رواية #زمن_اعوج

الجزء الثامن

الحلقة #التاسعة من رواية #زمنٌ_اعوج
ثمة خسارات كبيرة الى حد لا خسارة بعدها تستحق الحزن
مشو للمستشفى ....
قعدو يدوروا فيهآ مآ عرفهآش هي وين !!!!
قعمزوآ برة وخلآص مآعرفوش بمن يتصلوا ومن معآهآ ..
منآر : جربي اتصلي برقمهآ مرآت حد يرد عليك
آبرآر : اها ايه صح اوكي ..
آتصلت آبرآر مكآلمتين ومآفيش حد رد وآلتآلتة ردوآ ..
آبرآر : آلو
هي : أيوا
أبرار : مني انتي
هي : أني سبأ تبي روند انتي ؟
أبرار : ايه
سبأ : احني في المستشفة وروند رآقدة دارولها مهدئات
آبرآر : اني قدام باب المستشفة ما عرفتكمش وين
سبأ : أها باهي استني تو نبعتلك خوي ،نعطيه رقمك يتصل بيك بآش يعرفك آنتي وين بالزبط
آبرآر : به لكن هذآ رقم آختي
سبأ : بآهي
آبرآر : آوكي بآي .
سكرت آبرآر ..
منآر : شن فيه ؟
أبرار : البنت بتبعتلنا خوها
منار : من هي البنت
أبرار : نعرفهاش
منآر : ولاش بيتصل بيا ؟
آبرار : باش يعرف مكاننا
منآر : احني مثلاً في قلعة قلنا قدآم آلبآب
**
سبأ : صاحبت روند جت للمستشفة وما عرفتش ويننا قالت انها قدام الباب
هو : بريلها انتي وانا مالي
سبأ : بلا براده برااااة
هو : خليني في حالي
سبأ : والله ما تتحشم
هو : كملتي ؟
سبأ : برالها تستنه
هو : دوري حتى من يروح بيكم
سبأ طلعت ومشتلهم سلمت عليهم ورفعتهم لروند
آبرآر شبحت روند وقعدت تبكي وتقولهآ لآش آديري في روحك هكي ربي يصبرك يارب
منآر : روبي خلاص
أبرار يدلعوا فيهآ روبي ^_^
آبرآر : خآيفة عليهآ
منآر : تو تنوض مآفيهآ شيء غير بس تعبانة شوية
روند فآقت شبحت آبرآر
روند : نبي امية
سبأ  آعطتهآ امية
آبرآر مشت شدت يد روند بيديها الزوز ،روند معآش اتعبي روحك
روند : هذآ خوي هذآ روحي عيوني كل شيء
منآر : روند آرحمي نفسك لو ريآض عآيش زعل منك هذآ حكم الله ربي هكي كآاتب
سبأ : روند أهدي واستغفري ربي واقري قرآن تو تهدي
جي الدكتور وقآل تقدرو آطلعوهآ
سبأ اتصلت بخوهآ
سبأ : وين انت روند خدت خروج
هو : رجعت للعزي
سبأ تعفلقت : تمت الدوة وخليهآ في راسك
هو : اني لوطة
سبأ سكرت في وجهه من غير ما تسمعه
منآر : خيرك
سبأ : خوي رجع للعزي
منآر : تو احني نروحوا بيكم
سبأ : سامحيني
منآر : لالا اصلاً عادي ماما غادي حتى هي
سبأ : اها
منآر هيآ نمشوآ
روند : صحيتي منآر
منآر : عآدي ومعاش نبي نسمعها منك نزعل رااه
روند : لالا عآدي
نزلوا شافت خوهآ سبأ : شن تبي
هو : آهيآ آلسيآرة
سبأ :؛ بنروحوا مع البنت صاحبت روند
منآر شبحتله لقآته هو نفسه سرآج امتع عركة السيارة
سراج : اها
سراج يكلكصوله السيارات على سيارته في الطريق
روند : وقتي رجعت لقطت منآر امس
سراج : تأسفتلهآ اني ما كانش قصدي ،بلا شماته
منار قعد وجهها احمر
سبأ : برااااة خلاااااص
سراج : سلامات العيب مش فيكم في الي استناكم
ركبوآ للسيآرة ....
قعدوآ سآكتين
منآر : ماتبوش تحكوا
روند : شن بنقولوا
منآر : أمتى امتحآنآتكم
سبأ : مزال شهر ونص
آبرآر : حتى انتي شهادة ؟
سبأ : ايه
آبرار : شن تخصصك ؟
روند : علوم حيآة زينآ
منآر : في حآجة مش فآهمينهآ
روند : كله يا دكتورتنا ^_^
آبرآر : بنستعينو بيك اصلاً
منآر : اني صيدلانيتكم :D تفضلوآ في اي وقت بجد روند سبأ تبوني نقريكم عادي
روند : الاسبوع هذا يتم وبنبدأ نجيكم نقرأ مع ابرار اصلاً مش حنقدر نقرأ في حوشنا والناس درهولي كبدي
سبأ : مش عارفة ماما ماظنيتش تخليني
منآر : نقنعهآ اني ^_^ بس بشرط تقروا وتنتبهوا معاي وتنجحو ممتاز
روند : اكيد
سبأ : اوكي
ابرار : اكيد نرفعلك راسك
وصلوا لحوش العزي ومنآر كلمت ام روند يمشوا يكلموا ام سبأ وامها وافقت ^_^
ومنآر وآمها وابرار روحوا ^_^
-----------------
بعد أسبوعين ....
منآر بدت تقري في سبأ وأبرآر وروند ،وفي جرتهم معآش مشت للجآمعة ^_^
منآر : تفهموا مني ولآ لآ ?
روند : كملنآ مادتين وكل يوم تسألي تفهموا مني ولآ لآ
سبأ : كآن تقري في مدرسة بس أبلة ممتااازة انتي
منآر : تسلميلي
أبرار : اعيت كرهت آلقرآية
منآر : مني اكيد ههههههههههههههههه
روند : مستحيل
أبرار : تعبت منهآ
سبأ : كلنا كرهناها ولكن لازم نقروا بآلسيف علينآ
منآر : يآ بنآات غدوة لو تقدروآ تجوني العشية لأن عندي محآضرة مهمه
سبأ : نحآول على خوي
منآر : كآن هذآ كلميني اني تو نجيبك ^_^
روند : تم
---------------
تاني يوووم
في الجامعة
منآر : صبآح آلخير صبآية
آمل ورهف وريآن : صباحك سعآدة ،وينك يآبنت
منآر : حصلت في اختي وصحبآاتها ^_^ نقري فيهم
آمل : فآتوك هلبآ حجآآت
منآر : كل شيء يصير لمآ نكون آني مهنآش مزآل نص سعة على المحآضرة تعالوا معآي للكفيتيرية جعااااانة
ريان : جوعك طرف كتكات
منآر : ههههههههههههه بآش نسمعلكم بآذآن صآغية ^_^
رهف : مبردكمممم
منآر : هيآ معآآي
مشوآ للكفيتيريآ
منآار : شن صآير من ورآي
ريآن : رهف
رهف :
منآر : مآ تقولوليش رجعت لأحمد >_<
رهف : عينك مستحيل لو اخر بني آدم في آلدنيآآ هآذي
آمل : هههههههههههههههه لآلآ
ريآن : آحمد ههههههههههههه
منآر : بلآ حرق دم شن فيه ،آن شآء الله مآ تعاركتش تاني مع مروة وجمآعتهآ
آمل : اسكتي بلله هنينة بسكوتك كل مرة تقولي حاجة آحرف من آلثآنية
ريآن : رهف تعرفت على وآحد وشكلهآ بتكبد وتنسه آحمد آلشيآطيين [ حشى آسمه ]^_^
رهف : مزآال مآفش شيء مآ تعدليش عليهم :P
آمل : جمآل وآخلآق تعرفي
منآر : مشآء آلله يآ سلالالالالالااام ^_^ حتى آنتم شفتوه وتلقيتوا معآه ? ايه زمن السرعة ده *_*
رهف : لآالآ مزآال مآ تلقيتش معآه #_# معرفة وياهو غير الصباية يكبروا في الموضوووع
منآر : وريهولي شوقتوني نشوووفه
رهف طلعت فونهآ ،آهوآ شوفيه .......
عند آلصدمة نفقد آلتصرف ولكن الوقت سريع في كشف الأشخاص
يتبع ~