بلاي ي جابر بعناد روس الرجال

بارت 21

كماله للبارت الي فات
نايف وقف :  يااالبييه ياحبي للعروس عشان حاجتين
سالم ابتسم  : العرضه والدحه .. وقف وسحب نايف . امش يلا بدت العرضه 
اخذو السيوف وتوجهو لمكان العرضه ووقف معهم خالد وجابر وسياف والجد وابو خالد وابو جابر والشيخ وصقر وخلف بنص بينهم وصفو جنب بعض الباقي وبدت العرضه وبدت كلماتها الي تشوشهم اكثر :
لبكت نجد العذيه تهل دموعنا ..
بالهنادي قاصرين شوارب قومها ..
حن هل العادات و مخضبين سيوفنا ..
والطيور الحايمه جاوعين لحومها ..
صعبتن افعالنا لبغاها غيرنا ..
وكملو معها يغنون ويعرضون
بعد العرضه بدت الدحه وصفو صفين قدام بعض خالد وسياف لبسو بشت ويدحون بنص وبدو يدحون وامتلت المزرعه باصوات الدحه العاليه وكلماتها :
بسم الله نبدا دحتنا ..
يربعي محلا صفتنا ..
لحرب من اول لعبتنا ..
يوم شلفو الاصايل ..
اي والله والله حييتو ..
يالي شرفتونا وجيتو ..
وبدو بعدها بفنون شعبيه كثير علشان الناس الي جوهم
عند البنات
كان الدخول الاول من العرايس المها الي كانت خايفه ومتوتره بهد ماسلمو عليها وباركو لها
الطقاقه بدت تغني ل ام خالد وقامو البنات يرقصن معها وام جابر وام خلف وام ساره يرقصن معها
وبعد مارقصو معها واخذو شوي دخلت المها وزفوها البنات لين الغرفه وبعد دقايق جا وقت زفة جود الي دخلت وهي متوتره وخايفه سلمو عليها البنات وامها وام خلف وام جابر وام ساره وباقي المعازيم وباركو لها
الطقاقه بدت تغني ل ام خلف وكذالك رقصو معها وبعدين ام خالد مرا ثانيه
بعد ربع ساعه قامت جود وزفوها البنات لين وصلت الغرفه
ساره : قومو ارقصو معاي
وعد وقفت : امشي يلا نقول للطقاقه تغني لنا غير ذي
روابي وسلمى وترف وسُلاف قامو بعد وباقي البنات يصفقن ويحين المكان ومعهم بنات الديره كلهم
وكانن الانضار عليهن وهن يرقصن
عند العيال بعد ماتعشو الرجال جا وقت الزفه راحو صقر وخلف للمزرعه من الجهه الثانيه الي فيها الحريم كل واحد بسيارته لما وصلو ( صفط كل واحد سيارته بجهه معاكسه جهة مساعد السواق علشان جود والمها مايقدرن يركبن زين من الفستان فا يكون خوات كل واحد يساعدنهن يركبن ومايحتاج يلبسن خواتهم العبي والنقابات مافي احد يشوفهم )
خلف : لي ضابط ؟
صقر : اي بس واس شماغك شوي وانا ضابط ؟
خلف : اي رح جهة السياره الثانيه وعطنا ضهرك خواتي جن
صقر : وانت لف بعد
ترف من بعيد علت صوتها عشان يسمع صقر: الرجال الغيورين
خلف وصقر ضحكو وراحو لجهة السياره الثانيه ومعطين سارات بعض ضهرهم
وعد كانت تعطر صقر
والمها تبخره
صقر : وين غاده ؟
وعد : داخل
صقر بستغراب : ليه ماحبتيها بدخل مع بنتي
رغد : لا تدخل انت اول وتصور انت والمها وبعدين نجيب لكم غاده تصور معكم
صقر : لازم ؟
رغد : اي
وعد : يلا عدل بشتك عشان اصورك صوره هنا وتدخل بعدها
صقر عدل بشته : يلا
بجهة خلف
خلف باس راس امه
ام خلف بدموع فرح وهي تبخر خلف قبل يدخل : اخيراً جا اليوم الي شفتك به معرس
خلف بضحك يغير جو امه : تراني صغير ماني شايب ييمه خليتي نفستس عجوز
ام خلف : ادري انك منت بشايب
نوف قاطعتها بضحك : وين يمه ماهو شايب عمره 27 قريب يدخل الثلاثين
خلف ضحك : يعني منتم مبخريني ومخليني ادخل بتستلمون عمري
ترف ضحكت : ماعليك منهم تعال خلني اعطرك وبعدين ندخلك
عطرته وصوروه لحاله وصورو معه ودخلوه
وعد ورغد كانو عند اخوهن يصورنه هو والمها خلف كواليس تصوير المصوره وصور هن يضبطنها بجوالهن
صقر : بصور مع غاده الحين روحن جيبنها
رغد : انتضر شوي اخر صوره
صقر : صوريها لما تجيبون غاده يلا
رغد : طيب يلا تعالي وعد معاي نجيب غاده
طلعن وعد ورغد
ام خالد بدموع حضنت المها وبعدها سلمت على صقر وقعدت توصيه على المها
صقر : ماعليتس ياخالتي المها بعيوني
ام خالد ابتسمت وطلعت تشوف جود
جت وعد ورغد وعطو صقر غاده تصور معهم
بعد دقايق جا ابو خالد والجد وخالد وسالم
سلمو على صقر والمها وباركو لهم
ابو خالد : مايحتاج اوصيك يصقر المها اكبر بناتي مابي اشوفها زعلانه بيوم
صقر : لتوصي ياعم مابتشوفها زعلانه مني ابد
خالد : انتبه عليها وحطها بعيونك لنشوفها متضايقه بيوم
صقر : ابشرو ماراح تشوفونها متضايقه او زعلانه لا مني او من غيري بحطها بعيوني
سالم والجد وصو صقر على المها كذالك وصورو معهم وطلعو متوجهين لجود
عند جود وخلف
كانت عندهم المصوره تصورهم وترف ونوف كذالك يصورونهم
دعد خمس دقايق دخلت ام خالد وهي تسم على جود وتحضنها وتوصي خلف عليها
وبعد دقايق جو ابو خالد والجد وسالم وخالد يسلمون عليهم خالد وهو يسلم على جود تمسكت به وهي خايفه وكانت على وشك انها تبكي
خالد شد عليها : افا جوده بتبكين ليه ؟
خلف لف بخوف على جود بس ماقدر يشوفها من خالد الي كان مغطيها ( خالد عريض وطويل وجود نحيفه وطولها متوسط فا كان خالد مغطيها )
جود وهي ماسكه دموعها الي ملت عيونها ومو قادره تتكلم ماتدري وش تقول بعد ثواني قالت بهمس خافت : مابي اروح عنكم
خالد مسح دمعتها الي نزلت ورجع حضنها وقال : لتبكين يعيوني انتي بكرا بتجين وبقعد احارشتس لين تملين بعد
سالم : سحبها من خالد وحضنها وقال بضحك يلطف الجو : الامان تلقينه عند خالد بس وانا وش اخوتس ماني ولد الجيران
جود ابتسمت وحضنته
وبعدين قعدو يوصون خلف على جود وكان يوصونه اكثر من المها لان خلف يعرفون انه اذا تنرفز يعلى صوته عكس صقر الي طبعه هادي وجود حساسه وتخاف وتبكي بسرعه اذا على صوت احد عليها
بعدين طلعو وركبت جود مع خلف والمها مع صقر
والعيال بسيارات وراهم يزفونهم للفندق وصوت البوري عالي
واصوات السيارات عاليه وتردد نفس الكلمات :
اعدلو الصف معرسنا حضر
باركو له عسى عمره طويل
وفرحو له خذا غاية مناه
ولما وصلو نزلو العيال يودعون صقر وخلف ويرجعون
وبكذا انتهىزالعرس
والبنات حطو فرشهم بغرفه وحده مع ان الغرف كثير وقعدو يسولفون عن العرس
حلا : اخ احس نقصو خواتي
وعد بضحكه : بتشوفينهم مو مهاجرات
حلا  : بس مو مثل قبل ننام مع بعض ونقعد مع بعض فقدتهم من الحين
ساره : انا تزوجت سالم وهاذا انا قاعده معكم وبننام مع بعض ونسهر مع بعض
رغد : الا بنات ماشفتو الي لابسه ابيض شلون ترقص ههههههههه
سلمى : اي وحده
رغد : ذيك الي حاطه روج احمر والايلاينر شوي ياصل اذانها
البنات ضحكو على الصوف
روابي : تكفين تموتت ضحك والبلشر شلون حاطته كن احد صافقها كف ومطبع على وجها
وعد : حرييييققهه
وكملو سوالف شوي ونامو
والعيال حطو فرشهم بالخيمه وطاحو بفرشهم ونامو
وكذالك عند الشياب
وانتهت ليلتهم بفرح وتعب
....................................
مر اسبوع على زواج جود وخلف صقر والمها
جهزو سلمى وساره ووعد وترف ونوف للمدرسه
ورغد وروابي سُلاف للجامعه
اما جود خلف دخلها الجامعه وخلص اوراقها بسبوع وابو خالد ماتدخل بالموضوع دام ان زوجها موافق
وكذالك المها صقر دخلها الجامعه وتحقق حلم جود والمها بدخول الجامعه
الفجر الساعه 6:00 ببيت سالم
ساره حطت الفطور وقعدت هي وسالم يفطرون
سالم عطاها فلوس : ساررنه هاذي لتس للمدرسه
ساره اخذتها : تروح اليوم الدوام او لمحلات خالي وجدي ؟
سالم : لا للدوام بوصلتس للمدرسه معاي خلصتي فوطر ؟
ساره : اي بقودي الاكل للمطبخ وبلبس عباتي
سالم : استعجلي البسي عباتتس علما ماقول لسلمى ووعد يلبسن اوصلهن معنا
ساره : طيب . وقامت تودي الاكل وتلبس عباتها وتخلص .
وسالم نزل : سلمووه وعددد
سلمى ووعد بصراخ : هناا
سالم راح وشاف الجد وابوه وعمه والعيال يفطرون بسفره وسفره الثانيه البنات وامه وعمته ام ساره وام جابر
سالم : صباح الخير
الكل : صباح النور
سالم باس راس ابوه وعمه وجده وامه وعمته
وقال : يلا اذا خلصتن بوصلكم للمدرسه بطريقي
سلمى ووعد قامو : يلا
ساره جا عندهم : صباح الخير
الكل : صباح النور
سلمت عليهم كذالك
نايف قام : دام انت بنات المدرسه انا بوصل بنات الجامعه واروح دوامي
جابر : خالد تعال معاي نروح سياره وحده
خالد : يلا
صقر : وانا بترك بنتي عندكم انتبهو لها بوصل المها
نايف : اوصلها مع البنات ؟
صقر : لا محاضرتها مطوله شوي وانا ماعندي درام الا بعد ساعه بنتمشى لير يجي الوقت
نايف : اجل يلا تبون شي انا رايح
سالم : وانا بعد
الجد :الله يوفقكم يعيالي
الكل : الهم امين
راح جابر وخالد دوامهم
سالم وصل البنات وراح دوامه
نايف وصل البنات وراح دوامه
صقر اخذ المها يتمشى معها لين يحي وقت محاضراتها
سياف خلا اخته تروح مع نايف يوصلها مع البنات
خلف كان بيوصل خواته لاك رفضن وقالو يبن يروحن مع البنات وراحو اخذ جود مر فيها كوفي واخذ لها وله هوت شكلت ووصلها
عند صقر والمها
المها : ليتنا جبنا غاده تتمشى معنا
صقر : خليها تغثهم بصراخها شوي المغرب نطلع وناخذها معنا
المها ابتسمت
صقر : تعالي بسالتس
المها : اسأل
صقر ابتسم : الحين لما كنت متزوج ام غاده كنتي تحبيني ؟
المها بتوتر : اا لا . وقالت بتغير الموضوع . باقي دقايق على المحاضره يلا
صقر : يلا اوصلتس
ووصلها وراح دوامه
بالبيت كانو الحريم قاعدين وحلا قاعده معهم وملانه وزعلانه
سعاد : حلا تعالي معاي
راحت معها حلا : هلا عمه
سعاد : شفيتس يبنتي زعلانه
حلا ابتسمت : ولا شي
سعاد : تخبين عني ؟
حلا : اا كان ودي اليوم اروح للجامعه مع البنات واكون معهم بس ابوي راقض رفض نهائي اني اكمل وحتى سلمى ودها تكمل الجامعه بس يقول الثنوي اخر شي للبنت
سعاد بحزن : ماعليه ي بنتي خيره وبعدين هاذي جود والمها شوفي جتى بعد مامرت سنين مادرسن هاذا هن اليوم رايحات للجامعه وانتي بيجي اليوم الي تكملين به
حلا : بس ليخ ابوي يرفض ودي اعرف سبب مقنع اخواني كلهم حاولو به من قبل وهو رافض ليه يخلي امالنا موقفه على غيره بدال ماهو يحققها لنا ؟
سعاد : ابوتس تفكيره قديم ان البنت مالها غير البيت من كثر ماكان مع جدي الله يرحمه صار مثله هاذا انا قدامتس ماني اكبر منكن بكثير بيني وبين ساره بنتي 16 سنه والي كلنو بعمري يدرسن انا ماقدرت من ابو جواهر يعني امالتس انتي حققيها وابوتس بحاول به مرا ثانيه كم حلا عندنا
حلا ابتسمت بحب لعمتها وحضنتها
ورجو يسوون الغداء مع ام جابر وام خالد
الساعه 12
عند خالد وجابر
جابر : خلصت شغلك ؟
خالد : اي وانت ؟
جابر : اي
خالد : اجل بتصل على البنات اشوف خلصو محاضرات او لا عشان نرجعهم
اتصل على روابي وحط سبيكر وقال قبل ترد : بناحيها اسمع شلون ارفع ضغطها
جابر ضحك : ترفع ضغطك مو انت ترفع ضغطها صدقني
روابي ردت : هااا
خالد : وجعااا اكيد طردوتس صح
روابي : ههااااييي يطردوني حاصل لهم ادرس بجامعتهم اصلاً
خالد : وليته مو حاصل لهم رفعتي ضغط الدكاتره الله يعينهم من اليوم ادعي لهم بالصبر
روابي : وانا متأكده الي يجون عندك مجرمين تجرم بهم وترفع ضغطهم عشان كذا يتوبون الله يعينهم هم ويصبرهم الصراحه
جابر كان يصحك وضحك معه خالد
روابي : اضحك اضحك انت وياه اخلصو وش تبون ؟؟
جابر : خلصتو محاضرات
روابي : انا وسُلاف اي ورغد مو معنا بنفس الجامعه يخبول
جابر : هو احد سألتس هي معكم او لا انتي خبله صدق ندري انها مي معكم ماشاءالله شاطره بنت عمي تدرس طب مو مثلتس
روابي : تدري انك حيوان ؟
جابر : ادري من زمان
روابي : زين تعرف اجل يلا تعالو على ماتصل على رغد اشوف خلصت او لا
جابر : يلا
رحاو عند الجامعه ينتضرون البنات يطلعن
سلطان من بعيد بضحك : وش تسوون هنا ها ليكون تغازلون
خالد : ننتضر الاهل وش نغازل انت ووجهك انت وش تسوي هنا
سلطان : انتضر اختي
جابر حس بفرحهزلما عرف ان شهد تدرس مع اخته
جو روابي وسُلاف معاهم جود ويناضرون ببعض بستغراب ليه خالد وجابر واقفين مع اخو شهد
بسياره مع سلطان
شهد : تعرفهم ؟
سلطان : اي الي كانو معاتس خواتهم صح
شهد : اخت جابر واخت سياف انت وش عرفك بهم
سلطان : خلف ولد عمي ذول اخوياه والفتره الاخيره كلنو هنا وتعرفت عليهم اكثر من قبل وانتي ياملقوفه بس تسألين
شهد : وجع
عند خالد جابر البنات سألو نفس سوال شهد
سُلاف : يعني شهد تصير بنت عم ترف ونوف
جابر : اي وجدي وعمامي يعرفون ابوها
روابي : الله صديقت طفولتنا طلعو اهلنا يعرفون بعض
جابر : هي صديقتتس من متى
روابي : من الابتدائي
وسكتو خالد وجابر والبنات قاعدات يقررن يعزمن شهد عندهم بديره بس مايدرن كيف واذا تقدر تجي شهد الديره اصلاً او لا

ننهي البارت هنا