" တီး တီး "
သံစဥ်တစ်ယောက်အမေဖြစ်သူရုံးသွားဖို့ laptop ထည့်ပေးနေရင်းနဲ့အိမ်ရှေ့ကကားဟွန်းတီးသံကိုကြားလိုက်ရသည်။
" ဘယ်သူလဲ မသိပါဘူး ဒီကားကိုမမြင်ဖူးပါဘူးမေမေ "
အိမ်ထဲကနေမှန်ပြတင်းမှတဆင့်အပြင်ကိုလှမ်းကြည့်ကိုအမေဖြစ်သူကိုပြောလေသည်။
" ဟုတ်လား မေမေသွားကြည့်လိုက်ပါ့မယ် "
" သံစဥ်လည်းလိုက်ခဲ့မယ် "
နှစ်ယောက်သားအိမ်ရှေ့သို့ထွက်ခဲ့ကြလေသည်။
" သမီးဖွင့်လိုက်ပါမယ် မေမေ "
တံခါးကိုဖွင့်လိုက်တော့ဘယ်သူမှမဟုတ်ပေ။နိုးနိုးပင်ဖြစ်သည်။
" နိုးနိုး နင်ဘယ်လိုလုပ်ပြီး "
သံစဥ်စကားပင်မဆုံးလိုက်ရ ကားပေါ်ကဆင်းကာသံစဥ့်နောက်ရပ်နေသောဒေါ်ကြူသင်းကိုပြေးဖက်လိုက်လေသည်။
" အန်တီ့ကိုအရမ်းလွမ်းတာပဲ "
" နေပါဦး နိုးနိုးနင်ငါ့ဆီလာတာလား ငါ့မေမေဆီလာတာလား "
သံစဥ်သည်တံခါးပေါက်ကိုလက်ပိုက်မှီပြီးခနဲ့တဲ့တဲ့ပြောလေသည်။
" နှစ်ယောက်လုံးကို "
" ငါသိပ်မပြောချင်ဘူးနော် ဟွင့် "
" ကဲပါ လာ လာ လာ ငါဖက်မယ် "
သံစဥ်နားတိုးကာသံစဥ့်ကိုဆွဲပြီးဖက်လိုက်သည်။
" Congratulation ပါနော် ဒီညတော့ရှယ်သောက်ကြမယ်မလား "
" နင်အတွက်လည်း Big con ပါ "
" ကဲပါ ကလေးမနှစ်ယောက်အိမ်ထဲဝင်ပြီးမှအေးဆေးပြောကြပါ လာခဲ့ "
ဒေါ်ကြူသင်းသည်ပြောဆိုရင်းနဲ့နိုးနိုးလက်ကိုဆွဲပြီးသွားလေသည်။
" မေမေ မေမေ့သမီးကိုခေါ်ဦးလေ မေမေ "
သံစဥ်သည်အသံပြုအော်ကာမိခင်ဖြစ်သူနဲ့သူငယ်ချင်းဖြစ်သူနောက်ကနေပြေးလိုက်ရတော့သည်။
" အန်တီ ရုံးသွားတော့မလို့လား "
" ဟုတ်တယ် ကလေးရဲ့ညမှကောင်းကောင်းတွေ့ကြမယ်လေနော် "
YOU ARE READING
My Last Forever 🥀( Completed )
General Fictionနှလုံးသားထဲမှာထာဝရသိမ်းထားမယ့်ဒုက္ခလှလှလေး🥀
