" သံစဥ်တို့ပါလား လာ လာ လာထိုင်ပါ "
နိုးနိုးရဲ့မိခင်ဖြစ်သူကထပြီးကြိုဆိုလိုက်သည်။
" နိုးနိုး ဖျော်ရည်သွားယူခဲ့ သွား "
" ဟုတ်ကဲ့ မေမေ "
နိုးနိုးမီးဖိုဆောင်ထဲဝင်ကာဖျော်ရည်ခွက်နှစ်ခွက်ယူပြီးပြန်ထွက်ခဲ့သည်။
" ဖျော်ရည်အေးအေးလေးသောက်လိုက်ပါဦးအန်တီနဲ့သံစဥ် "
" ကျေးဇူးပါသမီး "
" ဟုတ် "
" အော် မိတ်ဆက်ပေးရဦးမယ် "
နိုးနိုးရဲ့အမေဖြစ်သူကဒေါ်မိုးနွယ်ဘေးမှာထိုင်နေတဲ့အမျိုးသားကိုကြည့်ရင်းနဲ့ပြောလေသည်။
" ဒါမိုးရဲ့တပည့်မလေးသံစဥ်နဲ့အမေကြူသင်းတဲ့ ကြူသင်းဒီဖက်ကကိုမောင်ရွှေတဲ့ ညီမလေးမိုးရဲ့မိတ်ဆွေ "
" ဟုတ်ကဲ့ တွေ့ရတာဝမ်းသာပါတယ် "
" ကျွန်တော်လည်းအတူတူပါဗျာ "
" သမီးလေး သံစဥ် "
မျက်နှာကပြုံးနေခဲ့ပေမယ့်သံစဥ့်မျက်လုံးတွေကဝမ်းနဲနေတယ်ဆိုတာကိုဒေါ်မိုးနွယ်သတိထားကြည့်မိလေသည်။
" ရှင် တီချယ် "
" မတွေ့တာကြာတော့မျက်နှာပိုပြည့်လာတာပဲ "
" ဟုတ် "
ထိုလူကြီးနဲ့အတူရှိနေတာသံစဥ်မနှစ်မြို့မှန်းကိုလည်းသူမသိသည်။
" နိုး ငါတို့အပေါ်တက်ရအောင်လား လူကြီးတွေစကားပြောကြပါစေ "
" အော် အင်း တက်မယ်လေ "
" သမီးတို့ကိုခွင့်ပြုပါဦးရှင့် "
ဒေါ်မိုးနွယ်သည်သံစဥ်နောက်လိုက်ထသွားချင်တဲ့စိတ်တွေပြင်းပြနေခဲ့တော့သည်။သို့သော်လွယ်လင့်တကူမရှိတဲ့အခြေအနေမှာမို့ခြေကုတ်ပြီးသာနေခဲ့ရတော့သည်။
" နိုးနိုး ကြည့်ရတာအဲ့လူကြီးကတီချယ့်ကိုတော်တော်ချစ်မယ့်ပုံပဲ "
" အင်း ဟုတ်လောက်တယ် နင်ဒီအကြောင်းကိုဘယ်ချိန်စသိခဲ့တာလဲ ငါကတော့မနေ့ညကမှစသိတာ "
YOU ARE READING
My Last Forever 🥀( Completed )
General Fictionနှလုံးသားထဲမှာထာဝရသိမ်းထားမယ့်ဒုက္ခလှလှလေး🥀
