رواية #زمن_اعوج

الجزء العشرون

الحلقة #21 من رواية #زمنٌ_أعوج
وحده الزّمن سيدلك على الصواب، عندما يفقد الآخرون صوابهم .
فآت آسبوع ومؤيد ضآف منووش عالياهو خدي ايميلها من خواته ^_^
ومنووش رجعت ايامها هي وياه ولت هي وياه قرااب هلبه كل يوم يجيها للجامعة ويتطمن عليها ويشوف شن ناقصها
وشبه منار عرفت عليه كل شيء وعرف عليها هو كل شيء ...
عرس وائل ..
منووش ماتحبش تمشي لمناسبات العيله هلبة لان جوها مش زي جوهم لكن مشت من باب صيلة الرحم مع انهم هم ماداروش معاهم صيلة الرحم لما توفة بوهم كلهم تخلوا عنهم ومنوش كانت متحسسة من الموضوع هذآ
مشت غيرت جوهآ وخلآص
**
بعد شهر
في الجامعة
ريان : ياريتني ما وآفقت يا صباية وياريتني مادرت البيان
اني غبية غبية
رهف : لاش خيرك ؟
منوش : شن فيه ؟
ريان : في البداية ما كلمنيش وبعد البيان كلمني وقالي
اني مانبيش نظلمك معاي وحطي روحك في مكاني واسمعيني للاخير
اني امي خطبتني ليك غصب عني واني نحب بنت ثانية وامي لصقتني فيك بالسيف تسحابني حنسيبها واني لي توا نكلم فيها ونبيها ياريت تفهميني انتي لو تحبي راك حاسة بيا ديري اي لقطة لازم نسيبوا بعض
لولو : مصح وجهها امه لاقياتك ملوحة في الشارع والله ماتتحشم
منوش : شنووووووو ؟
رهف : كان اني نمشى لامه ونلوح الدبله عوجهها
ريان : قصصي ديما فاشله
يمشي يملح مخليني معلقه ومزال يكلم فيها
فرحة ما تمت
الي تسحابه موسى يطلعلك فرعوون
لولو : قولي لامك ولا بووك
ريان : شن نقوللهم شنيي مثلا
رهف : كللل شيء
منوش : ايه لانك انتي مش متطرة تقعدي مخطوبة لواحد يكلم في غيرك
شحنوها البنآات وقررت ان تقول لآمهآ
حضروآ محاضاراتهم ومنوش تلقت مع مؤيد هدرزوا شوية وروحوا
**
في حوش رنووش
ريان : ماما نبيك
ثريا : إن شاء الله خير
رنوش : ماما لازم نفسخ خطبتي مع حمزة
ثريا : لعب صغار هو ؟
ريان : امه الي تلعب في لعب صغار
ثريا : عزوزتك هاذي احترمي نفسك
رنوش : ماما حمزة يحب بنت تانيه واني ما يفكرش فيا ولا معبرني وهو قالي ان امه خطبتني بالسيف واني شن ذنبي
ثريا : شنييي ؟
ريان : هذا الي صار
ثريا : والناس شن بيقولوا عليناا ؟
ريان : تفكري في الناس ومافكرتيش فياااا ؟
الدنيا كلها نصيييبات
ثريا : وشن بنقولوا لبوك ؟
رنوش : قوليله الحق يعني شن بتقوليله
ثريا : يصير خيييير
رنوش : مادابيك ما تطوليش
ثريا : به عيب
ريان : يا ماما هو اصلاً طلب مني هكي لو امه تعرف العيب راهي ما دارتش هكي
ثريا اقتنعت بكلام بنتها وكلمت بوها وبوها نصدم في حمزة بس الصدمة الكبيرة في امه الي تعرف انه يحب وحدة ثانية وخطبتله ريان
**
عند رهف
مقعمزة تقرأ في شيتاتها شرين موبايلها
رقم غرييب ردت
رهف : الو
مافيش رد
الوووو الوو
الووووو منييي
سكر الخط وما عرفتش مني وهو ليه اسبووع عالحااال هذا
**
منآر عالياهو
مؤيد : ياشيينة
منووش : زيييييك
مؤيد : شن آمدايرة
منوش : شيييء مكسدة بعد شوية بنمشي للمدرسه
مؤيد : أهاا باهي اني تو طالع سلااام
منووش : وين ماشي
مؤيد : بنعاااكس شوية
منووش : اخس ترضاااها في اختككك توااا
مؤيد : هههههههههههه دسكة مخبشه
منووش : يا بااااااااااااااااارد
مؤيد : نتلاقو في اللييل هيا بااي
منوش : سلالالاام
مؤيد طلع
ومنووش كسدت عالبنات ..
خش عليها سرآج
سراج : أم عيون السود
منوش :
سراج : كرهته السمايل هذا -_-
منووش : به معاش تخجلني
سرآج : ريتو يسلملي الخجلان :P
منوش : شن تبي توااااا ؟
سراج : نناشبكك
منووش : يا بارد تو بنسكر خلي نحضر تواا
سراج : تخايلي قدمتي استقالتك من هذاك الموقف ومعاش تخدمي راااه ماعنديش عمن نكسد في العشيه
منوش : انت كنت شرييير
سراج : هههههههههههههههههههههههه انتي الي كنتي بريءة تكذبي فيا في نص عيني
لكن اما تكوني تبكي شكلك يولي احلى
منووش : هههههههههههههههههههه شينة واني نضحك يعني
تو نبكيلك ما نخليهاش في خاطرك
سراج : لالا ابكي على حاجة تستاهل
منوش : هيااااا باااي في جرتك بنحضر في السيارة
سراج : نتلاقوا باي
سكرت منار ومشت للمدرسة
**
وصلت تأخير على حصتها بنص سعة !!!
ركبت للفصل تجري لقت عندهم ابلة احتياط
السلام عليكم
أبلة نوال : وعليكم السلام
منار : هذا فصلي جيت تأخير
ابلة نوال : تبيك ابله بسمة قتلي ماتعطيهاش الفصل
منار : من هي ابل بسمة ؟
ابلة نوال : ابله الحاسوب
منوش : لاش تبيني خيرها وشن دخلها في حصتي حتى تقولك ما تعطيهاش ؟
منار مشت ادور فيها لقت سراج في الممر
سراج : خيرك ؟
منار : شن ادير انت اهني تو
سراج : عندي اجتماع مع ابلة لطفيه
منوش : به باي تو
مشت وخلاته خشت لحجرة المدرسات
منار : السلام عليكم
الكل : وعليكم السلام
منووش : ابلة بسمة موجودة اهني
الابلات : شاده اشراف فوق تلقيها
منار : شكرا
مشت لقتها
منار : انتي ابلة بسمة
ابلة بسمة : ايه تعالي معاي لوطة نبيك
نزلوا لوطة
ابلة بسمة : خيرك جايه تأخير ؟
منار : نعم ؟
هذا لاش انتي تبيني ؟
ومن بكري ندور فيك وما تبيش تخليني نخش لحصتي ؟
بسمة : ردي عقد السؤال ؟
منار : مادخلكش فيا عندي ظرف عندك مانع ؟
بسمة : ايه
منار : شن هو ؟
بسمة : معاش تجي متأخر لنحرش فيك ابله لطفية وتلزك
منار : كملتي ؟
بسمة : هازية علية انتي ؟
منار : ما تهددينيش بابلة لطفية اني كان عندي ظرف وخلاص
بسمة : اسبوع كامل وانتي تجي تأخير ومش معدلة على حد تجي وتخشي طول
منار : بناخد اذنك مثلاً ؟
بسمة : احترميني
منار : انتي تدوري في مشكل ؟
بسمة : ايه
الكلام هذا كله يسمع فيه سراج
سراج : تعالي ديريها معاي اني المشكلة
بسمة : ههههههههههه ومن انت ؟ اصلاً
سراج. : تو نعرفك اني مني
بسمة ماكانتش تندري انه هو مالك المدرسة
بسمة : اكيد استاذ جديد وجاي تبي ادير مشكلة ؟
منار : خلاص ياسر
أستاذ سراج سيبها
بسمة : هههههههههه زي ما قلت استاذ جديد ؟
ودرتي روحك ادافعي علية انتي
سراج نادة على ابلة لطفية
أبلة لطفية : نعم سراج
سراج : هاذي تو تفصليها
أبله لطفية : اهدى خيرك
منار : مافيش داعي سوء تفاهم بسيط
سرآج : لا مش بسيط معاش نبيها تخدم اهني ولا نشوف وجهها
جت على راسها تستاهل
لطفية : بس يا سراج ماعندناش من يقري حاسوب واحني في نص السنة
بسمة ابتسمت
سراج : تطلع هي تو نقريه اني ^^
لطفية : به
سراج : تو اعتذري منها
منار : مش لازم
سراج : اعتذري ومعاش نبي نشوفك اهني تستهزئي حتى بيا انى !!!
بسمة مشت لمنار وهي تبكي : اني آسفه
طبعاً الابلات كلهم سمعوا والي ما سمعش شااف
سرآج : توكلي هياااا
بسمة قامت حجاتها وطلعت زيها زي البنت الطيبه
ومنار خافت منه مشت لحصتها اللي بعد ابلحصة هادي
شرحت واعطت كل شيء ^_^
**
في المرواح كالعادة بعد ما روحوا الناس كلهم
شهد وعهد ومنار
منار حكتلهم شن صاار
هما سمعوا في فصولهم بس كانوا مش فاهمين القصة بالزبط
جي سراج
منار : كله منك عطلتني
سراج : عفلقتني مستفزة لو اني في مكانك راني ضربتها كفف
منار : لو ما جيتش راهو ضربتها ههههههههههههههه
سرآج : كيف حالكم يابناات
شهد وعهد : الحمد لله
منار : بتخدم في جرتي ههههههههههههههه
سراج : امري لله
هدرزوا شوية
وجي محمد لمنار والبنات يروحوا على قدميهم
**
في السيارة
منار : حموودي
محمددد : أؤمريني
منار : يابااارد اسمع انت مش قتلي باهي على موضوع ندورلك بنت واني دورتلك
محمد : مني به ؟
منوش : تتذكر في التوأم هذوكآي ؟
أبرار : ايه نتذكرهم
محمد : انتي شن دخلك ؟
روبي : اختك ولازم نشارك في الحديث
به شن رايك في روند ؟
محمد : فكيني من ذوقك خليني على منار
ايه كملي
منووش : شن رايك فيهم
محمد : شكلهم كويسات والباين متأدبات
وانتي تعرفي اكثر
منوش : اني البنات الاتنين عاجبييني وكويسات هلبة كان نلقى نخذهملك الاتنين هههههههههه
محمد : عينك
به شوفي امي
منووش : نعرفها امي لما تشوفهم مش حتقول لاااا
غير اختار شهد ولا عهد ؟
محمد : هم نفس الشكل ماتفرقش
منار : به الاسم الاحلى اختارها ههههههه شهد ولا عهد ؟
محمد : امممممممممممممم حادي بااادي شهد عهد شهد عهد شهد عهد لا شهد لا عهد لا شهد لااا عهد
واتفق على عهد ^_^
منووش : خلاص تو نقول لماما
وصلوا للحوش
**
منآر فتحت الباب وخشت
لقت ميس تقلها عمتووو عمتووووو
حضنتها وقامتها
محمد : اووووووووووووووو معاااذ مفااااجءة
خشت منار سلمت على معاااذ وميسووون كانت مستااحشتهااا
وهدرزوا هدرزوا
معاذ : محمد لاش تسوق في سيارة منار ؟
محمد : اااااه شيء
روبي زلقت في الكلام : ماهو دار بسيارته حاادث
ميسون : حادث شنووو ؟
آمنة فنصت في روبي
معاذ : شن فيه ؟
آمنة : دار حادث محمد وسيارته كلها باعها قطع لانها معاش تخدم اصلا
معاذ : لاش اني اخر من يعلم ؟
منار : ماكناش نبو نشغلوك انت في غربة
معاذ تعفلق : ليش هكي اني مش من العيلة مثلاً خيرنى انيي ؟
أمنة : ماتغشش روحك فات على خير وخوك اهو قدامك ومافيه شيء
محمد : حادث بسيط وخلاص ماتنشغلش عادي
معاذ : غدوة الصبح نمشي اني وياك نشرولها سيارة
منار : مافيش داعي والله هكي مرتاحين
معاذ : اسكتي انتي شن دخلك
منار : انت بتشريهالي اني هدا لاش دخلي
معاذ : به غدوة نوصلوكم للجامعة ونمشو نشرولك وانتي غدوة ماتروحيش الا بسيارتك من الجامعة هههههه
أبرار : واني ؟
معاذ : مزال السنة الجاية
منار : ماما بان ميسون اهني خلي نخطبوا لمحمد
آمنة : ياااريت
منار : عندي طالبات في المدرسة الي نقري فيها هم توأم شهادة ثنوية وهو شايفهم واني قلتله عليهم قالي عادي غدوة ناخذ منهم رقم امهم ونعطيك تكلميها
أمنة : ان شاء الله
معاذ : مبرووك مقدماً
ميسون : ربي يتمملك على خيير تستاهل كل خيير
محمد : شكراً شكراً ربي يسهل
آبصط آلآشيآء تسعدنآ ،عودة آحدهم فجأتاً بدون موعد ،كلمة من آحدهم ،عندمآ نعرف قدر نفسنآ عند آحدهم !!!
يتبع ~