المخلص "باللهجة العراقية "

البارت الرابع عشر

المخلص..
البارت الرابع عشر..
بقلمي رسل..
rasolaa7

انستا  Rasolaa7

تعليقاتكم على الفقرات ومتابعه الحساب حبايبي..

تعطُشي إلى أن أكون مطمئن
‏في مثل هذه الأوقات
‏يفوّق كل شيء..

-فزيت بنص الليل التفتت على ابني وانصدم بي مخنوك
ومتقيأ هواي والوجه ازرك احس روحي ماعت ايدي
ما عانتني اشيله انفخ بوجهه واصرخ باسمه راحت
روحي ايست واني اشوف ابني بهيج حاله انفتح الباب
ودخل ابو تراب على صوتي وهو مرعوب اخذ الطفل
مني كلبه ويدك على ظهره واني روحي فرفحت وصراخي جرح بلاعيمي وابن ماكو نفس منه..

-من سوه هيج مفاد ابني جان بعده مختنك واني دموعي
تصب احس روحي اني الي مخنوكه احساس صعب
والله هيج اتمنى كون اتنفس بمكانه احس روحي مربطه
واني اشوف ابني بهذا الحال..

-نومه على الفراش وصار ينفخ بحلكه ويسويله تمارين
تنفس وجان يكح ويبجي مو سمعت صوته لا جن
رجعتلي روحي كعدت للكاع وابجي ويا وهو احس اعصابه تلفت..

-كوه عنت نفسي بخطوتين بهاي اللحظات حتى حيلي باد واخذته منه دنكت بست ايده
هو بسرعه وخرها عيني عليه عيونه حمر وعبالك جان
يصارع بانقاذ روح عزيز كلبي ونظرها لعيوني..

-ابجي واتشكر منه بكلام مو مفهوم صوتي مبحوح
ودموعي تنزل والله لحظات فرفحت روحي بيها واحس
اندليت مكان كلبي وين..

-عمته نبع اجت علينا مهبوطه تالي شافت الحليب اخذته
وللزباله كبل واني هسه يلا ربطت السبب اكيد من
الحليب لان هو ما متعود ياخذ غير حليب صدري ولا احنا اخذنا بوصفه طبيب..

-طلع المخلص وشوي ورجع امشي يلا خلي ناخذه
لا يصير شيء عليه كومي بسرعه..

-قبل لا اطلع عمته انطتني حجاب لبسته وطلعت ويا
وابني على كلبي ظلام والسيارات قليله هو يسوق وعينه على علاوي.. هاي الك**** مو كتلها على عمره شلون هيج تنطي حليب..

-هسه شكو تفشر عليها شمدريها هي يمكن معدته ما تحملت الحليب يمكن غير شيء..

-عوفينه منها جبتي وياج قوطيه الحليب؟!..

-اي هذا..

-وصلنا للمستشفى ودخلوا علاوي للطوارئ وكلبي معصور عليه حبيبي ما اتخيل روحي بدونه متحمله
وصامده ما انهار بس علموده شوفتي اله هي مصدر
صمودي بكل يوم يمر..

-ربي اتحملت كل شيء وما اعترض على شيء مكتوب الي تحملت المر اتحملت كلام القريب والغريب تحملت الشوارع بس ابني هذا روحي لا تفجعني بي ربي لا تراويني مكروه بعلاوي ما عندي قوة الي تتحمل يارب من بعد ما انطيتني هالنور بوسط ظلام
حياتي لا تفجعني بي يارب احفظه الي..