بلاي ي جابر بعناد روس الرجال

بارت 24

ماكس بنفسه الا واقف قدام حارتهم ( الحي الي هم به ) ومن حسن حضه لقا ابو صقر بوجهه
ابر صقر بخوف : خالد ؟ وش بك ؟ ليه عيونك حمر وحالتك كذا !
خالد : عمي ابيك بموضوع
ابو صقر لما شاف عيون خالد الي واضح فيها الدموع الي خالد يحاول يخبيها ويبعدها لاكن من حمرار عيونه ولمعتهن واضح الدموع فيها
ابو صقر : طيب يولدي امش معاي بعيد عن البيت نتمشى وقل لي ( ابو صقر بحكم انه ماله يومين صاحي من غيبوبه دامة مايقارب 7 شهور كام يحس بثقل بحركته وخالد بحالته ذي مايقدر يسوق )
خالد راح مع عمه ورصلو لجهه بعيده شوي عن بيوت الديره وفي طابوق كان طايح نهاية الديره قعد عليه ابو صقر واشر للطابوقه الي جنبه وقال : تعال جنبي وقل وش عندك وانا عمك طلعت وجيت وجهك مقلوب ؟
خالد بغصه وضحت بصوته : عمي تذكر لما جيت وحطبة منك بنتك وقلت لي هاذي الساعه المباركه وانك موافق ؟
ابو صقر فهم الي خالد بيقوله : اي اذكر
خالد صد وجهه لان فجأه تخيل ان عمه يرفض يزوجه وعد وتصير لغيره : وش تغير الحين ! ليه وافقت على غيري وانا خطبتها منك ؟
ابو صقر : يـ خالد انت رجال عن الف رجال ومو انك ولد اخوي لا والله ان الكل يشهد لك بس بعد الي صار بالفتره الي انا بالغيبوبه توقعتك ماعدت تبي تخطبها لان الي صار لك من ورا السالفه مو بشوي والسالفه اساسها انا و ...
خالد لف الشماغ على وجهه عشان دموعه ولف لعمه : عمي تكفى لتكسر بي جيتك من قبل وانا جايك الحين تكفى قلبي بين يديك الحين يـ تذبحه وتذبحني يـ ترجع لقلبي ولي الحياه بكلمه منك والله مستعد اتحمل اكثر من الي تحملته بالفتره الي فاتت بس مو انك تزوجها غيري ( مسكريدين عمه وبغصه واضحه ) انا خطبتها منك ومستعد اخطبها مرا ومرتين وثلاث بعد تكفى عمي لتكسرني ؟
ابو صقر كان مصدوم ماتوقع بيوم يشوف اكثر عيال اخوانه هيبه وشموخ بالمنضر ذا كانت صدمه كبيره وكلام خالد ودموعه الجمته مسك يدين خالد ووقفه وحضنه : خالد يولدي صدقني ماكنت اعرف ويوم ديرت البنت وافقت على الي خطبها والولد درا بموافقتها وحددو موعد الملكه بعد اسبوع
خالد ابعد عن عمه بصدمه وجملة عمه ( موعد الملكه بعد اسبوع )  كسرت قلبه وذبحت روحه وخنقته كانت عيون خال مفتوحه بوسعها من الصدمه والحزن ومشاعر ذبحت خالد الف مرا
ابو صقر لما شاف الانكسار بعيون خالد صد مايبي يشوفه كذا وقال : ماقدر اوعدك بس وعد مني يخالد اذا سمعت رفضها لـ حمد ماتكون الا لك
وراح وترك خالد بهول الصدمه والانكسار
وخالد الي قعد على الارض بنكسار
اما عند وعد الي لاتزال تبكي و روابي تهديها
روابي : وعد يقلبي خلاص الي تسوينه بنفستس ارضي بالواقع وانسي
وعد بشهقات : مو بيدي والله تعبت
روابي : ماتبين ابوتس يدخل الحين ويشوفتس كذا او حد من اخوانتس لازم تقومين تغسلين وجهتس وتوقفين بكي
وعد بنفعال : روابي الله يخليتس خليني ماراح تحسسن بالي انا به تبين شعور ممكن يوصف ؟ وهو شعور ان تحد قاعد يطعنك بقلبك طعنات ورا بعض بس مامتي يعني تتعذبين بدون موت .. وانهارت تبكي مرا ثانيه ..
روابي حضنتها وهي تهديها
طق الباب
روابي : منو
نايف : انا
روابي ادخلي الحمام ( يكرم القارئ ) غسلي وجهك واطلعي له انا بصرفه شوي
وعد هزت راسها بـ اي وهي مو قادره تتكلم
روابي طلعت ولقت نايف
نايف جا بيدخل بس وقفته روابي : دقايق وتجي لك هي بس تتسبح ( تتروش )
نايف : طيب وانتي وش وش بتس اليوم هاديه ماحارشتي احد مي بالعاده
روابي بضحك : شدعوه يعني لهدرجه غاثتكم
نايف : لا منتي غاثتنا بالعكس معطيه البيت جو
روابي ابتسمت : احم احم
عند العيال
سياف بعد ماقال لهم عن الي قاله خالد
خلف لف وجهه بضيق على خويه
جابر : خلوه من الصدمه والحزن قال الي قاله الله يصبر قلبه
سالم : بروح الحقه وين بيروح
جابر وقفه : لحضه لتروح خالد اعرفه زين بيروح لعمي ابو صقر يقول له انه يبي يتزوج وعد
سالم : بيشك عمي من حالة خالد ؟؟
جابر : عمي اعرفه متفهم وحتى لو درا يدري ان الموضوع ذا مو بيد حالد يختار وغير ان عمي مار بالمشاعر ذي مع ام صقر الله يرحمها
الكل : الله يرحمها
سياف : طيب امشو نرجع لنخلي نايف وصقر يحسون بشي ويمكن خالد يرجع البيت نكون واقفين معه
خلف : المهم عندنا الحين خالد بنكون واقفين معه وحزام ضهره بشده امشو يلا
جابر بتحذير : لحد يدري عن شي انتبهو يمكن يشكون من اشكالنا كلامنا
العيال : ابشر
وتوجهو العيال للبيت ودخلو
وشافو لكل قاعد جلسو وهم الضيقه واضحه عليهم
الجد : علامكم ؟
سياف: ابد يجدي ولا شي
الجد ماحب يضغط عليهم مع ان واضح فيهم شي وسكت
وبدو يسولفون الشياب والعيال يسمعون لين دخل ابو صقر وهو متضايق وسلم ودخل غرفته
جابر لف للعيال بخوف ان خالد صار به شي وقام بسرعه طلع جو بيلحقونه العيال لكن وقفهم الجد : وين بتنقزون كلكم اجلسو
جلسو وهم بالهم مع خالد
عند خالد الي حس ضاقت به الوسيعه عرف ان ماله الا جابر بالحضه ذي هو الوحيد الي يدري عن كل شي يدور ببال خالد وبدون مايتكلم
توجه للبيت وكل خطوه يخطيها يحس انه يقرب من المكان الي اوجع قلبه وصل وشاف جابر توه طالع وراضح عليه الخوف
جابر اسرع لـ خالد وحضنه
خالد ارتمى بحضن جابر وقال : بكل بساطه قال مايقدر يوعدني
جابر : لتضعف يخوي وماهي اخر بنات الدنيا خلك قوي كثل ماعرفناك
يـ خالد
خالد بغصه : ماني بضعيف بس مابي حيل
الحيل كله راح في وقتً مضى
لا صبح بـ خير ولا امسي بـ خير
جابر : تهون يوليف قلبي تهونخالد ارتمى بحضن جابر وقال : بكل بساطه قال مايقدر يوعدني
جابر : لتضعف يخوي وماهي اخر بنات الدنيا خلك قوي كثل ماعرفناك
يـ خالد
خالد بغصه : ماني بضعيف بس مابي حيل
الحيل كله راح في وقتً مضى
لا صبح بـ خير ولا امسي بـ خير
جابر : تهون يوليف قلبي تهون
خالد ارتمى بحضن جابر وقال : بكل بساطه قال مايقدر يوعدني
جابر : لتضعف يخوي وماهي اخر بنات الدنيا خلك قوي كثل ماعرفناك
يـ خالد
خالد بغصه : ماني بضعيف بس مابي حيل
الحيل كله راح في وقتً مضى
لا صبح بـ خير ولا امسي بـ خير
جابر : تهون يوليف قلبي تهون
خالد ابعد عن حضن جابر وقال : وش اللي يهون ياجابر وش ؟ علمني ياجابر وش يهون ياجابر مالي قادر قلبي منكسر ياجابر لا تواسيني بالكلام ولا تقولون في غيرها ملايين وربك ماهموني الملايين مشكلتي ياجابر ابيها ابيها ياجابر ولو هي جمره تحرق كفوفي ابيها مابقدر اصد يا جابر مابقدر اصد ولا اقدر امحيها من قلبي ياجابر افهمني تكفى كلامكم سهل بس ما تحسون وش من عواصف بقلبي ياجابر ماتسون
جابر بتنهيده : افهمك ياخالد افهمك وادري هالكلام مايفيدك بشي بس وش باليد يا خالد ؟ لو بيديني شي وربي لا اسويه عشانك بس وش اسوي ياخالد علمني وش ؟
خالد بتنهيده كلها ضيق والم : تعبان ياجابر تعبان بالحيل قلبي يعورني ياجابر احس السكاكين تنغرز فيه احسني بلا روح ياجابر
جابر بخوف : بسم الله عليك ياوليفي بسم الله عليك قم نروح للمستشفى نتطمن عليك
خالد : ماودي ودي انام يمكن اصحى من هالكابوس اللي يكوي ذراعي
جابر : خالد تكفى لا تخوفني عليك
خالد ببتسامة ضيق وخذلان : لا تخاف ياجابر
جابر : وشلون ما اخاف وانت بذي الحاله؟
سكت خالد وتقدم من جابر وهو يحضنه
جابر ربت على ظهر خالد بحنيه اللي انفجر بحضنه ،
عند ابو صقر
كان منسدح على سريره وضايق قال بنفسه : يالله اني ماضلمه والله ان خالد عزيز علي بس مابي اجبر بنتي على شي يارب انك تكون بعوني يالله مابي حد فيهم يمر بالي مريت به
( قصة ابو صقر )
كان ابو صقر يحب منيره . ان صقر . وعرفها بشغله قرر يخطبها بس كانت في عداوه بين الجد وجد صقر فا رفضو وعانا كثير سنوات لين رضو ..
قام من سريره وتوجه غرفة وعد يبارك لها
عند البنات
رغد : بنات احس البيت صاير غريب
روابي : ليه
رغد : مدري فجأه الكل يضحك وفرحان فجأه الكل زعلانه فجأه معصبين ماكنا كذا مدري وش تغير
سلمى : جد احس اغلب الوقت كأيب وعد صارت هاديه  سالم صاير ماله خلق ونايف كذالك خالد متضايق جابر خلف سياف مع خويهم متضايقين وحنا ضايعين نجمعهم
حلا : اي مدري وش فيهم ودي تدرون وش
البنات : ايش
حلا : ودي نروح نضبط قعده ونسهر حنا دام الكل ماله خلقنا وحنا ناس فاضيه
رغد : يلا قومن
قامو البنات للحوش وحطو لهم قعده وضبطوها وبعدين راحو للمطبخ يشوفن وش يسون مع القعده
رغد : امم تبون نسوي قهوه ؟
حلا : لا نبي نغير
سلمى : امم بنسوي كرك شرايكم ؟
روابي ضحكت بخفه : تذكرت لما كنا صغار ونشرب الكرك بالمزرعه عند الخيل
حلا : ولما يكون مطر ونتمشى وكل شخص منا معه كوب حلط به كرك واخر شي يبرد لاننا تركناه ورحنا نلعب
روابي : اجل بسوي الكرك وروحو جيبو بطانيات لنا عشان برا برد
خلص الكرك وراحو للحوش كل وحده معها بانيه وكرك يسولفن
لفو على صوت نايف : يه يه خياانه عضمه جالسين وماتنادون ليه
رغد : والله انتم ساحبين علينا وصايرين ماتونسون قلنا نطبق مثل اسعد نفسك بنفسك
نايف : يحق لكم الصراحه لكن الحين بجيب بطانيتي واقعد معكم طفشت ماجاني نوم . راح جابها وجا .
وجلسو كلهم
نايف : ايي وش عندكم من سوالف
روابي : عندنا الله يسلمك انحلل سخصياتكم
نايف : اي حللي شخصيتي
روابي : ملقوف مطفوق عثيث ترفع الضغط
سلمى : ههههههههههههه عطتك من الاخر
رغد : كان ودي اقف معك اخي لاكنها تقول الصدق
نايف : زعلت خلاص بروح
روابي : اجلس امزح امم تحلييلي لشخصيتك طيب وتحب تونس الي حولك ماتحب الحزن تحب تحارش الي حولك بس ماتحب تشوفهم متضايقين واخيراً اقرب شخص لك سالم
نايف ابتسم بغرور : احم احم عارفه عني كل شي ماشاءالله
روابي : نوعاً ما اي اعرف شخصياتكم كلكم
سلمى : اخواني سالم مثل شخصية نايف نروح لـ خالد
روابي : خالد طيب وحبوب وله هيبه واضحه عند الكل قوي شخصيه لاكن الصدق قلبه طيب واي شي يحزنه والي اعرفه محد يعرف اسراره الا جابر
نايف : يفرحه ماتمت عبالي تعرفون عني بس انا طلع العايله كلها
كملو تحليل شخصيات لين الساعه 2 الفجر راحو ينامون
عند ساره وسالم
ساره كانت امشي بثقل
سالم كان توه واصل وضيق الدنيا به شاف ستره الي تمشي بثقل يضل زعلان لان شكلها كان يضحك ( ساره مو طويله ونحيفه بس بطنها صاير كنه موره قال بضحك : ذكرتيني بالبطريق بس على بطريق جوعان ماياكل ههههههههههههههه
ساره : تدري انك انسان حيوان
سالم : شهاده اعتز بها بس حددي انسان او حيوان
ساره جتها لحضة ادراك ان الكلمه غويبه صدب قاات : انسان تحول لحيوان
سالم ضحك : ماتجي
اما عند ابو صقر طق الباب ودخل
وعد قامت باسته على راسه
ابو صقر : الله يرضى عليتس ينيتي
وعد : امين
ابو صقر : مبروك يبنتي
وعد بغصه : الله يبارك فيك
ابو صقر بستغراب  : بك شي ؟
وعد : لا مابي شي
ابو صقر : اسمعيني يبنتي والله طول ماراسي يشم الهوا محد يضايقتس بشي او يجبرتس  بشي صدقيني قلتها لتس  وبقولها مره ثانيه انتي الغاليه شبيهت الغاليه ( امها ) لو من ماكان مضايقتس ماعليتس منه وبنت ابوها الي تبيه تسويه غصب عن الكل
وعد نزلت دموعها وحضنت ابوها وكلامه كان كفيل يذكرها ان ابوها رجع الامان لقلبها رجع
ابو صقر شد عليها : اذا بتس شي قولي لي ؟
وعد بغصه :  يبه مابي
ابو صقر بستغراب : حمد صح ؟
وعد هزت راسها بـ اي
ابو صقر : الي ويضاقتس ويخليتس زعلانه مانبيه يـ بعد الدنيا
بعد سكوت دام ثواني
ابو صقر : احد جبرتس !
وعد : لا بس خفت توترت وقلت اي وماقدرت اقول لخواني
ابو صقر : اسمعيني اجل محد يجبرتس على شي من ماكان يبنتي اما موضوع انتس ماتقدرين تتكلمين بالمواقف الصدق وتخافين حاولي يبنتي تغيرين هالشغله لان الشخص لازم يكون له قرار له راي مو على كل شي يوافق
وعد ابتسمت بين دموعها : ابشر
ابو صقر : ويلا جا دور الحين المعاقبه
وعد بصدمه : ليه
ابو صقر : سمعت ان غيابتس كثران بالمدرسه ليه ؟
وعد نزلت راسها
ابو صقر بجديه : بنتي ابيها دكتوره وترفع راسي بعلى الشهادات وتحقق احلامها وش ماكان لجا الموضوع مستقبلتس انسي كل شي وحطي حلمتس ودراستتس قدامتس وخلي لتس من اسمتس نصيب اسمتس وعد واوعديني تنتبهين لمتسقبلتس ونفذي الوعد
وعد ببتسامه باست راس ابوها : ابشر يبه ان شاءالله بتشوفني من افضل الدكتورات واكون معك حتى بشغل
ابو صقر وقف : ان شاءالله ويلا انا بروح غرفتي بريح وبكرا بتصل على حمد اقول له مالك نصيب عندنا
وعد حست بفرحهه ماتوصف بالحضه  ذي بس ماتدري خالد يسامحها انها كسرته او لا ........

ننهي البارت هنا