Unicode
ဒီနေ့ကကျောင်းပိတ်ရက်မို့ ခြံထဲမှာဘောလုံးကန်နေရင်း သူ့ကိုတစ်ယောက်ယောက်ကကြည့်နေသလိုမျိုးခံစားရတာကြောင့် လှည့်ကြည့်လိုက်တော့ဘေးကပ်လျက်ခြံက ရိပေါ်ကဝရံတာမှာမတ်တပ်ရပ်လို့သူ့ကိုကြည့်နေသည်။ မနက်ကမားပြောတဲ့စကားအရ ရိပေါ်တို့မိသားစုကဒီညခရီးသွားကြမှာဆိုတာကိုကြားပြီး စိတ်မကောင်းဖြစ်နေတဲ့ရှောင်းကျန့်က ရိပေါ်ကိုမြင်လိုက်ရတာမို့ ပျော်ရွှင်သွားပြီး ဘောလုံးကိုလက်ကပိုက်လို့ ရိပေါ်တို့ခြံဘက်ကူးသွားလိုက်တော့သည်။
"ဟယ်.. ကျန့်ကျန့်လေး မားတို့ဆီလာလည်တာလား"
ကားပေါ်ကိုအထုတ်အပိုးတွေတင်နေတဲ့ ဝမ်မားနဲ့ဝမ်ပါးက ရှောင်းကျန့်ကိုမြင်တော့တအံ့တသြဖြင့်ပြောလိုက်တဲ့စကားကြောင့် ရှောင်းကျန့်ခေါင်းကိုတဆတ်ဆတ်ညိမ့်ပြလိုက်မိသည်။ ဝရံတာကိုမော့ကြည့်လိုက်တော့ ရိပေါ်ကရှိမနေတော့တာမို့ ရှောင်းကျန့်မျက်နှာကဆူပုတ်ပုတ်လေးဖြစ်သွားပြီး
"မားတို့က ဘယ်သွားကြမလို့လဲဟင်"
"ဟောတော့ ရိပေါ်လေးကဘာမှမပြောပြဘူးလား။ မားတို့က ရိပေါ်လေးရဲ့ဘိုးဘိုးနဲ့ဘွားဘွားဆီခဏသွားလည်ကြမလို့လေ။ မူကြိုရောက်လို့ကျန့်ကျန့်လေးနဲ့တွေ့ရင် ဒီနေ့ခရီးသွားမယ့်အကြောင်းပါပြောပြီးနှုတ်ဆက်ခဲ့ဖို့ သေချာပေါက်မှာလိုက်ပါတယ်"
ဝမ်မားရဲ့စကားကြောင့် မူကြိုမှာတုန်းကသူ့ကို ဘာစကားမှမပြောပဲ ဆူပုတ်ပုတ်နဲ့ပြန်သွားတဲ့ရိပေါ်ပုံစံကိုပြန်တွေးမိသည်။ အရင်က သူနဲ့ရိပေါ်က မူကြိုကိုအတူတူသွားကြပြီး မုန့်စားရင်လည်းအတူစားကြပေမယ့် ဒီနေ့မုန့်စားဆင်းတော့ရိပေါ်ကတစ်ယောက်ထဲအရင်စားပြီး အိပ်ချိန်ရောက်တော့လည်းအရင်လိုသူ့ဘေးမှာမအိပ်ပဲ အစွန်မှာသွားအိပ်သည်။ ရိပေါ်သူ့ကိုဘာလို့စိတ်ဆိုးနေရသလဲဆိုတာ သူသိပ်သိချင်သည်။ ခဏကြာတော့ ရိပေါ်ကအိမ်ထဲကထွက်လာတာမို့ ရိပေါ်ဆီကိုရှောင်းကျန့်ပြေးသွားလိုက်မိသည်။
"ရိပေါ် မင်းကမင်းရဲ့ဘိုးနဲ့ဘွားဆီသွားလည်မလို့ဆို"
"အွန်း.."
