Unicode ✅
-HOW TO DATE WITH SINGLE FATHER-
အပြင်ကဆူညံသံတွေကြောင့် သောက်လက်စကော််ဖီတောင် ဆက်မသောက်ချင်တော့။ တစ်နေ့တစ်နေ့ ဒီပြဿနာတွေကြီး ဖြေရှင်းပေးနေရတာ ကြာလာတော့ သူလည်းစိတ်ပျက်လာရော။ ဘာကြောင့်များ ဒီပြဿနာတွေအလုံးစုံတိုင်းက သူ့ဆီပဲကျရောက်နေရတာလဲ။
"အဒေး! နင့်ကိုထွက်ခဲ့လို့ပြောနေတယ်လေ!"
အပြင်ဘက်ဆူပူသံတွေကို သူလျစ်လျုပြုထားလို့ရပေမယ့် အော်ချင်တိုင်းအော်ပြီး သောင်းကျန်းနေတဲ့ သူ့အဒေါ်ကတော့ သူထွက်မတွေ့မချင်း ပတ်ဝန်းကျင်ကိုဒုက္ခပေးနေဦးမှာ မဟုတ်လား။ ဒီတော့ သူတက်နိုင်တော့ အဲ့ဒီမိန်းမကိုထွက်တွေ့ဖို့ပဲ။
"အဒေး!!"
"ခင်ဗျားပါးစပ်ပေါက်ကို ပိတ်လိုက်တော့"
တံခါးကိုဆွဲဖွင့်ပြီး အပြင်ဘက်ကသူ့အဒေါ်အား အဒေးပိတ်အော်တော့ ထိုမိန်းမကမဲ့ရွဲ့ပြီးပြုံးလေရဲ့။
"စကားတွေ ရှည်ရှည်ဝေးဝေး မပြောချင်ဘူး ငါငွေလိုတယ် ဒီတော့မင်းမှာရှိသလောက်ပေးထားဦး"
"အဟား ထပ်ပြီးတော့ ငွေလာတောင်းတာပဲလား"
"ငွေကိစ္စကလွဲပြီး မင်းဆီလာစရာ ဘာအကြောင်းမှမရှိဘူး အဒေး"
"ခင်ဗျားကိုပေးစရာငွေ ကျွန်တော်ဆီမှာမရှိဘူး"
"မရှိဘူး ဟုတ်လား ဖြစ်နိုင်တာပြောစမ်းပါ မင်းတွဲနေကြ မင်းစပွန်ဆာဘဲကြီးတွေက အမြဲတမ်းမင်းအိတ်ဖောင်းနေအောင် လုပ်ပေးနေကြလေ ဘာလို့လဲ သူတို့ကမင်းကိုမသုံးကြတော့ဘူးလား"
ခနဲ့တဲ့တဲ့ဆိုလာတဲ့စကားတွေအောက် လက်ထဲကကော်ဖီခွက်ကိုသာ ခပ်တင်းတင်းဆုပ်ကိုင်ထားမိသည်။ သူဒီစကားတွေကြားလာရတာ အကြိမ်ရေ ထောင်ပေါင်းမကတော့ဘူး ဆိုပေမယ့် ကြားရတိုင်းခံပြင်ဆဲ။
သူကရော ဒီလိုဘဝကြီးမှာ ပျော်တယ်များ ထင်နေကြတာလား။ လူ့ပတ်ဝန်းကျင်မှာ နှာခေါင်းရှုံ့ပြီး အထင်သေးသလို အကြည့်ခံရတဲ့ဘဝကြီးကိုလေ။
"ခင်ဗျားပြန်တော့ နောက်ရက်မှပြန်လာခဲ့"
"အဒေး! ငါအခုပိုက်ဆံလိုတယ် မင်းဆီကဒီနေ့မှ ပိုက်ဆံမရရင် ငါခေါင်းကွဲတော့မှာ"
YOU ARE READING
-HOW TO DATE WITH SINGLE FATHER-
Romance"Brother ffin ယူကို ဒယ်ဒီကို ပြန်ကြိုက်ဖို့ ငွေဘယ်လောက်ပေးရမလဲ?"
