رواية #زمن_اعوج

الجزء الثالث والاربعين

الحلقة #44 من رواية #زمنٌ_أعوج
كل شيء الى فناء .. لهذا أدعو الله ان لا افقدك في الآخرة .. كما فقدتك في الدنيا !!!
سراج : منار عاودي الكلام اللي قلتيه وصدقيني لو كان من قلبك نبيع الدنياااا كلهااااا ونجييييك انتي صدقيني ونمشي توا ونقوللهم مانبيش نتزوج هاديكا هادي حبيبتي وغيرها مش حنتزوج بس عاوديها ولا قولي هادي من قلببي ونصدق
منار قامتله عيونها وبخوف : سراج لو تحبني بجد ما اديرهاش
سراج : لاش ؟
منار نزلت راسها وتنهدت : لان الكلام اللي قلته قبل شوية كان في لحظة خوف مش اكتر
سراج بخيبة امل ومش مصدق بدات لما شاف دمعتها تنزل مسحها بصبعه ومزال شاد يدها باش ماتمشيش : وهالدموع لاش ماتقوليش خوف لانك من الاول وانتي تبكي
منار رفعت راسها وباسسسى : ولا شيء هكي نبكي وحاولت تنحي يدها منه ومشت
لكن وقفتها كلماته كان يسمع شهقاتها من البكي في كل كلمة قالها : عليه اني يا منار اني فاهمك اكثر من نفسكك وعارف ان وراك سر وكبييير بس نبي نقولك حاجة واسمعيها كلمة نحبككك شويييةة يامنااار اللي في قلبي اكبرر وماظنش يجي يوووووم وننساه ولا حتى نتنسااااه لان اني مانبيش ننساااه لانك احلى حاجة صارت في حياتي واني لو بنتزوج بنتزوج على خاطر امي لا اقل ولا اكترر
لاد لقاها مقعمزة وهي تبكي : سراج لو سمحت ماتعدبنيش ماتعدبنييش
وقف فوقها : اني نعدب فيك ولا انتي اللي معدبتينا الاتنين ؟
منار : سرااااااج خلااص خليني برووووحي لاني باختصااار رفضتك لاني نكرهك نكررررههههههككك كانت تقول فيها وقلبها يتقطع
سراج تنهد حسها انها طعناته بكلمااتها اللي غصب عنها مشي وهو يقول : لو تقتليني حنقعد نحبببكك ومشي بعدين تدكر وولالها : ياريت تنوضي لا يجيك ثعبان تاني نخاف تصيرلك حاجة ومشي وسيبها
وهي زااددتت في البككي اكككترر واكتررر وفي خاطرها : حتى واني نقولك نكرهك خايف عليه حتى واني نقول نكرهك تقولي نحبك تقتل فيا انت قبل مامرضي يقتلني
**
البناااات كاانو يصيحووووو من الفرحه ربحوا الولااد طبعاا
سبأ : هيااااا فكرو شن انديرو فييييهم ؟
مهند ضحك : هياااا ورووونا شطارتكممم
سراج وهو يخش : على شنوووووووو ؟
محمد : لحق ربحووونا وين منااار خليها تخليك ترتب سيااارتهااا
سراج ابتسسم باسسسى
عهد وهي تنوض : استنوووو خلي انوض انادي منار باش تشوفهم واحني نحكمو عليهم ههههههههه
مشت وكل وحدة تفكر من تختار وشن تحكم
لقتها تغسل في وجهها اللي باين انها ميته من البككي
عهد بخووف : شن صااار شكلك شفتيه وكلمتيه ؟
منار وهي ادير في كحل هي مش من عوايدها بس على خاطر باش مايبانش انها كانت تبكي : خلاص نهيت كل شيء قتله نكرهك وتم الموضوع
عهد تنهدت : به تعالي راه ربحنا
منار ابتسمت : حلووووووو
مشت معااها باش يحكمو عالولاااد
حكمو نفس احكام امس مش يقولو الزمن دوااار ههههههههههه غير بس منار ما حكمتش على سراج لان سيارتها مرتبه ومش محتاجة ^_^
استإذنتهم ومشت رقدت قبلهم ..
**
قبل صلاة الفجر كان الكل راقد تقريباااً اللا هي كانت تتألم وتبي تصيح مش قادره تتحمل ألامها النفسية زادت عليها الجسديية تبي ادس عياطها مش قادره خلاص الالم فوق طاقتها تحاول ادس اهاتها بالمخده باش ماتنوضهمش ماقدرتش ،وصلت لموبايلها واتصلت بمحمد لكن ماردش تحس انها بتموت ماكانش عندها خيار اللا تنوض عهد
منار : عهد عهدد
عهد وهي تنقلب على جنبها : همممم
منار بتعب وصوتها ابدي يهرب : نوضي نحس في نفسي بنموت
عهد : مش وقتته
وسكتت وناضت بسرعه : شن فييك منار
منار ؟ : نوضي بسرعة شوفي محمد يرفعني للمستشفى نحس في نفسي بنموت
عهد ناضت بسرعه بس شدتها منار : محمد بس رد بالك تقولي لحد غيره
عهد وهي عينها تدمع : حرااام عليك انتي مريييضة انوض اي حد يرفعك
منار بترجي : بلله عليييك
عهد هزت راسها ومشت
لقت محمد راقد وماقدرتش تنوضه مع الولاد كلهم راقدين
نزلت لقت آمنة ام منار تصلي استنتها تكمل صلاة الفجر
عهد : ماما ماما
آمنة : نعم بنتي ان شاء الله خير ؟
عهد : منار مرضت تعبت وماقدرتش انوض محمد
آمنة بخوف : خودي مفتاح السيارة ونمشي اني وياك وهي لاقرب مستشفة
عهد : به ماشية نوتيها ونمشو
آمنة : ربي يفتحها في وجهك ماتحسسي حد بلله عليك يابنتي
عهد : حاضر ماما
مشت. عهد لبست عباية عالسريع وجت بتلبس منار استغربت ناضت وحدة تسعدهم عهد : مشكووووورة نسمة سمحينا نوضناك
نسمة : لالا عاادي سلامتك منار
وصلو للسيارة وصلتهم نسمة
منار : لو حد سأل علية قولي اي حاااجة بس ماتقولي لحد اني تعباانة للدرجة هادي
نسمه هزت راسها بباهي مع انها مش فاهمة حاجة
مشت السياارة بسرعه
ناضو الولاد مخلوعين في الفجر
معاد شاف من الراشن : هادي سيارت منار وين ماشية !!
محمد نخلع شاف المكالمات عرف انها مرضت اتصل بيها ماردتش
ناضوا الكل وخلاص السبت بيروحوو
الكل ضمو حجاتهم وروحوا
محمد مشي للمستشفة طول بعد ماقال لمعاد انت روح بابرار معاد ماتطمنش بس متطر يساير يبي يعرف شن اخرتها
محمد : طمنيني امي ؟
امه تنهدت : هاااددي بدااايااات من الالم
محمد تنهد : ربي يشفيها
عهد : لاازززم تتعالج وبسرعة
محمد : رفضتتت قبل عرس رهف قالتت مستحييييل
آمنة : ربي يهديها
محمد : خلاص مزال اسبوووعييين
عهد تنهدت وسكتت
**
مرت اياااااام وجي عرسسس سراج وسندس قبل عرس رهف بيوميين
منار عتذرت قبلها من وجووودهاا في عرس سندس لان عندها عرس رهف ومنها خلاص ماتبيش تشوفه وتعدب روحها مادام هي اتخدت القرار وهو مايقدر يدير شيء مع رضاء امه بوه حاول مع امه بس كل المحاولات فاشله بعد ما قتلت ولدها وجنت عليه يعيش مع انسانة مايحبهاش
سندس مشت مع عريسها فرحاانة باطير من الفرحه
سرااج ماباش يدخل مرته للصالة وقاعد ماشفهااش جت ساعة 11 يستنه فيها بيرفعها للدخول
جاه اتصال من امه : خش ياسراج باش تصور مع العروسة
سراج : يا امي مش لازم تو نصوروا في الدخول
امه : انت ناوي تهبلني تي ماتحشمنيش مع الناس خش صور
سراج : به
امه : ماتقعدش مكزم ابتسم في الصور
سراج : باااااااااهي
وسكر في وججهها
اما امه قاعدة في الصاالة داخل وتشوف في مرررت ولدها تهبببلل واختارت صح
نزل سراج وصور معاها وماقدرش يرفع عينه فيها يغمض في عيونه ويتخايل فيها منار وللحظة شدلها يدها وبعدين رجع لارض الواقع
وقعد عقله وقلبه يدو في داخله
قلبه : هادي مش منار ياسراج
عقله : خلاص ياسراج هادي البنت اللي قدامك شن دنبها دنبها انها وافقت عليك ذنبها ان تزوجااتك ؟
قلبه : بس اني نحب منار وهي قاعدة في فيا
عقله : خلاص فيق انساها منار قتلك نكرهك ومزال تفكر فيها انس
قلبه : اسسسسسسكتتتت حتى انت ماتقفش ضديييي
عقله : كلهم ضدك لان يفكرو في مصلحتكك
قلبه : مش حننساها ومش حنخيب ظن امي حنعامل البنت هادي كويس وحنعيشها زي مرتي وحندير كل وجيباتي ليها لكن منار حتقعد فيا
عقله : كلام سليم المهم ماتظلمهاش
قام راسه وشفلها عاود نزل راسه
ركبت معاه في السيارة وساد الصمتت
وصلها لصالة الدخول ونزلت ورحبو بيها العيلة وكل وحدة تشوفلها وتشوف لشكلها اللي كان آية من آلجمال لكن لو شافو منآر راهو قالو معقولة
جت ساعة 2 وخداها لحوشهم
وصلو سراج نزل
هي قعدت جي فتحلها الباب
سراج : تفضلي
هي : الله يزيد فضلك
خشوا للحوش
سراج : هادا حوشك وتصرفي فيه كيف ماتبي
هي : إن شاء الله
سرآج : نبي منك تحطي آمي وبوي في عيونك في مقام امك وبوك ونبيك تسمعي كلآمي مآاتعآندينيش مآ اديريش حآجة من غير شوري مآتكلمينيش لمآ نكون متعفلق
وآني حندير وجيبآاتي كأي زوج
هي : إن شآء آلله
سرآج بضحكة : بنسألك سؤآل ومآتتعفلقيش ؟
هي ارتاحت شوية كآنت خايفه منه : اسأل عآادي تفضل وابتسمت ^_^
سرآج : شن آسمك ?
هي نصدمت انه ما يعرفش اسمها وحست هداك الوقت انه متزوجها غصب عنه او حاجة زي هكي : اني مروة ^_^
سرآج : عاشت آلاسامي
- ايه مروة مروة صاحبتها مروة عشرت عشرة سنين مروة اللي خانت محمد مروة اللي ضربتها عهد كف وهي اليوم ضربت منار بصدمة عرفتوا لاش سميت الرواية زمنٌ أعوج ?
مروة : الله يسلمك
سراج : نتمنة نكون ليك زوج مثالي ومتفاهم ومانحرمك من شيء ..
مروة : إن شاء الله
سراج مد يده بمعنى خشي : تفضلي هادي دار النوم خشي برجلك اليمين
**
كانت بايته في حوش رهف ماعرفتش تفرح لصاحبتها ولا تبكي على روحها .. كانت كل ربع ساعة تخش للحمام ( حشاكم ) تبكي وتعاود تساوي مكياجها
كابوسها صار وتحقق ،حلمها تدمر ،حياتها شبه انتهت ،سراج وله قصة اسم يخليها تنزف بس ،سراج وله سراب حلم مستحيل
حبوا بعض بس ماكانوش من نصيب بعض
القدر وقف ضدهم فرقهم خلاهم يتعدبوا ايام ويبكو دم
في بال منار : تزوجها تو هو معاها في حوش واحد في دار وحدة لاش اني نبكي هكي ربي كاتبلي ولاهني تمت قصتي اني وياه
النهايات الحزينة هي التي تطبع بأرواحنا عميقاً، تترك وشماً لاينتسى،حتى أنه بإمكاننا تذكر أسماء الأطراف فيها لسنين، هي كالإشارات الحمراء للحب!
يتبع ~~