المخلص "باللهجة العراقية "

البارت الخامس

المخلص..
البارت الخامس..
بقلمي رسل..
rasolaa7

انستا Rasolaa7

تعليقاتكم بين الفقرات+ متابعه الحساب حبايب..

بلادي
وما أظن حزنا كحزن الناس فيها
ولكنها بلادي
لا أبكي من القلب
ولا أضحك من القلب
ولا أموت من القلب
إلا فيها..

-صعدنا ويا أبو شهد بعد ما ودعناهم مااعرف شلون اجازي هذا الشخص الطيب على وكفته ويانا توجهنا على طريق كركوك واني القلق مستحلني اخاف يلزمونه بسيطرة ويتعرفون علينه أنوب منا نورا الي صارت أمانة عندي
لو هذا الشخص الي برگبته عائلة اخاف يتورط بسببنا السيارة تمشي واني عيوني تشاهد بحزن الدمار الي خلفه التنظيم لو الشوارع الي شبه مهجورة و الجو تسوده كآبة موحشة استمرينا نمشي وهناك وجان
لمحنا سيطره الانذال لا بينا نرجع بعد ولا نتقدم واحدنا
صفن بوجه الثاني وجن رجع الغم خيم على كلوبنا..

نورا.. عيني عليهم ومعانيهم اكتست بالقلق ابو شهد
راد يرجع بالسياره بس صارت ورانا كم سياره بعد
ما كدر يرجعها لحظات نحبست بيها انفاسنا التفت عليه
عمو ابو شهد.. بنيتي نزلي النقاب وابد لا ترفعينا
بس سويلي روحج مريضه ومنتهيه..

-انت هاك هذا الشماغ لفه مثلهم والباقي على الله لو
نطلع منا لو مسلمين هالروح..

-سويت مثل ما كال وعلي هم لف الشماغ على ركبته
وابو شهد يسوق واقتربت اللحظات الحاسمة واقترب
موعود خروجنا كلوبنا تدك بالدقيقه الف حلكي يبس
واني اردد.. اللهم مسني الضر وانت ارحم الراحمين..

-شكولهم مرعبه وما بيها ذره رحمه عيني على السياره
الي قبلنا نزلوا السايق منها وجان شاب وبلمح البصر
دفعوا على على السيارة وكلبشوا اديه واخذوا دموعي
نزلت يارب الله يساعد كلبه وكلوب الي منتظرينا
ما راح يرجع بعد اكيد اشوف بي نفسي والي وياي بلحظة الي اخذونا وطوقوا المستشفى وانهاريت من البجي..

-سيارته جانوا يبعدون بيها وملتمين عليه وابو شهد صاح.. فرصتنا وبدا يسوق
وكفنه واحد منهم وعلي  جان يبعد بنظراته عنهم واني
من رهبه الموقف احس صدك تمرضت بطني مغصتني
وهو يحجي ويا ابو شهد واني اون منها..

-الى اين؟!..

-بنتي مريضه وطالع بيها لمستشفى راح تموت خلي
الحك عليها احنا ناس عزل وهاي سيارتي واحنا كدامكم
ما عدنا شيء..

-انزل انت ومن معك من السياره حجاها وعينه عليه..

-لا لا لحد ينزل حجاها بقلق ابو شهد بنتي مريضه
اكلك مرض ما معروف اصله ومعدي تريد ننزل
حتى نعديك ونعدي هالجنود الي وياك شلون ارضاها..