المخلص "باللهجة العراقية "

البارت الثاني

المخلص..
البارت الثاني..
بقلمي رسل..
rasolaa7

تعليقاتكم بين الفقرات+ متابعه الحساب حبايب..

عاركني الوكت
ومالخ من الروس هو يصيح انة وكتلة لا انة
وتوجيت علئ روحي ورغم بية كسور
يعت بية الدهر وانة اعت بردانة..

-هو اشر.. هي لي..

-وتعالت ضحكات الي بصفه.. جميله يا اخي ورجع
همس قريب يمه وذاك دفعه ويضحك..

-ورجع صاح.. هيا اقتربي لا بارك الله بك بنت الز**** سوف تكونين هديه وقربان المخلص هو من نصر الاسلام هو من اخلص لعمله
يحجيها بضحكة  ويتراقصون على جروحنا..

-نزلت دموعي واني احس بكلبي تكطع معقوله ذول
يعرفون شنو رحمه شنو الي سوينا الهم بحيث هيج
نتعاقب معقوله بناتك يا عراق هيج حالهن ومن ايد
لايد ومن قذر لقذر شنو ذنبنا ومنو الي انطاهم الحق يتلاعبون بينا وكانو عبيد الهم..

زمرد.. مو صرت بدون روح مو كافي طفيتوها للحياة بعيوني ابن ال**** شنو تريد بعد مني وتختار تقبلها على اختك هيج بنص الزلم ويختارونها شواربك ما نهزت حرامات انت عراقي هواي عليك هالشرف
شلون تراضاها هالوصخين يلعبون ببنات بلدك وانت
تعينهم انتم بشر انتم..

نورا.. ابتسمت من بين دموعي على كلامها لزمرد الي المسكينه وكع الاختيار عليها بس الغريب القوه الي
عندها بحيث دمعه وحده ما وكعت منها وكبالهم وتتحداهم هنا عرفت انو زمرد ما هامها شيء ولا عندها شيء تخسره واتبعت وياهم اسلوب تربيه الشارع
على كولتها الشارع الي شهد على اتعس ايام طفولتها
وتعبها الشارع الي خلاها جسره وتعرف تاخذ حقها
من عين كل واحد يوكف كبالها ويريد يأذيها شكد جانت
هادئه تحولت بكد هدوءها لنار ولهيبها تحركهم..

-بس رغم لسانها الي ما يرحم احد اتاذت وانكسرت
وانخذلت منهم واصعب خذلان انو العراقي هو الي
يمشي بينهم ويشتري ويبيع بيك..

-هو ولا كانو يسمع منها سحلها من شعرها وايده على
حلكها وهم يهتفون ويشجعون بي المخلص والمخلص
من خلصنا منكم الله كون نوب اريد اشوف هالمخلص
مالتهم زين ماكو الغرفه ضلمه وريحتهم تسد النفس..

-سحلها واحنا نتوسل ونبجي وهي تدافع ويا خرمشته
وتضرب بي وهو يردها باقوى لما شالها وقيد حركتها
وطلعوا كبال عيونا الي تبجي دم مو دمع بهاي
اللحظات التعيسه..

-جانت كل شوي تلتفت علينا رغم كل قوتها عيونها
بيها قلق وخوف وهاي جانت اخر نظره ودعنا بيها زمرد الي طلعت بذل والله الواحد ما يتمناه العدوه مو
تشوف الي منك وبيك هيج يسوي بيك هنا كسره الكلب
منو الي يجبرها ونار الكلب منو الي يطفيها..