رواية #زمن_اعوج

الجزء السادس والثلاثين

الحلقة #37 من رواية #زمنٌ_أعوج
لِمَّ لَمّ ياخذنا الموتى معهٌم
لِمَّا تركونا نُعاني وَحشّة الارض
ربما بخلِوا علينا ببراح السماء ؟!
العيلة مقعمزين ملتمين ومتأثرين بحالت منار منار المكسووووررة مناااار الضعييييفةة مناار المجروووحة
وسراج حالة مش احسن من حالت منار كان كل يوم يمشي للمستشفة بس بدون فايدة هي راافضة اي حد يجيها
موبايل معاذ يشرين وكانت المستشفى
معاذ : السلام عليكم
الدكتور : وعليكم السلام اني اسف على الازعاج لكن ياريت تجي للمستشفى
معاذ بخوف : منار صايرتلها حاجة يادكتور ؟
الدكتور : بصراحة تصيح وتبي تطلع باي طريقة وتقول لو ماخليتونيش نطلع حنطلع بروحي ومافيش حد حيمنعني اني قلتلها اصبري ربع ساعة ونطلعوك فياريت انت تجي تحل المشكله انت عارف حالتها ولو طلعت يمكن تزيد تتأثر
معاذ تنهد : حنجي ونحاول معاها لكن ماظنيتش تسمع كلامي
سكر من الدكتور
امه : شن فيها منار ؟
معاذ : تبي تطلع وقالبة المستشفى
محمد ناض : خليكم تو اني نمشي ونتفاهم معاها
رواد : نمشي معاك ؟
محمد : تعالى
**
في المستشفة كانت مصرة تطلع وباي طريقة المهم تطلع
منار باصرار : معاااش نبي نقعد مليت مليييييت نبي نطلع خلااااااااص طلعوني على مسؤوليتي
الدكتور : مانقدرش يابنتي مانققدرششش تو يجي حد من عيلتك ويطلعك على ضمااانته
وصلو رواد ومحمد
محمد وهو يسلم على اخته : خيرك منار
منار : محمد بالله عليك طلعني من اهني ملييت اعيييييت
محمد بالم : انتي تبي علاج ولازم تقعدي
منار باصرار : بالله عليك المستشفة مش حتعالجني بالعكس حتذكرني بالحااادت وهكي اني نتعذب نبي نطلع نبي نهرب نبي نساافر نبي نطلع توا من اهني ..
رواد بحنية : تتوقعي الهروب حينسيك ؟
منار بيأس : لا بس يسعدني شوية
محمد : به حتطلعي لكن كان تعبتيي حتولي
منار : اوكي
محمد : به لحظات بس
**
وصلت للحوش بعد غياب يمكن اسبوعين من مشيت المزرعة والمستشفة
لما كانت بتنزل من السيارة كان نفس الوقت جاي مؤيد معاه سراج
مؤيد جاها بسرعة وسلم عليها بس سراج كان واقف بعيد محتار شن يدير كان يتمنة يكون جنبها ويواسيها ويرفع كل همومها من عليها
سراج اكتفى بي : الحمد لله على السلامة منار
شافتله ليها وقت على هذا الصووت وصااحبه مستاااحشتهم كانت محتجاته ومحتاجة لسماع صوته وشوفته بنبرة كلها حزن : الله يسلمك
منار خشت سلمت عالكل ولما وصلت في ابرار
ابرار جبدت منار واضبطتها وقعدت تصيح كلهم استغربوا في حاجة وحده ان منار مابكتش
دموع دموووع بس اصرار انها ماتوليش للمستشفة
تم اليوم بحلوه للقليل وبمره للكثير
**
ناضت الصبح وهي تحس براحة ماحستهاش من وفات ريان قررت قرارات امس وقررت تنفذها اليوم لان تنفيذ الوصية يريح الميت
بعد ماصلت الفجر شدت موبايلها
اتصلت بامل
امل باستغرااب لان ماتعرفهاش طلعت من المستشفة : اهلا
منار : امل استني شوية اوكي ؟
امل : منار ؟
منار : ايه طلعت امس من المستشفة
امل بفرحة ناقصة : الحمد لله على السلامة
منار : الله يسلمك استني شوية لولو اوكي ؟
امل : به ماتعطليش
منار لحظات
شوية واتصلت برهف وماردتش الا بعد اربعة مكلامات
منار بعد ماعرفت اخبارهم وتحمدولها بالسلامة وماخلوش من الدموع بذكر ريان مع هكي منار حاولت تتماسك
منار : اسمعوني اليوم لازم نتلاقو عند رهف
رهف : تفضلوا
منار : اوكي ؟
امل ورهف : تم
منار : اني بنتأخر شوية عندي مشوار ونجيكم
رهف باستغراب : وين ؟
منار : لما نتلاقوا تو تعرفواوالاجتماع هادا بطلب من ريان ولازم تحضروه
الاتنين باستغراب وفضول : به
منار : رهف
رهف بصوت مبحوح : عيونها
منار : تسلم عيونك نبي رقم هاني خو ريان خوديهولي من رناد اختك وما تسألونيش لاش
رهف : اوكي لحظة
منار : اوكي
رهف : سجلي ********
منار : اوكي باي وماتنسوش
امل ورهف : اوكي باي
سكرت منهم ومشت دارت دوش ووتت حوايجها وقعدت تلهي في روحها باي شيء باش ماتغيرش رايها وماتمشيش
اما امل ورهف مستغربين ومتلهفين وشن الاجتماع اللي باسم ريان
بعد صلات العصر
شدت موبايلها واتصلت بهاني
هاني : الوو
منار سكتت
هاني : الوووووووووو
منار : السلام عليكم
هاني استغرب : وعليكم السلام
منار : هاني ***** ؟
هاني : ايه
مني ؟
منار : منار صاحبت ريان الله يرحمها
هاني تنهد : الله يرحمها كيف حالك منار ؟
منار : بخير وانت ؟
هاني : ماشى الحال
منار : اكيد مستغرب من مكالمتي لكن محتاجة منك خدمة
هاني : انتي من دكرى ريان طلاباتك اوامر
منار : هاني نبي نخش لدار ريان لان فيها وصية هي موصيتني عليها
هاني باستغراب : اوكي تفضلي امتى ماتبي
منار : تو لو ممكن
هاني : اوكي تفضلي
منار : مشكور
هاني قبل مايسكر ماطوعاش قلبه ومايسألش عليها : منار
منار : نعم ؟
هاني : كيف حالها ؟
منار فهماته وتنهدت : والله مانعرف حاجة عليها غير اني بنشوفها اليوم
هاني : شكرا
سكرت منه واستئذنت من امها وطلعت
**
وصلت للحوش بدت دكريات اخر يوم جت فيه تودعها وداع الاخير حاولت تنسى الدكريات هادي من مخيلتها وخشت داخل بعد ما هاني فتحلها الحوش وصلها لدار ريان وخلاها بروحها
خشت للدار وهي تشم في صنة ريان اللي مزالت في دارها
قعمزت عالسرير وحضنت دبدوب ريان اللي تحبه وقعدت تصيح وتصيح
لين شرين موبايلها كانت امل تقللها انها وصلت لرهف نفدت اللي جت على خاطره وطلعت وهي نازلة لقت هاني مقعمز يستنة فيها لوطة مدتله المفتاح واعطاته باكو صغير : هادي ليك من ريان وصتني نعطيهالك لانها كانت حاسه بموتتها
هاني خداها وهو شااد دمووعة طلعت منار وخلاته بباكوه ومشت لحوش رهف
فتح الباكو لقي فيه خاتم رجالي فضة مكتوب عليه اول حرف من اسمه واول حرف من اسمها وحرف r ولقي كرت صغير مكتوب فيه بخط يد رياان
حبيت تتذكرني ديما وخصوصا يوم خطبتك وزواجك من رناد هاني ماتخليش رناد هي محتاااجااتك من بعددي وانت محتااجها
منار اني موصيتها على حاجة سعدها وصدقها واخر طلب ماتعذبنيش في قبري ببكاك وحزنك مجنونتك رياان
**
وصلت لدار رهف وطلعت الصندوق الكبير كلهم شافولها باستغرااب
رناد : شن هادا ?
منار تنهدت : تعالو
قعمزو عالوطا بحداها
شافت لرهف : رهف امتى عيد ميلاد ريان ?
رهف وهي حافضة التاريخ كوييس :: 10 / 11 / 1986
منار فتحت الصندوق
كان فيه رسالة وصناديق صغاار
فتحت منار الرسالة
منار : امسسحو دموووعكمم لين نشوفوا الوصية وبعد مانكملوا نبكووا وانديروا اللي نبووه
منار بدت تقرأ الرسالة
السلام عليكم ورحمة الله وبراكاته
صحبباااتي خوااااتتي اللي حبيتهم من قللبببي حبيتهم من اول نظره شفتتتكمم فييييييييها والله شاااهد على غلاوتكم عندي
يمكن واكيد حتوصلكم هادي الرسالة بعد وفاتي وحتكون وصية واقروها كوويييسس
/ امل : اختي اختتي الكبيييرة وتوأم روحي اللي من كل قلبي حبببيتها وعزيتها وربي يعلم بمعزتك عندي امللل بطلييي بكييي اني عارفة فرااققي صعببب على الكل لكن هادا قدري كان بجد تحبوني ماتبكوش ونفذو وصيتي هادي ..
/ منار : صاحبتى واختى وحبيبتى انتى تعرفي غلاوتك عندي مش لازم نشرح بس نبيك تعرفي حاجة وحدة اني بجد اسفة على كل اللي درتهولك في يوم من الايام وانتي الوحيدة اللي عارفة قصدي بجد من غير مانقصد جرحتك والصندوق الاحمر ليك
كانو يمسحو في دموعهم وكل وحدة ادس فيها على التانية باش ماينهاروش كلهم ومايكملوش
/ رهف : حبيبتي روحي ماتبكيش وماتتأتريش بغيابي انتبهي لرناااد رنااد كلكم وصية في رقبتكم رنااد ونتمنى مااتنسونييش الصندوق الوردي ليك يارهف
/ رناد :: حبيبتي ليك الصندوق الازرق انتي خشيتي في حيااتي بصمتتت حبيتك وتشرفتتت بمعرفتك صح علاقتي بيك رسمية لكن يكفي انك اخت رهفف وووصيتكك هاااني ماتسيبييشي وانتي فاااهممةة قصددي
امل نعرف انك تفكري في اي لون ليك بس اكيييد الصندوق اللي بلوني المفضل الاسود صح بتقولي كئييييييييييييب كالعاادة بس هااااادا لووون حيااااتي قبل مانعرفكمممم ونعرفك انتي الوحييييدة اللي خليتي لوون حياااتي ابييض نقيييي اسمك معنى حقيقي لزرع الامل والتفآؤل لكن لون الاسود دنستتته ايييه دنستتتته
كلهم قعدو يشوفوا لمنار اللي تحاشت شبحاتهم وكملت قراية
واخيرا سلمولي عالكل وخلوهم يسامحوني وخاصتاً مؤيد مؤيد الانسان اللي خسرته بغبائيي خسرته من كثر حبي ليه قولولة يشوف حياتة لو مزال يفكر فيا قولولة يحب ويتزوج ويجيب بنت ويسميها رحمة رحمة اسم البنت اللي كنت نحلم بيها اني وياه
مع حبي
رييييييريييي
نحبككككممم مااتنسونييش
يمكن تكون كلمات بسيطة كلماااات ماتعبرش على شيء يمكن ماتعنيش لحد شيء لكن شيء كبير ليهم
منار سكرت الورقة ومدتلهم الصناديق وقبل مايفتحوها : لحظة مزال في امانات بنعطيهالكم وبعدين نفتحوهم
طلعت البوم الصور
ولقوها مقسمة الصور كل جزء باسم وحدة اعطتهم كل واحد الصور اللي باسمه
كل وحدة بعدها فتحت الصناديق بحماس وشوق ولهفة
كان في الصناديق كل شيء مشترك بينهم دكريات
رهف :: منار شن قصدها ريان انها دنست الصفاء والنقااء ؟
منار سككتت وتنهدت : بعدين حتعرفو صدقونيي
روحت للحووش وهي تتمدد عالسرير وتفكر كيف بتنفد وعد ريان ريان لو ماكانتش تعرف ان منار قدها ماحكتلهاش هي من بين رهف وامل
فقدان ، إشتياق ، حنين ، ندم وذكريات مؤلمة لآ يشعر بهآ إلا من إفتقد شخصآً لم يتــخيل فقدــآنه يومآً مآ ..
يتبع~