بلاي ي جابر بعناد روس الرجال

النهايه 🤍

( قبل نبدا البارت حابه اعتذر عن التأخير للبارت انا نفسي مو مصدقه اني تأخرت عليكم كل هالوقت بس معليه اعذروني 🫶🏻 )
البنات نزلو راسهم بحزن وساره الي لفت ودموعها نزلت وهي تحاول تبعدها سمع الي قالته سالم ونزل راسه بضيق ومايدري وش يسوي وشلون يطلعها من الحزن وصعبب الشي ذاا صعب
سالم همس : اخخ على صوته وقال : يولددد
قامو البنات ودخلو داخل وخواته دخلو بعد وفضى المكان والي به بس ساره
سالم دخل وجلس وهو ياخذ ولده ويبوسه : نيووف بابا
ويحاول يضحكه وماتركه لين شافه يضحك " طبعاً ضحك الاطفال الصغار الي يختصر بـ ببتسامه " وضحك معه سالم ساره كانت تتأملهم بهدوء ماقدرت تمسك بتسامتها من منضرهم وكانت بتسامتها شااحبببه سالم لف عليها وضحك اكثر من شاف ابتسامتها وقال : ياااالبييه يالبتسامه من زمان ماشفتتس مبتسمه
ساره ببتسامه قالت بهمس : فقدتها
سالم : ادعي لها الدموع مابتفيد ي ساره لها الحين شهرين من راحت عند الي ارحم مني ومنتس وانتي للحين كذا ؟ شوفي وجهتس شلون صار شاحب ماتاكلين ولا تشربين لو هي موجوده زعلت عليتس ولا عجبها الي تسوينه بنفستس حتى نايف مالتس خلقه وامتس كانت تنتضر اليوم الي يجي به على الدنيا وتفرح بشوفته
ساره نزلت دموعها بهدوء : ذي امي ي سالم امي ؟ كيف ارجع طبيعي وهي لها شهرينن شهررريينننننن وانا ماشفتها شهرين وانا امووت من الحزن على فقدها
سالم : ولانه لها شهرين لازم تحاولين تقوين نفستس الحين وادري ان فقدها كبيرر حنا عيال اخوانها للحين حزينين عليها شلون انتي بنتها لاكن هي لو موجوده ماعجبها الي تسوينه شوفي جدي ي ساره امتس لو هي بينا قالت لتس ارجعي بنتي الي اعرفها وشوفي جدتس انتبهي عليه ولتخلينه على الحزن الي هو فيه مو تضيقينه اكثر بحالتتس ذي والله مانلومتس ابد ندري صعبب صعبب ترجعين طبيعي بس حاول عشان امتس وعشان نيوف وعشاني
ساره ناضرت بـ نايف ودموعها تنزل غصب تذكرت كلام امها قبل لتتطلق من ابوها
( فلاش باك )
ابو جواهر اخذ جواهر يمشيها وترك ساره وامها بالبيت
ساره حطت قهوه وحلا لـ امها مدت لها القهوه وخذتها امها وقالت بهدوء : يمه
سعاد : هلا
ساره : عادي اسألتس سؤال
سعاد : اسألي عادي
ساره : يمه ليه انتي دايم تصبرين على ابوي ومعاملته ؟ وانتي عارفه اذا قلتي لـ جدي وخوالي بيردون حقتس منه وتعرفين ان ابوي يخافهم وبذات خالي فيصل وولده خالد ! وحتى جواهر بنتتس وشوفي شلون كنها ماهي بنتتس تتعامل معتس ومعي كانا اعدائها
سعاد بهدوء : اصبر عشان اشياء كثيررر ممكن ماتعرفينها انتي ولا بتفهمينها
ساره : طيب علمينيي ؟ ليه ماتقولين لي ترا ماني صغيره عشان تقولين ماتقدرين تقولين لي
سعاد حست انها لازم تشكي لبنتها وتفهمها ليه دايم تصبر وماتشتكي : اصبر عشانتس عشان قرة عيني الي اشوف بها الدنيا وماقول لخوالتس عشان ابوتس ليطيح من عينتس واصبرعشان ماغث اخواني واصبر عشان ابوي عنده ضغط اخاف عليه اذا انفعل وماقول لعيال اخواني عشان ليدخلون بمشاكل هم بغناء عنها
ساره : ليييه تتحملين عشاني ؟ يمه انا ماحب اشوفتس كذا احب اشوفتس سعيده مو كل مامريت من غرفتتس اسمع صوتتس تبتسين واسمع صوت ابوي يهاوشتس ومرات يمد يده عليتس يمه اذا ماقلتي لخوالي وجدي ترا انا بقول لهم والله ي يمه اني مستعده اخسر كل شي بس اشوفتس مرتاحه حتى لو كان ابوي
سعاد بحده : لااا لو قلتي لهم ترا ماراح ارضى عليتس فاهمه ؟ انا مستحيل اكون بيوم سبب يخلي ابوي يرتفع ضغطه الا بموتيي
ساره جلست جنب امها وحضنتها : لتقولينن كذا يمه تكفين
( انتهى الفلاش باك )
ساره مسحت دموعها بهدوء وقالت : وين جدي ؟
سالم ابتسم بفرحه انها قاعده تحاول ترجع مثل قبل : بغرفته نايم من قعد ماطلع منها بعد بكرا اول ايام رمضان فرحيه بضحكتتس تراتس تذكرينه بـ امتس
ساره هزت راسها بـ اي