رواية #زمن_اعوج

الجزء الثالث عشر

الحلقة #14 من رواية #زمنٌ_أعوج
تكتمل حياتنا بأشياء ۈتختفي بأخرى
ليست مسألة حظ أۈ ما شابه إنما أقدار الله
يعطي كل ذي حق حقه .. فالحمد لله
شهر ونص مروآ بسرعة ,رحلة حلوة وكآن نآقصهم روآد بس ,آلي مآبآش يجي معآهم .. آلعيلة كآنت محتآجة آلسفرة هآذي من زمآآآآآن غيروآ جوهم وآستمتعوآ بوقتتهم ومعآذ كآن فرحآن بيهم وميس بنته لمآ روحوآ قعدت تبكي تعودت عليهم -_-
**
بعد أسبوع من مرواحتهم ..
مقعمزين في العشية ..
منآر : مآمآ
آمنة : نعم
منآر : آني في سنة آلآخيرة وطلاباتي هلبه نبي نصرررف عرووحي ونخدم ..ومحمد مآ حصلش خدمه وكل يوم احني في آلآسوء
آمنة : تعرفي روحك شن تقوولي انتي ؟
منار : ايه الخدمة مش عيب
آمنة : بدل مآ تقولي السنة الاخيرة بنفوت طلوعي ونتي وموبايلي ونشد باش نتخرج .. تجي تقوليلي بنخدم !!!؟
محمد : نعم ؟
آمنة : انت اسسسكت مادخلكش
منآر : انتم لامتى بتقعدوا هكي ماعندناش مصروف يخش عالحووش .. معااذ وعيب نطلبوا منه .. نطلبوا من الجرااان مثلاً ؟
آمنة : لو نخدم اني انتي لاااا
منآر : به خليك مسكره راسك حتى اني مش حنمشي للجامعة .. لاش تسحابيني فرحانة نبي نخدم ماهو على خاطر نبي نوفر احتياجاتي نبي نكون زي غيري
آمنة : مافينا شيء احني
محمد طلع متعفلق وييسكر الباب بالقوه حاس بالذنب انه سيب المحل
وقعد يتأفف من روحه ويقول :
دولة كلها ماشية بالواسطات حتى الواحد يبي يخدم يسكروا كل الابواب في وجهه وبعدين يقولوا الشباب ديما في الشارع ويلجؤوا للمخدرات وحق ربي يضيعوا فينا بروحهم ,يخلوك ادير طموح وتبني احلاام بعدين يلوحوك ويقولولك دبر رااسك خزي بلاد خاربة خربوها الي عالكراسي وعاجبهم الجو ...
محمد طول الطريق مش عارف وين يمشي ....
دآر حآدث !!!!
**
الناس كلهم التموا عليه كآن وجهه كله دم !!!
في راجل اخذي موبايله بيتصل باهل محمد ولكن لقاه مسكر بالرمز !!!
رفعوه للمستشفى ودخلوه لغرفة العمليات عطوول ..
آمه سعة 11 في الليل اتصلت بيه ...
رد الراجل . السلام عليكم
آمنة : وعليكم السلام ورحمة الله وينك لتوة روح وتحشم على وجهك تشغل فيا في هالليل
الراجل : بنقولك حاجة اهدي بس
آمنة : مني انت وشن فيه قوول شن صاير لمحمد ؟
الراجل : حادث واحني في مستشفى ****
آمنة تبكي : شكراً وليدي صحيت تو نجيه
**
آمنة ركبت لمنآار خشت عليهآ لقتهآ رآقده ودموعهآ عخدهآ ..
روبي : في حآجه مآمآ
آمنة حست بغصة في قلبهآ ومآ طوعهآش قلبهآ آن تنوض منآر لآنهآ رآقدة ووآخذه عخطرهآ ...
حضنت روبي وقعدت تبكي ..
منآر نآضت عبكآء آمهآ !!!
شآفت لآبرآر وهم مش فآهمين حآجة
روبي : مآمآ معآش تخوفيني شن فيه ؟
آمنة : محمدد في آلمستشفى
منآر : كيييييييف لآش ؟
روبي تبكي تبكي تبكي
آمنة : حآدث
منآر : البسو حاجه خلي نمشوله ..
لبسوا عباية عباية ومشوآ للمستشفى
**
منآر خشت تجري :
_ تو في ولد جي اسمه محمد
الممرضه : شن حالته
آمنة : حآدث
الممرضة : في العمليات
منار : كيف حالته ؟
الممرضه : الحق ماعنديش معلومه ..
منار : شكراً
فاتت نص سعة ويستنوا في حد يجيهم يطمنهم ..
**
جي الدكتوور : انتم اهل محمد
آمنة : ايه فيه حاجه ،دكتور ما تخبيش علينا شيء بلله عليك قولي ولدي شن صايرله ؟
الدكتور هداها : ولدك كويس بخير العملية تمام لكن لازم يقعد عندنا كم يوم في العنايه
كلهم : الحمد لله ياربي شكرا دكتور
الدكتور : العفو من واجبي
**
فون منار يشرين
منار : مش وقتك انت بكل
شفاته لقتها امل
منار : هلا
لولو : اهلين كيف حالك يا هبله غدوه جايه للجامعه ؟
منار : مش وقته لولو تو نكلمك بعدين
لولو : موني خيرك ؟
منار : لولو شيء
لولو : انى كلمتك مش على خاطر هذا الموضوع عخاطر ...
قطعتها منار : مش مهم تو نكلمك
لولو : امين يتصل بمحمد وما يردش يبيه
منار نهارت بكي وقلتلها : احني في المستشفى محمد دار حادث قوي
لولو : اي مستشفى ؟
منار : ********
لولو : جاينكم سلالام
**
قعد محمد اسبوع في العنآية وكآن مآ عندهمش فلوس بآش يخلصوآ آلمستشفى ...
خآل محمد دفع تكآليف آلمستشفى لكن منآر كآنت مصممة آن تردله آلفلوس وبالتقصيط وكآنت بتخدم على خآطر تسدد آلدين آلي كآن 5000 دينآر ،معآذ مآيعرفش مآيبوش يشغلووه
قررت آنهآ تخدم آبلة في مدرسة خآصه في آي مآدة في آلموآد آلعلمية ...
آلنآس مآشيين وجآيين عليهم عمآمهم وعمآاتهم وخلآاتهم وخوالهم وجرانهم وصحباتهم ....
نخآف فقدآن شخص عزيز علينآ ،ونخآف آكثر عندمآ نشعر بأننا السبب .. نخآف خسآرتة لحد نتمنى موتنآ قبله !!!!
يتبع ~