Unicode ✅
-HOW TO DATE WITH SINGLE FATHER-
“အဲ့ဒီတော့ အစ်ကိုက CEO Griffin ကိုဖွင့်ပြောလိုက်ပေမဲ့ သူကဘာမှ အဖြေပြန်မပေးဘဲ နောက်ရက်ကျတော့ အလုပ်ကိစ္စနဲ့ ပြင်သစ်ကို ပြန်သွားတယ်ပေါ့”
“အွန်း!”
“ပြင်သစ်ကို ပြန်ရောက်ပြီးကတည်းကလည်း အစ်ကို့ဆီ ဖုန်းဆက်ရုံကလွဲပြီး လူချင်းလာမတွေ့တာ တစ်ပတ်လောက်ရှိပြီပေါ့”
“အေးကွာ ဖုန်းပြောတာကလည်း ငါ့ဘက်က စဆက်လို့ ပြန်ပြောတာ ငါမဆက်တဲ့နေ့ဆို သူလုံးဝ မဆက်ဘူး ကြည့်ရတာ ငါဖွင့်ပြောလိုက်တာ မှားသွားပြီ ထင်ပါတယ် အဒေးရာ”
အခုအခြေနေမှာ ဘာမှလုပ်လို့မရသည့် ကိုးလ်ဟာ အဒေးဆီ ဆက်သွယ်ပြီး လူချင်းတွေ့ကာ အကြောင်းဆုံး ပြောပြနေခြင်းပင်။ ကိုးလ်ဆီမှာ သူငယ်ချင်း အပေါင်းအသင်းတွေ ရှိပေမဲ့လည်း လူရင်းတွေကို ပြောပြရမှာ မျက်နှာပူသည်မို့ အဒေးဆီဆက်သွယ်ပြီး ရင်ဖွင့်လာခြင်းဖြစ်လေ၏။
အဒေးမှာလည်း ကိုးလ် ဖြစ်နေပုံကိုကြည့်ပြီး ဘယ်ကနေစပြီး အကြံပေးရမလဲ မသိချေ။ သူသည်လည်း လူရင်းမဟုတ်သည်မို့ ကိုးလ်နှင့်ဖင်လ်တို့ ဆက်ဆံရေး ဘယ်လိုမျိုးရှိသလဲ အဒေးအလုံးစုံ မသိတာကြောင့် အကြံပေးရခက်နေလေရဲ့။
“အရမ်းကြီးလည်း စိတ်မညစ်ပါနဲ့ အစ်ကို ကျွန်တော် သိရသလောက်တော့ ကိုကိုက Straight ဆိုတော့ CEO Griffin လည်း အတူတူပဲနေလိမ့်မယ်”
“ငါလည်း ဂေးမှမဟုတ်တာကွာ”
“ကျွန်တော်လည်း ဂေးမဟုတ်ပါဘူး အစ်ကို ဒါပေမဲ့ ကျွန်တော်တို့က သူတို့နဲ့တွဲဖို့ အဆင်ပြေပေမဲ့ သူတို့အတွက်ကျတော့ ယောင်္ကျားလေးတစ်ယောက်နဲ့တွဲဖို့ ခက်ခဲလိမ့်မယ်ထင်တယ်”
အဒေးစကားကြောင့် ကိုးလ်ဟာ ခေါင်းငိုက်စိုက်ကျသွားပြီး ဘာစကားမှလည်း ထပ်မထွက်လာတော့ပေ။ အဒေးမှာလည်း ကိုးလ်အား ဘယ်လိုအကြံဉာဏ်ပေးရမလဲ တွေးရင် တိတ်ဆိတ်နေခဲ့လေ၏။
ခဏကြာတော့ ဟက်ခနဲ ရယ်ချတဲ့ အဒေးကြောင့် ကိုးလ်ဟာ နားမလည်သလို အဒေးအား မော့ကြည့်လေတော့ ။
YOU ARE READING
-HOW TO DATE WITH SINGLE FATHER-
Romance"Brother ffin ယူကို ဒယ်ဒီကို ပြန်ကြိုက်ဖို့ ငွေဘယ်လောက်ပေးရမလဲ?"