Unicode ✅
-HOW TO DATE WITH SINGLE FATHER-
အခါတိုင်းရက်တွေဆို ဂရီဖင်လ်အား နေ့လည်စာစားဖို့ ဒန်တီ ကိုယ်တိုင်း လာခေါ်ရပေမယ့် ဒီနေ့တော့ ထူးထူးခြားခြား ဂရီဖင်လ်ဘက်က ဒန်တီအား ဦးအောင် လာခေါ်တာမို့ ဒန်တီ တစ်ယောက် အံ့ဩနေလေရဲ့။
“ဆရာ နေကောင်းပါတယ်နော်”
“မင်းဆရာအလန်းကြီးကျန်သေးတယ် ပြီးတော့ ငါ့ပုံစံက နေမကောင်းတဲ့ရုပ်ပေါက်နေလို့လားကွ”
ဒန်တီခေါင်းခါပြတော့ ဂရီဖင်လ် ဘာမှဆက်မပြောတော့ပဲ ရှေ့ကနေဦးဆောင်ကာ ထွက်သွားလေရဲ့။ နောက်တော့ ထိုင်နေကြ ဆိုင်လေးဆီ သူတို့နှစ်ယောက် ရောက်လာခဲ့ကြပြန်သည်။
ဆိုင်ထဲရောက်တော့လည်း မှာစရာရှိတာမမှာပဲ လက်ထဲကနာရီအားကြည့်လိုက်။ ဆိုင်အပြင်ဘက်အား ကြည့်လိုက်နှင့် တစ်ယောက်ထဲ အလုပ်များနေသည့် သူ့ဆရာပုံစံဟာ မသိရင် ရည်းစားနှင့်ချိန်းထားသည့်အတိုင်းပင်။
“ဆရာ ဧည့်သည်လာစရာရှိလို့လား”
ဒန်တီ ဆိုင်အပြင်ဘက်ကို တစ်ချက်လှမ်းကြည့်ပြီး မေးလေတော့။
“ဟုတ်တယ် ယူကိုလေးတို့ လာမှာမို့လို့”
“သူတို့ကဘာလို့ လာမှာလဲ”
“မနေ့က ငါစပြီးမေးလိုက်တာကို ယူကိုလေးက စိတ်မကောင်းဖြစ်သွားတာ ငါပြန်ဆက်ပြီး ချော့မို့ကို မင်းဖုန်းကဝင်လာတော့ ချက်ချင်း ပြန်မဆက်ဖြစ်ဘူးလေ ပြီးတော့မှ ပြန်ဆက်ကြည့်တော့ ကလေးကဝမ်းနည်းပြီး အိပ်သွားတာလို့ သူ့ဒယ်ဒီကိုးလ်ကပြောတယ် ဒါကြောင့် ငါကလေးကို ပြန်ချော့ချင်လို့ ချိန်းထားတာ”
ဂရီဖင်လ်ရှင်းပြချက်အဆုံးမှာတော့ ဒန်တီဟာ မျက်ခုံးနှစ်ဖက်ပင့်တက်သွားပြီး သူ့ဆရာအား ပုံမှန်ရော ဟုတ်ရဲ့လားဟူသည့် သဘောမျိုးဖြင့် မှုန်ကုတ်ကုတ် စိုက်ကြည့်လေတော့ ဂရီဖင်လ်တစ်ယောက် ချောင်းတစ်ချက်ဟန်လေရဲ့။
“အဟမ်း ဒါကငါ့အမှားမို့ ငါပြန်ချော့ချင်တာ”
“ကျွန်တော် ဘာပြောရသေးလို့လဲ”
YOU ARE READING
-HOW TO DATE WITH SINGLE FATHER-
Romance"Brother ffin ယူကို ဒယ်ဒီကို ပြန်ကြိုက်ဖို့ ငွေဘယ်လောက်ပေးရမလဲ?"
