المخلص "باللهجة العراقية "

البارت الخامس والعشرون

المخلص..
البارت الخامس والعشرون..
بقلمي رسل..
rasolaa7

انستا  Rasolaa7

ابو تراب يكول..

حاچيني
ترا موجّوع
وبِس سوالفك تشفي
عثرت بِسالفة تخُصك
الحگني
مدّلي چفوفك
الـ اسم الله ما تكفي..

-حال الدنيا يوصف النا انو البني ادم اصناف بيهم العجول وبيهم الحقود والحسود
وبيهم الخير والي يحب الخير لغيره اكثر من نفسه
بس اخطرهم الي يحسد ويحقد بنفس الوقت وحقده
يدفعه الى دهاليز مظلمه ونهايات تاذي المقابل وتهدم
روحه..

-شذى ما جانت بشر عادي شذى مشاعرها عباره عن حقد وعن كره وعن كل الصفات الذميمه شذى كلماتها
اخطر من السهم لو نرمى الضمير معدوم عندها بحيث
تجرح المقابل وبكل عين صلفه توكف كباله وكانو
هي الي على حق..

-بنات الموصل الي تحجي عليهم بحيل صدر وتتهمهم
يصيدون بزلمهم ويعيشون براسهم هذول البنات شافوا
الموت والذل والخطر بعيونهم هذول ماتوا الف موته
باليوم هذول عانوا معاناة كل حروف اللغه ما تكدر توفي حقها ولا تعبر عنها..

-من الشيعيه الى السنيه والمسيحية وحتى الشبك والايزيديه ماكو وحده او واحد سلم منهم جانوا عباره
عن تنظيم منظم استهدف كل فئات المجتمع دمرنا
حرفيا دمر الكل..

-يمكن اكو البعض الي طلعوا عن الطريق يمكن اكو
الكم وحده شوهت سمعتنا بس هذا ما جان مقياس انو
هيج تتهمنا اتهام يحرك الروح والكلب..

-الي شفته وعشته هناك يخليني اتمنى الموت حتى بس
انسى كل مشهد نرسم كبال عيني وكل صوت اخترق
اذني منو بعد عنده القدره يفكر بفلوس ورتب..

-فتحت الباب بدون صوت وطلعت الدنيا بعدها ضلمه
خيط خفيف من ضوا الفجر طلعت بدون ما التفت وراي
قلق وخوف بس لهنا وانتهى كل شيء محد يموت لو ضل وحده الله موجود مشيت والهدوء يرعب لما ابتعدت شوي فاتت تكسي جان كلبي يدك بس اتظاهر بالقوة عينه عليه بشك صعدت وصفتله المكان وانطلقت
السيارة تعلن نهاية هالمكان وبداية جديدة ورجعت
زمرد الوحدتها وغربتها وبالاخير ما لكيت غير الشوارع تحتضني..

-مشينه هواي علاوي تنحس واني ايدي وكعت رافعته
يشوف من الجامه اريد بس نوصل حتى ارتاح بعد ما اريد منيه بشر شنو شايفتني ماده ايدي الهم لو بايكتهم
كل ما شافتني وعادت نفس الكلام اخوي منين لفاج علينا اجت من الشارع واخذت الاول والتالي ابن الحرام هذا عار كلماتها لهاي اللحظة تدك بكلبي..

-لو عليه اني اتحمل وتحملت كل شيء بس الكلام على علاوي سم وسمم بدني ووصلني لهاي المرحلة امداني اني اطمه واعتبره عار ليش هو شنو ذنبه حتى يفتح عينه على هيج كلام وهيج كلوب قاسيه..