Unicode ✅
-HOW TO DATE WITH SINGLE FATHER-
“ကိုးလ်”
ကမ်းပေးလာတဲ့ ကော်ဖီအား လှမ်းယူလိုက်တော့ ဖင်လ်က သူ့ဘေး၌ ဝင်ထိုင်လေသည်။ ဒီနေ့ တနေကုန် နှစ်ယောက်သား တနေရာပြီး တနေရာ ပတ်သွားကာ ညဘက်ရောက်လာသည်အထိ အိမ်မပြန်ဖြစ်ကြသေးပေ။
ဖင်လ်ကိုကြည့်ရတာလည်း အိမ်ပြန်ချင်သေးပုံမပေါ်သလို။ သူသည်လည်း အိမ်ပြန်ဖို့ ဆန္ဒမရှိသေးပေ။ အခုလို ယူကိုလေးမပါဘဲ နှစ်ယောက်တည်း သီးသန့်အချိန် ဖြတ်သန်းရသည်မှာ သူ့အတွက် ရဖို့ခဲယဉ်းသလို မည်သူမဆို ကိုယ်ချစ်ရသည့်သူနှင့် နှစ်ယောက်တည်း အချိန်ကုန်ဆုံးရသည်ကို ပြီးဆုံးသွားချင်တဲ့သူ ရှိပါ့မလား။ သူလည်း အချိန်တွေအား ဆွဲထားလို့ရရင် ဆွဲထားချင်၏။
“ကိုးလ်”
“ဟင် ခေါ်လိုက်တာလား ဖင်လ်”
“ကိုယ် တစ်ယောက်လုံး ဘေးမှာရှိနေတာတောင် ဘယ်သူ့အကြောင်းကို တွေးနေတာလဲ”
မေးလည်းမေး ဝတ်ထားသည့် ကုတ်အင်္ကျီအား ချွတ်လိုက်ကာ သူ့ကိုယ်ပေါ်၌ ခြုံပေးလာသည်။ သူ့ကိုယ်ပေါ်ထက် ရောက်လာသည့် ဖင်လ် အင်္ကျီ၌ ခပ်သင်းသင်းရနေသည့် ဖင်လ် အနံ့လေးဟာ သူ့စိတ်အစုံအား ကြည်နူးစေသလို သူ့နှလုံးသားလေးကိုလည်း လှုပ်ခတ်နိုင်စွမ်းရှိလေ၏။
“ထပ်ပြီး အတွေးများနေပြန်ပြီလား”
“ဖင်လ်အနံ့လေးက ကောင်းလို့ပါ”
သူခပ်တိုးတိုးပြန်ဖြေကာ လက်ထဲက ကော်ဖီအား တစ်ငုံသောက်လိုက်သည်။ သူပြန်ဖြေပြီးကတည်းက ဘာစကားမှ ထပ်မဆိုလာတဲ့ ဖင်လ်ကြောင့် သူဘေးအား လှည့်ကြည့်လိုက်တော့ သူ့အား မျက်ဝန်းဝိုင်းတွေနှင့် ကြည့်နေသည့် ဖင်လ်အား တွေ့လိုက်ရလေသည်။
“ဖင်လ် ဘာဖြစ်လို့လဲ”
“ကိုယ့်အနံ့က ကောင်းတာလား”
“ကောင်း..ဟင်..အဲ့ဒါက ဟို ဟို”
သတိလက်လွတ် ပြောလိုက်မိပြီးမှ ကိုယ်ပြောတဲ့စကားကို ဘယ်ကိုရောက်သွားသလဲ သူအခုမှသိ၏။ ရှက်စိတ်ကြောင့် အောက်နှုတ်ခမ်းအား ဖိကိုက်ကာ ဘာမှမတုံ့ပြန်သည့် သူ့အဖြစ်အား ဖင်လ် တစ်ယောက် လှောင်ရယ်နေမလားမသိ။
CZYTASZ
-HOW TO DATE WITH SINGLE FATHER-
Romans"Brother ffin ယူကို ဒယ်ဒီကို ပြန်ကြိုက်ဖို့ ငွေဘယ်လောက်ပေးရမလဲ?"
