يسمعون نحيبج خلي الكل يشهد على الي مر علينا خلي العالم كُل يعرف انو هذول ما ينتمون للدين ولا يعرفون الخالق ولا ينتمون للانسانيه باي صله..