رواية #زمن_اعوج

الجزء الثاني والاربعين

الحلقة #43 من رواية #زمنٌ_أعوج
لو كنا نعلم النهايات لتجنبنا كثيرا من البدايات رغم روعتها
مؤيد : احني بنبدوا انتم قولوا الحررف
ابرار بتفكير : التاااء
رامي بسرعة وهو يشوفلها : تنحط على الجرح يبرررى .. القلب سلم لك امره .. ياللي حنانك وطييبك .. ينحط على الجرح يبررررى ..
ابرار تحشمت حست انه يقصدها من شبحاته وابتسمااته
سبأ وهي تفكر : حرف الالف حرف الالف ياربي فكروووو
ورود : انت عارف وانا عاارف دام تجمعنا العواطف دام تدري اني احبك ليه من هالحب خايفف ..
عدنان : فااء
عندهم ورق يسجلو فيه
ولتوا الولاد رابحين
عهد بملل : يااارببي
مؤيد : خلاص بنربحو احني
ورود : شن رايكم نفوتوها ؟
مهند : كملوووو مزال ماكملناش يمكن تربحووو
ابرار : اييييه في الاحلام
وكملو معاهم بالسيف
عدنان ويشوف للبنات : حرف الهااااء
منار بسرعة وهي تشوف لسراج : هلا بالجرح مادامه بقايا ريحة احبابي .. هلا بالدمع لعيووني ولو غطى محاجررها ..
مالك وهو يحط يده على خده : اوووو نبرتك خطيرة كملي كملي
منار ابتسمت وكملت : هلا بالليل مدامه .. طيوف تسكن اهداابي .. تجيني بسمة خجلله تسامرني واسامرها .. هلا بالجرح مدامه بقاايا ريححة احبااابي .. خلالاص ياء ..
مالك بغمزة : صح تقولي فيها بالكلام بس اكتشفت صوتك حلو وانتي تغني
منار بارتباك : بعديييين بلا فضايح
مالك : ههههههههههه صار بلا فضايح لو تسمعي صوتك وانتي صغيره وكيف تغني مؤيد مسجله عنده اشرطة
منار بخجل : احلففففف ؟
عدنان : بعدين بعددييين هيا الولاد اليااء
ماهر : ياليتك يوم اللي غناها سراج قبل شوية
عدنان : نو نو قولو منها عالاقل بيت
سراج : ياليتك يوم تدكر ياليتك ياليتك يوم تحس فيني ياليتك .. كاااااف ..
مؤيد قاطعهم بصيحته : يااااااهووووووه
تلفتوله
مؤيد : استعدو للاحكااام اللي بتجييكم
ابرار بخيبة امل : فشلاااااااااات
مهند : مش فاشلات بس ماعندكمش خبره زينا هههههههههه
ورود : قلنالك يامنار انتي وعهد بس ماسمعتوش الكلاام
منار : ماكانش عندي نية بعدين ماتعودتش نلعب مع ناس غشاشه
ماهر بضحكة : ايييه والله وانتي الصادقة
مؤيد : ماتهربوووش واطلعو اعداااار نبدأ اني الاول
نحكم على منييييي ؟
مهند : لحظة احني اكتر منهم معناها كل اتنين يحكمو على وحدة
عهد : اتنين ربي يعاونناااا
ماهر : اني بنحكم على ريييم
رواد : واني معااااك
ريم بخوف : وشن حكممكم ان شاء الله ؟
ماهر ورواد يفكروو
رواد بخبت : امممم اديريلنا حااجة نكلوووهاا بصراحة اني جعاان
ريم باستسلام : وشن تبو ؟
ماهر بيخوفها : بازين
ريم شهقت : مانعرفشششش سووووررري حلويات بس
رواد : لالا نبي سندوتش اعشي اي حاجة
ريم : ليكم انتم الاتنين ؟
ماهر وهو يشوف للباقي جو فطصة فيكم : ايه احني بس
ريم ناضت : ربي يعاونني
رامي بسرعة واني نبي نحكم على ابرار
مالك : معااك طبعاا
رامي : اممممممم
لالا اطلب انت مالك
مالك ضحك على حركة رامي
مالك : نطلب منها تنظف المكان هدااا
رامي سخفاته ابرار وشافله بشبحات حقد مالك ما اهتمش
رضاء : سبأ طلبي انك تسعديها
سامي : واني معاااااك
سبأ شبحت لابرار بقهر وناضو ينضفوا
محمد وهو يتكة : واني بنحكم على عهدد
عهد شافتله بترجي
مؤنس : واني معاااك شن رايك نخلوها تغسل حوايجنا متلااا
عهد شافتله شبحه تسخف
محمد : لالا فاشله في المواضيع هادي لكن تعرف حتى اني جعااان
مؤنس : حتتى انييي
عهدد نااضت ولحقت ريم
مهند واني بنحكم على خطيبتي
مؤيد : واني معاك بننقضها نخاف تدبححها بنيت خاالتي
مهند ضحك :؟ ههههههههه ماتخافش نخاف عليها اكتر منك
ورود تحشمت
مهند شافلها وابتسم : نوضي ارقدي
الولاد : شنييييييييي ؟
مهند : اني حر
ورود ناضت : تصبحوا على خير
مزاال منار
مالك : فضلت مناار
منار بتعب : هاااا
ماهر : فضل سراااج
هي سراج احكم عليهاا
سراج شافلها وهي تشبحله تستنه شن بيحكم ابتسم : امممممم نحكم عليهااا
تدكر انها ماتحبش المطبخ غير غسل الماعين .. طيبلنا اي حاجة
منار نخلعت : لاااااااا تبصر صحح
مؤيد يشوف لابرار : والله حتى اني نبي حاجة نكلها
ابرار : تو اني نديرلك انت وسراج لكن ماتحكموش عليها بانها اديرلكم حاجة اطيبها
منار : شكرااا وخيتييييي
سراج : خايف نتسمم هههههه
بس مانعرفش شن نحكم علييك
ناضو البنات وماقعدوش غير منار وسبأ اللي تضم في المكان
محمد : خلاص خليها تمشي ترقد
مؤيد شاف لمحمد لو سمحت ما تأترش على الولد مرات يحكم انها تكنس الزليز او تسيقه لانه معبي تراااب
منار فنصت فيه : اسسسسكت ولا كلللمة
سراج : مشكلتك دلوعة مانعرفش بشني نحكم عليك
منار : باللي تبييه لكن مش تطيب ولا تنضيف
سراج جاته فكرة : رتبي سيارتي من داخل مش من برة محووسة
منار وتشبح للساعة : تو ؟
سراج : ايه
منار وقفت : وين مفاتيحك ؟
سراج وقف : تعالي نوصلك
منار خافت من الطلب
طلعو الاتنين والكل مش عارف شن قاصد بي طلبه سراج
**
وصلوا للسيارة فتح الباب وركب القدام وفتح ضي السيارة من داخل
طلع وهو يشوفلها ويبتسم : تفضلي السيارة ليك
منار وهي تقدم وخطمت جنبه : تسلم
ركبت في مكان السواق وبدت ترتبها هدا الشيء اللي فالحة فيه الترتيب وبدات دارها بعد ماتزوج محمد اخدت داره قعدت بروحها ماتحبش حد يرتبلها حجاتها غيرها
كانت سيارته محوسة بجد - تعرفو عاد الولاد وراقي حوايج دلااب مش سيااره - شبحتله : سراج بجد شن هالسيارة لاش هاملها هككي بدات هي جديدة
سراج وهو يتكة على باب السيارة اللي وراء منار ويشوفلها بابتسامة : هالاياام مال من كل شييء حتى من حياتي
منار نزلت راسها وسئلاته بسؤؤال فتح هللبه جروووح ليهم الاتنين : لهالدرجة رفضي مأتر فيك ؟
سراج تكة راسه وغمض عيونه وتنهد تنهيدة خلعتها لادت شبحتله ندمت ان سئلاته
بكل هدووء وحزن قاال : وانتي شن رايك ؟
منار باسى وقهر لانها بجد مقهورة ماكملش اسبوع وخطب : راي انك ماصدقت بعدها باسبوع خطبت يعني خطبتك كانت لتحصيل حاصل لو وافقت كان بيها ورفضت فيه البديييل
سراج نصدم من ردها ونبرتها قرب وشد الباب ودخل راسه وبكل قهر : انتي تبي تقتليني شكلك شوفي شكلللي شوووفي حياااتي كييف موليه كل هدا بسببككك وانتي تقولي هككي ؟
منار كانت تشبحله بجد متغييييير متغييير تنهدت وهي شادة دمعتها في عينها : سراج نتمنة بجد تعدرني بس لو تعرف اسبابي صدقني انت بروحك حتشكرني وصدقني مش انت بس اللي تتعدب حتى اني ويمكن اكتر منك لكن بنصبر وامري لي ربي موكلته
كملت ترتيب بسرعه اما هو قعد يشوفلها ومصدوووم بدات لما شاف دمعتها في عينها تلمع تحاول ادسها
طاحت يدها على شريط مكتوب عليه سراج شافتله وهي شادته بابتسامة : هدا الشريط انت مغني فيه صح ؟
سراج ابتسم : ايه اني
منار بحرج : سراج ممكن ناخده ؟
تنهد وابتسم : هو ليك بس لاش بتاخديه باش تضحكي عليه ؟
منار قامت عينها والتقت عيووونهم مابتش تنحيها حست انها اخر مرة قبل مايتزوج ابتسمت : اكيد لا صووتك حلو ويجنن نزلت عينها نبي حاجة ادكرني فيك
سراج تشتت هالبنت ناوية تهبله ترفضه ويبان انها تحبه ترفضه وتبي حاجة ادكرها بيه استغرب : اني قدامك لاش تبي حاجة تدكرك بياا ؟
منار وهي تغمض في عيونها وبحسرة : لان خلاص لو شفتك حتكون متزوج بانسانة غيري مالياش الحق حتى نكلمك
سراج قعمز على ركبيه وقرب منها وبكل اسى وشبحات انسان حااير : منار بتهبليني انتي عارفه
منار لادت تشبحله : لاش بنهبلك ؟
سراج وهو يحط عينه في عينها : كل مانشوفك نقول انك تبادليني نفس الشعور لكن نرجع نتدكر رفضك لي خطوبتنا نتأكد انه وهم بس حتى كلامك وشبحاتك تقول ان ليا مكانه في قلبك مانعرفففش مااانعرررفش عدبتيني نبيك تفهميني بجد اني شني بالنسبة ليك ؟
منار نزلت راسها ودارت تكمل ترتيب السيارة حس بخيبة امل ماردعش عليه فاتها
كان مستغل الفرصة ويراقب تحركاتها
لادت لقاته يشوفلها ابتسمت وولت تكمل
لادت خلاص كملت لقاته سرحان فيها ومزال على تقعميزته على الوطا انحرجت كيف بتنزل : سراج سراااج
سراج بهياام : نعم ؟
منار : كملت
سراج : اها مشكووورة
منار : العفو ان شاء الله يعجبك
سراج بابتسامة : انتي اللي درتيها وماتعجبنيش اصلا اني نقتل اي حدديحوسها يكفي ان يديك اللي دارتها
منار دابت من كلامه وشبحااته وتمنت بجد لو القدر جمعهم كانو حيكونو اسعد اتنين ابتسمت بخجل : به ممكن نمشي ؟
سراج تنهد : لازم يعني ؟
منار بضحكة : خلاص كملت وشن بيخليني
سراج : به امشي
شبحتله كيف هو قاعد مقعمز وكيف بتنزل : به ممكن تبعد ؟
سراج ابتسم نسي روحه وقف ومد يده : تفضلي
منار : زاد الله فضلك ولادتله على فكره اخديت الشريط
سراج بخبث : قبل ماتخديه عندي شرط
منار باستغراب : اللي هو ؟
سراج : تجاوبيني على سؤالي
منار نزلت راسها وفي خاطرها :: انت انت كل شيء بالنسبة ليا انت ماضية وحاضري انت حيااتي وروحي انت باختصار حبيببي .. تنهدت وشافتله بقوة كانت لازم تنهي الموضوع هي خدت قرار واستحالة تضعف قدامه وكل اللي ادير فيه على خاطره هو : كيف نجاوبك وانت جاوبت على روحك باغنيتك الاخيرة صح اني خاليه مشاعر ولو تعملت بشعوووور
وعديييم الشوووف وانتضر طلعت النوور واني اللي حملت نفسي مالا تطيقه
ومشت وخلاته تحولت لحظاتهم قبل شوية من لحظات سعيدة للحظات حزييينه حسها تودع فيه بكلامها بشبحاتها تنهد وقعمز في سيارته
فقيرة حب أنت يا صغيرتي.. لا نصيب لك في النهايات السعيدة . . !
**
تمدت منار عالفرااش خلااااص تبي ترقدد تعبتتتت من التفكير ومن المواقف ومن الدكريات ومن مرضها ..
**
ناضو فطرو اما منار قعدت راقدة ماباش حد يفيقها
رحاب : هيا انوضوا الولااد
رهام : خلاص ماشفعتييييش شن جاايك عليهم ؟
رحاب : به تعالو ننوضو منار
- صباح الخير من غير ماتنوضيني في من ينوضني
رحاب تلفتتلها : ههههههههههههه
منار كانت قايمة لينا بنت رحاب هي اللي نوضتها
منار : شكلها واخدة التعليمات منككك
رحاب : هههههههههههههههه ايه امداريتلها منبه
منار : حسييت
اماني : هي منار اعطيها لامها وتو نديرلك فطور تعالي معاي للمطبخ
منار وهي تعطي لينا لرحاب : لالا والله مانبي
رحاب : قلتلككم نوضوا الولاااد
منار : كلهم راقدين ؟
نسمه : محمد ومعاذ بس نايضين
منار : سلم خوووتتي
استئذنتهم ومشت تتمشى هي ومحمد
محمد : شن اخباارك اليووووم ؟
منار بابتسامة : ماااتخاااافش امس رقدت عادي بدووون الم بس ياخوفي تكون الهدوء الذي يسبق العاصفة
محمد : ربي يشفيك
منار : اميييين
**
تغدو وتمشوو
وبعد العصر الولاد طلعو والبنات نزلو يعوومو
وفي الليل زي امس تجمعوا الكل ^_^
بعد ساعة. 11 رقدو الشيابين وقعدو الخفافيييش
مهند : هياا ياقوم شن رايكم نلعبو زي امس ؟
سبأ تبي تقهر بسمة اللي تشبح لمنار بغرور وحقد وانتصار بعد ما عرفت ان سراج خطب غير منار سبأ بحب استغرباته منار : لو منوش حبيبتي بتلعب اوكي كان هدا لا
منار استغربت : نبي بس بجد تعبانة
ابرار بترجي : هياااا بليييز شوفي امس شن صااار
منار بجد تعباانة : مانقدرش بجد تعبااانة
معاد : خلوها على راحتها ماحدش يجبرها
ابدو يلعبوو وتسهويك وضحك
منار ناضت تعباااانة من شبحات سراج ومقهوووره خلااص : عن اذنكم
معاد : وين ؟
منار : تعبانة ونبي نرقد تصبحو على خير
محمد سيب اللعبة وناضلها وهي كيف بتطلع : تعبانة من شني ؟
منار وهي حابسة دمعتها وخانقتها العبره : من شبحاته
محمد : تبينا نمشو نتمشو ؟
منار هزت براسها لا : خليني بروحي وماتحطش في بالك
محمد : اكيد ؟
منار هزت راسها باييه
وله محمد وهي كملت
معاد : شن قالت شن فيها ؟
محمد : صداع شوية وتبي ترقد
في هالحظة شرين موبايل
مودة : منار نست موبايلها غريبة
عهد في خاطرها : كل هالقهر وماتبيهاش تنساه : اني طلبته منها مديهولي وردت عهد عليه وقعدت تحكي مع المتصلة اللي هي امل
سراج قعد سرحان لاش ناضت معقولة اترت فيها شبحاته كان هكي هو وصل لي اللي يبيه يبي يقهرها ينرفزها ولو شوية
من حسن حظه شرين موبايله وكان صديقة من فرانسه استئذن منهم وناض يتكلم
كانت تمشي تمشي بلاا هدف وصلت لشجرة قعمزت تحتها وضمت رجليها لبطنها وحطت راسها وقعدت تبكي بالم وحرقه وقههههههههههر وتبككككي وتبببككككيي من كل شيء صاايرلها
كان يتكلم ويدور عليها بعيونه مالقالهاش اي اتر استغرب وين يمكن تكون وقعد يمشي ويتكلم وقلبه معاااها ولكن بدون فايدة
حست بحركة حاجة قريبة منها قامت راسها ومالقتش حد رجعت حست بالحركة تاني قامت راسها مالقتش حد تلفتت تكلمت : منيييي ؟
نفس الشيء ما سمعتش صوووت نزلت عيونها لوطة شافت اللي يقرب منها نخلعت وهي خايفه وخااايفه بتصيح لكن انتبهت انه بين رجليها يمشي اتدكرت انها ماتتحركش لان يحس بيها قعدت تبكي بصمتت وتتدعي ربي يفرجها وينقضها من هالثعبان
وفي لحظة شافت دم يطلع مننه
شبحت لي اللي قتله ونقدها وهي مصدوووومة ومن خوفها حضناااتته وقعدت تبكككي وتبكي من الخووف والقهر واحساسها في لحظة انها خلااص بتموووت
ماكانش يبي يبعدها ومسح على شعرها كان وشاحها على كتفها بحنية : منار حبيبتي مات خلاص صدقيني مات
منار : سرااااج اني نحبك ماتسيبنييييش ماتسيبنيييش حتى لو قلتلك
سراج كانت فرحته ماتوصفش : شن قلتتتتي عااودي ؟
اهني منار رفعت راسها واستوعبت انها حضناته اختلفت المشاعر وتناقضت في داخلها فرح خجل حزن وبكل احراج : مشكوووور واس حط يده على فمها وهو يغمض عيونه كان فرحااان طاااير : ماتتاسفيش وتفسدي فرحتي
انحرجت وجت بتمشي شدها من يدها وهو مزال مغمض عيونه : منار بجد الكلام اللي قلتيه ولا من الخوف ؟
منار نزلت راسها كان شاد بالقوة يدها فجأة قامت عيونها لقاته قدامها يشوفلها بحب وحنان يستنه في جوابها بفارغ الصبر نزلت راسها وتبي تنحي يدها لكن كان مافيش فايده شادها بالقوية
هكذا هي الحياة .....
لا البدايات التي نتوقعها...
ولا النهايات التي نريدها...
يتبع ~~