Unicode ✅
Episode 1 ✓
HOW TO DATE WITH SINGLE FATHER-
မျက်စိရှေ့၌ မြင်နေရသည့် ရန်ပွဲအား စုပ်လုံးတစ်လုံးဖြင့် စိတ်ဝင်တစား ကြည့်ရှု့နေသည်မှာ အသက် ငါးနှစ်သားအရွယ်သာ ရှိသေးသည့် ကလေးငယ်တစ်ယောက်သာဖြစ်လေ၏။
ထိုကလေးငယ်သည် သူ၏ရှေ့၌ရှိသည့် ရန်ပွဲအားကြည့်ရင်း စုပ်လုံးတစ်လုံးဖြင့် ဇိမ်ကျနေလေရဲ့။ ထိုကလေးငယ်၏ ရှေ့၌ ရန်ပွဲတွင် တစ်ဖက်က အမျိုးသားသုံးယောက် ပါဝင်နေပြီး ကျန်သည့်တစ်ဖက်ကတော့ အမျိုးသား တစ်ယောက်ပါဝင်နေသည်။
သုံးယောက်တစ်ယောက် ပွဲကြမ်းနေကြသည့် ရန်ပွဲဟာ တစ်ယောက်ထဲသမားဘက်ကသာ သာလွန်နေပြီး ကျန်သည့်တစ်ဖက်ရှိ သုံးယောက်တစ်ဖွဲ့ဟာ အကွဲကွဲအပြဲပြဲဖြင့် မြေပြင်ထက် လဲကျနေလေ၏။
“ဆောင်းတွင်းမှာ ချွေးထွက်အောင် ကူညီပေးလို့ ငါ့ကောင်တွေကို ကျေးဇူးတင်တယ်”
“ကိုးလ်! မင်းနဲ့နောက်တစ်ကြိမ် ထပ်တွေ့ကြတာပေါ့”
ကြမ်းပြင်မှာ သွေးအလိပ်လိပ်နဲ့ မြင်စရာမကောင်းတဲ့ အနေအထားရောက်နေတာတောင် လေလုံးအား မလျှော့ချင်တဲ့ ထိုကောင်ကြောင့် ကိုးလ်က သူသွားစွယ်လေးတွေ ပေါ်သည်အထိ ခပ်ဟဟရယ်လေရဲ့။
“နောက်တစ်ကြိမ် ဆိုတော့လည်း နောက်တစ်ကြိမ်ပေါ့ အဲ့ဒီအစား အရင် မင်းတို့ဆေးရုံမှာ ဆေးကုသမှုခံယူလိုက်ပါဦး မဟုတ်ရင် ငါနဲ့နောက်တစ်ကြိမ် ထပ်မတွေ့ရသေးပဲ နောက်ဘဝကူးသွားဦးမယ်”
“တောက်ခ်!!”
ကိုးလ်အပြောကြောင့် ကြမ်းပြင်ထက်ကလူဆီ၌ တောက်ခ်ခေါက်သံကျယ်ကျယ် ထွက်ပေါ်လာကာ သူ့အား သူ့တပည့်လုပ်သူ နှစ်ယောက်မှာ လာတွဲပေးသွားပြီး ကားပေါ်တက်သွားလေ၏။
ကျန်ခဲ့သည့်ကိုးလ်မှာတော့ သူ၏ဆံနွယ်ရှည်ရှည်တွေအား နဖူးပေါ်ကနေ လှမ်းတင်လိုက်ပြီး စုချည်လိုက်ကာ အင်္ကျီမှာချိတ်ထားသည့် ကလစ်ဖြင့် ဆွဲညှပ်လေရဲ့။ ပြီးသည်နှင့် ဆိုင်ကယ်ပေါ် အေးအေးလူလူထိုင်နေသည့် ငါးနှစ်သား ကလေးငယ်ဆီ လှမ်းသွားလေ၏။
YOU ARE READING
-HOW TO DATE WITH SINGLE FATHER-
Romance"Brother ffin ယူကို ဒယ်ဒီကို ပြန်ကြိုက်ဖို့ ငွေဘယ်လောက်ပေးရမလဲ?"
